Maria

Obwɛndi omɔti adjebedji bobotama bo Yesu

26 Ngɔngɔ dji songe basamano, obwɛndi Gabiyɛlɛ* alomama na Ndjakomba ta ngando emɔti e Galileya kombe eyu Nadjalɛtɛ, 27 ta dii mwana mwali omɔti o pɛpɛ bodjebana na moomi bamopandedjaka na moto omɔti kombe e nde Yosepu, ta ibota di mokondji Dhapiti; mwana mwali omina bamobeaka Malia. 28 Andjelu akwea ta dii iyo ko abala na nde bo: «Daa na mongandi! Wɛ obolodji ngɔlu enɛnɛ ta boso bo Ndjakomba, Kumu adii na wɛ.»

30 Iboa obwɛndi abala na nde: «Pɛpɛ bobanga, Malia, tina, Ndjakomba ainedji ngɔlu e nde ta dii wɛ. 31 Ko indja edɛdiyeye mɛnɛ olwadea deemi ko obotadea mwana moomi ko omobakeadea kombe e Yesu. 32 Adaabi moto monɛnɛ ko bamobeabi Mwana Onɔi Diko disusu, ko Kumu Ndjakomba amopabi kiti e bokumu bo Dhapiti, kɔkɔ o nde. 33 Adaabi Mokondji ta ibota di Yakobo kɔbili, ko bokondji bo nde bodaetebi na suka*.»

Bobotama bo Yesu Kilito

18 Indja mondumba monɔɔmɔ ta bobotama bo Yesu Kilito. Nango Malia, adaaka mosamba mo Yosepu; boso bo boputoana bo bobo alwa deemi na ngulu e Mwembo Mosɛnɔke.

Yeembo e Malia

46 Iboa* Malia abala bo:

«Na bomɔ bo mbi itombo napali boinedja bonɛnɛ bo Kumu.

47 Molema mo mbi molumi na mongandi ta tina e Ndjakomba Moheledji o mbi;

48 modjɔ mo aindjabi miso ma nde ta dii mbi mosali* mwali o nde o pɛpɛ gala. Edɛdiyeye ko bihole bisusu, bato basusu babeabini mwali o mongandi.

49 Modjɔ mo Ndjakomba Onɔi na Bopilo akɔmeini midjɔ mipele.Kombe ende edii esɛnɔke.

50 Aluma na bopele ta bihole na bihole ta dii ibia bakamosume.

51 Ainedja bokondji bo nde na boinedja ngulu e nde: Abungedja bato ba milema mi malɛno ma molumba ndjea,

52 adongedja bakondji ta kiti dji bobo dji bokumu ko adedja bato babosatitedja ta polo e boso*.

53 Agoledja bato ba ndja, ko ayanedja badieli mɔmɔ ngasa.

54 Adoa na bokomedja ta Isalɛlɛ mosali o nde, modjɔ mo aibosa boinedja bopele bo nde

55 na ndjea e Abalayama ko na batitani ba nde tina e seko mondumba mobala iyo na bakɔkɔ ba biso.»

4 Yosepu pongono akina Nadjalɛtɛ ta ekenge e mokili mo Galileya, akɛɛkɛ ta Bɛtɛlɛmɛ ta ekenge e mokili mo Yudhea, modjɔ mo adaaka moto omɔti o ibota di Dhapiti.

5 Akɛɛkɛ akomedja kombe e nde engbanga emɔti na Malia, mwali o nde, iyo odaaka na deemi. 6 Ehole edaaka bo ta Bɛtɛlɛmɛ, ndelo e nde ebobota eso eimei. 7 Abotaka mwana moomi o nde o boso, amohua na bisendja ko amosambea ta esika ekayakedje bo tito bihole bisusu, modjɔ mo baidia esika ebowɛɛ ta ndako e bakɛndɛli.

19 Malia abaneaka modjɔ momina ta molema ko amoikoaka.

34 Simeona abadjongoa ko abala na Malia nange e Yesu bo: «Mwana iyoyo ahɔɔmɔ tina e bodumba ko boangɔdjɔ bato banɛnɛ ba Isalɛlɛ; iyo adaabi embete e bopa motubano; 35 ta tina emina, malɛno mabolamake ma bato madjebamabi. Iboa wɛ mɛnɛ Malia, molema mo wɛ modabi mobenake.»

48 Ehole emoɛnɛkɛ baboti ba nde bakamoa bobuke ko nange ende abala na nde: «Mwana o mba, olokɔi ibowa tina nda? Indja, mbi na sangwao lobangi bobuke ko loohombaki.» 49 Abasɔmbedji bo: «Tina ehombakini na nu nda? Otadjebakadeani bo etungi na mbi bosala misala ta ndako e Sesa?» 50 Endelo ibo baisipoaka tina e mɛko mibatɔndeaka iyo. 51 Yesu ayana na bu engbanga emɔti ta Nadjalɛtɛ. Abasumaka. Ko nango abaneaka mɛko mimina ta molema mo nde.

3 Ta ehole emɔti iboa, vino esia. Nange Yesu amotɔndea bo: «Baditi na ikina na vino.» 4 Endelo Yesu amosɔmbedja bo: «Mwali, edii wɛ moto otɔndeakadeani modjɔ mobwani mbi bokɔ? Ngonga e mbi epakinaimea.» 5 Iboa nange e Yesu atɔndea basali bo: «Kɔɔni midjɔ misusu imi miotɔndeadeani iyo.»

25 Indja bato baemaka mbuti na ekulusu e Yesu: Nange ende, mwange nango, Malia, mwali o Kolopasi ko na Malia o ngando e Magadala. 26 Yesu aɛnɛ nange ende ko na motingami opalaka iyo aemi mbuti na nango. Abala na nango bo: «Mwali, indja mwana o wɛ.» 27 Ngɔngɔ djimina abala na motingami omina bo: «Indja nange ewɛ.» Oko ta ehole emina, motingami omina amotomba ta dii iyo.

Bangi Yesu na nango

31 Bangi i Yesu na ngwabu baimea ta polo adaaka iyo. Baema sokolu ko baloma moto omɔti amobee. 32 Bato banɛnɛ badaaka na mobondo bamohiki. Bamotɔndea bo: «Ngwao na bana ba ngwao ba baami badii sokolu ko bakambakadea baoɛnɛ.» 33 Abasɔmbedja bo: «Odii nange o mbi nda ko baangi i mbi ba nda?» 34 Ko, ahokodja miso diko di bato badaaka ba mohiki, abala na bu bo: «Indja nange o mbi na baangi mbi. 35 Modjɔ mo moto iyoyo odii bokɔɔ bolulea bo Ndjakomba, iyo adii mwange mbi, adii ngɛnɛ e mbi ko adii nange o mbi.»

55 Iyo te mwana o mosapate? Nango te Malia*? Ko baana ba nango te Djake, Yosepu, Simona ko Yudhe? 56 Ko ngɛnɛ dji nde badiiti basusu iyaya ta tei e su? Abolodji iyo midjɔ imimi misusu djɔ?»

14 Ibo basusu baputoanaka engi ndelo bɛngi baangɔne, na bali, na Malia nange Yesu, ko na baangi Yesu ba baami.