12 Henela, kupetela mundu jumo bhandu bhoa bhatendakubhelekwa na mabohu na kwa mabohu genago bhandu bhatendakujomokanga. Kujomoka kutekwaahikila bhandu bhoa, kwa kubhee bhoa bhatenditinge mabohu.

45 Kwa kubhee Majaandiko ga Annoongo galobhola, "Mundu jwaajemike nga Aadamu, jonojwe akapekewa umomi", nambo Aadamu jwa kupela nga Mboomo jwaapekeanga bhandu umomi. 46 Nambo ngabha gwagola gwa chimboomo gugulongolela, ila nga gwagola mmele gwa kubhelekwa nago, ngapena gwagola mmele gwa chimboomo. 47 Mundu jwaakajemeka kuhalakilwa kwa undopi nga Aadamu, na mundu jwa bhele akabhoka kunani kwa Annoongo. 48 Bhandu bhoa bhabhabhilinge bha pachilambo bhabhilinge handa mundu jonojwe jwaatekuhalakilwa kwa undopi, bhenibhala bhabhabhilinge bha kunani kwa Annoongo bhabhilinge handa jonijola jwaabhokite kunani kwa Annoongo. 49 Kwa muda gongoni tupekiwe mmele gwa jonijola jwatekuhalakilwa kwa undopi, hela hela lichobha limo tupakulandana na mmele gwa jonijola jwabhokite kunani kwa Annoongo.

22 Nkajiganwanga nnekange ganigela gabohu gantenditinge lolo handa mundu chibhuahula ngobho, hikubho yela hiitendita kuhabiliwa na kulokolila kwa unami. 23 Mitima na malango ginunji gagalambuke kubhee gayono. 24 Bahi mmangange na umomi guyono, handa henela Annoonga chibhammombitinge nnandane nabho, mmi bhammbone muno nnoongi jabhe na kutama chiipalikwa.

15 Akagabhoa genigala Malagilo ga Amusa pamo na genigala goha gabhagakalagia ili abhatendange Bhayahudi na bhandu bhanga Bhayahudi bhabhee chilebhe chimo mu kulondekana na Akilisito, na kwa kutenda henela akatuletela kuhengwa.

11 Panakibha mwaana chilemba nakalongela handa mwaana, nakaganikia handa mwaana. Nambo nangocheni nenga nga ngolite na hikubho ya chigwaana nekite.