Livro da vida

20 पर भूत्वन तुहुरिन्के आज्ञा मन्थाँ कहिके तुहुरे खुशी ना होऊ। पर तुहुरिन्के नाउँ स्वर्गमे लिखल बा कहिके तुहुरे खुशी होऊ।"

3 हे सच्चा सहकर्मी, मै तुहिन्हे फेन अनुरोध करतुँ, कि तुँ उ जन्नी मनैनहे एकदोसुर जहनके संग एकतामे रहक लग सहायता करो। काकरेकी ओइने मोरिक संगसंगे खुशीक खबर फैलैना काममे क्लेमेसके संग और मोरिक दोसुर सहकर्मीनके संग मिलके मेहनत कर्ले बताँ। जेनके नाउँ जीवनके किताबमे बतिन।

8 और पृथ्वीमे रहुइया सक्कु जाने उ दैँतुरवक पुजा करहीँ। अथवा उ सक्कु जाने जेनके नाउँ संसारके सुरुवातसे पठ्वक जीवनके किताबमे नै लिखल हुइतिन। पठ्वा वहे हुइँत जे मुवागिल रहिँत।

8 जोन दैँतुरवाहे अब्बे तुँ देख्लो, उ एक समयमे जित्ति रहे। पर आब ऊ जित्ति नै हो; ऊ गहिँर कुण्डामेसे बाहेर आइक लग बा, और परमेश्वर उहिहे पूरा रुपमे नाश करदिहीँ। पृथ्वीमे रहुइया मनै जेनके नाउँ परमेश्वर संसारहे बनैनासे आघे जीवनके किताबमे नै लिख्लाँ, ओइने सक्कु जाने अचम्मित होजिहीँ, जब ओइने यी दैँतुरवाहे देख्हीँ। एक समयमे ऊ जित्ति रहे; आब ऊ जित्ति नै हो; पर ऊ फेनदोस्रे फिर्ता आजाई।

मुअल मनैनके इन्साफ

11 तब् मै एकथो बरवार उज्जर सिंहासन देख्नु जेम्ने परमेश्वर बैठल रहिँत। पर उ ठाउँमे पृथ्वी और आकाश सक्कु गायब होगिलाँ, और ओइन्हे केऊ फेन कबु नै देखल। 12,13 तब मै मुअल मनैनहे उ सिंहासनके आघे ठरह्याइल देख्नु, अथवा ओइन्हे जेने महत्त्वपूर्ण बताँ, और जेनके महत्त्व नै हुइतिन। जेने समुन्दरमे डुबके मुगिल रहिँत, और जेने मुके चिहानमे रहिँत। और जेने मुअल मनैनके ठाउँमे रहिँत। ओइन् सक्कु जहनहे मै सिंहासनके आघे ठरह्याइल देख्नु। उ किताब खोलगिलस, जेम्ने उ मनैनके नाउँ लिखल रहिन, जेनके थेन कबु नै ओरैना जीवन रहिन। उ किताब फेन खोलगिलस, जेम्ने मनैनके कर्लक हरेक कामके बारेमे लिखल रहे। और हरेक मनैनके कर्लक काम अनुसार ओइन्के न्याय हुइलस, जोन चिज उ किताबहुँक्रिहिन्मे लिखल रहे। 14,15 जेनके नाउँ जीवनके किताबमे नै लिखल रहिन, ओइने सक्कु जाने बर्ती रहल गन्धकके आगिक कुण्डामे जित्ती फेँकागिलाँ। ओकर पाछे, आब मृत्यु नै हो, आब मुअल मनैनके कौनो ठाउँ नै हो। यिहिएहे दोसर मृत्यु कहिजाइत, जोन मृत्यु गन्धकके आगिक कुण्डामे मिल्ना दण्ड हो।

27 पर कुछु फेन अशुद्ध चिज उ शहरमे नै पैँठी। अश्लील काम करुइया या झूँट बोलुइया केऊ फेन वहाँ नै पैठिहीँ। वहाँ ओइने किल पैँठे सेक्थाँ, जेनके नाउँ पठ्वक जीवनके किताबमे लिखल बतिन। यी उ किताब हो, जेम्ने उ मनैनके नाउँ लिखल बतिन, जेनके थेन सदाकालके जीवन बतिन।

5 जोन मनै जीत हाँसिल करहीँ, ओइन्हे फेन यनेहेन्के हस उज्जर लुग्गा घलाजिहीन। मै ओइन्के नाउँ उ किताबमेसे नै मेटैम, जेम्ने परमेश्वर उ मनैनके नाउँ लिख्ले बताँ, और ओइन्हे सदाकालके जीवन मिल्हीन। और ओइने मोरिक हुइँत कहिके मै अपन बाबक आघे और ओकर स्वर्गदूतनके आघे स्वीकार करम।