Mal

13 Bawipaw rawrinaw tuh

hoyleinaw kha huapaw nynh thua.

Lysakunaw, tansakunaw,

ozia hoyleinaw te

lingpaw bya kha ka hua.

10 Bawipaw nynh hoyleipaw

a hua hae paw kha a sungsah hae;

alungzipaw a ccungccaw hae

hiinnaw kha a rin hae;

minmin kha ccungccaw hoylei

hae paw kuih kyate a luesah hae.

14 Hoyleinaw kha cciataw lah,

hoynaw kha raetua;

daenaw kha ccung lah, deehui tua.

133 Bya nae kinpyaku thyhte

ka laan ka sui yn uasahpah lah,

hoyleinaw nynh kae kha

papin yn uk nan sah.

16 Naemaw te naemaw singkuh oh;

naemaw te naemaw thyaasakuh oh;

na cyi oh paw hoyleinaw kha

ka mit nynh a muihnaw kyate vua oh;

hoyleinaw kha rae nan vae oh,

7 Amaw mitmuihnaw kya

ahawsakuhpaw la thua nan;

Bawipaw kha rih lah,

hoyleinaw kha maetawkuh.✝

8 Tuh-e tuh na ngesaw hanlan

dannaw athua cih zah,

na pyn hanlan isei athua cih.

21 Athahpaw kha la taesakuh nan oh, athahpaw kha ahoypaw te la tae oh.

Khriccaaw Hiinzia

9 Sungsakunaw kya thyaruhnaw um nan sah. Ahoy leipaw kha hua oh lah, ahoypaw kha kyngkuh oh;

Nyathya Byatawnaw

17 Uteno hae, na ccangku vae oh paw ccangpyakunaw te arawsekuhpaw buu phianaw te cyiseinaw a pousahtu hae kha na raeringku nawlan oh kae ngia oh; minmin kha la sibia oh.

5 Awnaw tuh mohnaw kya a aw, thuasalama mohnaw nynh tuh-e awnaw tuh the kho khyh.

15 Hum nynh sanmah lukhakheit tungvaw hoyleinaw kha hoyleinaw te a liaru khyh nawlan raeringkuh sah, naemaw te naemaw kya thuasah, ccungccaw balyn kya thuasah ahoypaw kha rae lan zuakuh zungzae oh.

21 Pawpaw balyn kha syntawtua oh lah, ahoypaw kha tynkaring lan kyngkuh oh; 22 ahoy leipaw miakaw kha sibia oh.

13 Tuhounaw lungkhu lang

oun cciasah nan,

ahoy leipaw kyate

oun khumtua.*

15 Minmin hynh laephi kyate na law ccaw hae cite kae ngia khyh, thuasalama ahoy leipaw kyate na khynsah ccaw hae cite nynh kae ngia.

7 Bawipaw nynh ahoy leipaw balyn kyate

ae thungkhaw cih zah,

na hiinnaw kha ae rin cih.

8 Bawipaw nynh na pou ze thuasah,

na tee ze thuasah atu te

zungzae cia ae rin cih.

18 Bawipaw nynh ahoy leipaw ryalaw miakaw kyate kae kha yn luesah cih zah, a vaawlang peenaw kalan khyndadyh lan yn cciakhae cih. Amaw kya phu-enaw tuh zungzae te zungzae cia um sah. Amen.

11 Satan lingnaw kha na dou kho nawlan oh Pachia kya-e rhawtuk-uccaw kha abalyn mawte lawkuh oh.

12 Pawccecize aening tuh chii te saw a hoipaw rhaw te ah doukuh khyh oh, thuasalama uktu hae, kawhoitu hae, hynh-e she mohnaw kya-e laephi uktu hae, vaawlang umpaw ahoy leipaw muisaw hae ryte nynh ah douku oh.

26 Nae thinria salamah sei nan oh, nae thinrianaw khate khuanin ccawsah nan oh.✝ 27 Satan kha umnaw ua nan oh.

20 Nanning nynh ka tungvaw vawsawnaw pya lan na la tuaku oh zemah Pachia nynh khah-e kha ahoypaw lante paccyn zah, atunin acyiku vae hawte ccungccaw patae kha khum khylan a la paccyn.

21 Tukeiccuze nungsikunaw balyn te paepae luipaw hoyleinaw kha vua oh lah, nae muisaw a khum khopaw, nae lungkhu kya sang athuapaw Pachia bya kha lungnenaw te lawkuh oh.

9 Aening nynh ah seinaw kha ah phyku oh ze, Pachia tuh a lungzipaw te a dingpaw athua keiccuze ah seinaw kha oun ngaethya cih zah dingleinaw balyn kyate oun thyaasah cih.

20 Te Jesu nynh, "Ccungccaw lungkhu kyate a poupaw nynh ccungccaw kha a thusah. 21 Pawccecize ahoy leipaw tuanaw tuh ccungccaw lungkhu e thinlung kyate oun poupaw nynh thua: ohhuakunaw, runaw, ccungccaw chianaw, 22 milae zu milae vawpaw kya seinaw, karankunaw, thyaruhnaw, lingnaw, ohhuaku rynaw, eiungnaw, milae thethya honaw, lysakunaw te ngaeenaw tuh oun pou hae. 23 E ahoy leipaw uccaw hae balyn tuh lungkhu langte oun pou zah ccungccaw kha a thusah," a ci.

12 Huakunaw nynh

pekumaekunaw lang a tangsah,

thuasalama sungsahnaw nynh

meseinaw balyn kha pong a bong.✝

9 Vaaw Bawipaw nynh hynhte a ho: Hmerarih lan byapia oh, lu kheit te lu kheit ngaethyaumsakunaw te thawccikunaw kha langsakuh oh; 10 nomae hae, ngawraw hae, ramccang ccungccaw hae te ryachi hae kha tuaasah nan oh; lu kheit te lu kheit laku nae thinlung kya ahoy leipaw tuanaw hoikuh nan oh, a ci.