Frutos do Espírito

22 Bɔŋ L̃yʉʉhəNyiikə nɔ kʉ́ʉnə ŋkʉ̂ʉ, tʉʉjyu, fyiighʉ́ənə, məyá fyii, nuʼ jyujyu, məfɔ̀ʼ bʉʉ, məgìe shʉəŋ, 23 mbuɔnəbə leʼnə məyá ŋwɔŋ, ndəŋ nubə-ɔ̄ŋ nuʼ-Nyii kaa ghɔ ndə i tɛ́ŋ fɛ.

8 Bii nɔ nə fəŋ bɛ njəŋkə vɛʼbɛʼ, bɔŋ nduɔ ndə bii bɛ bʉə-Tiekətʉ nɔ, bii nɔ bɛ kɛʼɛ, nuʼ-yii kie ndə mədʉ̀ʼ. 9 Mbʉ kɛʼɛ ndə i bɛ mu bii nɔ kie ndə mə-kə́-dʉ̀ʼ ŋwɔŋ-ɛŋ haʼ ndəŋ nubə ndə i bɛ jyujyu, kə́ bɛ kʉ̀ʼnə bɔŋleʼ kə́ bɛ shʉəŋ, 10 kə́ kɔ̀ɔtə ndə mətyúutə nukə ndə i bu kɔ́ tʉʉjyu tʉ Tiekətʉ.

17 Bɔŋ mukətʉ-súunə ndə i shíʼ hə yuo, ĩ nɔ bɛ tʉ́ʉnə, kə́ kʉ́ʉ nu-fyiighʉ́ənə-bə, kə́ kie mbuɔnəbə, kʉ̀ʉ ndə məjìʼtə nubə, kə́ kie tʉvyii-yɔ́ŋyɔ́ŋ-kə bɔŋleʼ kə́ kʉ́ʉnə ntɔŋ-jyujyu-mə, təmə kə́ túhə shʉ fɛ, təmə bɔŋ-kə́-leʼ làhə shʉ fɛ. 18 B̃ʉə ndə bɔŋ chìi fyii-bʉə-hə ghʉ́ə, ndə b̃ɔ̂ŋ shùɔ ŋgwie sê kə́ bɛ fyiighʉ́ənə, nɔ kwɛ̀ ntɔŋmə ndə i bɛ jyujyu.

4 Nɔ bɛ haʼ nɔ ndə i bɛ tʉ bii bəliŋ-bɔŋ. Bii nɔ kə kwú ndəŋ ghʉəʼ-nuʼ-kə ndʉʉ ndə biibə Klai kə kwú mɔʼɔ, mbɔ bii chʉʼ bɛ tʉ ɔŋ ndə ɔ kə kwú bə bʉ̀nə kóʼhə ɔŋ mbɔ bʉʼʉ chʉʼ kə́ fɔ̀ʼ fɔʼɔ-Nyii. 5 Bʉʼka ndʉʉ ndə bʉʼʉ nə kə́ chí mbi kə́ fɔ̀ʼ nubə ndə ntɛ ndə i kʉ̀ʼnə tʉ bʉʼʉ nə bʉəməsʉʉ, mbʉ nuʼ-Mushi kə́ chɔ̀ʼhə ntɔ-bʉ̂ʼʉ-mə mu mbʉə-bʉʼʉ, nubə nchəŋnchəŋ ndə bʉʼʉ kə́ fɔ̀ʼ kə́ lìʼ nə kwu. 6 Bɔŋ nduɔ, nuʼ-Mushi leʼbie gìe kətʉ-bʉʼʉ fɛ, bʉʼka bʉʼʉ nɔʼ kwú ndə nu-ghɔ̄-kə ndə i kə fəŋ yá bʉʼʉ tʉ́ʼ ndəŋ fʉəhə le. Bʉʼʉ leʼbie fɔ̀ʼ nduɔ ndə nduɔŋ nuʼ-Mushi ndə bə kə nyɔ̀ʼ nə ghɔkə fɛ, bʉʼʉ bɔŋ kə́ fɔ̀ʼ nduɔ ndəŋ fia fefe nə LyʉʉhəNyiikə.

21 Bɔŋ sii-yii kə bɛ ka ndə mə-kə́-fɔ̀ʼ mbʉ bənu ndə i bɛ tʉvyiikə nduɔ tʉ bii? Lɔʼɔ-mbʉ-bənu-maa-bə-ɔ̄ŋ nɔ bɛ kwu. 22 Bɔŋ nduɔ ndə bə nɔʼ chʉ̀ʼ tʉkə-ii ndəŋ bʉ̂ʼʉ, bii bɛ fʉə-Nyii-hə, sii-yii nduɔ nɔ bɛ mbɔ bii bu bɛ ŋkʉʉ shʉ-ɔ ndə i bu kɔ́ məchímbi tʉ bii təmə liʼ-i ghɔ fɛ.

4 B̈ii káa mu mbʉə-mɔ, mɔ káa mu mbʉə-bii. Haʼ ndə ntɔŋ-kətyʉ mə kʉ́ʉnə ntɔŋmə nə mbəŋ-ɛŋ fɛ, yaʼkɛŋ mbɔ i tyʉ̀nə ndəŋ ŋkwê-kətyʉ, nɔ bɛ haʼ nɔ bii mə kʉ́ʉnə ntɔŋmə fɛ yaʼkɛŋ mbɔ bii káa mu mbʉə-mɔ.

5 "Mɔ nɔ bɛ mbʉ lyʉʼʉ-geleb, bii kə́ bɛ ntɔŋtə-i. Wo ndə ɔ káa mu mbʉə-mɔ mbəŋ-ɔŋ káa mu mbʉə-ɔ, nɔ bɛ ɔ ndə ɔ bu kʉ́ʉnə ntɔŋ-yɔ́ŋyɔ́ŋ-mə, bʉʼka mbɔ kaʼ byúu mɔ, bii mə chìi nubɛʼkə fɛ.

8 T̃ie-ɔ nɔ kie məgʉ́ə ndə yɔ̄ŋ-yə, mbɔ b̈ii kʉ́ʉnə ntɔŋ-yɔ́ŋyɔ́ŋ-mə, nɔ, b̈ii dʉ̀ʼ mbɔ bii la bɛ vâafɔʼɔ-bɔŋ.

Tyʉkə ghɔŋ ntɔŋmə-i

43 "Tyʉ-jyujyu-kə mə kʉ́ʉnə ntɔŋ-bʉəbʉə-mə fɛ haʼ ndə tyʉ-bʉəbʉə-kə mə kʉ́ʉnə ntɔŋ-jyujyu-mə fɛ. 44 B̃ə nɔ chèʼnə tyʉkə ndə ntɔŋmə-i. A mə kwɛ̀ yɔ̌ŋ hə ndəŋ ŋkwenjʉ fɛ. Təmə bə mə kwɛ̀ lamashi hə ndəŋ sɔ̂ʼkə fɛ. 45 W̃o jyujyu nɔ fyúhə nu-jyujyu-bə hə mu kəyəŋ lə̀ŋ bənu jyujyu mu fyii-ɔ, bɔŋ w̃o bʉəbʉə nɔ fyúhə nu-bʉəbʉə-bə hə mu kəyəŋ lə̀ŋ bənu bʉəbʉə mu fyii-ɔ, bʉʼka nubə ndə i lə̀ŋ mu fyii-ɔ nɔ bɛ yɔ́ŋ ndə ɔ bu kwə́ʼ.

8 B̈ii kʉ́ʉnə ntɔŋmə ndə mədʉ̀ʼ mbɔ bii nɔʼ shìe liɛŋtə-ii hə ndəŋ bʉ̂ʼtə-ii.

23 Kaa bə haʼ fɔbə ndə Nyii kə chìi ndə i tʉʼ dùŋtə fɛ, bɔŋ bʉʼʉ nə mbəŋ-yʉʼʉ, ndə bʉʼʉ kə fəŋ kie LyʉʉhəNyiikə ndə fəŋ kəkɔ Nyii, nɔ tʉʼ dùŋtə ghɔ mu fyii-bʉʼʉ, ndə bʉʼʉ tʉʼ chyìi Nyii ndə məlʉ̀ bʉʼʉ nə vâa-bi bɔŋleʼ chʉ̀ʼ mbʉəhə-ʉʼʉ inchəŋ.