Juízo
O juízo de Deus é manifestação de sua justiça e soberania. Ele julga o mundo, julga as nações e julga cada coração com perfeita equidade e misericórdia.
O juízo de Deus
Deus é juiz justo que prova os corações. Seu juízo é verdadeiro e alcança toda obra, secreta ou pública.
Yiride Adaa ema dege worede su muntu de su ma leyi, yomu na du Yaa yaa ba worede yaa so leyi. Adaa yaa yi nseda shiriya ba, sede e ba Yaa guru sori de e yi shiriya, sobon de guru ntani su ba Yaa girima yiride sua ba Adaa. Nsude ba Yaa girima ba, e ba Adaa de sakye yi girima ba. <<Na gye ku gaskye, du nsude zi kelima na nja e beigaskye ni nsude saka ni e mani leyi ni dindindin. sua taba yi shiriya ba; sede e nyenteri muntu te man leyi. Na gye ku gaskye, kwanki mma zo ari ma e rigye zowo de worede su muntu sua zi murinya Yaa Mirikisi nja worede su zi yi sua man leyi. Yiride Adaa nkiya yi e ma tutiri leyi, yomuna e sa Yaa yi e ma tutiri leyi. E bayi dama de e yi shiriya sobon e ma Yaa nsebeki. <<Kede ku yi mamanki a kiya mbo mu, kwanki yaa zo de worede su ma a siki kumsha sua zi murinya yi. sua butu a woze, worede su yi mbo kyakyawu sua dege nleyi, se worede su yi mungu mbo sua dege nleyi te anya de sua yi su shiriya.
Na yi mbodaa nkiya naba; Na yi shiriya kyakya mbode ni zi, shiriya na e kwa ma gaskye, ba Na yi mbode mma so naba sede ni nsude saka ni.
<<Nde Ni yi sheeda kiya na, sheeda na e mani gaskye ba.
Sede Mma gye ku gaskye: yaa yi ku kyawu de ni te, sobon nde ni te ba, nsu sua nto yaa zo ba; sede nde Ni te, na saka yi zo anya ku. Kwanki de nsu sua nto te zo, yaa nana ntani durinya a kiya lepi su nja a kiya gangasi nja a kiya shiriya Mirikisi. Lepi durinya e shiya ma, sobon ntani ki beigaskye nja Ni;
Yesu nkye, <<Murinya mu e ma sobon ku la, ba sobon e ni naba. Kuzukam na e ma kwanki de sua yi durinya shiriya; kuzukam na nsu solota durinya mu sua butu yi a solota durinya. Nde su dege Ni a kisi, na jaa guru ntani zo anya na.>>
Anya ni nseminji ni nkye, <<Obagizi, Ni beigaskye,>> Se e dure guyam a kisi e bowuta yi.
Yesu pala nkye, <<Ni zo a durinya mu sobon de ni yi shiriya la, de worede su ma makapi su geni worede su ma geni su ma makapi.>>
Prestando contas
Cada um prestará contas de si mesmo a Deus. O juízo começa pela casa de Deus e depois alcança os que não obedecem ao evangelho.
Ku keleba worede man sori a siki beigaskyesu ba, sede kede ku bebele baki nja su sobon de tunani su ma mbom nja ku. Beigaskye ntani worosu su yeda su de su suku guru mbode sua bila de su suku, sede nsude man sori a siki beigaskyeyi ba yaa suku genya lombu na kin. Nsude ma suku guru mbo bila de e suku kede e nene nsude ma suku genya lombu na kin ba; yomuna nsude ma suku genya lombu na kin kede yi nsude ma suku guru mbom shiriya; sobon Mirikisi rigye keleba nseni. Waa ma e ke de ka yi bunwa nseda shiriya? E ma ANKI nsugizisu la de e nkye bunwa ni yi kyakyawu ko mumungu. Sua yi yaa shakiya, sobon Obagizi yaa sa su de su yi nasara.
Sobon kowoni nseda mu yaa pala mbode yi a geba Mirikisi.
Nkayom, mu bila yi nkiya mu shiriya. De mua yi yomu, se konse yi tunani nkye e shi yaa taba yi mbode yaa sa yayiwa e yi e titimi ko e puari a siki lepi ba. Zumunshi na nja Obagizi Yesu sa ni ma ni tebeshi nkye ba mbosi de e ma nsu kazanta ba; sede nde ku la nkye worosu su mbosi su man kazanta, e ma nsu kazanta naka ba ku.
Sobon kwanki keyi wo de shiriya yaa para a kiya ntani Mirikisi, nde su te para nja mu, mina karishe worede su ki zi manki ni nabari kyakyawu ni Mirikisi?
Nkayomu kede ku yi nseda shiriya tunde kwanki yi ba; Pekye de Obagizi e kuma. Yaa pelesa mbode ma a boyi a siki dopuwa zo asikye nja yaa pelesa mbode ma dishiya nsebeki. Kwanki ni kowoni nse yaa keleba yobo dege Mirikisi.
Yayiwa yiri shiriya de ku yi worosu, yiri yi na Mirikisi yi ku nshi du, mbo mumungu de ki la yi nseda ni mbo mumungu ni Mirikisi yaa gwada ke nshi du.
<<Mina sa de ka kone dola de ma ndani yayiwa ke de ki lesa de kone ongbomu de ma siki ndani ke? Yaya na ka gye yayiwa ke nkye, <Zo de butu ke dola de e ma andani ke,> De ki bila ongbomu ma a siki andani ake?
Justiça e redenção
O juízo de Deus é também redenção. Ele livrou Israel do Egito com juízos e salva os arrependidos pela cruz de Cristo.
A beyi damu Ni zi mosi kankye murinya totolo ntani de tala a bisi, su mayi kuruwa nkye, <<Yobo Mirikisi! Sila, nja dereja, nja sori e mani Mirikisi amu la! Sobon kowoni mbode e yi ema gaskye nja gangasi la! Mirikisi yi totolo mase kilaki mu tala de bebeta durinya ni ali yi ni nungwe. Mirikisi yi poro sobon e kisa bunwa yi.>> Ntani de taala mu kwa yi kuruwa su ma nkye, <<Yobo Mirikisi Obagizi mu! Ayan ayanki wuta de suwuta totolo geri Babila dege ma te ni bisi ari gbogbo!>>