Mal

13 यहोवारो डर मन्नो बुरैई सेइं बैर रखनोए।

घमण्ड ते अहंकार, बुरी चाली सेइं,

ते उलट-फेरेरी गल्‍लन सेइं अवं बैर रखतीं।

10 हे यहोवा सेइं प्यार केरनेबालव, बुरैई सेइं नफरत केरा;

तै अपने भक्तां केरे प्राणां केरि हिफाज़त केरते,

ते तैन दुष्टां केरे हथ्थे करां बच़ाते।

14 बुराई शैरतां भलियाई केर;

मेल मिलापे तोप ते तैसेरो पीछो केर।✝

133 अपने वचने सेइं मेरे पव अपने बत्ती पुड़ पक्‍के केर,

ते कोन्ची अनर्थ गल्‍ली मीं पुड़ हुकूमत केरने न दे।

16 अपनो आप धोइतां पवित्र केरा: मेरी एछ़्छ़ी केरे सामनेरां अपना बुरां कम्मां दूर केरा। अग्रोवं जो बुराई केरनी शारा,✝

7 अपने नज़री मां अक्लमन्द नईं बन्नू;

यहोवारो डर मन्नो, ते बुरैई करां अलग रानू।

8 एरू केरने सेइं तेरी जान नीरोग,

ते तेरी हेड्डी तंदरुस्त रहेली।

21 बुरैई करां न हारा पन बुराई भलियैई सेइं ज़ींतां।

9 तुश्शो प्यार सच़्च़ो भोए; बुरैई सेइं नफरत केरा; भलियाई केरने मां लगोरे राथ।

आखरी हदैइत

17 हुनी हे ढ्लाव ते बेइनव, अवं तुसन कां बिनती केरताईं, कि ज़ैना लोक तैस शिक्षारे खलाफ ज़ै तुसन मांए, खलबली बनातन, ते ठोकर खानेरी वजा भोतन, तैन करां खबरदार राथ; ते तैन करां दूर राथ।

5 त तै लौ आंधरे मां (हमेशा) चमकचे, त आंधरू लोई कधी कैबू न केरि सके।

15 इस गल्‍लरू ध्यान रखा, कि कोई कोन्ची सेइं बुरैइारे बदले बुराई न केरे, पन सदा भलियाई केरनेरे लेई तियार राथ, एप्पू मांमेइं ते सेब्भन सेइं भी भलियाई केरनेरी कोशिश केरा।

21 सब गल्‍लां परखा, ज़ैना रोड़ी भोन तैन अपनाथ। 22 सेब्भी किसमेरी बुरैई करां बच़ोरे राथ।

13 अज़मैइशरे ज़िरिये असन पाप केरने न दे, पन बुरैई यानी शैताने करां बच़ेइयां, (किजोकि राज़, शक्ति ते महिमा हमेशा तेरी भोती राए। आमीन।)"

15 मेरी प्राथना ई नईं कि तू तैन दुनियाई मरां ने, पन तू तैन शैताने करां बच़ेइतां रख।

7 यहोवा हर आफती करां तेरी रक्षा केरेलो;

तै तेरी जानी बिलकुल बच़ेइतां रखेलो।

8 यहोवा तेरे एजने-गाने मां

तेरी हिफाज़त हुना करां सदा तगर केरतो राए।

18 ते प्रभु मीं हर एक्‍की बुरे हमले करां बच़ालो ते अपने सुर्गेरे राज़्ज़े मां हिफाज़ती सेइं पुज़ालो, सारे महिमा हमेशा-हमेशा परमेशरेरी भोती राए। आमीन।

11 परमेशरेरे सारे हथियार बन्धा; ताके तुस शैतानेरे सारे मन्सूबां केरो मुकाबलो केरि बटतथ।

12 किजोकि इश्शी ई लड़ाई, खूने या मासे सेइं यानी मैन्हु केरे खलाफ नईं, बल्के प्रधान्न सेइं, ते अधिकैरन सेइं, ते इस दुनियारे आंधरेरे हाकिमन सेइं आहे, ते तैस दुष्टेरे आत्मिक फौजन सेइं आहे ज़ैना आसमाने मां आन।

26 अगर तुस क्रोधे मां भोथ खबरदार राथ, कि पाप न केरथ, दिहाड़ो डुबने तगर तुश्शो क्रोध मुक्‍की गाए। 27 ते शैताने मौको न देथ कि तै तुश्शी अज़मैइश केरे।

20 हांलाकि तुसेईं मेरे लेई बुराई केरनेरो खियाल कियोरो थियो। पन परमेशरे तैस्से गल्‍ली मां भलियाई केरनेरो खियाल कियो, ताके बड़े लोकां केरि जानां बेंच़ी गान, ज़ेन्च़रे तुस अज़ भी लहंने लगोरेथ।

21 एल्हेरेलेइ सारी गन्दगी ते दुष्ट दूर केरतां, तैन परमेशरेरू वचन नेरमी सेइं कबूल केरे, ज़ैन दिले मां छ़ड्डू जेव, ज़ैन तुश्शे प्राणन मुक्ति देइ बटते।

9 अगर अस अपने पाप मन्तम, त तै इश्शे पाप माफ़ केरने, ते असन सेब्भी अधर्मे करां शुद्ध केरने मां वफादार ते धर्मीए।

20 तैखन तैनी अपने चेलन सेइं ज़ोवं, "ज़ैन मैन्हेरे अन्त्रेरां निस्ते, तैन्ने परमेशरेरी नज़री मां मैन्हु ज़ुट्ठो केरते, 21 किजोकि मैन्हेरे अन्त्रेरां, यानी मैन्हेरे दिले मरां बुरे खियाल, बदमाशी, च़ोरी, कत्ल केरनो, 22 अड्लाहे देइने गलत कम केरनू, लालच़, दुष्ट कम केरनू, बेइमानी, बदचलन, जलन, तुहीन, घमण्ड, ते बेवकूफी एच्‍चन। 23 एना सैरी बुरी गल्‍लां मैन्हेरे अन्त्रेरां, यानी दिले मरां निस्तां मैन्हु ज़ुट्ठो केरचन।"

12 बैरे सेइं त लड़ाई पैदा भोतीए,

पन प्यारे सेइं सब पाप ढक्‍के गातन।*

9 सच़्च़ैई सेइं न्याय केरा, ते हर अक मैन्हु एक्‍की होरि पुड़ दया ते महरबानी केरतां कम केरे, 10 न त विधवा कौन्शी पुड़ अंधेर केरा, ते न अनाथ बच्‍चन पुड़, ते न परदेशी पुड़, ते न गरीब लोकन पुड़; ते न अपने-अपने मने मां एक्‍की होरि नुकसान पुज़ानेरी कोशिश केरा।"