Legalidades

राज्याआ आधिकाऱ्योअ कामे

1 हारेक माहुंउं सारकाऱ्या आधिकार्‍योंअ आदेशोअ पालन कोअहूं जोवे, काहाके कोड्लूज आधिकार एहेलुहू कायनाहां जो देवोअहीं रोत ने ओय; आन जे आधिकारी होय, ते देवोअ ठरवीइल्या होय. 2 तियाहा काजे जो कोडो आधिकारोअ विरोद कोअहे; तो देवोअ योजनाआ विरोद कोअहे, आन विरोद कोअनाराहां डोंड जोड़े. 3 काहाके हाजो काम कोए ताहां आधिकार्‍योहों बिइलोअ गरज नाहां, पोन खाराब काम कोअनाराहा बिअहूं पोड़े; तिहीं वाईं जर ताहूं आधिकार्‍योंहों ने बिइलो ओय, ताहां हाजे कामे कोअ, आन ते ताआ वोडाय कोए; 4 काहाके ते ताआ हाजाआ कोअतेज देवोअ सेवक होय. पोन जर तू बाक्तो कोअही, ताहां ताहूं तियांहां बिअहूं पोड़े, काहाके तियांआं आथोमेऱ्येएं आथार्‍ये ते उदड़ीज नाहां लेत रोया; पोन जें बाक्‍ते कामे कोअतेहें तियांहां देवोअ खोतेए परमाणे शिक्शा कोइलोअ काजे मोकलीइल्या ते देवोअ सेवक होय. 5 तिहीं वाईं तुमू आधिकाऱ्योंअ आदेश मानुहूं जोवे– फक्त देवोअ शिक्शाआ वाखरी एतोज नाहां, पोन आपाआ दिमाक बी एज साक्शी आपेहे.

6 तियाहा काजे तुमू कर बी आपा, काहाके आधिकारी जाहां तियांआं जाबाबदारी पुरी कोअताहा ताहां देवोअ काजे काम कोअताहा. 7 तिहीं वाईं जियांआं जो भाग आपीइलू होय तो आपा: करोवालाआ कर आपा; फालावालाआ फालू आपा; जे मानपानोअ जोगाहा ओय तियांहां मानपान आपा.

मेर आन जाबाबदारी

8 एकमेकापोअ मेर कोइलाआ सोड़ी देत बिहीरी कोड्लीज गोठीमेहें तुमू कोडाआ कर्जाम मा बांदाअहा; काहाके जों बिहीरापोअ मेर कोअहे, तिये देवोअ कायदाआ पालन कोअयोहो.

12 परदेसी माअहूंमेहें तुमाआं सोभाव हाजू मिकजा, काहाके, तें जियी गोठीइ बाप्तिमेहें तुमुहूं खाराब समजीइतेहें, तेबी तुमाआं हाजे कामे पालीत तियाआ आविइलोअ दिही देवोअ महिमा कोइत सेके.

13 प्रभुउ कोअता तुमू माअहूं बोणावल्या हारेक नियमोअ पालन कोअजा; राजा आखाआ डायु होय कोत, तियाआ आधिकारोम रोवा; 14 आन आधिकारी ए बाक्तो कोअनाराहां डोंड आपे तेहें आन हाजो कोअनाराअ नाव वोडो कोइलाआ कोए तेहें काजे तिये मोकल्याहा, तियाहा कोत तियांआं बी ताबाम रोवा.

17 तियाहा काजे आमुहूं को के ताआ विसार कि होये? आपाआ कायदाआ पुरमाणे कैसरोहो कर आपिइलोअ हाजो होय के नाहां?"

18 ईसु तियांआं ए खाराब उद्देश जाइंत कोयो, "ए ढोंगी! माहूं काहा पारजाणताहा? 19 कर पोइलोअ आनो माहूं देखाड़ा."

ताहां ते एक आनो लेत आयान तियाहा देखाड़्यो.

20 आन तिये तियांहां फुशो, "यापोअ ओ कोडाआ साप आन नाव होये?"

21 ताहां तियां कोयो "कैसरोअ." ताहां तिये तियांहां कोयो, "जों कैसरोअ होय तों कैसरोहो; आन जों देवोअ होय, तों देवोहो आपा."

मंदिरोअ फालू

24 जाहां ईसु आन तियाआ सेला कफर्णहुम पोता, ताहां मंदिरोअ फालू लेनारा पेत्राआ जागे आवित फुशो के, "तुमाआं गुरु मंदिरोअ फालू ने आपत्लू के?"

25 पेत्रे कोयो, "होव, आपत्लू."

जाहां पेत्र कोअमेहें आवयू, ताहां ईसु तियाआ फुसीइलोअ पेलुज तियाहा कोयो, "ए शिमोन तू कि विसार कोअहे? धरतीइ राजा फालू नेत कर कोडापोअ रोत लेताहा? तियांआं पोर्‍यापोअ के पारकापोअ?"

26 पेत्रे तियांहां कोयो, "पारकापोअ."

ईसु तियाहा कोयो, "ताहां बेटुह्हू कर आपिइलाम रोत वासाइत गोयू. 27 तेबी आपावाअहीं याहां माठो ने लागुहूं जोवे, तु दोर्‍याअहीं जा, आन मासे माइलोअ गोली टाक, आन जो मासु पेल लागे; तियाआ सोब उगाड़ही, ताहां ताहूं एक सांदीइ रुप्यु* जोड़े, तो लेत जात माआं आन ताआ बोदले तियांहां कर आपी देजी."

25 "जर ताआ दुस्मोन ताआ विरुद्धामेहें आरोप लेतावे, आन ताहूं कोर्ठम लेत जाय, ताहां तापोअ वेल होय ताअहांज कोर्ठम जाअलोअ पेल तू तियाअरी होमजोण कोइत ले. नेत एकवारी तू तिहीं जाही, ताहां तो ताहूं न्यायाधिशोअ आथोम तोइत आपी देय, आन तो न्यायाधिश ताहूं पुलशोअ आथोम होपी देय, आन पुलिस ताहूं जेलेम टाकी देय. 26 आंय ताहूं नक्की कोहो, जाअहूं जाआं आनोन आनो डोंड ने पोई देही, ताअहूं जाआं तू तियामेहें रोत ने सुटही.

18 माआं वाखरी तुमुहूं आधिकाऱ्योओं आन राजहांआं सामने साक्शी देअलो काजे लेत जाय, आन तुमू माआं बातमी बिगर यहुदी माअहुंहूं कोत देखाड़हा. 19 जाहां तें तुमुहूं ओटक कोए, ताहां तुमू ए फिकर मा कोअहा के, आमू की गोगहूं नेते केहें कोइत कोहूं, काहाके जो किबी तुमुहूं कोअलोअ रोय, तो तियीज वेले तुमुहूं कोत देवाय.

ईसुउ जल्म

1 तियां दिहो मेहें महान राजा कैसर ओवगुस्तुसोअ वोगेहे रोत आदेश निहीयु के पुरी कोलीइ आखा माअहुंउं जनगणना ओवुहूं जोवे. 2 ए पेल्लीइ जनगणना ओती, ए तियां दिहोमेहें ओवी, जेहेलाम सिरियाअ राज्यपाल क्विरिनियुस ओतू. 3 बादे माअहें नाव टिपाड़ीइलोअ कोअते जिवज्योअ गावोंम जाते रोये.

4 योसेफ बी गालील राज्याआ नासरेथ सेहरोम रोत यहुदीया राज्यामेहें दाविदोअ होयर बेथलेहेमोम गोयू, काहाके तो दाविदोअ कुटूंबाआ आन पारवाड़ीइ ओतू. 5 काहाके मरिया जे तियाआ काजे फुसाअली ओती, तियीइरी नाव टिपाड़ीत सेके. ते पोटाअरी ओती.

9 काहाके माआं काजे तिहीं एक वोडो आन कामोअ बाअणो उगड़ीत रोयोहो, आन विरोदी जाअखीलेहे होय.

10 पिलाते तियाहा कोयो, "माअरी काहा ने गोगत्लू? केहें ताहूं ने मुंदू के ताहूं सोड़ीइलाअ आधिकार माहूं होये आन ताहूं क्रुसोपोअ टांगीइलाअ बी माहूं आधिकार होय?"

11 ईसु उत्तर आप्यो, "तुमुहूं ताअहूं जाआं मापोअ आधिकार ने ओतू जाअहूं जाआं उसे रोत ने जोड़तू, ताहां ताआ मापोअ किज आधिकार ने रोतू; तियाहा काजे जिये माहूं ताआ आथोम तोइत आप्युहू तियाआ पाप वादार होय."