11 Deapoea vidzui un thron mari, albu sh-atsel cai shidea pri nãsu, dit fatsa a cui s-afãnisirã loclu sh-tserlu sh-nu s-aflã ma loc ti elji. 12 Vidzui sh-mortsãlji, njitsi sh-mãri, tsi stãtea nãintea a thronlui. Atumtsea cãrtsili s-discljisirã. S-discljisi sh-unã altã carti cai easti cartea a banãljei. Mortsãlji s-giudicarã dupã atseali tsi eara scriati tu cãrtsi, dupã faptili a lor. 13 Amarea lji deadi mortsãlji tsi eara tu nãsã. Moartea sh-Colasea lji deadirã mortsãlji tsi eara cu nãshi. Cathiunu s-giudicã dupã faptili a lui. 14 Deapoea moartea sh-Colasea s-arcarã tu laclu a foclui. Aestã easti moartea a doaua, laclu a foclui. 15 Sh-macã vãrã nu s-aflã scriat tu cartea a banãljei, s-arcã tu laclu a foclui.

12 "Ia, mini yin trãoarã

sh-plata a mea easti cu mini,

tra s-lji da a cathiunui dupã faptili a lui.

12 "Ia, mini yin trãoarã

sh-plata a mea easti cu mini,

tra s-lji da a cathiunui dupã faptili a lui.

13 Mini escu Alfa sh-Omega,

atsel dit prota sh-atsel dit soni,

Apãrnjita sh-Bitisita."

31 Cã elu ari apofãsitã dzuã tu cai va s-giudicã lumea cu ndriptati prit un om cai ari arãdãpsit. Aestã lã u-ari alihipsitã a tutulor cu nyearea a lui dit mortsã."

36 Ma mini ma vã dzãc cã tu dzua a giudicatãljei caitsido va da lugurii trã cathi zbor digeaba tsi au dzãsã. 37 Cã dupã zboarili a tali va ti ndriptãtseshti, sh-dupã zboarili a tali va ti condamnji."

31 "Cãndu s-yinã Hiljiu a Omlui tu mãrirea a lui, deadun cu tuts anghilji, atumtsea va s-apunã pri thronlu a mãririljei a lui. 32 Sh-tuti natsiunili va s-adunã nãintea a lui, sh-elu va li dispartã unlu di alantu ashã cum disparti picurarlu oili di cãprili. 33 Sh-oili va li bagã di nandreapta a lui sh-cãprili di nastãnga.

31 "Cãndu s-yinã Hiljiu a Omlui tu mãrirea a lui, deadun cu tuts anghilji, atumtsea va s-apunã pri thronlu a mãririljei a lui. 32 Sh-tuti natsiunili va s-adunã nãintea a lui, sh-elu va li dispartã unlu di alantu ashã cum disparti picurarlu oili di cãprili. 33 Sh-oili va li bagã di nandreapta a lui sh-cãprili di nastãnga. 34 Atumtsea Amirãlu va l-dzãcã atsilor tsi va hibã di nandreapta a lui: ‘Haidets ghinicuvintats a Tatãlui a meu. Mushtinits-u amirãriljea tsi s-featsi etimu trã voi di la adrarea a lumiljei. 35 Cã avui foami sh-nji deaditã ti mãcari, avui seati sh-nji deaditã ti beari, earam xen sh-mi priadunat, 36 earam dizviscut sh-mi nviscut, earam lãndzit sh-voi mi vindicat, earam tu hapsi sh-vinitã la mini.’ 37 Atumtsea ndreptsãlji va lji apãndiseascã: ‘Doamne, cãndu ti vidzum agiun sh-ti hrãnim, icã sitos shi s-deadimã ti beari? 38 Sh-cãndu ti vidzum xen sh-ti priadunãm, icã dizviscut sh-ti nviscum? 39 Sh-cãndu ti vidzum lãndzit icã tu hapsi sh-vinim la tini?’ 40 Sh-Amirãlu apãndisi: ‘Dealihea ma vã dzãc: Di cãti ori lji-u-avets faptã aestã a vãrui di aeshti fratsi a melji ma njitsi, aestã nji-u featsit a njia.’ 41 Deapoea elu va lã dzãcã sh-atsilor tsi va hibã di nastãnga: ‘Dipãrtats-vã di mini, blãstimats, tu foc di totãna, etimãsit ti draclu sh-anghilji a lui. 42 Cã aveam foami sh-nu nji deadit ti mãcari, avui seati sh-nu nji deadit ti beari, 43 earam xen sh-nu mi priadunat, dizviscut sh-nu mi nviscut, lãndzit sh-tu hapsi sh-nu vinit s-mi mutreat.’ 44 Atumtsea elji va lji apãndiseascã: ‘Doamne, cãndu ti vidzum cu foami icã cu seati, icã xen, icã dizviscut, icã lãndzit, icã tu hapsi sh-nu ti agiutãm?’ 45 Atumtsea elu va lã apãndiseascã: ‘Dealihea vã dzãc: Di cãti ori tsi nu lji-u avets faptã aestã a vãrui di aeshti ma njitsi, aestã nu nji-u avets faptã a njia.’ 46 Sh-elji va s-ducã tu munduiri di totãna, ma ndreptsãlji va aibã bana eternã."

16 Cã Dumnidzãlu u vru ahãntu multu lumea, cãt deadi Hiljilu a lui singur-amintat, tsi caitsido tsi pistipseashti tu nãsu nu va s-chearã, ma va aibã banã eternã.

16 Cã Dumnidzãlu u vru ahãntu multu lumea, cãt deadi Hiljilu a lui singur-amintat, tsi caitsido tsi pistipseashti tu nãsu nu va s-chearã, ma va aibã banã eternã. 17 Cã Dumnidzãlu nu lu pitricu Hiljilu a lui tu lumi tra s-giudicã lumea, ma tsi lumea s-ascapã prit nãsu. 18 Atsel tsi pistipseashti tu nãsu, nu s-giudicã, ma atsel tsi nu pistipseashti, tora easti giudicat, cã nu ari pistipsitã tu numa a Hiljilui singur-amintat a Dumnidzãlui. 19 Ma giudicata easti aestã: Lunjina vini tu lumi, ma oaminjlji vrurã scutidlu ma multu dicãt lunjina, cã faptili a lor eara anapudi.

7 Cu-tutã-atsea, mini vã spunã alihea: easti ma ghini trã voi tsi mini s-mi duc, cã, ma s-nu mi duc, nu va s-yinã la voi Diznjirdãtorlu. Macã mini mi duc, mini va lu pitrec. 8 Cãndu s-aibã yinitã, elu va u-cãndãrseascã lumea di amãrtii, di ndriptati sh-di giudicatã. 9 Di amãrtii cã nu pistipsescu tu mini, 10 di ndriptati, cã mini ma mi duc la Tatãl, sh-nu va s-mi videts ma, 11 sh-di giudicatã, cã domnitorlu a lumiljei aishtei tora easti giudicat.

16 Sh-noi cunuscum sh-pistipsim tu vrearea tsi Dumnidzãlu ari trã noi. Dumnidzãlu easti vreari, shi atselu tsi armãni tu vreari, armãni tu Dumnidzãlu sh-Dumnidzãlu tu nãsu. 17 Tu aestã vrearea easti perfectã tu noi, tsi s-avem curaiu trã dzua a giudicatãljei: cã cum easti elu, ashã him sh-noi tu aestã lume. 18 Atselu tsi vrea, nu ari fricã, shi vrearea perfectã aĝuneashti frica, cã frica ari cu nãsã cãtãdzicãsirea, shi atselu tsi ari fricã nu easti perfectã tu vreari.

10 Cã tuts noi prindi s-nã fãnirusim nãintea a thronlui di giudicata al Hristos, tsi cathiun s-ljea arãsplata dupã atseali tsi ari faptã bãnãnda tu trup, bunã icã arãu.

16 tu dzua cãndu Dumnidzãlu va giudicã ascumtili a oaminjlor dupã evanghelu a meu prit Hristolu Isus.

27 Dupã cum easti apofãsitã ti oaminjlji tra s-moarã mash unã oarã, sh-dupã aestã yini giudicata, 28 ashãtsi sh-Hristolu, cum s-curbãnsi unã oarã ti amãrtiili a multsãlor, va si aspunã di a doaua oarã, fãrã di amãrtii trã atselji tsi lu ashteaptã ti ascãpari.

37 Cã:

"Ninga putsãn, multu putsãn,

sh-atsel tsi prindi s-yin,

va yin sh-nu va amãn.✝

38 Sh-ndreptul a meu dit pistea va bãneadzã,

sh-ma si s-trag nãpoi,

suflitlu a meu nu va aibã arsiri pri nãsu."✝

39 Ma noi nu him di atselji tsi s-trag nãpoi trã chireari, ma di atselji cai au pisti sh-suntu la ascãpats.

6 Trã atsea s-nu durnjim ca alantsãlji, ma s-vigljem shi s-him dishtiptats. 7 Cã atselji tsi dormu, dormu noaptea, sh-atselji tsi s-mbeatã, s-mbeatã noaptea. 8 Iarã noi, tsi him a dzuãljei, s-him dishtiptats, avãnda nviscut pistea sh-vrearea ca cheptarlu, sh-nãdia trã ascãpari ca acupiritura a caplui. 9 Cã Dumnidzãlu nu nã ari bãgatã trã nãriri, ma trã loari ascãparea prit Domnul a nostru, Isus Hristos.