1 Sobon yomu, yayuwa na, worede ni ma so nja de mani memeri ku, peri siki na nja lende ni girima na, yomu na ma bila de ku sakisi nsori a siki ni Obagizi, nsu oboki na!

2 Mma ba Yudiya nja Sintiki ankuri, de su shiriya nja nkiaku sobon su ma ni Obagizi la. 3 Eke ma du, oboki anki na nsu aminshi, Mma yi ologba ke de ki sa mata woromu nto; sobon su sakisi nsori nja ni a siki anki beyi nabari kyakyawu mu, nja kelemen nja guru nsu oboki anki na, worede seni asu ma a takada leyi.

4 Ku yi peri siki konana a siki Obagizi. Mma kwa gye ku jaja: ku yi peri siki! 5 Bila de guru ntani su geni nkye ku ma nsu bwala kiya. Sobon Obagizi yi kusa zo. 6 kede ku damu a kiya mbodaa, sede a siki ni guru ku pala gye Mirikisi mbode kwa bila, te turiki yi lepa nja ologba nja gbede. 7 Yomu na selema ni Mirikisi, de pi guru shina nsebeki, yaa tele dishiya ku nja tunani aku a siki Kiristi Yesu.

8 A karishe, yayuwa na, ku yi tunani a siki mbode ma gaskye, nja mbode deta beyi girima, guru mbode ma kyakya, nja du mbode mani dola ba, nja du mbode yaa zo ni so, nja du mbode e ma ni jima nde mbodaa de ma girima ko mbode deta yaba, tunani ku ema a kiya yiri mbomu 9 Guru mbode ku kokoyi nja mbode ku keleba ko ku zi ko ku geni anya na. Mirikisi nsu selema yaa ma nja ku.

10 E ni ma totolo peri siki a siki Obagizi de a karishe ku nana ni nkye ku mosi ni ba. Yomuna, ku ma nana ni so, sede ku samu zerepi de ku nana e shi ba. 11 Ba mma pala yomu sobon su ki ni na ba, sobon ni kokoyi yiride naa yi zunwa ni mbode ni manshi 12 Eni shina yiride ni yi zunwa a siki ni lesa, nja Eni shina de ma zunwa a siki de ni manshi nyowa, Eni kokoyi asiri zunwa a siki ni Genbeki, ko a siki dadi ko a siki nyunwa, ko a siki lesa ko a siki de ni manshi nyowa, 13 Eni ma yaa yi kowoni mbo a siki Kiristi nsude yaa ba ni sori.

14 Sede ema mbo kyakyawu de ku sua ni nto a siki ngala 15 Mbo ni samu, oku ntani Pilibiyawa shina game ni manki Mirikisi de zo anya ku npari, de Eni butu dege Makidoniya, ba nsu biya Yesu de su laba nja ni a kiya beyi nja keleba, sede oku kede, 16 kode e pi sen daa de ku saka ni sua nto ku a geri Tasalonika. 17 ba sobon de ma bila kyawuta ku na ba, sede Eni ma bila de ni ma ku anabirika Mirikisi anya ku. 18 E ni rigye keleba kyawuta de ku saka ni e shi nyowa, E ni ni keleba dege anya Abaparodita kyawuta de ku saka, kyawuta ku ma mbo kemeshi la, sedeka ku ma mbo keleba, e ma mbo jima anya ni Mirikisi. 19 Mirikisi na yaa ba ku guru mbode kwa bila a siki girima ni mbo nani yi a siki Kiristi Yesu.

20 Girima tabata anya Mirikisi Adaa mu dege kuzukam Ari gbogbo. emayomu!.

21 Geshe guru ntani Mirikisi a siki Kiristi Yesu. Yayuwa de su ma nja ni sua bayi gesuwa su. 22 Guru yayuwa nsu biya Yesu sua gesheku, nzun worede su ma gizi Keisa.

23 Aniyeri ni Obagizi Yesu Kiristi e ma nja aworo ku emayomu.