Irrepreensível
Ser irrepreensível não é ser perfeito — é viver com integridade diante de Deus e dos homens. A Bíblia nos chama a buscar uma vida reta, pura e sem manchas visíveis de hipocrisia.
O padrão divino
Deus é perfeito e chama seus filhos à integridade. A palavra de Deus é purificada e Ele é escudo dos que caminham na retidão.
Buscar a perfeição em Cristo
Todos tropeçamos em muitas coisas, mas o alvo é a maturidade. Cristo é a fonte da salvação eterna para todos os que lhe obedecem.
Ñnyin kpukpru inanam mme ndudue. Edi owo ekededi emi minamke ndudue ke ikọ inua esie ọfọn ama, onyuñ ekeme ndikara ofuri idem esie.
Ido ukpono emi Abasi Ete ñnyin enyimede nte edisana ye emi minyeneke ndo edi emi: ndise ñkpọ mbaña nditọ akpa, mme ebekpa ke itie ukut mmọ, ye owo nditre ndida idem esie nsin asuaha ke ererimbot.
Kpukpru nti enọ ye kpukpru se ifọnde ima eto ke Obio Ubọñ Abasi; oto Abasi, emi okobotde mme uñwana emi odude ke enyọñ. Enye ke idem Esie ikpuhọkede, mme ndikabade ntie nte mbukpọñ ñkpọ.
Ke ini ekenamde Enye ọfọn ama, Enye ama akabade edi ntọñọ nsinsi edinyaña ọnọ kpukpru mme mmọ emi esukde ibuot enọ Enye,
Jisọs ama ọbọrọ enye ete, "Edieke afo oyomde ndifọn mma, ka kanyam kpukpru inyene fo, ndien men okuk oro nọ mme ubuene, ndien afo eyenyene ekese inyene ke Obio Ubọñ Abasi. Ndien fiak di disaña ye Ami."
Vida íntegra
Que a vossa alegria seja completa! Vivam em harmonia, sejam irrepreensíveis — transformados pela renovação da mente.
Ami ñketiñ mme ñkpọ emi nnọ mbufo man otodo inemesit Mi odu ye mbufo, man inemesit mbufo ọfọn ama.
Tutu esim emi mbufo ibupke baba ñkpọ kiet ke enyiñ Mi. Ebup, ndien mbufo eyebọ, ndien idara mbufo eyeyọhọ ọduọi."
Ekunam ñkpọ ke edu uwem mbufo nte asañade akababa ye edu uwem mbon ererimbot emi midiọñọke Abasi, edi eyak Abasi ọkpuhọde mbufo oto esit esit ke edikabade esit mbufo ofuri ofuri. Ke ntre ke mbufo edikeme ndifiọk uduak Abasi, se ifọnde ye se inemde Enye esit, ye se ifọnde ima.
Ami mekpe mbufo ubọk nditọ ete ke Enyiñ Ọbọñ ñnyin Jisọs Kraist, nte yak kpukpru mbufo edi kiet ke se mbufo etiñde, man ubahade edidu ke otu mbufo. Ediana ọtọ kiet ke ekikere kiet ye uduak kiet.
Ndien ke kpukpru mme ñkpọ emi edian ima, emi ọbọpde kpukpru ñkpọ adian ọtọ kiet ke mfọnmma edidiana kiet.
Nte uwem mbufo ke Kraist anam mbufo ekop odudu? Nte ima Esie ọdọñ mbufo esit? Nte mbufo emenyene ebuana ye Edisana Spirit? Nte mbufo emekop udọñ edinam eti ido, ye editua mme owo mbọm? Ami mekpe mbufo ubọk ndien, enam mi ñkop ọyọhọ inemesit, ke mbufo ndinyene ukem ekikere, ndibuana oruk ima kiet, ye ke ndidi kiet ke Spirit ye ke uduak.
Ekunam ñkpọ baba kiet eto ke ntak ufọn idem mbufo ikpọñ, mme ke ntak mbiara uduak ndida ntaña ase, edi esuhọde idem enọ kiet eken, ekudedei ekere ete ke mmimọ imọfọn ikan mme mmọ eken. Enyuñ eyom ufọn kiet eken, idighe ufọn idem mbufo ikpọñ ikpọñ.
Edu emi mbufo ekpenyenede edi enye emi Kraist Jisọs ekenyenede. Enye ekenyene ukem obot Abasi, edi enye ikekereke ete ke ana imọ ida ñkañka ye Abasi ke odudu. Utu ke oro, ke ima idem Esie, Enye ama ọsuhọde idem Esie, onyuñ ada obot eyenutom. Enye ama akabade ebiet owo, onyuñ ọwọrọ owut idem ke mbiet owo. Enye ama ọsuhọde idem Esie; onyuñ asaña ke afañ ñkop item tutu ọkọsuñọ ke ñkpa, kpa ñkpa Esie ke etoñkpa.
Ke ntak emi, Abasi ama emenerede Enye odori ke ñkoñkoñ ebiet ke enyọñ, onyuñ ọnọ Enye enyiñ emi okoñde akan kpukpru mme enyiñ eken: Man otodo, ke ubọñ enyiñ Jisọs kpukpru mme odu uwem ñkpọ ke obio ubọñ Abasi, ke isọñ, ye ke ererimbot emi odude ke idak isọñ, ekpetọñọ edọñ mmọ. Ndien kpukpru mmọ eyenyuñ etiñ enọ kpukpru owo añwa añwa ete ke Jisọs Kraist edi Ọbọñ, ke ndinọ Abasi Ete ubọñ.
Ke ntre, mme ndima ufan mi, nte mbufo ekesukde ibuot enọ mi ke ini emi ami ñkodude ye mbufo, etim edi ata akpan ñkpọ mbufo ndisuk ibuot nnọ mi idahaemi, ke emi ami menduhọ ye mbufo ebiet kiet. Eka iso ndinam utom ke ndik ye ñnyekidem ndinam ubọhọ mbufo ọfọn ama. Koro Abasi kananam utom ke idem mbufo kpukpru ini ndinam mbufo ekop udọñ enyuñ enyene ukeme ndisuk ibuot nnọ uduak Esie.
Enam kpukpru ñkpọ, ekpọñ utọk ye eneni, man otodo mbufo ekunyene se edade ebiom mbufo ikpe, enyuñ edi ndisana nte mme mfọnmma nditọ Abasi emi eduñọde ke mbiara ererimbot emi ye mme anam idiọkñkpọ. Mbufo enyene ndiyama ke otu mmọ nte mme ntantaọfiọñ emi enọde ikpa enyọñ uñwana, nte mbufo enọde mmọ etop uwem. Edieke mbufo enamde ntre, ami ñyenyene ntak nditaña ase mbaña mbufo ke usen Kraist, koro emi eyewut ete ke mme ifik mi ye utom mi itakke.
Mme iyip uwem mi ke enyene ndida nduọk nte enọ ke uwa emi mbuọtidem mbufo anamde ọnọ Abasi? Edieke emi edide ntre, ami mokop inemesit, ndien ñnyuñ mbuana idara mi ye kpukpru mbufo. Ke ukem usuñ emi, mbufo ñko enyene ndidara ñnyuñ mbuana inemesit mbufo ye ami.
Ke mfọn Ọbọñ, menim nte ke ñyekeme ndinam Timoti edi ebine mbufo ke esisit ini, man ami ñkpokop nsọñidem nto ke nti mbuk emi abañade mbufo. Enye ikpọñ ikpọñ edi enyemi abuanade ekikere ye ami, onyuñ ekerede ñkpọ abaña mbufo ke ofuri esit. Mme mmọ eken ekere ñkpọ ebaña mme mbubehe idem mmọ kpọt kpọt, ikereke ñkpọ ibaña mbubehe Jisọs Kraist. Ndien mbufo ke idem mbufo emefiọk nte enye akayararede nte enye odotde owut, nte ami ye enye itiede nte eyen ye Ete, ikasañade inam utom ebiet kiet ke ntak Eti Etop emi. Ami mekere ndidọñ enye utom nnọ mbufo; ke mma ñkut nte ñkpọ editiede ye ami. Ndien ami nde menyene idorenyin ke Ọbọñ nte ke ñyenyene ukeme ndidi ndikut mbufo ke idem mi ke ini midibighike.
Mekere nte ke odot ami ndinam eyen ete ñnyin Epafrọditọs afiak edem ebine mbufo, enye emi akanamde utom onyuñ añwana eñwan ke ñkañ mi, emi onyuñ edide isuñutom emi mbufo ekedọñde edise ñkpọ abaña mme unana mi. Enye okop udọñ ndikut mbufo kpukpru, onyuñ afina enye eti eti koro mbufo ekekopde ebaña udọñ esie. Ke ofuri akpanikọ enye ama ọdọñọ onyuñ ekpere ñkpa. Edi Abasi ama atua enye mbọm, ikedighe enye ikpọñ, edi ama atua mi mbọm adian, onyuñ osio mi efep ke akamba mfuhọ.
Etetim ọdọñ mi ndien, ndinam enye edikut mbufo man otodo mbufo etọñọ ntak ekop inemesit ke ema ekut enye, ndien mfuhọ mi ñko eyekure. Edara enye ndien ke kpukpru oruk usuñ idara, nte eyen ete kiet ke Ọbọñ. Enọ kpukpru mmọ emi etiede nte enye ukpono. Koro enye okosiode uwem esie anyan, okonyuñ ayak ata esisit enye ndikpa, ke ntak utom Kraist man otodo enye ọnọ mi uñwam emi mbufo ke idem mbufo mikemeke ndinọ mi.
Ekut ete baba owo kiet isioho usiene idiọk ke idiọk, edi ke kpukpru ini yak edi uduak mbufo ndinam eti ñkpọ ye kiet eken, ye kpukpru owo nde.