Legalidades

Kuwahulichiza vilongozi wa isi

1 Chila munhu kangulapigwa kuwahulichiza walingulongoza isi, kwa vila kuduhu munhu yolongoza wone Nguluwi hamlechile yalongoze, Nguluwi yaliyeka ndo yalinguwapa vilongozi ludali lwa kulongoza. 2 Yalingubeza ludali lwa vilongozi kangubeza ilajizo lya Nguluwi, nawo walingudita ahyo wotagusigwa. 3 Mina walingulongoza hambewambuze kudumba kwa wanhu wanojile, ila kwa wanhu wehile. Lelo, kwangugana uleche kumdumba munhu yawele na ludali? Udite ganojile naye kokutogola, 4 mina heye ndo chitumagwa wa Nguluwi yalingukola mijito kwa mbuli ya hegwe inojile. Ila wone udite gehile, lelo, yokulapa kudumba, mina heye ng’hatu kana ludali lwa kukugaza. Heye chitumagwa wa Nguluwi, kuwalajila kuzudila kwa heye kwa wala walingudita wihe. 5 Ahyo ndo yangulapigwa kuwahulichiza wakulu wa isi wali na ludali, haiwele kwa chiwalo cha kudumba kuzudila kwa Nguluwi, leka kahi kwa vila nhumbula ya hegwe yovizela choulingugana kudita.

6 Kwa chiwalo chicho hemwe mwangulavya kodi, mina vilongozi wa isi wangumkolela mijito Nguluwi hanga wangukola gala gawele nguwalapa. 7 Mumhe chila munhu hachi ya heye, munhu wa ushulu, yapegwe ushulu na munhu wa kodi yapegwe kodi na yalingudumbigwa nayadumbigwe na yalingugana katogo na yatogoligwe.

Migane

8 Mleche kudaigwa na munhu yoneche, ila migane. Yalingumgana yoyalingikala habehi na heye, kanguwinza malajizo.

12 Vyomlingikala hali wanhu wohambe wamzele Nguluwi, mwanguganigwa muwe mnojile ng’hatu, leka howokuvilizilani kota mwangudita gehile, waweze kugona madito ga hemwe ganojile na ahyo wamtogole Nguluwi zuwa lya kuya kwa heye.

13 Lelo, muwahulichize vilongozi wa wanhu hano muisi kwa chiwalo cha Mkulu, kahi mumhulichize mndewa yawele chilongozi mkulu, 14 muwahulichize wasenga wawele wahaguligwe na heye kuwagaza wawifile na kuwatogola waditile ganojile.

17 Lelo tulonjele majesa ga hegwe. Ndaze, iwa goya ama hebu kulavya kodi kwa mndewa wa Loma?" 18 Ila Yesu nakavizela wihe wa hewo wowalingijesa nakuwalonjela, "Hemwe wahadi lekachoni mwangunjeza? 19 Mndajile sendi yomlingulavila kodi." Na hewo wamlavila igwala lya sendi. 20 Lelo Yesu nakawauza, "Mutwi na itagwa ali ndo lya whaani?" 21 Nawamwidichila, "Ndo cha mndewa wa Loma." Aho Yesu kawalonjela, "Lelo ga mndewa wa Loma mmigalile mndewa wa Loma na ga Nguluwi mmigalile Nguluwi."

Kulavya nhambiko kuli ng’handa ya Nguluwi

24 Lowafichile Kapanaumu wanhu wali wokongoza kodi ya ng’handa ya Nguluwi nawamlutila Petili, wamuuza, "Ndaze, mlangusa wa hemwe kalavyaga kodi ya Ng’handa ya Nguluwi?" 25 Petili nakedichila, "Ena, nakalavyaga." Lelo Petili loyenjile mgati mwa ng’handa, yang’hali longa luzi, Yesu nakamuuza, "Simoni, hegwe kwangona ndaze? Wandewa wa isi hukongozaga kodi kulawa kwa whaani? Kulawa kwa wanhu wa isi, ama kulawa kwa wajenzi?" 26 Petili nakedichila, "Kulawa kwa wajenzi." Yesu nakamlonjela, "Hino lelo, hailinguwalapa wanhu wa isi. 27 Leka tuleche kuwazudiza, ulute kuli ilamba ukatoze ndowano, uhole somba ya mwaluko kugwila, uigubule kumlomo, mgati mwake kozifika sendi. Uzihole sendi azo ukamhe kwa chiwalo cha heni na hegwe."

25 "Mihanyise himahima hegwe na munhu yawele nakakulonjeleza kuno muwele mnzila kulutula kuli chitala. Wone haudita ayo homuwa mluta kuli chitala, munhu ayo kokuhilika kwa mtagusa, naye mtagusa kokuwika mmoko wa wamizi, nawo wamizi wokuwika mchinweng’ho. 26 Ndikomya, ndangukulonjela, huweza kulawa amo mbaka houlipa sendi yeng’ha.

18 Mohilikwa kwa vilongozi na wandewa kwa chiwalo cha heni, leka mlavye ulolezi kwa hewo na wanhu wa isi. 19 Lelo wone wawebate, mleche kuwa na lunhwinhwi kota molonga choni, na molonga ndaze, baho mopegwa choni cha kulonga.

Kupondigwa kwa Yesu

1 Zuwa lila mndewa wa Loma Agusto nakalajiza kota wanhu weng’ha wa isi ila wawazigwe. 2 Kuwazigwa ako nakwali kwa mwaluko, mhela Kulenio loyawele chilongozi wa mkowa wa Siliya. 3 Weng’ha nawaluta kuwazigwa, chila munhu kaye koyapondigwe.

4 Yusufu nakalawa muji wa Nasaleti kuli isi ya Galilaya nakaluta muji wa Betelehemu ya mkowa wa Yudeya koyaleligwe mndewa Daudi. Yusufu nakaluta ako kwa vila nayali wa lukolo lwa Daudi. 5 Nakaluta kuza wazigwa hamwe na mchewake Maliya heye Maliya nayali na himila.

15 Kwa heye wanhu wa isi ndo kota idovu lya mazi kuli ndoo,

ndo kota nhimbwisi mchanya mwa mzani.

Kwa heye vihilwa ndo kota nhimbwisi.

17 Wanhu wa isi zeng’ha, hawawele chinhu hali heye,

kwa heye ndo wa hihi hela, hawalingutanza chinhu.

9 Hano lwizi lwa mwanzi kwa chiwalo cha mijito ja heni, hanga nawo walingitwanza na heni ndo wenji.

10 Ahyo Pilato nakamlonjela, "Kwangulema kulonga na heni? Huvizelele kota ndanalo ludali lwa kukulechela na ludali lwa kukuwamba?" 11 Yesu nakamwidichila, "Kwahela ludali lwoneche kwa heni, ila lula loupegwe na Nguluwi kulawa kuchanya. Kwa chiwalo acho, yula yengale kwa hegwe kana gehile ng’hatu."