Maria

Lebesewambeli Kwezwagwa kwaYesu

26 Mumwedzi webutanhatu Ndzimu wakatuma ntumwa Gabhuriyeli kuti ayende kunzi-nkulu wehango yeGalile unoyi Nazaretha, 27 kumhandala yaka ili muludo nenhhuhha unoyi Josefa wen’umba yaDavida, zina lemhandala liyi Mariya. 28 Wakaswika kuwunli akati, "Hanha! iwe unodiwa, He banawe."

30 Ntumwa wekudzimu wakati kuwunli, "Usihle Mariya, wawana ngoni dzeNdzimu. 31 Nowhobhata mimba ukatshibama nkololo, unowhowumpa zina linoyi Yesu. 32 Unowhoba nhu nkulunkulu, unowhodan’wa eyi uNkololo we Upehhugwihhugwi; He Ndzimu banowhowumpa tjigalo tjebumambo tjatate babe Davida. 33 Unowhotonga pehhugwi kwen’umba yaJakobe nekusingapele, bumambo gugwe agutowhopela."

Zwagwa kwaYesu

18 Ndizo zwagwa kwaYesu Khirisitu kwakaba nayeyi zila. Mme babe Mariya waka ewhobhikila kuna Josefa, besanhu batongoyizela bose, waka wan’wa akazwisenga mimba yeMeya Yakayengemala.

Lumbo GwaMariya Gwelumbidza

46 Mariya wakati,

"Meya yangu inokudza He,

47 nemeya yangu inakuhanha muNdzimu Ntjidzi wangu,

48 nentha yekuti wakatjebuka akabona lingigwa muvula kwenlandakadzi uwe,

lingani mubone kubva ngwenuwali kuyenda mbeli zwizekugwana zose zowhondidana zwiti nkadzimayi waka kombolegwa.

49 Iye wandiyetila zwinhu zwikulukulu unamasimba makulu.

Nezina lile lakayengemala.

50 Mawhilangoni awe apehhugwi

kwebanowunhla kubva kutjizekugwana kunoti kutjizekugwana.

51 Luboko gugwe gwalakidza masimba;

wakapaladza banozwida mumimoyo yabo.

52 Wakabadelusa muzwigalo zwabo ibabo bana masimba,

akamilidza banolingigwa pasi ebasa pehhugwi.

53 Wakagutsha banahhala ebapa zwinozipa,

bafumi wakabahandusa basina tjabakasenga.

54 Wakatjidza nlandalume uwe Isirayeli,

muku alakana mawhilangoni awe.

55 Seleba kukwe kunabotate bedu,

kuna Abhurahhamu neludzi gugwe nekusingapele."

4 NaJosefa bo wakayenda ebva muntunhu weGalile, munzi-nkulu unoyi Nazaretha, akayenda kuntunhu weJudiya, kunzi unoyi Bhethelehhema ngobe waka ebaligwa kun’umba yeludzi gwaDavida. 5 Wakayenda enokwalisa naMariya waaka ewholobola, atjikuligwa.* 6 Kwakayetika kuti betji ikweno, mahhuba awe etshibama akaswika. 7 Wakatshibama mbisana mbano iye; akawumpetela nematjila, akawunladzika munghoro nentha yekuti n’umba dzebezi dzakadzili hhele.

19 Koga Mariya wakatjengeta zose zwinhu izwezwi mumoyo akakumbulisisa nekwazo.

34 Simiyoni akabakombolela, eti kuna Mariya meyabe, "Iwhoyu mwana unowhota kuti banjinji bawe nebanjinji bamuke mu Isirayeli, unowhoba tjilakidzilo tjinolebgwa kusakalulama nekwatjo 35 (nempanga unowhobhaya moyo uwo), kudze mikumbulo yemimoyo minjinji ibe patjena."

48 Bakati bewumbona baka tjenama, meyabe bakati kuwunli, "Nkololo wangu nentha yeni utibhata ujali, imi natate babo tatikuhaka tina buyendasi."

49 Iye akabahandula eti, "Mamundihakilani, kati amutoziba kuti ndakafanila ba mun’hingo waTate bangu?" 50 Koga ibo abazowhisisa handula kukwe.

51 Wakamilika akayenda nabo, bakanoswika kuNazaretha, wakabawhilila ezwitebamisa pasi kwabo; koga meyabe bakatjengeta kose ikoku mumoyo wabo.

3 Wayini yakati yapela, mayi baYesu bakati kuwunli, "Abatjina wayini."

4 Yesu wakati kubali, "Aa aa! mme, Ngono kuneni nami? Lubaka gwangu agwanhu gwaswika."

5 Meyabe bakati kubalanda, "Muthame tjimwe netjimwe tjaanobe amubudza itjo."

25 Pedlo netjileyanyo tjaYesu kwaka kulimile meyabe, namayi bakulu babe, naMariya mfumakadzi waKilopasi, naMariya wekuMagadala. 26 Yesu wakati ebona meyabe, nendhiyiwa waanoda alimile pedlo, akati kuna mayi babe, "Mme, lingani, whoyo nkololo wenyu!"

27 Wakati kundhiyiwa iwhoyo, "Linga, ibabo ndimeyabo!" Kubvila lubaka igogo ndhiyiwa iwhoyo wakabatola akanogala nabo kunzi uwe.

Mayi baYesu neBanun’una babe

31 Kwakakoswika meyabe nebanun’una babe, bakama kuhhe bakatumila banhu kuti bawundhane. 32 Gubungano laka lakawunkombeledza, lakati kuwunli, "Meyabo nebanun’una babo banokuhaka bakuhhe."

33 Akabahandula ebhuzwa eti, "Mme bangu ndiyani, banun’una bangu ndiboyani?" 34 Etjebuka tjebuka banhu baka baligele bakawunkombeledza, wakati, "Lingani mme bangu nebanun’una bangu ndi ibaba! 35 Umwenemwe unothama kuda kweNdzimu, ndiye nun’una, nehazwadzi namme bangu."

55 Haata iye nkololo wembehhi? Meyabe abatoyi Mariya? Banun’una babe haata Jakobe naJosefa naSimoni naJuda? 56 Nehazwadzi dzidze dzose atinadzo pano? Ngono iwhoyu nlume wakakuwana poni kose ikoku?"

14 Baka bogala bekubungana betembezela beli moyo un’ompela, kose nebetjikadzi, naMariya mayi baYesu nebanun’una baYesu.