Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Menabɛlka djas nɛ bu ɛdjak. Tin, mot ɛ di ààbɛ nɛ ɛdjak tɔ lii yɛ ɔɔ, nyɛ ɛ́ piki mot, nyɛ ɛ́ nɛ ghwyil ɛgu ɛdil ɛ nyel’ɛ.
Beeka tɛtɛ mbi mendjaala Zɛɛb Sɛɛg’ena di emyaala nɛ yɛ ɛ: Ɛkwyee bɔn nyel nɛ bɛkus ɛ boa tɔ mezuk mɔɔ, nɛ ɛbaabaal nyel tɔ embee esonok djas di kɔ ɛko ɛ bɔs ɛ.
Embɛɛ esonok djas bot di bela ɛ, nɛ mbɛɛ mɛkɛɛ djas bot di ebela ɛ dus ɛ́ tɔ gwoo, ye dus ɛ́ pɛ daa Zɛɛb, kusel esa e mɛkas djas di tɔ gwoo ɛ. Pɛ tɔ lɛ, ye tok nɛ zwoola, ààbɛ-bɛak nɛ kyee wat di nɛ ghwyil ɛdjɛ mɛghomela.
Zɛɛb naasa náá, nyɛ di mot zedjala ɔ. Tin, bot djas di elooba nɛ Klisto ɔ, bɛ waabela tsik na kɔm-kɔm kɔ ɛsu ɛ lɛ.
É di’enek, Yezu eezɛbɔɔza nɛ nɛ náá: «Wɔ kwyɛl ɛdi tɔ epiki ɔɔ, tɔ́a kɛbɔmsa esa bɔ djas, da wɔ ɛ́ nɔɔ epata tak, djɛ bɛdjel ɛ bot. Tin, wɔ waabela mɛvu tɔ gwoo. Bhii tak, da wɔ ɛ́ zyɛ, zɛdu mɛ.»
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Mɛ lɛɛ bin etɛp binek ɛ́, etɛɛ náá, mɛmyaala mam needi mɛmyaala men, da mɛmyaala men ɛ́ di yii tsɛɛtsɛ nɛ lyem wat.
Kɛyaka nɛ dwoo pan mos’ak, bi dinaa ààpawaab sonok nɛ din ɛ lam. Tin, waabka, bi ɛ́ waadjɛaa. Deenek mɛmyaala men ɛ́ waadi tɛtɛ mɛmyaala nɛ lyem wat.»
Sa bi ààbaŋa mɛfulu mɛ bot ɛ bɔs’ak. Tin, betka náá, Zɛɛb nyɛ ɛmet swoola esiiza bin, etɛɛ náá, bi needi bot ɛ na bes. É di’enek ɛ, bi aagu ɛkwosak ɛ Zɛɛb: yɛ ɛ́ sa di enyɔ ɛ, sa nyɛ di emyaala nɛ yɛ ɛ, sa di ààbɛ nɛ ɛtɔn ɛ.
Bɔn-nyɛɛg bam, mɛ ɛpedjaala nɛ nen nɛ din ɛ Ghɛŋ’enaka Yezu Klisto náá: Gwakelka, sa bi ààdi nɛ zyaala pak’en, dika tɔ ɛgwakel nɛ lyem wat, da bi ɛ́ di nɛ esiiza wat, zɛnɔɔ egeka wat.
Daŋ-daŋ ɛ́ náá, kwyɛlelka pak’en, etɛɛ náá, kwyɛl ɛ di esa náá, bi di tɔ ɛgwakel ɛnyɔɛpe.
Ɛgwakel ɛ len nɛ Klisto nɛ djɛ bin mɛghaaz é? Bi ààbela mɛghaaz tɔ kwyɛl ɛ Klisto? Bi ɛ́ tɔ ɛgwakel nɛ Sisim na Dɛɛ? Bi ɛ́ nɛ kwyɛl nɛ lyem ghoŋ nɛ bɔn bɛsɔ bin é? Yɛ bɛ deenek ɔɔ, saka náá, mɛ di tɔ mɛmyaala é mɛwala djas. Dika tɔ ɛgwakel pak’en. Betka náá, elyem bin di nɛ esiiza wat, dika nɛ lyem wat tɔ esa djas bi di ekwyɛl ɛsa ɛ. Sa bi ààsa dhiiti sonok nɛ lyem zok, sa bi ààsaa náá, bot duwal min men. Tin, bi goka ɛ́ nɛ ɛdi tɔ mɛsila, beeka náá, bɔɔ bɛsɔ bin eedhaa bin. Deenek, sa mot ààzokwyɛɛg nyel’ɛ nɛ nyel’ɛ met, ye nyɔ ɛ́ náá, nyɛ kwyɛɛg bɛsɔ bot. Dika nɛ embɛɛ mɛfulu dáa Yezu Klisto nadi nɛ yɛ ɛ.
Yezu mot di tyee wat nɛ Zɛɛb ɔ,
nyɛ nabɛ ɛ́ ààkwyɛl ɛben ɛ nyel kɔ ɛsu ɛ tak.
Ààbɛ, nyɛy ɛmet naabyen esa djas nyɛ nadi nɛ yɛ ɛ,
étɛp ɛdi mot-mɛsa.
Nyɛ nakadi ɛ́ mot pak bot.
Nyɛ nabyel ɛ́ mot nɛ nyel epuud dáa bot djas.
Nyɛ naamyaal ɛdi tɔ mɛsila.
Nyɛ naalyaal ɛlooba ɛ lɛ kɛkum dwoo ɛsyee,
ɛsyee ɛ nyɛ nagwyɛ mbema kɔ mɛlaaba ɛ.
Dum nɛ tɛp tak ɛ Zɛɛb naben nyɛ.
Nyɛ naadjɛ nyɛ di di edhaa edi djas ɛ,
nyɛ naadjɛ nyɛ din,
yɛ ɛ́ din ɛ di kɔ min djas ɛ.
Nyɛ eesa náá,
bot djas tɔ gwoo,
kɔ bɔs zɛnɔɔ si bɔs,
pyak mɛboŋ mɔɔ si,
étɛp ɛduwal din ɛ Yezu.
Nyɛ eesa náá, membyak djas djɛ duma nɛ Zɛɛb Sɛɛg é ɛke náá,
«Yɛ ɛ́ Yezu Klisto ɛ di Ghɛŋ!»
Bɔn-nyɛɛg bam mɛ di ekwyɛl ɔ, bi nadi elooba nɛ nam é sok mɛ nadi pak’en ɛ. Deenek, dáa mɛ kadi mos ààbɛ pak’en ɛ, gheeleloobaka nɛ nam dhaa dáa bi di boozezyɛ nɛ ɛsa, mam pak’en ɛ. Deenek, waka zii tɔ mɛsa, étɛp ɛlyaal náá, bi ɛ́ nɛ tsik, da bi ɛ́ lyaal náá, bi nɛ kaab Zɛɛb ɛbuɛpe. Etɛɛ náá, Zɛɛb nyɛy ɛmet ɛ di edjɛ bin ghwyil, étɛp bi neekwyɛl ɛkwosak ɛ lɛ nɛ ɛsa yɛ dáa nyɛ ɛmet di ekwyɛl ɛ.
Saka mɛsa djas, ààlɛka, ààwaya, étɛp bi needi ààliiaa nɛ yɛ ɛbiyoɛpe, bi needi bot ɛ epiki. Bi needi bɔn ɛ Zɛɛb, ààbɛ nɛ ndjɛ tɔ sama bɛmbee ɛ bot, bot ɛ ɛbiyo kɔ ɛko ɛ bɔs’ak. Deenek, bi goka ɛ́ nɛ ɛkas tɔ lɔɔ ɛ́, dáa ekwyikwyen tɔ gwoo, bi goka ɛ́ nɛ ɛgoola bɛ mɛkpa mɛ tsik. É di’enek, mɛ ɛ́ nɛ ghwyil ɛmyaala nɛ nen dwoo Klisto aabula ɛ, etɛɛ náá, mɛsa mam nɛ mezuk mam nabɛ ɛ́ ààbɛ yii toto. Yɛ kobɛ náá, ghiya yam eesee étɛp ɛkala kɔ buwa bi di edjɛ nɛ Zɛɛb, tɔ mɛsa mɛ ɛdum ɛ koŋ ɛ len ɔɔ, yɛ sael deenek ɔɔ, mɛ aadi ɛ́ nɛ mɛmyaala, mɛ waasa náá, menabɛlka djas di tɔ mɛmyaala. Yɛ ɛ́ tyee wat nɛ biyɔ, bi goka ɛ́ nɛ ɛdi tɔ mɛmyaala, da bi ɛ́ wa mɛ tɔ mɛmyaala men.
Nɛ ɛbwaalel ɛ mɛ di nɛ yɛ nɛ Ghɛŋ Yezu ɛ, mɛ bee ɛ́ ɛkɛɛ náá, mɛ moo aadhis Timote pɛ daa lin. Etɛɛ náá, é sok nyɛ aadjɛ mɛ menduk men ɛ, mɛ aabela mɛghaaz. Yɛ ɛ́ nyɛy ɛ zodi ekɛm mɛ tɔ etɛp bam. Nyɛy ɛ di etaala bin nɛ tsɛɛtsɛ tyee wat nɛ nam. Tin, bɛdhiiti bot dyeebaawa lyem ɛ́ é etɛp bɔɔ met, bɛ ààwa lyem é etɛp ɛ Yezu Klisto. Biyɔ bɛmet nɛ gu dáa Timote nalyaal esosoob bɛ, dáa mɔn di egoka ɛsa nɛ sɛɛg ɛ. Nyɛ naazɛkwyee mɛ tɔ mɛsa mɛ ɛgoola Mbɛɛ Bhaadal. Mɛ ɛ́ nɛ ɛbwaalel náá, mɛ waadhis bin nwyak, é sok mɛ aabee náá, etɛp bam moo ɛ́ ɛnyɔɛpe ɛ. Kɔ ɛsu ɛ Ghɛŋ, mɛ ɛ́ nɛ ɛbwaalel náá, mɛ moo aazyɛ zɛbee bin.
É di’enek, mɛ bee ɛ́ náá, yɛ ɛ́ ɛnyɔɛpe náá, mɛ bulal bin mɔn-nyɛɛg’ena Epafolodhit. Nyɛ ɛ́ mot di egyee bis nɛ nɛ tɔ mɛsa mɛ Klisto ɔ, mot bis nɛ nɛ di eduu tɔ mɛsa mɛ ɛgoola Mbɛɛ Bhaadal ɔ, mot bi nadhis mɛ nwyak étɛp nyɛ neezɛkwyee mɛ tɔ mɛsa mɛ mɛ nadi esa ɛ. Nyɛ nadi ɛ́ nɛ gwyes ɛbaabee biyɔ djas. Deenek, nyɛ naadyeebatuŋ, é sok nyɛ nagu náá, bi naagwak náá, nyɛ nadi ebɛ́ ɛ. Nyɛ naadyeebabɛ́, kunaa-kunaak nɛ ɛsyee. Tin, Zɛɛb naagek nyɛ ghoŋ, ààkoobɛ nɛ nyɛy nyɛ ɛmet, yɛ ɛ́ dɔɔ nɛ mam, étɛp mɛ needi ààbaadi nɛ boo ghoŋ tɔ lyem. Dum nɛ tɛp tak ɛ mɛ di edhis bin nwyak ghaal-ghaal, étɛp bi neemyaala é sok bi aaboma ɛ. Étɛp mɛ needi ààbaadi nɛ ghoŋ tɔ lyem. Deenek, myaalka nyɛ nɛ boo mɛmyaala djas, dáa mɔn-nyɛɛg’en tɔ ɛdum ɛ koŋ nɛ Ghɛŋ. Bi goka ɛ́ nɛ ɛlyaal mbi mot dáa nyɛy kwyɛl, etɛɛ náá, nyɛ naawaagwyɛ étɛp mɛsa mɛ Klisto. Nyɛ naaka nyel étɛp ɛzɛkwyee mɛ tɔ mɛsa mɛ bi nadi ààbɛ nɛ ghwyil ɛzɛkwyee mɛ biyɔ bɛmet ɛ.
Bi ɛ́ kobaka, sa mot ààbulal ɛbiyo nɛ ɛbiyo. Tin, gheesaaka ɛsa enɛm esa pak’en dɔɔ nɛ bot djas.