Livro da vida

20 तेबे बी इजी ते खुश नि ओ कि दुष्टात्मा तुसा रे वशो रे, पर इजी ते खुश ओ कि तुसा रे नाओं स्वर्गो रे लिखे रे।"

3 ओ सच्चे सहकर्मी! आऊँ तांते बिनती करूँआ कि तूँ इना जवाणसा री मेल-मिलाप करने रे मताद कर, कऊँकि इने मां साथे सुसमाचार फैलाणे दे, क्लेमेंस और मेरे ओर साथे काम करने वाल़ेया समेत मईणत कित्ती, जिना सबी रे नाओं जीवनो री कताबा रे लिखी राखे।

8 तरतिया रे सब रणे वाल़ेया तेस डांगरो री पूजा करनी मतलब सेयो लोक जिना रे नाओं दुनिया री शुरूआता तेई तेस मिन्टूए री जीवनो री कताबा रे नि लिखी राखे थे। से मिन्टू ईए जो काई राखेया था।

8 जो डांगर तैं देखेया, ये पईले तो था, पर एबे निए और जेते डूगे गड्डे री गईराईया रा अंत निए तेथा ते निकल़ी की नाशो रे पड़ना। और तरतिया रे सब रणे वाल़ेया, जिना रे नाओं दुनिया री शुरूआता रे बखतो ते जिन्दगिया री कताबा रे नि लिखी राखे, एस डांगरो री ये दशा देखी की कि पईले था और एबे निए और फेर आयी जाणा, अचम्बा करना।

बड़ा सफेद सिंहासन और आखरी न्याय

11 तेबे मैं एक बड़ा सफेद सिंहासन, और से जो तिदे बैठी रा था, देखेया। जेसरे सामणे ते तरती और स्वर्ग नठीगे और तिना खे जगा नि मिली। 12 तेबे मैं छोटे-बड़े सब मरे रे सिंहासनो सामणे खड़े रे देखे, और कताबा खोलिया। तेबे एक ओर कताब खोली गयी, मतलब-जीवनो री कताब। और जेड़ा तिना कताबा रे लिखी राखेया था, तेड़ा ई तिना रे कामो रे मुताबिक मरेया रा न्याय कित्तेया। 13 समुद्रे सेयो मरे रे, जो तिदे थे, देई ते, तेबे मौते और नरके सेयो मरे रे, जो तिदे थे देई ते और तिना बीचा ते हर एकी खे तिना रे कामो रे मुताबिक न्याय कित्तेया। 14 तेबे मौत और नरक बी आगी री झीला रे पाई ते, ये आगी री झील दूजी मौत ए। 15 और जेस केसी रा नाओं जीवनो री कताबा रे लिखेया रा नि मिलेया, से आगी री झीला रे पायी ता।

27 तिदे कोई अपवित्र काम करने वाल़ा या घृणित काम करने वाल़ा, या चूठ बोलणे वाल़ा किंयाँ बी जाई नि सकदा। पर बस सेयो लोक ई जाई सकणे, जिना रे नाओं मिन्टूए री जीवनो री कताबा रे लिखी राखे।

अन्तो रे दिनो री भविष्यबाणी

1 रेशमो रे टाल्ले पईने रे स्वर्गदूते माखे बोलेया, "तेस बखते महान स्वर्गदूत मीकाएल, जो तुसा लोका री रक्षा करोआ, प्रकट ऊणा। तेबे मुसीबता रा बखत ऊणा, देशा रे बणने ते बाद सबी ते बुरा बखत। जेबे से बखत आऊणा, तो तुसा रे देशा रे सारे लोक जिना रे नाओं परमेशरो री कताबा दे लिखी राखे ए, बची जाणे, 2 जो लोक पईले ई मरीगे दे ए, तिना बीचा ते बऊत सारे लोक जागी की उठणे, कई लोक सदा री जिन्दगिया रा मजा लणे लगणे, ओर कई तो सदा तक बऊत जादा घिनौना ऊणे खे।*

5 जो जीती जाणे, तिना खे सफेद टाल्ले पणयाए जाणे और मां तिना रा नाओं जीवनो रिया कताबा ते कदी पनि मटयांणा, पर तेसरा नाओं आपणे पिते रे और तेसरे स्वर्गदूता सामणे मानी लणा।

16 तेरिये आखी मेरा बांगा-टेडा शरीर बणदा देखेया

ओर मेरे सारे अंग जो हर दिन बणदे जाओ थे,

सेयो रचे जाणे ते पईले, तेरिया कताबा रे लिखी राखे थे।

8 देख तूँ जाणेया कि मां पाँदे केड़िया मुसीबता आई रिया,

तैं मेरे हर रोणे-चींगणे रा साब राखेया,

ओर सब गल्ला तैं आपणियां कताबा दे लिखी राखिया ए।

26 एड़े माणूं तेस आदमिए रा पीछा करोए जो तैं मारी राखेया;

सेयो तिना लोका री तकलीफा री चर्चा करोए जो तैं कायल कित्ते।*

27 तिना रे सबी पापा खे लिखी लओ।

तिना रे पाप तिना खे कदी बी माफ नि करने, कि सेयो तर्मी ऊई जाओ।

28 जिन्दगिया री कताबा ते तिना रा नाओं मटयाई दे

ओर तिना रे नाओं तर्मिया साथे लिखेया नि जाओ।*

यादगारिया री कताब

16 तेबे परमेशरो रा डर मानणे वाल़ेया आपू बीचे गल्ला कित्तिया ओर परमेशर त्यान देई की तिना री सुणो था ओर जो परमेशरो रा डर मानो था ओर तेसरे नाओं रा आदर करो थे, तिना री यादा रिया तँईं तेस सामणे एक कताब लिखी जाओ थी।

32 तेबे बी एबे तूँ तिना रा पाप माफ कर, नई तो आपणी लिखी री कताबा बीचा ते मेरा नाओं कटी दे।"

33 यहोवे मूसे खे बोलेया, "जिने मेरे खलाफ पाप करी राखेया तेसरा नाओं ई मां आपणी कताबा ते कटी देणा।