1 A karishe, yayuwa na, ku yi piri siki a siki gama kiya ku nja Obagizi. E suwe ni ba nde ni sakye rubuta ku mbode ni rigye rubuta ku nshi jaja, ema sobon ni ampani aku na nde ni te yi yomu.

2 Ku sa ndani ni ntani de sua yi kankye kere, nsu yi mbo mumungu, worede sua yanka nki su. 3 Sobon omu na mu keleba yanka ni gaskye, mu bowuta Mirikisi a siki ni Aworo, worede sua peri siki a siki gama Kiya su nja Kiristi Yesu, nja worede sua sadishiya alada ANKI nki ba 4 ko de nkye Eni kiya na ni ma delili ni sa dishiya ANKI nki

Kode Na yi yaa sa dishiya a siki ANKI ni nki. Nde nseda ma de ema geni nta e mani de yaa sa dishiya ANKI ni nki, Ni pi nse ni. 5 su yanka ni a kwana ni takusi. Ni ma nsebeki Izireyila na, dege zuriya ni Benjami, nsebeki Yawudawa. A kiya ni doka Musa, ni ma Parisiyawa, 6 a kiya beta ni biya adini Ni ma ba nsubiya Yesu takaasi. Te anya gangasi ni anya beyi girima te nja kokoyi doka Musa, Ni mani lepi ba. 7 Sede mbode da su ma Ni riba, kuzukam ni Ni la su ma wopi na anya na sobon ni Kiristi. 8 Ni yi asara guru mbo; sobon dereja ni shina Kiristi Yesu Obagizi na, dereja de pi sori de sua gonta yi. Sobon Kiristi na ni yi asara guru mbo; ni la su ma mbo wopi, de ni samu Kiristi 9 nja de ni geni kiya na a siki Yesu, de ni ma ni gangasi na ba nsude samu ta biya kokoyi ni doka Musa, sede nsude zo ta beigaskye ni Kiristi, de samu gangasi nsude butu anya Mirikisi ta turiki beigaskye kede. 10 E ni ma bila de ni shina Kiristi nja yiko de dege Yesu a kumsha nja yi oboki nja Yesu a siki Genbeki ni, de e ma kankye Yesu a siki muntu yi, 11 ko ta woni turiki de ma a siki nsu dege dege kumsha.

12 Ba ke E ni rigye samu guru mbo mu woba, ko ni rigye ma kyakya, sede E ni ni yi topula de la ka mbode Kiristi Yesu sa de aka ni. 13 Yayuwa, ba nkye E ni kone kiya na nkye rigye la ka wo ba. Sede mbodaa kaka e ni yi: De ni musi mbode ma beyi na nja de kone tiriri mbode ma a geba na, 14 nkayomu mma yi gudu tiriri de ni yi geba geba de ni keleba nani wuta ni shakiya, de ma delili sukwa mu de Mirikisi yi ni de ni te a bisi te anya Kiristi Yesu.

15 Se guru amu de mu yi girima a siki Aworo Mirikisi de muma tunani yirida. nde guru amu te ma tunani yirida mu ba, Mirikisi yaa nana ku nshi. 16 ko Yaama nkye Kona, bila de mu yi geba a siki kayida yirida, yiride mu Yi ari kuzukam 17 Yayuwa na, ku biya seni na, ku sa ndani ni worede sua biya turiki de mu kokoyi ku mu. 18 Sobon yomu, yiri de ni gye ku a beyi nja kuzukam naa pala gye ku ni anwe, worosu aku yiri zunwa su sa su su ma oboki geba ni muntu ni Kiristi a gidiri. 19 sua karikye a gizi wuta, sobon mirikisi su e shi ma siki su, sua buga geba mbode de kamata su zi kumnya, tunani su man mbo durinya. 20 Sede muma ntani geri ni bisi la. nja mwa memeri zunwa pekye zo ni Obagizi mu, Yesu Kiristi , 21 e shi na ma yiko ni mbo guru de yaa kuma ni mbo lelenga seni Yesu, yaa juyi nki ni kesa mu de ma yiri ni nki ni Yesu nsu. girima.