Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
Yezu ɛ́ boozɛbɔɔza nɛ nɔɔ náá: «Bi ààlaa sa di kwyala tɔ Mɛkana ɛ Zɛɛb é? "É ghɛŋ Zɛɛb nakus bɔs ɛ, nyɛ nakus ɛ moma nɛ motom." Nyɛ eebaazɛbil náá: "Étɛp tak ɛ ye di náá, motom ɛ́ waalik sɛɛg nɛ nyɛɛg, étɛp nyɛ neekɛsɛɛga bɛ nɛ myɛl. Tin, bɔɔ bɛbá aakadi ɛ́, bɛ moo mot ngɔt. É di’enek, bɛ tokapɛ bot ɛbá, bɛ aakadi ɛ́, bɛ moo mot ngɔt. Sa mot ààbɛk sa di náá, Zɛɛb eesɛɛg ɛ."»
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
Biyɔ botom, kwyɛlka bɛl bin dáa Klisto di ekwyɛl zɛɛga mendjaala ɛ, nyɛy batagwyɛ kɔ ɛsu ɛ tak. Deenek, nyɛ nakwyɛl ɛ́ náá, zɛɛga mendjaala di dɛɛ, yɛ ɛ́ étɛp tak ɛ nyɛ nadis yɛ edhuud nɛ mɛdii nɛ mɛkpa mɛ. Nyɛ nakwyɛl ɛ́ náá, bot ɛ di edum koŋ nɛ Zɛɛb ɔ tyaa sok bhwoob’ɛ, nɛ boo duma, ààbɛ nɛ ɛtɔn, ààbɛ nɛ di wat zekwaada ɛ. Nyɛ nakwyɛl ɛ́ náá, bot ɛ zɛɛga mendjaala mɛ, di bot ɛ edɛɛ, étɛp, ye needi ààdi nɛ mot di elii ɛbiyoɛpe dum nɛ mɛsa mɔɔ. Deenek, botom goka ɛ́ nɛ ɛkwyɛl bɛl bɔɔ, dáa bɛ di ekwyɛl mɛnyel mɔɔ met ɛ. Mot di ekwyɛl myɛl ɔ, nyɛ kwyɛl ɛ́ nyel’ɛ met. Etɛɛ náá, mot tok nɛ ghwyil ɛbhina nyel’ɛ met. Tin, nyɛ nɛ be nyel’ɛ ɛnyɔɛpe, dáa Klisto di esa nɛ zɛɛga mendjaala ɛ.
Biyɔ boa, loobaka nɛ botom bin, dáa bi di elooba nɛ Ghɛŋ ɛ. Saka deenek etɛɛ náá, motom ɛ di ekɔk kɔ myɛl, dáa Klisto di ekɔk kɔ zɛɛga mendjaala ɛ. Klisto ɛ́ mot di etsik zɛɛga mendjaala di náá, yɛ ɛ́ dáa nyel’ɛ ɔ. Boa goka ɛ́ nɛ ɛlooba nɛ botom bɔɔ, dum nɛ etɛp djas, dáa zɛɛga mendjaala di elooba nɛ Klisto ɛ.
Tin, mɛ ɛpebaabaal nɛ biyɔ botom, mot nɛ mot goka ɛ́ nɛ ɛkwyɛl myɛl dáa nyɛ di ekwyɛl nyel’ɛ met ɛ. Yɛ ɛ́ tyee wat nɛ boa mɛba, bi goka ɛ́ nɛ ɛduwal botom bin.
Dáa ekeletyɛ di egoka nɛ ɛgyee sama ɛ
Biyɔ boa, loobaka nɛ botom bin, dáa di egoka náá, ye sael é mis ɛ Ghɛŋ ɛ. Yɛ kabɛ biyɔ botom ɔɔ, kwyɛlka bɛl bin, sa bi ààlyel elyem nɛ nɔɔ.
Ɛgwakel pak moma nɛ motom
Dɔɔ nɛ biyɔ boa, loobaka nɛ botom bin, etɛɛ náá, yɛ bɛ nɛ bɛdhiiti botom pak’ɔɔ di ààkwyɛl Mɛkpa ɛ Zɛɛb ɔɔ, bɛ needum koŋ nɛ Zɛɛb, ààbɛ kɔ ɛsu ɛ mɛkpa. Bɛ dum koŋ nɛ Zɛɛb ɛ, kɔ ɛsu ɛ embɛɛ mɛfulu mɛ bɛl bɔɔ. Etɛɛ náá, bɛ waabee dáa etsik bin moo kɛ tɔ edɛɛ ɛ, nɛ dáa bi di elooba nɛ nɔɔ ɛ.
Tin, yɛ kabɛ biyɔ botom ɔɔ, bi goka ɛ́ nɛ ɛbe ɛ bɛl bin, ààdjisa náá, boa nɛ tsak dhaa biyɔ. Djɛka bɛ duu, etɛɛ náá bi nɛ bɛnɔɔ djas, bi ɛ́ waabela tɛtɛ tsik Zɛɛb nakɛk ɛ. É di’enek, bi ɛ sa deenek ɔɔ, ye tok nɛ dhiiti sonok ààlu mendjaala men.
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
Pɔl ɛpebɔɔza mɛdjin dum nɛ etɛp ɛba
Nenak, mɛ moo bɔɔza bin dum nɛ mɛdjin mɛ bi nadji mɛ tɔ mɛkana mɛ bi nadhis mɛ yɛ ɛ. Mɛ lɛɛ bin ɛ́ náá, ɛnyɔ náá, motom di kɔ ààbɛ nɛ moma. Tin, étɛp ɛkaab ɛ mɛzɔ, ye goka ɛ́ náá, motom djas di nɛ ngbɛ moma, da moma djas pe ɛ́ di nɛ ngbɛ motom. Motom goka ɛ́ nɛ ɛsa mɛsa djas motom di egoka nɛ ɛsa nɛ myɛl tɔ ndjaa ɛba ɛ. Yɛ ɛ́ tyee wat nɛ moma, nyɛy pe baagoka ɛ́ nɛ ɛsa nɛ ngom mɛsa djas moma di egoka nɛ ɛsa nɛ ngom tɔ djaa ɛba ɛ. Tin, moma tok nɛ ghwyil ɛdjɛɛd nyel’ɛ dáa nyɛ di ekwos ɛ, etɛɛ náá, nyel’ɛ ɛ́ yii ngom. Yɛ ɛ́ tyee wat nɛ motom, nyɛ tok nɛ ghwyil ɛdjɛɛd nyel’ɛ dáa nyɛ di ekwos ɛ, etɛɛ náá, nyel’ɛ ɛ́ yii myɛl. Sa mot àànyim sɔ nyel, yɛ di ààbɛ náá, bi gwakel ɛ́ étɛp ba mɔɔ ɛwala batsa kɔ ɛsu ɛ mendjaala ɔɔ. Da bhii tak bi ɛ́ bula ɛnyɔɛpe tɔ ɛba ɛ len. Yɛ di ààsael deenek ɔɔ, bi aanàbaabela ghwyil ɛmaad egwyes epuud. Deenek, Satan ɛ́ nɛ ghwyil ɛkwyesal bin tɔ mɛbhowal.
Yɛ kabɛ bot ɛ zebaa ɔ, mɛ ɛpedjɛ ɛtiŋ ɛlak, ɛtiŋ ɛ tak tok yam, yɛ ɛ́ yii Ghɛŋ: yɛ ɛ́ náá, sa moma ààbo ɛba pak bɛ nɛ ngom. Tin, yɛ bɛ náá, moma eebo ɛba pak bɛ nɛ ngom ɔɔ, sa nyɛ ààbaani dhiiti ɛba sis. Yɛ di ààbɛ deenek ɔɔ, nyɛ koobal ɛba pak bɛ nɛ ngom. Tin, sa motom ààbo ɛba pak bɛ nɛ myɛl.
É di’enek, yɛ bɛ náá, moma nɛghu motom di ààdi keletyɛ ɔ ɛpekwyɛl ɛbo ɛba ɔɔ, nyɛ ɛ́ nɛ ghwyil ɛbo ɛba. É di’enek, moma nɛghu motom di keletyɛ ɔ tok si bhel tsi ɛba, etɛɛ náá, Zɛɛb nadjóo bin ɛ́ étɛp bi needi tɔ egwyem. Tin, wɔy moma di keletyɛ ɔ, wɔ nɛ gu nɛghu wɔ ɛ́ kwaatsik ngom’ɔ ɔ? Tin wɔy motom di keletyɛ ɔ, wɔ nɛ gu, nɛghu wɔ ɛ́ kwaatsik mwalɔ ɔ?
Djhoopookonɔɔka geka moma ɛba: etsi ɛba ke ɛ́ náá, moma di bhaada nɛ ngom ɛ, é sok ngom di, nyɛ dinaa nɛ tsik ɛ. Tin, yɛ kabɛ náá, ngom eegwyɛ ɔɔ, nyɛ tokapɛ si bhel etsi e ɛba.