Maria

የሱሳ የለተይ ኮይሮትድ ኦደትስ

26 ኤልሳቤፃ ቃንትን ኡሱፑን አጌናን፥ ፆሳይ ኪታንቹዋ ጋብሬለ ጋልላ ቢታን ደእያ ናዝረተ ካታማ ኪትስ። 27 ካዋ ዳዊታ ሼሻፐ ግድዳ ዮሰፋ ጌተትያ ኡራስ ኦይሸትዳ ጌላኤኮ ኪትስ። ሄ ጌላእያ ማይራሞ ጌተታዉሱ።✝ 28 ኪታንቾይ ኢኮ ብድ፥ "ዳሮ ዶሰትዳረ፥ ሳሮይ ነዉ ግዶ፥ ፆሳይ ኔራ ደኤስ፤ ኔኒ አንጀትዳሮ" ያግስ።

30 ኪታንቾይ ዛሪድ፥ "ማይራመ፥ ባቦፋ፤ ኔኒ ፆሳ ስንን ሳባ ደማዳሳ። 31 ሄኮ ኔኒ ቃንታና አደ ናአ የላና፥ እያ ሱን የሱሳ ጋዳ ሱንና።✝ 32 እ ግታ ግዳና፥ ኡባፈ ቦላ ፆሳ ናኣ ጌተትድ ፄገታና። ጎዳ ፆሳይ እያ አዋ ዳዊታ አራታ እያዉ እማና።✝ 33 እ ያይቆባ ሼሻ ቦላ መርናዉ ካዎታና፤ እያ ካዎተስ ዛው ባዋ" ያግስ።

የሱስ ክርስቶሳ የለተ

18 የሱስ ክርስቶሳ የለተ ታርከይ ሀይሳፈ ካለይሳ። እያ አይያ ማይራማ ዮሰፋስ ኦይሸታ ደአሸ ዮሰፋራ ጋሄቶና ጌሻ አያናፐ ቃንታሱ።✝

ማይራም ማዝሙርያ

46 ማይራማ ሀይሳዳ ያጋሱ፦

"ታ ሸምፕያ ጎዳ ቦንቻዉሱ፥✝

47 ታ አያናይ ልያ ፆሳን ኡፋይቴስ።

48 እ ባ አይለ ካዉሻተ በእስ።

ሀችፈ ዶምድ የለተ ኡባይ ታና አንጀትዳሮ ጋና።✝

49 አይስ ጊኮ፥ ዎልቃማ ግድዳ እ፥ ታዉ ግታባ ኦስ።

እያ ሱንይ ጌሻ።

50 እያ ቦንቸይሳታ ቦላ፥

እያ ማሮተይ መርናፐ መርና ጋካናሳ።

51 ባ ቀስያን ምኖባ ኦስ፥

ባንታ ዎዛናን ኦቶርተይሳታ ላልስ።

52 ዎልቃማ ካዎታ አራታፐ ካዉሽስ፤

ባንታና ካዉሽዳይሳታ ካቦይስ።✝

53 ኮሻትዳይሳታ ሎኦባን ካልስስ፥

ሽን ዱረታ መላ ኩሸ የድስ።

54 ባ ማሮታ ቆፕድ፥

ባ አይልያ እስራኤለ ማድስ።

55 ሄስካ ኑ አዋታስ ኦድዳ ቃላ፥

አብራሃመስነ እያ ሼሻስ ግዳይሳ መርናዉ ፖላናሳ"✝

ያጋሱ።

4 ዮሰፍካ ዳዊታ ኬፈነ ያራፐ ግድዳ ግሾ፥ ጋልላ ናዝረተ ካታማፐ ደንድድ ዳዊታ ካታማ ግድዳ ይሁዳ ቤተለመ ብስ። 5 ብሸ፥ የላናዉ ዎደይ ዉርዳ እ ኦይች ዎዳ፥ ማይራምራ ዎላ ፃፈታናዉ ብስ። 6 ኤንቲ ያን ደእሽን እዉ የሎ ዎደይ ጋክስ። 7 ባ ባይራ ናኣ የላሱ። ጩርቃራ ፃፃዳ እማ አቅያ ኬን በሲ ይዳ ግሾ ዳራን መሄ ሙዝያ ጎንገን ዝንእሳሱ።

19 ማይራማ ሀንዳባ ኡባ ባ ዎዛናን ቆፓሸ ደአሱ።

34 ስሞን ኤንታ አንጅስ። አየ ማይራምኮ፥ "ሄኮ ዳሮ አሳ ዎዛና ቆፋይ ቆንጫና መላ፥ እስራኤለን ደእያ ዳሮታስ ኤንታ ኩንደስነ ደንዱዋስ ፆሳን ዶረትስ። 35 ቃስ ኤቀተይሳታስ ማላ ግዳና። ነ ሸምፑዋራካ ቃስ ማሽ አና" ያግስ።

48 ሶ አሳይ እያ ደምዳ ዎደ ማላለትዶሶና። እያ አያካ፥ "ታ ናአዉ፥ አይስ ኑና ሀይሳዳ ኦዲ? ነ አዋራነ ታራ ነና ኮይሸ ኡንኤትዳ" ያጋሱ።

49 የሱሲ ኤንታኮ፥ "ታና አይስ ኮዬቲ? ታ፥ ታ አዋ ኬን ዳናዉ በሰይሳ ኤረከት" ያግስ። 50 ሽን እ ኤንታኮ ግዳባ ኤንቲ አኬክቦኮና።

51 ሄሳፈ ጉየ፥ ኤንታራ እስፈ ናዝረተ ካታማ ብስ። ኤንታዉ ኪተትሸ ደእስ። እያ አይያ ሄ ኡባ ባ ዎዛናን ዎዳ ናጋሱ።

3 ዎይነ ኡሻይ ዉርን፥ የሱሳ አይያ የሱሳኮ፥ "ኤንታዉ ዎይነ ኡሻይ ዉርስ" ያጋሱ።

4 የሱሲ ዛሪድ፥ "ታ አየ፥ ነ ሀይሳን ገሎፓ? ታ ዎደይ ቡሮ ጋክቤና" ያግስ።

5 የሱሳ አይያ ኦሳንቾታኮ፥ "እ ህንተዉ ኦድያባ አይብባ ግድኮካ ኦተ" ያጋሱ።

25 ሽን የሱሳ ማስቃልያ ማታን እያ አይያ፥ እያ አየ ምችያ፥ ቀልዮጰ ማችያ ማይራማነ ማግደላ ማይራማ ኤቅዶሶና። 26 የሱሲ ባ አይዉነ እ ዶስያ ታማረይ ያን ኤቅዳይሳታ በእድ፥ ባ አየኮ፥ "ታ አየ፥ ነ ናኣ ሀይሳ በአ" ያግስ።

27 ሄሳፈ ጉየ፥ ሄ ታማርያኮ፥ "ነ አይዉ ሀኖ በአ" ያግስ። ሄ ታማረይ እዮ ሄ ዎደፐ ዶምድ ባራ ዳና መላ ሶ ኤፍስ።

የሱሳ አይዉነ እያ እሻታ

31 እያ አያነ እያ እሻት ይድ ካረን ኤቅድ፥ እያኮ አሰ ኪትድ እያ ፄግዶሶና። 32 እያ ማታን ኡትዳ ዳሮ አሳት፥ "ሄኮ፥ ነ አየራነ ነ እሻታራ ካረን ኤቅድ ነና ኮዮሶና" ያግዶሶና።

33 የሱሲ ዛሪድ፥ "ታ አይያ ኦኔ? ቃስ ታ እሻት ኦናንቴ?" ያግስ። 34 ባ ማታን ኡትዳ አሳ ዩሽ አ ፄልድ፥ "ሄኮ፥ ታ አያነ ታ እሻት ሀይሳታ። 35 ፆሳይ ሸንያ ኦያ ኡባይ ታ እሻ፥ ታ ምቾነ ታ አዮ" ያግስ።

55 ሀይስ አናፅያ ናኣ ግደነዬ? እያ አየ ሱንይ ማይራሞ ግደኔ? እያ እሻት ያይቆባ፥ ዮሰፋ፥ ስሞናነ ይሁዳ ግዶኮናዬ? 56 እያ ምቸት ኑራ ደኦሶና ግዶኮና? ያትን፥ ሀ ኡራይ ሀ ኡባ አዉፐ ኤክዴ?" ያግዶሶና።

14 ሀይሳቲ ኡባይ ማጫሳታራ፥ የሱሳ አየ ማይራምራነ የሱሳ እሻታራ ኡባይ እስ ዎዛናን ግድድ ምንድ ዎሶሶና።