1 Aho bosi inusi khaizati kuubwa, nee kuwa na Mbui, naye Mbui nee akawa kwa Muungu, naye Mbui ni Muungu.

1 Aho bosi inusi khaizati kuubwa, nee kuwa na Mbui, naye Mbui nee akawa kwa Muungu, naye Mbui ni Muungu. 2 Kuvokea aho bosi uyo Mbui nee kawa hamwe na Muungu. 3 Kwembokea yee vintu vyose viumbwa, khahana ata kintu kimwe chekugosokacho kwesiho yee.

14 Naye uyo Mbui kawa mntu akekaa hamwe na swie, swie tiona ukuu wakwe, ukuu ekuuhokeao inga mwana wa ikedu, ekulawaye kwa Tate kamema wedi na ukwei.

9 Kwaviya, mwe mwii wa Klistu mwenye Muungu ekaa umo mwakwe,

9 Kwaviya, mwe mwii wa Klistu mwenye Muungu ekaa umo mwakwe, 10 nanywi mwekhigwa ugima ambao uigania mwe kuungana naye. Yee ana udaho kusima udaho wa phepo zose na wakuu wose.

5 Mwakundigwa kumamaakhanya mbui inga viya Yesu Klistu ekuwavyo amamaakhanya, 6 nekawa inga Muungu mwe namna zose, akini khekumamakhanya kuwa inga Muungu ni kintu cha kushuutiza.

7 Kwaivyo kwa kukundisa kwakwe mwenye akabada ayo yose,

akawa inga mndima,

akavyaigwa inga mntu avyaigwavyo

na akaoneka inga mntu eivyo.

5 Mwakundigwa kumamaakhanya mbui inga viya Yesu Klistu ekuwavyo amamaakhanya,

15 Yesu akawauza, "Ivi, nywinywi mwambaze, miye nindai?" 16 Simoni Petulo akamtambaisa, "Wee nee Klistu, Mwana wa Muungu ekuwaye na ugima."

17 Yesu akagombeka, "Wenda uwe na nyemi Simoni mwana wa Yona, kwaviya khahana mntu yoyose mwekukugubwiiya mbui inu, iya Tate yangu wa uwanga kwa Muungu ekukugubuiaye mbui izi.

23 "Kauwa mvyee mwenye kiwaa endaenue ifu. Na kuvyaa mwana kigosi, nae endaetangwe Imanueli" mana yakwe, "Muungu hamwe na swie."

54 Yuda mkuu wa maasikai hamwe na weziwe wekuwao wakamuinda Yesu wekuonaho zingizo da inusi na zia mbui zekulawiiazo wakaogoha muno na wakagombeka kwei, "Mntu uyu neekawa Mwana wa Muungu."

61 Akini yee akanyamaa khekuandua hata mbui mwenga. Mviki Mkuu akamuuza vituhu, "Uwo wee nee Klistu, Mwana wa Muungu Mkuu?"

62 Yesu akatambaisa, "Ehe, nee mie, na nywie mwendammwoone Mwana wa Mntu kekaa phande ya kuume ya Muungu mwenye udaho, eza na maangwi ya uwanga."

6 Akini uyo mbwanga akawamba, "Msekuhondomaa. Mwamwondeza Yesu wa Nazaleti mwekugong’ondewa he mhamba. Kayuyuka, khayuho aha, kauwani hantu ekugonezwaho.

21 Wantu wose wekubindiizwaho kubatiizwa, na Yesu akabatiizwa, ekuwaho akavika, uwanga kwa Muungu kukavuguka, 22 na Muye wa Muungu ukamwezea nekawa na mwii inga sua. Mgutio ukategeezeka kulawa uwanga kwa Muungu, "Wee nee mwanangu nikukundisae, nitamiiwae naye."

58 Yesu akawamba, "Kwei nawamba kisingi Ibulahimu khazati kuvyaigwa, ‘Mie nee Niuko.’ "

30 Miye na Tate ni kintu kimwe."

17 Yesu akawamba, "Tate yangu agosoa ndima misi yose, na miye nagosoa ndima kwesiho kueka."

18 Kwa mbui izi waongoezi wa Kiyahudi wakoondeza sia ya kumkoma Yesu, khio kwaviya kabananga miko ya Msi wa Kuhumwiiza du, akini kamba Muungu ni Tati yakwe ivyo ketenda aigana na Muungu.

18 Kwa mbui izi waongoezi wa Kiyahudi wakoondeza sia ya kumkoma Yesu, khio kwaviya kabananga miko ya Msi wa Kuhumwiiza du, akini kamba Muungu ni Tati yakwe ivyo ketenda aigana na Muungu.

21 Inga viya Tate ayuyusavyo wekuuyao na nyuma, na kuwekha ugima, ivyoivyo Mwana naye awekha ugima wada awakundisao. 22 Tate khamuamuiiya mntu yoyose, iya kamtenda mwana awaamwiiye wantu wose. 23 Ili wantu wamtegeeze Mwana inga wamtegeezavyo Tate, yoyose esaekumtegeeza Mwana khamtegeeza Tate wekumwaagiiaye Mwana.

25 Nawamba kwei, kisingi cheza, naho kibuwa kae, na wada wekuwao hae na Muungu, wenda wategeeze mgutio wa Mwana wa Muungu, awo wenda wahokee ugima wa misi yose kwesiho kisiikizi.

6 Yesu akatambaisa, "Miye ni sia na kwei na ugima, khahana mntu adahae kuita kwa Tate kwesiho kwembokea kwa miye.

9 Yesu akamtambaisa, "Nchekaa na nywie kisingi chose iki, nawe Filipo khauzati kunimanya? Mwekuniona miye kamuona Tate, wadaha viivihi kugombeka, ‘Tionyeshe Tate?’ " 10 Ivi, khaunizumiiya ati miye niumo mwa Tate, nae Tate yuumu mwangu? Mbui niwagombekeazo khizigombeka inga nikundavyo miye, iya Tate mweumo mwangu agosoa ndima yakwe.

25 Yesu akamwamba, "Miye nee niwayuyusae wantu na kuwekha ugima na mntu yoyose anizumiiyae ata inga kauya na nyuma, endaawe na ugima.

40 Yesu akawamba, "Ivi ncheekukwamba inga ukanizumiiya wendauuone ukuu wa Muungu?"

12 Yesu ikedu nee adahae kuwaohoa wantu, kwaviya mweinusi na uwanga kwa Muungu khahana mntu yoyose ambaye Muungu kamuika ili atiohoe swie."

36 Wekuwaho waendeea na ntambo yao wakabua hantu hekuwaho na mazi, mkuu yuda akamwamba Filipo, "Aha hana mazi, kintu chani chendacho kinikindie nesekubatizwa?" 37 Filipo akamwamba, "Wadaha kubatizwa inga ukazumiiya kwa moyo wako wose." Yuda bunyenge akatambaisa, "Namzumiiya Yesu Klistu ni Mwana wa Muungu."

38 Akakunda gai digooswe, nee Filipo hamwe na yuda bunyenge wakaseeya mwe mazi, naho Filipo akambatiiza.

3 Yee ating’azia ukuu wa Muungu na aonyesha viya Muungu eivyo, asababisha vintu kutozana hamwe inga vyeivyo kwa Mbui yenye udaho. Ekubindaho kuwazingua na kuwausia wantu mavigaviga, akaita kwekaa mkono wa kuume wa Muungu mwekuwae uwanga wa vyose.

4 Ivyo Mwana kagosolwa mkuu kusima wandima wa uwanga kwa Muungu na zina dakwe ekwekhigwado ni Muungu ni kuu kusima mazina yao.

14 Kwaviya tinae Mviki Mkuu kusima wose ekwengiae uwanga kwa Muungu uyo Yesu Mwana wa Muungu, ivyo tigooke kwa utintimavu kwa kia tizumiacho na kukibiikia. 15 Tinae Mviki Mkuu kusima wose amanya usokezi wetu, yee mwenye kageezwa mwe sia zose inga swie, akini khekugosoa mavigaviga.

2 Timtongee Yesu ambae nee mwekuuvoka uzumizi wetu na ambae endaaibuze kisiikizi. Kwaajii ya nyemi ikuwayo ya mgojea yee akazizimiza ufe wa mhamba, wala khekuoona soni yakwe na isasa ekaa phande ya kuume he kigoda cha Ukuu cha Muungu.

17 Kwaajii iyo imkunda awe inga wanduguze kwa kia mbui, ili atende kuwa Mviki Mkuu ekuwae mzumiiwa na mwenye mbazi kwa kumgosoea ndima Muungu, ili awaekee na kuwausia wantu mavigaviga yao.

15 Kiya mntu agombekae na kuzumiiya kuwa Yesu ni Mwana wa Muungu, Muungu ekaa mwe uhamwe na mntu uyo na mntu uyo ekaa mwe uhamwe na Muungu.

15 Kiya mntu agombekae na kuzumiiya kuwa Yesu ni Mwana wa Muungu, Muungu ekaa mwe uhamwe na mntu uyo na mntu uyo ekaa mwe uhamwe na Muungu.

9 Muungu kaonyesha ukundiso wakwe kwetu, kwa kumuagiiya Mwanawe wa ikedu eze mwe inusi ili tiwe na ugima kwembokea yee. 10 Unu nee ukundiso weivyo, swie khio tekuvokao kumkundisa Muungu, iya yee nee katikundisa ata akamlavya Mwanawe awe ntambiko ya kuekewa mavigaviga yetu.

9 Muungu kaonyesha ukundiso wakwe kwetu, kwa kumuagiiya Mwanawe wa ikedu eze mwe inusi ili tiwe na ugima kwembokea yee.

8 Akini kiya mntu agosoaye mavigaviga ni wa Shetani, kwaviya Shetani kawa kagosoa mavigaviga kuvokea aho bosi. Kwaajii iyo, Mwana wa Muungu nee keza mwe inusi kuidagamiza ndima ya Shetani.

5 Ivi ni ndai adahae kuvota mavigaviga ya mwe inusi? Ni yuda azumiiaye kuwa Yesu ni Mwana wa Muungu.

11 Iki nee ekutigombekacho Muungu, Muungu nee katekha ugima wa misi yose kwesiho kisiikizi na ugima uwo umo kwa Mwanawe. 12 Mntu yoyose mwekumzumiiya Mwana wa Muungu ana ugima uwo wa misi yose kwesiho kisiikizi, na yoyose esayekumzumiiya Mwana wa Muungu khana ugima uwo wa misi yose kwesiho kisiikizi.

9 Inga ukagombeka wee mwenye kwa muomo wako kuwa Yesu ni Zumbe na kumzumiia mwe moyo wako kuwa Muungu nee kamyuyusa, wendauoholwe.

20 na isasa nekaa, khio inga nekuwavyo aho kae iya ni Klistu ekaae umu mwangu. Ugima nekuwao nao isasa mwe mwii kwa kuzumiiya, kwa kumzumiiya Mwana wa Muungu ekunikundisae ata akalavya ugima wakwe kwaajii yangu.

19 Muungu endaawekhe yose muyakundayo kuigana na utajii wakwe mwe ukuu, kwa sia ya Yesu Klistu.

15 Na uivanisi wa Klistu uwaongoee mioyoni mwenu, nywie muwa mwii umwe, ivyo mwetangwa kwekaa kwa uivanisi. Naho kuwani wantu wa kumtogoa Muungu.

10 Muungu katiumba ivyo, na kwa kuwa hamwe na Klistu Yesu, katiumba ili tekae mwe ntendwa zedi ekutiikiazo tekae.

2 Ekaani kwa kukundisana inga viya Klistu ekutikundisavyo swie, na kwaajii yetu akelavya mwenye auye na nyuma, akawa inga ntambiko yenye mzingo mtana na lavyo dimtamizado Muungu.

4 Inga mmanyavyo mwii ni umwe iya una vimamo vingi, na kia kimamo kina ndima yakwe. 5 Viavia, swie ni wangi, kwa kuungana na Klistu tiwa mwii umwe, kia yumwe wetu ni kimamo cha mweziwe.

57 Akini timtogoe Muungu, atekhae uvoti kwa sia ya Zumbe yetu Yesu Klistu.

15 Akini mtogoeni Klistu inga Zumbe mwe mioyo yenu. Mwe tayali kumtambaisa mntu yoyose mwendaawauze uwanga ya makauwio yekuwayo mwe mioyo yenu,

5 Kwaviya yuuko Muungu yumwe na viyaviya yuuko yumwe awaikae wantu wevane na Muungu, mntu uyo ni Klistu Yesu,

11 Naho nee naona uko uwanga kwa Muungu kuvugulwa na nekuwa na falasi ing’aayo. Mkwea falasi uyo nee ketangwa mzumiwa na mkwei, naho uwamuiya wantu ikundigwavyo na kutoana khondo ikundigwavyo. 12 Meso yakwe yekaa inga mwali wa moto, naho mwe mtwi wakwe nekavaa ntaji nyingi za kiseuta, nekawa na zina dekuandikwado ambado khahana mntu yoyose adimanyae iya yee mwenye ikedu. 13 Nekavaa khanzu yekuchovyado mwe phome, naho zina dakwe etangwa, "Mbui ya Muungu." 14 Mazumwezumwe ya wekaawo uko uwanga kwa Muungu wekuvaao gwanda zekung’aazo naho zisuntika muno nee wambasa wakwea falasi. 15 Mwe muomo wakwe kulawa paange kai na kwa paange ido endaawavote wantu wa si zose. Uyo endaagookee kwa ngoda ya chuma, na kuminya divai mwe kiminyio cha kuminyia zabibu chekumemacho maya kuu ya Muungu mwenye Udaho. 16 Naho ana zina diandikwa mwe gwanda dakwe na he kibea chakwe, "Seuta wa maseuta na Zumbe wa mazumbe."

21 Nawaombea ili wedi wa Zumbe Yesu uwe na nywie nyose. Pepa.

27 Naho akamwamba Tomaso, "Ete chaa chako aha uikauwe mikono yangu, ete mkono wako wembose he ubavu wangu usekuwa na maatu iya zumiiya."

28 Tomaso akamtambaisa, "Weye ni Zumbe yangu naho weye ni Muungu yangu!"

30 Yesu kagosoa hemeso ya wahina wakwe ntangio ntuhu nyingi khazekuandikwa mwe kitabu iki. 31 Akini izi ziandikwa mdahe kuzumiia inga Yesu ni Klistu Mwana wa Muungu na kwa kuzumiiya mdahe kuwa na ugima wa misi yose kwesiho kisiikizi.

12 Inu nee miko yangu, kundisaneni inga nekumikundisavyo miye.

20 Nawamba ukwei, amuhokeae yuda nimuagiiye anihokea miye, na anihokeae miye amhokea yuda mwekuniagiiya."

28 Miye nawekha ugima wa misi yose kwesiho kisiikizi, naho khawana wage kisingi chose, wala khahana mntu mdaha kuwadoa kulawa hangu. 29 Tate yangu nee mwekunekha awo, ni mkuu kusima wose, naho khahana mntu mdaha kuwadoa he mikono ya Tate. 30 Miye na Tate ni kintu kimwe."

16 Kwaviya Muungu kaikundisa inusi ata akamlavya mwanawe wa ikedu, ili kia mntu endae amzumiiye asekwaga, iya awe na ugima wa misi yose kwesiho kisiikizi. 17 Kwaviya Muungu khekumwaagiiya Mwanawe mwe inusi ili awaamuiye wantu, iya wantu waoholwe kwembokea yee.

18 Wantu wose wamzumiiao Mwana khawana waamuiiwe, akini wose wesao kumzumiia Mwana, waamuiwa kae, kwaajii khawekumzumiiya Mwana wa ikedu wa Muungu.

38 Mntu mwesaekuudoa mhamba wakwe na kunitongea khadaha kuwa mhina wangu.

20 Kwaviya hohose hada wakintanaho waidi hambu watatu kwa zina dangu, miye ni ahoaho gatigati yao."

27 Yesu akawafuiya meso na kuwamba, "Kwa wantu khavidahika, akini kwa Muungu vintu vyose vyadahika."

27 Yesu akawatambaisa, "Yesayokudahika kwa wantu, kwa Muungu yadahikana."

25 Nawakundieni nywie nyose mboto ya Zumbe Yesu Klistu.