O juízo final

Shiriya Karishe

11 Ayani Ni geni totolo kingbolo ni solota peri nja nsude zunwa a kiya yi. Bisi nja kisi beta bila geba yi su sakye geni su gagaba. 12 Se Ni geni worede su muntu, toree nja yaya dende, sakisi a geba kingbolo solota. Su bure worosu takada, se su kwa bure takada daa de ma takada leyi. Se worede muntu su yi su shiriya kyakya ni mbode su yi, yiride ema a rubutu a siki takada woromu. 13 Totolo riki beyi mbode su muntu a siki yi, muntu nja anya zunwa worede su muntu osu ma su beyi worede su muntu a siki su du. Mirikisi yi konwawa shiriya kyakya ni mbode e yi. 14 Se Mirikisi la muntu nja anya zunwa nsu muntu kutiri te a siki totolo wuta. Totolo romu wuta mu e shiya ma muntu ni bi. 15 Guru nsude su rubuta seni yi a siki takada ni leyi mu ba, su la yi kutiri te a siki totolo romu wuta mu.

12 Yesu pala nkye, <<Ku zi>> <<Yaa dede ba na zo, ni nani wuta na, na ba konwawa kyakya mbode yi.

12 Yesu pala nkye, <<Ku zi>> <<Yaa dede ba na zo, ni nani wuta na, na ba konwawa kyakya mbode yi. 13 Eni na mma Alipa nja Omega, Ni Pari nja Karishe.

31 Sobon e sa nana de yaa zo yi durinya shiriya ni gaskye te anya nsude e zabi. Mirikisi beyi sheeda ni nsum ba guru ntani te anya dege nse a kumsha!>>

36 Sede Na gye ku a nana shiriya kowon nse yaa te pala guru mungu beta de e yi. 37 Kelima baki ke na sua yike shiriya, ko yaa butu ke ko yaa butu ke ba.>>

Karishe Shiriya

31 <<Nde yaa nsebeki zo a siki girima, nja guru meleku e yi, yaa zunwa a kingbolo solota gizi bisi ni girima e yi. 32 Guru kesa ni durinya sua tala a geba e yi, anya ni e shi yaa laba ntani mbombom dege nki asu, kankye yiride nsu kiwo yaa laba timshiya dege akuya. 33 E shi yaa sa timshiya a nani dama e yi yaa sa akuya a nani guni e yi.

Karishe Shiriya

31 <<Nde yaa nsebeki zo a siki girima, nja guru meleku e yi, yaa zunwa a kingbolo solota gizi bisi ni girima e yi. 32 Guru kesa ni durinya sua tala a geba e yi, anya ni e shi yaa laba ntani mbombom dege nki asu, kankye yiride nsu kiwo yaa laba timshiya dege akuya. 33 E shi yaa sa timshiya a nani dama e yi yaa sa akuya a nani guni e yi.

34 <<Se Seleki yaa gye worede su ma a nani dama e yi, <Zo, oku worede Adaa na sa ku anabirika ni solota bisi; Ku si gado ku, de su shiriya ku nshi tun kwanki de su yi durinya. 35 Sobon Na zi nyunwa ku ba ni mbosi de ni si, Na zi kishi ku ba ni riki de ni sha, Ni zo ku bakwee ku keleba ni a gizi aku, 36 Ni ma keikei ba ku ba ni, Ni ma yi suwo ku kula ni, Ni ma a jaru ku zo geshe ni.

37 <<Se ntani gangasi sua keleba e yi nkye, <Obagizi, woshe na mu geni ke ka zi nyunwa na mu ba ke mbo si, ko kaa zi kishi mu ba ke mbode sha,? 38 woshe na mu geni ke bakwe na mu keleba ke yuru a gizi, ko totombolo na mu ba ke keikei? 39 Woshe de mu geni ke yi suwo ko a jaru de mu te geshe ke?>

40 <<Seleki yaa keleba nkye, <Ni gye ku gaskye, du mbo kyakyawu de ki yi yayuwa na dende ni siki yawo na, E ni na ki yi ni nshi.>

41 <<Anya ni yaa gye worede su ma nani guni yi, <Dege anya mu, oku de su yi ku gbetuma, yuru a siki wuta ni dindindin de su shiriya ba obiri nja meleku yi. 42 De ni ma zi nyunwa ku ba ni mbosi ba, Ni ma bila de sha riki ku ba ni de ni sha ba, 43 Ni ma bakwe ku keleba ni yuru ni a siki gizi ku ba, Ni bila keikei ku ba ni keikei ba, Na yi suwo ni ma jaru ku zo anyana ba.>

44 <<Osu ma sua keleba nkye. <Obagizi, woshe na mu geni ke kaa zi nyunwa ko kaa bila sha riki ko ki zo mu bakwe ko ka bila keikei ko ki yi suwo ko ki ma jaru, mu sua ke nto ba?>

45 <<Yesu yaa keleba, Na gye ku gaskye, du mbode ku yi dende ni siki woromu ba, e ni na ku yi ni nshi ba.>> 46 <<Se sua la mungu ntani kutiri te anya ni zi nki ni dindindin, sede ntani gangasi sua ma ni leyi ni dindindin.>>

16 <<Sobon so de Mirikisi yi ntani durinya mu ari e beyi Yaa yi ndandaa, sobon guru nsude yeda nja shi yaa muntu ba sede yaa mani leyi ni gbogbo.

16 <<Sobon so de Mirikisi yi ntani durinya mu ari e beyi Yaa yi ndandaa, sobon guru nsude yeda nja shi yaa muntu ba sede yaa mani leyi ni gbogbo. 17 Mirikisi saka Yaa yi a durinya ba de e yi ntani durinya shiriya naba, sede e sila ntani durinya. 18 Guru nsude yeda Yaa sua yi shiriya ba, sede nsude yeda ni nshi ba su e rigye yi shiriya wo, sobon e yeda ni seni Yaa Mirikisi ba. 19 Yiride shiriya ma naka: Asikye zo a siki a durinya, sede ntani su so dopuwa pi asikye sobon ANKI asu e mani mumungu la.

7 Sede Mma gye ku gaskye: yaa yi ku kyawu de ni te, sobon nde ni te ba, nsu sua nto yaa zo ba; sede nde Ni te, na saka yi zo anya ku. 8 Kwanki de nsu sua nto te zo, yaa nana ntani durinya a kiya lepi su nja a kiya gangasi nja a kiya shiriya Mirikisi. 9 Lepi durinya e shiya ma, sobon ntani ki beigaskye nja Ni; 10 Mbode su yi kyakya a kiya gangasi, sobon Na te anya ni Adaa na, kwa geni ni gagaba; 11 Tunani su ma kyakya ba a kiya shiriya ba, sobon su rigye yi nsu solota durinya mu shiriya wo.

16 Yomu na mu shina mu kwa beyi gaskye a kiya so de Mirikisi ma nshi sobon mu.

Mirikisi e ma so la. Du nsude man so e ma a siki Mirikisi, nja Mirikisi ma a siki yi. 17 A turiki nsum na, so sika a siki mu ari mua mani sori dishiya a nana ni shiriya, sobon a siki durinya mu mua ma yiride e ma. 18 Ba womba a siki so. Sede so ni gaskye yaa butu womba, sobon womba e ma poro la. Nsude yaa zi womba e mani so ni gaskye ba.

10 Sobon ema dole la konwawa yaa sakisi a geba kingbolo shiriya Kiristi de yii shiriya. Konse yaa keleba nani wuta ni mbo de e yi a siki nki e yi ko kyakyawu la ko mumungu.

16 Kankye yiride de Ni gye ku nabari kyakyawu, Yomuna yaa ma nana de Mirikisi te anya Yesu Kiristi yaa yi shiriya mbode e ma a boyi a dishiya ni guru ntani.

27 Konse e ma dole na e muntu sen daa, a beyi nsum Mirikisi yaa yi shiriya, 28 Yomuna Mirikisi munka Kiristi sedeka son daa de e la lepi ntani nyowa; Yaa kuma zo ni bi, ba yaa zo de e la lepi na ba, sede e sila ni worede sua pekye yi.

37 Yiride, takada Mirikisi nkye,

<<Yaa dede ba,

nsu zo mu yaa zo;

yaa taba dede ba.

38 Ntani na gangasi, sua mani leyi te anya beigaskye;

Sede nde nseda a siki su juyi mbayi,

Na zi dadi yi ba.

39 Sede omu muma ntani de su juyi beyi te alaka na ba, sede worede su beigaskye ni sila su na.

6 Sobon yomu, kede mu ma kankye worede su ma nsubiya Yesu ba, de su mayi kwana, sede mu yi zunwa ni kpanku nja ka nkimu. 7 Sobon worede ma yi kwana, su mayi kwana ndederi la, nja worede su ma bugu, su ma bugu ndederi la. 8 Sede tunde mu ma ntani nana na, se mu yi zunwa ni kpanku. Mu sa riga keripi ni beigaskye nja so, nja gongo ni sadishiya ni sila e ma kankye golonka ni tele kiya. 9 Mirikisi zabi mu de mu Genbeki yi ba sede mu samu sila anya Obagizi mu Yesu kiristi.