Justiça

33 Ha’no kinn edisineexxi Mageniixxa mootummanna qullumma isixxa halse! Hassinaaxxi yaane duuchchanna ha’no’a lebendaan.

18 Fuggichchi manji hujaaxxe huje’a alfaaxxi dhugaati la’o hexxeba’a,

qullumma hujaak kinni dhugaatike hira alfa.

21 Qullummatanna jaalala hordofaak,

hedho, durummatanna ulfinna alfaan.

3 Tolcha uwwati irra qullummatanna dhugaatixxa murte assa;

Duuchchi Woddika Gootta gammachchiisan.

2 Manji assa’neexxi duuchcha eloxxe iso’ni labbaan;

Duuchchi Woddik Gootti kinn godoba uudan.

2 Seeribeloke orinni daggeexxi karra la’o affeba’a,

qullummate’n gala kinni reyotenaa’n gatisa.

21 No’o Kirsitoosini welti mitteba higati Magenxa qullumma alfinanoshsha; Magen cubbo afebaaka Kirsitoosi’i no’oxxa cubbo dulkaashsha asseeni.

11 Manji duuchchi anjiremaak, Mageniink badhaadhi manjo duuchcha’n leelle’een. 12 Kunni badhaadhinna, cubbote’n hedhatanna butta duuchchixxa yorte murumi hiyyat konnee baro’n ifi hirat, qullummat, dhugaatixxe amanaxxe hedhonn he’nannoshsha no’oo barachchiisaan.

Phawuloosi Ximotoosi’ni Uuwweexxa Maganne

11 Koo Mageniike manjo, ati kinni tenne yaane duuchchinaa’ni baaji; qullumma, dhugaatixxe ammaagngnummaxxa hedho, amana, jaalaala, ossuunteetanna ba’lumma hordofi.

8 Muuxamake’ni yoona anke dayyuwwa dhugaate kaddeexxa yanne duuchcha, ulfaatteexxa yaane duuchcha, toggi hiteexxa yaane duuchcha, luqqitte yaane duuchcha, eeyyendeexxe kaddeexxa yaane duuchcha, eloxxe kaddeexxa yaane duuchcha, elletanna kaddoole yookaan galata, iitta tennerishsha hexxeexxa yaanuwwa hedde.

7 Mee ifi gowwisse! Magenoke’ni gaciffachcho dandeessissabaan. Fedheeki manji facaaseenxe haa’maan.

9 Godoba kulta gonphonnole yanna geltaa wodda maye bukki asse’nannon; tennexxee huje eloxxa jujaatee boosonnonnoqqe’e.

18 Qullummatixxi gumma nage’aa eeyyaake manni’a nage’iki facaassendaani.

16 Tennexxe cubbo ha’nooxxa weli’aanni weli faaci’we; fayyitino’aanna mitti mittekee soodatowwaal. Qullichchi manjixxe soodachcho hunna affe’een; jabaxxa yaanenna assitaan.

8 Mageniinbaa shiqqe; isinna ha’noobaa shiqaani; ha’noo cubbaalleeye anga ha’nooxxa luqqi assedhe; ha’noo lame yaadinni daaqinaak qalbe ha’nooxxa ca’a assedhe.

28 Duuchchi Woddik Gootti dhugaatixxa murte eeyyaan;

ifika addatemalluwwanna waalabaan;

duuchchi woddi’anna insa’nee heqqaan;

fuggaaleeyyetixxi horte kinni baxxaan.

15 Duuchchi Woddike Goottixxi ille qulliyyetibaa uudaan;

mansha isixxinna soodachcho insa’neexxa laqqaan.

6 Isi duuchchi woddi’a hedheebaa’ni munnuqqi hiyya gophaammaxxee’e

qullichchi manji qaabbatema’nee hedhaan.

Qullichchi Manjixxanna Fuggaalleessi manjixxa Me’a

1 Fuggaalleeyyetike gorsa’n me’abaake

cubballeeyyetika ora’n hordofabaake

caaqalleeyyeti welti hosabaake manjixxa wodo!

10 Mitte godobinni atee halse’eennen

seera atikenaa’n bayyatannoshsha assittoxxe’e

6 Mageni mitte mittengee’e isixxe huje hujeshanni uwwaan.

15 Ayyinna fuggoxxee fuggoxxa hiissabaashsha heqqedhe; yaane kinni tenne irra weli’aan weli kaddo wele manni’a duuchchi wodda eloxxe kaddeexxa yaane assatee jabaatte.

14 Yaane kinni qullummatixxe rakko ha’no’n gelteele eebbisendineeken; ha’noonna dhaadachcho insa’nexx’e mee sodaatte, weekendinoqqe’e.

33 Ha’no’aa eloxxa asseekiiri’a eloxxa assitinoole maa hira affina? Cubbaaleeyyetinna midde tennende assitaan.

25 Uduma unsha hinaboxxoshsha Duuchchi Woddike Gootti’a werreega werreegebexxong edi darre xexxe’achchoti hedi,