Ler a Bíblia

16 Əpʉ nɔ̂ lə Fraka nə̂ Ndjapä tô lə ama Ndjapä də ə̂tə̂ ye, â ə lï ndə kə yisə̂ ərə kə əzü, ə yisə̂ əmbrʉ ərə ə̂në əzü mbrə kɔ kə ətshə, ə kirə də əzü gâ tə̂ ə̂rɔ̂ äwä, ə yisə̂ äwä kə mbrə ərə də äwänə kə əzü, 17 ndə kə pa əzü nə̂ Ndjapä gamba tə̂ ye ə sə də aərə nɔ̂ ndə kə mbrə də ə̂rɔ̂ kosəra nɔ̂.

39 «E sə kə pra tshelə âdâ Fraka nə̂ Ndjapä mbrə ə̂në, e-e, e wusə̂ nə ə pa e sə kə sɔtə̂ sorô nə̂ alɔnɔ̂ lə nə. Kandää, Fraka nə̂ Ndjapä nə kə pa əpʉ gâ pâ əpʉ nə̂ əmə nə kɔ.

4 Kandää, əpʉ nɔ̂ ə̂në əndje tâ gâ lə Fraka nə̂ Ndjapä leme-e kɔ, əndje tâ ndə kə pa ə yisə̂ ərə kə əzə̂, kanika a sə də ərə ə̂në a za lɔsu əzə̂ gâ pâ nə, tə̂ äwä kə ru tshelə əzə̂ də kə gbɔgbɔ lɔsu əzə̂ ə̂në Əpʉ Ndjapä nə ə na də nə kɔ.

3 Ənə̂ ye tə ə̂rɔ̂nə, əzü ə̂në tshə sə kə dɨ ndəma Ndjapä səye tə âgbɔ̂ kə azü! Ənə̂ əndje tə ə̂rɔ̂nə, azü ə̂në əndje sə kə dji aəpʉ nə ə̂në əndje tâ kɔ ə sə kə mbrə ndəma nə! Mbrə ə̂në alɔ nə ə̂në Ndjapä dɨ̂ gâ ye mbrə aərə səkɔ ndô trö gâ ye.

13 Ʉrrr ndjɔ gâ tə̂ əlo kə gu əmə, zä lɔsu zə gâ pâ kə dɨ Fraka nə̂ Ndjapä kə azü nɔ̂, gâ pâ əpʉ kə gbɔgbɔ lɔsu azü, gâ pâ kə yisə̂ ərə kə əndje.

11 Lɔsu Ajuwufu nə mâ je sə̂ tə ə̂rɔ̂nə ə rô lɔsu əndje nə̂ əgɔ Tesalɔnikə nə. Əndje yîndə Əpʉ Ndjapä nə də əgo nə tə̂ lɔsu əndje. Alɔnɔ̂, əndje sə̂ kə pra tshelə Fraka nə̂ Ndjapä ndə kə pa əndje wu, wala əpʉ nə ə̂në Palɔ nə ə pa kə əndje kɔ, ə sə də äwänə a?

24 Jezu pâ kə əndje ə pa: «E tshî äwä əpʉ nə tʉ gâ ye mbrə ə̂në e wusə̂ tshelə âdâ Fraka nə̂ Ndjapä wala awlra nə̂ Ndjapä wu ne.