O juízo final

Ishɔt igang e

11 Wat in di kuta igwɔm kukan e, ayɔng fɛ́ a sonong ni ko. Kazatse nɛ kaza wat ka te bit ashon wu, ba bit karɔ inyeseng ni ba. 12 In di bafaben, baratek nɛ babane, ni nyeseng ashon kuta igwɔm e. Ba tarak afumung, ba tɛ ba tarak kufumung kukak, kuyɔng fi ku yet kufumung kutset. Ba ras bafaben ishɔt, kpaf ni ikyɛng fɛ́ ba raas, fi i se ni ijɛk na afumung e. 13 Izek turung nkom banet fi nse ayɛt na, iku nɛ ari-irong nesek bafaben fɛ́ ba se ni na, kaakyɛ anet ba ku ra ishɔt kpaf ni ikyɛng fɛ́ a mi ra. 14 Ama anɔng, ba sok iku ni ari-irong sak ni kubong árong. Kubong árong e yet iku ifɛ́ afaa. 15 Ngma ayɔng fɛ́ da ba sɛ iyerek wu ni jɛk ayɛt kufumung kutset e awo, ba ku barak ni kubong irong e.

12 AYeso fɛ́, <<Di yin, imi yɔng ngmash ni in bɛ́! Izang hom se ni imi, In da nɔɔk kaangan kpaf ikyɛng fɛ́ a ra.

12 AYeso fɛ́, <<Di yin, imi yɔng ngmash ni in bɛ́! Izang hom se ni imi, In da nɔɔk kaangan kpaf ikyɛng fɛ́ a ra. 13 Imi yet Imɛsɛng nɛ afi Igang, afi Imɛsɛng e ni Igang e, afi Itumung e ni Nkum e.

31 Nek a mi sak kunom fɛ́ a bi di ra kazatse ishɔt ifɛ́ atsak fɛ́ a bi ra ni bɔk anet fi iwu mi myak; ne ane fɛ́ a mi di barang banet ngma agap iyɛ, ni idorok fɛ́ a kudorok ni iku.>>

36 Won in ki tak yin, kaangan bi tsɛ a tak atuk ishɔt igang azatse, kaaki kuri kucɛɛt kukpɛɛ me, fɛ́ a mang cɛɛt iko. 37 Nek kucɛɛt ngɔn da ka kusu ke ku da ka rosom ayi.>>

Ishɔt igang azatse

31 <<Ni izen fɛ Arim Anet bi bɛ́, ayɛt ízɔk wu, nɛ batomaza ngma kusum, ni izen e yɔng wu, a bi sonong ni kuta igwɔm ízɔk wu. 32 Ngma icen azatse bi kana tusung ashon wu, iwu bi kaba banet kyɔn tɛ anet ija di kas ibon itsamang ni ibon iwe. 33 A bi sak itsamang ni bɔk iyak, na sak iwe ni bɔk imen.

Ishɔt igang azatse

31 <<Ni izen fɛ Arim Anet bi bɛ́, ayɛt ízɔk wu, nɛ batomaza ngma kusum, ni izen e yɔng wu, a bi sonong ni kuta igwɔm ízɔk wu. 32 Ngma icen azatse bi kana tusung ashon wu, iwu bi kaba banet kyɔn tɛ anet ija di kas ibon itsamang ni ibon iwe. 33 A bi sak itsamang ni bɔk iyak, na sak iwe ni bɔk imen.

34 <<Wat agwɔm e, bi fɛ̀ nɛ bayɔng fɛ́ ba se ni bɔk iyak wu, <Bɛ́ yin, iyin fɛ́ aDa hom mi ki te yin awɛng; bɛ́ yin, bi nɔ yin ayɛt igwɔm fɛ́ ba mang nye nek iyin, neme ni inye kazatse. 35 Nek imi kin fok nzong, iyin di nɔɔk yin nayak, imi kin fok iyɛ ingash, iyin di nɔɔk yin ashi isɔ, imi bɛ́ itsen, iyin di shan yin nɛ nasa yin. 36 Izen fi in se dang ares ite, iyin di te yin ares. A di rɔ, iyin di fiis yin gyat. In se ari inyang, iyin di bɛ́ yin itsen.>

37 <<Wat bafɛ́ atsak e, bi fɛ̀ ni iwu, <ATisa, akyi izen fi iyit kin da di yit ni nzong, in da nɔɔk yit nayak ɛ? Ki in da di yit ni tsin fok iyɛ ingash ayi, in da nɔɔk yit ashi isɔ yɛ? 38 Na ki izen fi in kin da di yit atsen, in da shan yit sak nɛ nasa yit ɛ? Kɛ in da di yit vit ares, in da nɔɔk yit ares ɛ? 39 Na ki izen fi in kin da di yit ni irɔk, ke ari inyang ayi, in tsin in da fiis yit ɛ?>

40 <<Agwɔm e, bi fɛ̀ ni iba, <Atsak fi in tsin ki tak yin, ngma ikyɛng fi iyin nye yin azining ayɛt bayɔng fɛ́ ba dung rat ayɛt baruneng ba, imi wu fi i di nye yin ne.>

41 <<Wat a bi fɛ̀ na bayɔng fɛ́ ba se ni bɔk imen wu, <Won yin azeng, ámaan ánet! Tseng yin sak ayɛt irong fi ku ya vit igang, fɛ́ ba kin nye nek aShetan nɛ batomaza wu. 42 Nek imi kin fok nzong, iyin rayin dang di nɔɔk yin kuyak. Imi kin fok iyɛ ingash, iyin rayin dang i di nɔɔk yin ashi isɔ. 43 Imi kin bɛ́ itsen, iyin rayin dang di shan yin nɛ nasa yin. Imi se vit ares ite, iyin rayin dang di te yin ares. Imi se ni irɔk nɛ ari inyang, iyin rayin dang ni tsi i di yin.>

44 <<Wat iba bi fɛ̀ ni iwu, <ATisa, na ki izen fi iyit kin da di yit ni nzong kɛ ni iyɛ ingash, kɛ atsen, kɛ vit ares, kɛ ni irɔk, kɛ ari inyang ayi, in rayit dang da sɛ yit mo yɛ?>

45 <<Iwu bi fɛ̀ ni iba, <Atsak fi in tsin ki tak yin, ngma ikyɛng fi i rayin dang nye yin azining ayɛt bayɔng fɛ́ a dung rat, ayɛt ba ba, imi wu fi i rayin dang di nye yin ne.> 46 Nɛ ba ma tseng ni iba, sak narɔ mgbang vit igang, awɛt nɛ ba tseng nɛ bafɛ́ atsak sak ni kutset vit igang.>>

16 <<Nek ishim fɛ́ Adakunom bɛ́ nek kazatse makiyi, a nɔɔk azizɛɛt ari wu, nɔng ngma ayɔng fɛ́ a nɔɔk atsak ni wu, a da wey awo, tit a da sɛ kutset vit igang.

16 <<Nek ishim fɛ́ Adakunom bɛ́ nek kazatse makiyi, a nɔɔk azizɛɛt ari wu, nɔng ngma ayɔng fɛ́ a nɔɔk atsak ni wu, a da wey awo, tit a da sɛ kutset vit igang. 17 Da Adakunom tom Ari wu sak azatse nɔng a da ra kazatse ishɔt awo, tit nek kazatse ka di sɛ isheshek ni bɔk wu.

18 <<Bayɔng fɛ́ ba nɔɔk atsak ni wu, vit ishɔt naton ba, awɛt bayɔng fɛ́ ba raba dan nɔɔk atsak ni wu, ishɔt me ka ba ya gyam nek ba raba dan nɔɔk atsak ni iyerek atutup arim Adakunom. 19 Ishɔt ka ba ya nek: mgbɛy ne naton, in bɛ́ azatse, wɛt banet wat ishim nhwyi aza mgbey nek nggɔn bá yet nman e.

7 Imi tsin ki tak yin atsak: I da mak ki se yin gyat imi ni tseng. Nek kɛ da imi tseng awo, Afidang Itseet e da bɛ́ ni yin awo; Ki imi tseng, in bi ki tom yin ni wu. 8 Izen fɛ́ Afidang Itseet e bi bɛ́, a bi tonong banet azatse wɛshɛk fok, kuyiring bà yet kumaan e naton nggɔn anɛn, nɛ naton kusonong ajɛrɛ, ni ishɔt: 9 Kuyiring bà naton anɛn se kpaf awo, nek ba raba dang di te agap ni ikuus in; 10 Kuyiring bà yet kumaan e naton nggɔn ntek, nek imi yɔng in tin bun sak narɔ Ada hom, iyin bi ti i di di yin awo. 11 Kuyiring bà yet kumaan e naton ishɔt, nek ba mi ya agwɔm azatse kang ni ishɔt.

16 Nek anɔng fi in di rēn yit, in di te yit yɛndɛng ni ishim fɛ́ Adakunom bɛ̀ nek iyit.

Adakunom yet ishim. Ngma ayɔng fɛ́ a se ayɛt ishim e, a se ayɛt Adakunom, Adakunom se ayɛt wu. 17 Na anɔng wu, fi ishim di shining ayɛt yit, nɔng in da bin sot yit ni iyɛ ting atuk ishɔt igang azatse, nek azeng azatse, in se yit ti iwu. 18 Ishim bi nnyim awo. Ishim atsak ro nnyim, nek nnyim bɛ́s nek kuyiring itabak. Anet fɛ́ a bi nnyim, ishim wu mi shining yɛɛt-yɛɛt awo.

10 Nek i se gbing-gbing ngma yit in bi nyeseng yit ashon Anet-Isheshek nek ishɔt. Nɔng kaangan bi shan izang wu kpaf ni kutomong fɛ́ a ra ni kutset kang, ke ni iyet itek a ke imaan e ayi.

16 Atuk e yɔng, kpaf ti ifɛ̀ itek deng fi in tsin shara me, Adakunom bi ra ishɔt nanu Anet-Isheshek aYeso naton nkyɔrɔk fi in se ni nɛt na ayɛ banet.

27 Kyɔn ti fi i di se, ba te fok anet awe da ku kazining pɛɛt, ama anɔng, na tot ishɔt Adakunom. 28 I se anɔng bà, ba kin nabak Anet-Isheshek tɛ inabak-akuce sɔk kazining pɛɛt nek a di sok anɛn banet dot. A bi tɛ bɛ́, ibɛ́ ifɛ́ afaa, da nek i sok anɛn kong awo, tit na bɛ́ ni isheshek sak na bayɔng fɛ́ ba se ni itot wu.

37 Ti i di se ni ijɛk fok,

<<Ni kizen gyeet,

fɛ́ ka resek,

iwu fɛ́ a da bɛ́ me, a da bɛ́,

a da raan wu awo.

38 Awɛt afɛ́ kusot kutabat hom,

a da sot ni kutset

ni irèn inɔɔk atsak.

Awɛt ke a tɛ a bun na kama,

Iyɛ hom bi tɛrɛk

ni iwu awo.>>

39 Awɛt iyit yet yit kuri bayɔng fɛ́ ba bushung na kama, na ba di wes awo. Tit bayɔng fɛ́ ba shan atsak, fɛ́ ba sɛ isheshek.

6 Nek anɔng, won in bi sot yit ti ishɛrɛp e yɔng fɛ́ ba se ni nda awo, tit ni in kana nye yit, in tekap yit kurɔm yit. 7 Nek bayɔng fɛ́ ba se ni nda, ba mereng natuk, bayɔng fɛ́ ba sɔs na ba feng, ba feng na atuk. 8 Awɛt iyit yet yit bafi inom, won ni in tekap yit nrɔm yit, won atsak ni ishim ni i sot tɛ akpara-gwɔm yit, ni ite iyɛ isɛ isheshek sot tɛ abong ni ice yit, 9 Nek Adakunom ki sak yit mok iyɔm nɛ kafa kawe wu awo tit nek in sɛ yit isheshek ni bɔk aTisa yit aYeso Kristi.