Livro da vida

20 Mna msekunda na kinyemi Kwaviya mp’hepo zimivani, mna indeni ne kinyemi Kwaviya amazina yenyu yawandikwa kwa Mnungu"

3 Weye ndugu ywangu mhuwilwa mtumwa miyangu nakulombeza uwambize wamnala awo, kwaviya wakombeka kudamanya ndima ya kugendeza kose Mbuli Yedi hamwenga na miye naho na Kilementi na wandima wambuyazangu wose awo mazina yawe yawandikwe mwe kitabu cho ugima.

8 Want’hu wose wakwikala mwe isi nawadivike dikala, mna hiyo wadya wawandikagwa mwe kitabu cho ugima cha Mwanangoto achinjigwe, kukongela aho isi yandaga ikei kuumbwa,

Dyakongaga kumligita Mnungu ne dizina dyakwe na hant’hu hakwe akwikala na wadya wakwikala kwe mbingu.

8 Dikala diya udione dyandaga uuko, mna ivi haluse hadihali naho ivi haluse dyaunga dihagihi kulawa kwo mnyongomela howiina uheelo no kuita kwo ubanangi, wadya nawo wakwikala mwe isi wata mazina hayewandikwe mwe kitabu cho ugima kukongela aho isi yandaga ikei kuumbigwa, nawehelwe wakeza kudiona diya idikala kwaviya dyandaga uuko naho ivi haluse hadihali mna nedize naho.

Kubanangwa kwa Mwavu

11 Naho naonaga difumbi dye kiseuta ding’aile na uyo ekale umwo. Isi ne mbingu niyo vanyilika ho undiilo wakwe, naho havioneke naho. 12 Mna niyo nawaona want’hu wabanikaga, wakulu na wadodo, wakimala hameso he difumbi dye kiseuta. Niyo vitabu vagubulwa, naho niyo kwagubulwa kitabu kituhu, ikitabu cho ugima. Awo wabanike niyo walahigwa viligane na yadya wadamanye enga ivo yawandikwe mwe viya ivitabu. 13 Bahali niyo yawalava kuse wadya wabanike wandile mndani mwakwe, file ne dibome hediina uheelo viwalava wabanike wandile mndani mwao. Wose nawasengelwe viligane na ivo wadamanyaga mwe isi. 14 File ne dibome hediina usengelo niyo vaduulwa mndani mwe dikawa dya moto. Iyo niyo file ya kaidi. 15 Naho mnt’hu yeyose zina dyakwe hadina oneke diwandikwa mwe kitabu iki cho ugima, nakaduulwa mwe dikawa dyo moto.

27 Naho chochose kikwiihiza hekingile mndani mwakwe, hegu wadya wakudamanya yakwiihiza na wadant’hi, mna nawengile wadya du wawandikwe mwe kitabu cho ugima cha Mwanangoto.

Mzuwa yo heelo

1 "Mwa mazuwa yo uheelo, Mikaeli mtumigwa ywa kwe mbingu, uyo mwamizi ywa want’hu wako naalaile. Nokunde na lupisi lwa makunt’ho kujink’ha lupisi lutuhu lwose, kukongela aho si zakongaga kunda aaho. Mna mwo lupisi ulo kila yumwenga mwa want’hu wako uyo zina dyakwe dyawandikagwa mwe kitabu cho ugima naa yokolwe. 2 Wengi mwa wadya wabanike nawauyuke, watuhu nawapate ugima wa mazuwa yose, watuhu nawo nawapate kubelwa mazuwa yose.

5 Mhumi naavikwe suke zing’aile, name hikudiusa dizina dyakwe mbwitu mwe kitabu cho ugima, naho nenimgombele hameso ha Tate na hameso ya watumigwa wakwe wa kwe mbingu kugamba ywangu.

16 Weye wanionaga

hata umwo nandaga hinati kwelekwa,

mazuwa yangu ayo wanipangilaga

yawandikwagwa mwe kitabu chako umwo yandaga hayanati yalaile hata zuwa dimwenga.

8 Weye kuyamanya makunt’ho yangu,

kuika nk’humbukila zo kuila kwangu,

aya hayawandikwe mwe kitabu chako?

26 Wawasezenga wadya weye uwasulumize,

wasimuila masulumizo ya wadya uwalumize.

27 Ika nk’humbukila zo wavu wawe,

usekumwink’ha yeyose hant’hu mwo uyokozi wako.

28 Mazina yawe yafutigwe mwe kitabu cho ugima,

usekuwahanganya mwo ludongo lwa wawagilwa wako.

32 Mna haluse, nakulombeza uwausile wavu wao. Hunawalekele, nakulombeza uniuse miye mwe kitabu chako uwawandike want’hu wako."

33 Mna Zumbe Mnungu niyo amgamba Musa, "Nenimuuse mwe kitabu changu mnt’hu yeyose anidamanyile wavu.