Jesus me ama

19 ፆሳይ ኮይሮ ኑና ሲቅዳ ግሾ ኑ ሲቆስ።

10 ቱማ ሲቆ ጉሳይ ሀይሳ፦ ኑኒ ፆሳ ሲቅዳ ግሾ ግዶናሽን፥ ፆሳይ ኑና ሲቅዳ ግሾነ ኑ ናጋራፐ ኑና ማራናዉ ባ ናኣ ኪትዳ ግሾሳ።

ፆሳ ናይታ

1 ኑኒ ፆሳ ናይታ ጌተትድ ፄገታና መላ ፆሳይ ኑና አይ መላ ዶስዳኮ በእተ። ኑኒ ቱማካ ፆሳ ናይታ። ሀ አላመይ ፆሳ ኤሮና ግሾ ኑናካ ኤረና።✝

16 ክርስቶስ ባ ሸምፑዋ ኑ ግሾ አድ እምዳይሳን ሲቆይ አይበኮ ኑኒ ኤርዳ። ኑካ ኑ እሻታ ግሾ ኑ ሸምፑዋ አድ እማናዉ በሴስ።

16 ፆሳ ናኣ አማንያ ኡባይ መርና ደኡዋ ላታናፐ አትሽን፥ ዮና መላ ፆሳይ ሀ አላምያ ዳሮ ዶስዳ ግሾ ባ እስ ናኣ እሚስ።

8 ሽን ኑኒ ቡሮ ናጋራንቾ ግድድ ደእሽን፥ ክርስቶስ ኑ ግሾ ሀይቅስ። ሄስ ፆሳይ ኑና አይ መላ ሲቅያኮ እያ ሲቁዋ በሴስ።

38 ሄሳ ግሾ፥ ሀይቆ ግድን ደኦ ግድን ኪታንቾታ ግድን ሃረይሳታ ግድን ሀእ ደኤይሳ ግድን ስንፈ ያናይሳ ግድን ዎልቃማታ ግድን፥ 39 ሳሎ ዎልቃ ግድን ሳአ ዎልቃ ግድን አይ መተ ግድን ኑ ጎዳ፥ ክርስቶስ የሱሳን ደእያ ፆሳ ሲቁዋፐ ኑና ሻካናዉ ዳንዳኦናይሳ ታኒ ኤራስ።

35 ህዛ፥ ኑና ክርስቶሳ ሲቁዋፐ ሻካናይ ኦኔ? ዋየየ ዎይኮ መቶየ ዎይኮ ጎደየ ዎይኮ ኮሸየ ዎይኮ ካሎተየ ዎይኮ ያሸየ ዎይኮ ኦለዬ? 36 ጌሻ ማፃፋን፥

"ኑኒ ነ ግሾ ኩመ ጋላስ ሀይቆስ፤

ሹካስ ኤፍያ ዶርሳዳ ታይበትዳ"✝

ጌተትድ ፃፈትዳይሳ መላ ግድስ።

37 ሽን ኑኒ፥ ኑና ሲቅዳ ክርስቶሳን ሀ ኡባ ፖሎ ፆኖስ።

4,5 ሀ ዳብዳበይ፥ ዮሃንሳፐ፥ ኢሰ ቢታን ደእያ ላፑን ዎሳ ኬታስ ፃፈትስ። ካሰካ፥ ሀእካ ደእያ፥ ስንፈካ ያናዉ ደእያ ፆሳፈ፥ ቃስ እያ አራታ ስንን ደእያ ላፑን አያናታፐ፥ ሄሳዳካ፥ ሀይቆፐ ደንዶን ኮይሮ ግድዳይሳፈ፥ ሳኣ ካዎታ ሃርያ አማነትያ ማርካ ግድዳ የሱስ ክርስቶሳፐ፥ አ ኬሀተይነ ሳሮተይ ህንተዉ ግዶ።✝

የሱሲ ኑና ሲቄስ፥ ቃስ ባ ሱን ናጋራ አይለተፈ ኑና ላአ ከስስ።✝ 6 ኑኒ ፆሳ እያ አዋስ ኦና መላ ኑና ካዎተ ካህነ ኦስ። እያዉ መርናፐ መርና ጋካናዉ ቦንቾይነ ዎልቃይ ግዶ። አምንእ።✝

1 ህዛ፥ ፆሳይ ዶስያ ናይታዳ እያ ዳንተ። 2 ክርስቶስ ኑና ዶስድ ባና ኑ ግሾ ፆሳስ ሳውያ እሞነ ያርሾ ኦድ እምዳይሳዳ ህንተካ ሲቆን ደእተ።✝

17 አቤት ታዉ ዎልቃ ግድዳ ፆሳዉ፥

ታ ነና ሳባና።

ታ ቆሰታዳ አትያ በሳይነ

ሲቁዋ ታና በሲያ ፆሳይ ነና።

8 ጎዳይ ቃተይሳነ ማረይሳ፤

ሀንቀታናዉ ኤሶተና፤ እያ ሲቆይ ዳሮ።

9 እ ኡባ ዎደ ሴረና፤

መርናዉ ሀንቀተና።

10 እ ኑስ ኑ ናጋራዳ ኦና፤

ኑ ኢታተ መላ ዛረና።

11 ሳሎይ ሳአፐ ቀይሳዳ፥

ጎዳ ያየይሳታስ እያ ሲቆይ ግታ።

12 ዶሎሀፐ ዉሎህ ሃከይሳዳ፥

ጎዳይ ኑ ናጋራ ኑፐ ሃሴስ።

13 ባ ሸምፑዋ ባ ላግያስ አድ እመይሳፈ አያ ግታ ሲቆይ ባዋ።

9 ህንተ፥ ኑ ጎዳ የሱስ ክርስቶሳ አ ኬሀተ ኤሬታ። ክርስቶስ ዱረ ግድ ኡትድ፥ ህንተ እያ ማንቆተን ዱረታናዳ ህንተ ግሾ ማንቅስ።