Irmãos
A comunhão entre irmãos é marca da igreja verdadeira. A Bíblia nos chama a amar uns aos outros como Cristo nos amou — com perdão, encorajamento e cuidado mútuo.
Amor fraternal
Um novo mandamento vos dou: que vos ameis uns aos outros. Nisto conhecerão que sois meus discípulos — pelo amor entre vós.
Yɛ ɛ́ mɛ di edjɛ bin ɛtiŋ ɛ na bes náá: Kwyɛlaka pak’en. Ye goka bi kwyɛlel pak’en dáa mɛ nakwyɛl bin ɛ. Bi ɛ kwyɛlel pak’en ɔɔ, yɛ ɛ́ deenek ɛ́ bot aagu náá, bi ɛ́ bɛdjekel bam.»
Zɛɛb ɛ́ kwyɛl
Bɛwɛn bam mɛ di ekwyɛl ɔ, djhookwyɛlaka pak’enaka, etɛɛ náá, kwyɛl dus ɛ́ pɛ daa Zɛɛb. Deenek, mot di ekwyɛl bot djas ɔ, nyɛ ɛ́ mɔn ɛ Zɛɛb, nyɛ nɛ gu Zɛɛb.
Deenek, mot ɛ di eke náá: «Mɛ nɛ kwyɛl Zɛɛb» da nyɛ ɛ́ bhina mɔn-nyɛɛg ɔɔ, nyɛ ɛ́ mot etsal. Tin, mot ɛ di ààkwyɛl sɔ mot nyɛ di ebee ɔɔ, nyɛ tok nɛ ghwyil ɛkwyɛl Zɛɛb, mot nyɛ di ààbee ɔ.
Mot ɛ di ekwyɛl mɔn-nyɛɛg ɔɔ, nyɛ ɛ́ tɔ gwyɛ ngel, ye tok nɛ dhiiti sonok aadul nyɛ tɔ esyem.
Mena eezekwakeka kɔ ɛko ɛ bɔs
Mot di emyaal náá, Yezu ɛ́ Klisto ɔ, mot tak ɛ́ mɔn ɛ Zɛɛb. Tin, mot ɛ di ekwyɛl Zɛɛb Sɛɛg ɔɔ, nyɛ baakwyɛl ɛ dɔɔ nɛ Mɔn’ɛ.
Kwyɛl pak’en
Tin, bi moo ɛ́ dɛɛ, etɛɛ náá, bi namyaal etsɛɛtsɛ. Kɔ ɛsu ɛ tak ɛ, bi di ekwyɛl bɔn-nyɛɛg, bot ɛ di edum koŋ nɛ Zɛɛb ɔ. Kwyɛlelka pak’en nɛ lyem wat.
Comunhão e edificação
Não abandoneis a congregação. Encorajem-se mutuamente, cantem juntos e instruam-se na Palavra de Cristo.
Sa mena ààkatka ɛtɔ́ pɛ ndjaa mendjaala, dáa bɛdhiiti bot moo nɛ mɛfulu mɛ ɛsa yɛ mos ɛ. Tin, mena goka ɛ́ nɛ ɛdjɛel mɛghaaz pak’enaka, etɛɛ náá, bi ɛpebee biyɔ bɛmet náá, ɛlu ɛ Ghɛŋ eezekunaa.
Beta náá, mɛkpa ɛ Klisto nɛ mɛvu mɛ tak djas di tɔ len. Lyoelka pak’en, dulelka mɛlɔ pak’en nɛ etsoŋ djas. Tiika membi mɛ mɛdjeeb mɛ Zɛɛb djas nɛ lyem wat, nɛ ɛbulal ɛ bhɔɔ tɔ mɛdjeeb djas: mɛdjeeb mɛ di edjɛ ɛbwaalel, mɛdjeeb mɛ di edjɛ duu nɛ Zɛɛb ɛ, zɛnɔɔ mɛdjeeb mɛ Sisim na Dɛɛ di etel bin ɛ.
Djɛelka mɛghaaz pak’en tɔ mɛdjeeb mɛ di edjɛ ɛbwaalel, nɛ mɛdjeeb mɛ di edjɛ duu nɛ Zɛɛb, nɛ mɛdjeeb mɛ Sisim na Dɛɛ di etel ɛ. Tiika, myaalaka nɛ Ghɛŋ’en nɛ lyem wat.
Perdão e reconciliação
Se o teu irmão pecar contra ti, vai e repreende-o a sós. O perdão e a reconciliação preservam a unidade do corpo de Cristo.
É sok mɔn-nyoog di ekwyɛ ndjɛ sɔs ɛ
«Yɛ bɛ náá, mɔn-nyoog eesa wɔ ɛbiyo ɔɔ, tɔ́ kɛbee nyɛ wɔy wɔ ɛmet. Da wɔ ɛ́ kɛlyaal nyɛ ɛbiyo ɛ lɛ. Nyɛ gwak wɔ ɔɔ, tin, wɔ eekwak ɛbulal ɛ nyɛ é ze. Yɛ kabɛ náá, nyɛ ààpagwak wɔ ɔɔ, djóoa dhiiti mot ngɔt nɛghu bot ɛbá. Dáa Ekwyala di elyaal náá: "Etɛp djas koobelaa ɛ́ é mis mɛ bɛtetɛp ɛbá nɛghu bɛlɛl."
É sok mɔn-nyoog di ekwyɛ ndjɛ sɔs ɛ
«Yɛ bɛ náá, mɔn-nyoog eesa wɔ ɛbiyo ɔɔ, tɔ́ kɛbee nyɛ wɔy wɔ ɛmet. Da wɔ ɛ́ kɛlyaal nyɛ ɛbiyo ɛ lɛ. Nyɛ gwak wɔ ɔɔ, tin, wɔ eekwak ɛbulal ɛ nyɛ é ze. Yɛ kabɛ náá, nyɛ ààpagwak wɔ ɔɔ, djóoa dhiiti mot ngɔt nɛghu bot ɛbá. Dáa Ekwyala di elyaal náá: "Etɛp djas koobelaa ɛ́ é mis mɛ bɛtetɛp ɛbá nɛghu bɛlɛl." Tin, nyɛ byen ɛgwak bɛ ɔɔ, tɔ́ nɛ nɛ sok bhwoob bot ɛ zɛɛga mendjaala. Nyɛ byen ɛgwak bot ɛ zɛɛga mendjaala ɔɔ, tin, bi kabee nyɛ ɛ́ dáa mot di ààdum koŋ nɛ Zɛɛb ɔ, dáa nɔŋel epata e lapo.
Mɛ ɛpelɛɛ bin, yɛ ɛ́ tsɛɛtsɛ náá, etɛp djas bi aabyen wak kɔ bɔs ɛ, Zɛɛb ɛ́ waabyen yɛ tɔ gwoo. Etɛp djas bi aamyaal wak kɔ bɔs ɛ, Zɛɛb ɛ́ waamyaal yɛ tɔ gwoo.
Mɛ kabaalɛɛ bin ɛ́ náá, wak kɔ ɛko ɛ bɔs, bot ɛbá ɛ gwakel, da bɛ ɛ́ waab sa bɛ aakwyɛl ɛwaab tɔ mendjaala mɔɔ ɛ, Saagam di pɛ tɔ gwoo ɔ, nyɛ waadjɛ bɛ sa bɛ waab ɛ. Etɛɛ náá, bot ɛbá nɛghu bot ɛlɛl ɛ sɛɛga kɔ ɛsu ɛ din ɛ lam ɔɔ, mɛ aadi ɛ́ tin pak’ɔɔ.»
Yezu eebaazɛke náá: «Yɛ ɛ́ deenek ɛ́ Saagam di tɔ gwoo ɔ aasa nɛ nen, yɛ bɛ náá, mot nɛ mot ààpapel mɔn-nyɛɛg nɛ lyem wat ɔɔ.»
Mɛkoozi kabɔɔza ɛ́ náá: "Mɛ lɛɛ bin ɛ́ etɛp e tsɛɛtsɛ náá, esonok djas bi di esa nɛ mot mɛsik tɔ bɔn-nyaagam ɛ, bi sa embɛɛ esa binek ɛ́ nɛ nam."
Etɛɛ náá, mot di esa ɛkwosak ɛ Zɛɛb ɔ, nyɛ ɛ́ di mɔn-nyaagam, kɛl’am nɛ nyaagam.»
Mɛlyo dum nɛ bot ɛ zɛɛga mendjaala
Wɔ di edul tɔa-mot mɛlɔ ɔɔ, sa wɔ ààkabiyo-biyoak, wɔ goka ɛ́ nɛ ɛlii nɛ nɛ, ɛkɛɛ wɔ lii ɛ nɛ soog. Yɛ kabɛ mengbaaz ɔɔ, nɔŋa bɛ dáa bɔn-nyoog. Deenek, da wɔ ɛ́ nɔɔ bɛtɔa-boa dáa bɛnyoog, mɛsyes dáa bɛkɛl bɔ, sa wɔ ààdi nɛ egeka ɛsyem nɛ nɔɔ.
Yɛ bɛ náá, mot ààsa enɛm esa nɛ bot ɛ mɛbyel mɛ met ɔɔ, nɛghu bot ɛ́ bɛ nɛ bɛnɔɔ di tɔ ndjaa wat ɔɔ, nyɛ swonal ɛ́ ɛdum ɛ koŋ ɛ lɛ nɛ Zɛɛb. É di’enek, nyɛ ɛpesa ɛbiyo dhaa-dhaŋak bot ɛ di ààdum koŋ nɛ Zɛɛb ɔ.