Intimidade com Deus

8 ጾሳኮ ሺቅተ፤ እካ ህንተኮ ሺቃና። ህንተኖ ናጋራንቻቶ፥ ህንተ ኩሽያ ሜጨትተ። ላኡ ቆፋይ ደእያዋንቶ፥ ህንተ ዎዛና ጌሽተ።

ጾሳፐ ቤትያ ማሮታ

1 ጾሳይ ሀዋዳን ያጌ፤✝ "ህንተኖ ሳመቴዳዋንቶ፥ ኡባይካ ሃኮ ሃ ዪተ፤ ሻሉ ባይናዋንቶ፥ ሃይተ። ሻምተ፤ ሚተ። ሃ ዪደ፥ ሚሻ ጭገናን ጮ ዎይንያ ኤሳካ ማካ ሻምተ። 2 ህንተ ሚሻ ቁማ ግደናባዉ አያዉ ከሲቴ? ካልሰናዋን ህንተ ዎልቃ አያዉ ዉርሲቴ? አነ ሎይደ፥ ታን ኦድያዋ ስስተ፤ ሎኦባ ሚተ፤ ቃይ ሞዋን ህንተ አሳተ ናሸችተ።

3 "ታ አሳዉ፥ ስስተ፤ ታኮ ሃ ዪተ።✝ ሸምፑዋና ፓጻ ደአና ጎፐ፥ ታን ኦድያዋ ስስተ። ታን ህንተናና መና ጫቁዋ ጫቀታና። ታን አንጃና ጋደ ዳዊታ አንጄዳዋዳን፥ ህንተናካ አንጃና። 4 በእተ፥ ታን አ አሳዉ ማርካ፥ ካለያዋነ ካፑዋ ኡዳድ። 5 በአ፥ ኔን ኤረና ካዉተቱዋ ጼሳና፤ ቃይ መና ጎዳ ነ ጾሳ እስራኤልያ ጌሻ ጋሱዋን፥ ኔና ኤረና ካዉተቱ ኔኮ ኤሌሊደ ያና። አያዉ ጎፐ፥ ጾሳይ ኔና ቦንቼዳ" ያጌ።

6 መና ጎዳይ ቤትያ ዎደ አ ኮይተ፤ ማታን ደእያ ዎደ አ ጼስተ።

24 ኡንቱንቱ ታና ጼሳናፐ ካሰታደ ታን ኡንቱንቶ ኮያና፤ ቃይ ኡንቱንቱ ብሮ ሃሳይሽን፥ ታን ኡንቱንታ ስሳና።

3 "ኔን ታና ጼሳ፤ ታን ነዉ ኮያና፤ ኔን ኤረና ዎጋባነ ዎልቃማባ ታን ነዉ ኦዳና።

11 አያዉ ጎፐ፥ ታን ህንተዉ ሀልችያ ሀልቹዋ ታን መና ጎዳይ ኤራይ፤ ሄዌካ፥ ህንተዉ ስን ህዶታነ ናሸቻ እማና ማላ፥ ሳሮ ሀልቹዋፐ አትና፥ ኢታ ሀልቹዋ ግደና።

የደሳ ዎደ ዎሳ

1 ጋራይ ጎግያ ሃ ላሞትያዋዳን፥

አቤት ጾሳዉ፥ ሄዋዳን ታንካ ኔና ላሞታይ።

2 "ታን ባደ፥ ጾሳ ስን

በአናዌ አዉዴሻ?" ጋደ፥

ጾሳ፥ ደኡዋ ጾሳ በአናዉ ሳመታይ።

ጾሳ ኮዩሳ

1 አቤት ጾሳዉ፥ ኔን ታ ጾሳ፤

ታ ዎዛናይ ኔና ላሞቴ፤

ታ አሹካ ኔና አሞቴ።

መል ዛኤዳ፥ ሃ ባይና ቢታዳን

ታ ኩመን አሳተይ ኔና ሳመቴ።

2 ታን ኔና ጌሻ ሳኣን በኣድ፤

ነ ዎልቃካ ነ ቦንቹዋካ ታን በኣድ።

3 አገና ነ ሲቁ ደኡዋፐ ሎእያ ድራዉ፥

ታ እንጻርሳይ ኔና ቦንቻና።

4 ታ ደኡዋ ላይን ታን ኔና ጋላታና፤

ነ ሱንን ታ ኩሽያ ፑደ ምጫና።

5 አሳይ ሎኦ ቁማ ካልያዋዳን፥

ታ ሸምፓታ ኔናን ካላና።

ታን ታ እንጻርሳን ናሸቻ የን ኔና ጋላታና።

6 ታን ታ ግሱዋን ኔና ሀሳያይ፤

ቃማ ኡባን ነባ ቆፓይ፤

7 አያዉ ጎፐ፥ ኔን ታና ማዴዳዋ።

ታን ነ ቀፍያ ኩዋን ኡታደ፥ ናሸቻዉ የጻይ።

8 ታን ነ ማታ ሺቃ ኡታይ፤

ነ ኡሸቻ ኩሺ ታና ኦይቂደ ናጌ።

9 ሽን ታና ዎና ኮይያዋንቱ፥

ቢታ ጋርሳ ጪሞ ሳኣን ሞገታና።

10 ኡንቱንቱ ማሻዉ አደ እመታና፤

ኡንቱንቱ ባባርቂያ ካተ ግዳና።

11 ሽን ካቲ ጾሳን ናሸታና።

ጾሳ ሱንን ጫቂያ ኡባይ አ ጋላታና፤

ሽን ዎርዱዋ ሃሳይያዋንቱ ዶናይ ጎርደታና።

22 ኔንነ ታን እቱዋ ግድያዋዳን፥ ኡንቱንቱ እቱዋ ግዳና ማላ፥ ኔን ታና ቦንቼዳዋዳን፥ ታንካ ኡንቱንታ ቦንቻድ። 23 ታን ኡንቱንቱ ግዶን ደእና፥ ኔን ታ ግዶን ደእና፥ ቃይ ኔን ታና ሲስያዋዳን፥ ኡንቱንታካ ሲቆዋነ ኔን ታና ሀ አላምያ ኪቴዳዋ አላሚ ኤራናዳን፥ ኡንቱንቱ ኡባ እቱዋ ግድኖ።

17 መና ጎዳይ ነ ጾሳይ ነ ግዶን ደኤ፤ እ ነዉ ጾኑዋ እምያ ኦላንቻ። እ ኔናን ናሸታና፤ እ ባረ ሲቁዋን ኔና ኦራጽሳና፤ አሳይ ባላ ጋላስ የጽያዋዳን፥ እ ኔናን ናሸቴዳዋ ማዛሙርያ የጺደ በሳና" ያጋና።

9 ሽን ኑን ጾሳዉ ኑ ናጋራ ፓጾፐ፥ እ ኑ ናጋራ አቶ ጋናዉነ ኑ ባይዞ ኦሱዋ ኡባፐ ኑና ጌሻናዉ፥ አማነትያዋነ ቱሙዋ ኦያዋ።