1 Mini vecljiulu, a Gailu multu-vrut, tsi lu voi dealihea. 2 Multuvrute, mini voi s-ai ambãreatsã la tuti, shi s-hãrãseshtã sãnãtati bunã, ashã cum ari ambãreatsã suflitlu a tãu. 3 Cã mi hãrãsii cãndu vinirã niscãntsã fratsi sh-mãrtirsirã ti pistipsirea a ta trã alihea, cã cum imnji tini tu alihea. 4 Nu am ma mari harauã di aestã: s-avdu cã hiljilji a melji imnã tu alihea. 5 Multuvrute, tini fats cu pistipsiri itsido tsi fats trã fratslji shi trã xenjilji. 6 Elji mãrtirsirã ti vrearea a ta nãinti a bisearicãljei, shi va s-fatsã ghini s-ai cãshtigã ti cãlãtoria a lor cu tinjii di Dumnidzãlu. 7 Cã elji ishirã trã numa a lui, fãrã s-ljea tsiva di la pãngãnji. 8 Noi u avem obligatsie, s-li ashtiptãm aeshti oaminj, tsi s-himã prilucrãtor trã alihea.

9 Lji scriai a bisearicãljei, ma Diotreful, tsi va s-hibã protlu trã elji nu nã ashteapti. 10 Tr-atsea, ma s-yinu, va lji-aduc aminti a lui faptili tsi adari, zburãnda zboari arãi contra noi. Cum s-nu agiungu aesti, elu nu li ashteapti fratslji shi li ncheadicã atselji tsi vor s-li ashteaptã shi li scoati di bisearicã. 11 Multuvrute, nu urmeadzã arãulu, ma bunlu. Atselu tsi fatsi bunlu easti di la Dumnidzãlu, ma atselu tsi fatsi arãulu nu lu ari vidzutã Dumnidzãlu. 12 Di Dimitrul tutsã da mãrtirii bunã, tutashã shi alihea: shi noi mãrtirsim ti nãsu, sh-tini lu shtii cã mãrtiria a noastrã easti alihioasã. 13 Aveam multi trã scriari, ma nu voi s-tsã scriu cu buiauã shi-peanã. 14 Ma nãdãescu s-ti ved curundu shi si zburãm di aproapi. 15 Pacea cu tini! Oaspilji tsã pitrec sãnãtati. Dã sãnãtati a oaspilor un pi unã.