31 ሂስቲን ሄሳ ኑ ኣይ ጊኖ? ጾሲ ኑናራ ጊዲኮ ኑናራ ኤቄታናስ ዳንዳይዛይ ኦኔ?

10 ታኒ ኔናራ ዲዛ ጊሻስ ያዮፋ፤

ታኒ ኔ ጾሳ ጊዲዳ ጊሻስ

ዳጋሞፋ።

ታኒ ኔና

ሚንናኔ ማዳና።

ታ ጺሎቴ ኡሻቻ ኩሼን

ዜምፒሳ ኦይካና።

31 ጊዶ ኣቲን ጎዳ

ሂዶታ ኦዛይቲ

ባንታ ዎልቃ ኦራጺሴቴስ፤

ኢስቲ ጎሌ ማላ ፒራና፤

ኢስቲ ዳቡሮንታ ዎጻና፤

ኢስቲ ባና፤ ኣርጋጬቴና።

13 ታስ ዎልቃ ኢሚዛ ኪርስቶሳን ታኒ ኡባ ሚሽ ኦናስ ዳንዳያይስ።

6 ኢንቴስ ሙርታቴኔ ጻላቴ ዴኦ፤ ኢስታስ ሙሌካ ባቦፍቴኔ ዳጋሞፍቴ፤ ጎዳ ኢንቴ ጾሳይ ኢንቴናራ ዴስ፤ ኢዚ ኢንቴና ዬጊ ኣጌና» ጊዴስ።

7 ጾሲ ኑስ ኑኒ ኑ ሁኤ ሃራናስ ጾሳ ዎልቃ ኤራናሲኔ ሲቄታና ኣያና ኢሚዴስ ኣቲን ባቦ ኣያና ኢሚቤና።

3 ሃይሳን ጻላላ ጊዶንታ ኑና ጋኪዛ ዋዬንካ ኡፋዬቶስ። ጋሶይካ ዋዬይ ዳንዳያን ጋዛይሳ ኑ ኤሮስ። 4 ዳንዳያይ ፓጬን ሚኖቴ ኢሜስ፤ ፓጬን ሚኖቴ ሂዶታ ኢሜስ። 5 ሄ ሂዶታይ ቃሴ ኑና ዬላቼና። ጾሲ ኑስ ኢሚዳ ጺሎ ኣያናን ባ ሲቆ ኑ ዎዚናን ጉሲዳ ጊሻስ ሄ ሂዶታይ ኑና ዬላን ጋና።

35 ሄሳ ጊሻስ ጊታ ዋጋይ ዲዛ ካሴ ኢንቴ ኣማኔቴ ኣጎፍቴ።

10 ቡሮ ሲንፌ ኔ ቦላ ጋካና ሜቶስ ባቦፋ፤ ኢንቴ ፓጬታና ማላ ኢንቴፌ ኢሲ ኢሲ ኣሳታ ዳቡሎሲ ቃሾ ኬ ጌልና። ታሙ ጋላስ ጋካናስ ኢንቴ ዋዬ ቤያናሺን ኔ ሃይቃና ጋካናስ ኣማኔቲዳዴ ጊዳ፤ ታኒ ኔስ ሜርና ዴኦ ኣኪሊሌ ሂስታ ኢማና።

33 ታ ሃይሳ ኢንቴስ ዮቲዛይ ኢንቴ ታናን ዴኢን ኢንቴስ ሳሮቴ ዳና ማላ ጋዳ ዮታይስ። ኢንቴ ሃ ኣላሜን ዲሺን ኢንቴስ ዋዬይ ዴስ፤ ጊዶ ኣቲን ኣይኮይ ባ፤ ታ ኣላሜ ጾናዲስ» ጊዴስ።

16 ሄሳ ጊሻስ ኑ ሂዶታ ቃንጾኮ፤ ኑስ ካሬ ባጋ ኣሳቴይ ዪ ዪ ቢኮካ ኑስ ጋ ባጋ ኣሳቴይ ጋላስ ጋላስ ኦራጺ ኦራጺ ቤስ። 17 ሄሳስ ሃኢ ጉ ዎዴስ ኑና ጋኪዛ ዋዬይ ኢዛራ ጊጋናስ ዳንዳዮንታ ሜርናስ ጊዲዛ ቦንቾን ኑና ጋና። 18 ሄሳ ጊሻስ ኑ ቲሺ ሂስቲ ጼሊዛይ ሃኢ ኣይፌን ቤቲዛ ሚሻ ቦላ ጊዶንታ ሃኢ ኣይፌን ቤቶንታ ሚሻ ቦላ ዴስ፤ ሃኢ ቤቲዛይሲ ኢዚ ሃኢስ ጻላ፤ ሃኢ ኣይፌን ቤቶንታይሲ ጊዲኮ ኢዚ ሜርናሳ።

23 ዬሱሲ ቃሴ፥ « ‹ኔስ ዳንዳዬቲኮ› ጋይ? ኣማኒዛዴስ ዉሪካ ዳንዳዬቴስ» ጊዴስ።

5 ኔ ኦጌ ጎዳስ ሃዳራ ኢማ፤

ኢዛን ኣማኔታ፤

ኢዚካ ኔስ ኦና።

23 ኣሳ ኦጌይ ጎዳ ኡፋይሲኮ

ጎዳይ ኢዛዴ

ታንጎ ካሌሲኔ ሚንስ።

24 ኢዚ ጴቲኮካ ኩንዶንታ ማላ

ጎዳይ ባ ኩሼን

ኦይኪ ኣሼስ።

22 ኔ ሜቶ ጎዳ ቦላ ዎ፤

ኢዚ ኔና ሚን ናጋና፤

ኢዚ ጺሎቲ

ኩንዳና ማላ ኦና።

1 ታኒ ሜቶቲዳ ዎዴ

ጎዳ ጼይጋዲስ፤

ኢዚካ ታስ ኮዪዴስ።*

6 ታኒ ታና ጊዶ ኡቲዳ

ጮራ ሞርኬታስካ ባቢኬ።

11 ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና።

17 ጎዳ ኔ ጾሳይ ኔናራ ዴስ፤

ኢዚ ኣሺዛ ሚኖ ኦላንቻ።

ኢዚ ኔናን ዳሮ ኡፋዬቴስ፤

ኢዚ ባ ሲቆን ኔና ዎፒሳና፤

ኔ ዬን ኢዚ ቦንቼቲዲ

ኡፋዬታና› ጋና።

26 ዬሱሲካ ኢስታ ጼሊዲ፥ «ሃይሲ ኣሳ ኣቻን ዳንዳዬቴና፤ ጾሳ ኣቻን ጊዲኮ ዉሪካ ዳንዳዬቴስ» ጊዴስ።

9 ጊዶ ኣቲን ጌሻ ማጻፋን፥

«ኣሳ ኣይፌይ ቤኦንታዝ፥

ኣሳ ሃይ ሲዮንታዝ፥

ኣሳ ዎዚናይካ ቆፖንታዝ

ጾሲ ባ ዶሲዛይታስ

ጊግሲዴስ» ጌስ።✝

12 ሻማይ ጊዲኮ ባ ኤቂዳሶ ዬዲቤና፤ ሄ ኦላ ኤቄቲዲ ፊሊስጼሜታ ዎዴስ፤ ሄ ጋላስ ጎዳይ ጊታ ጾኖ ኢሚዴስ።