Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
Apfo Imulungu kawalumba iwanu weghale ne imwenyegho, kawalumba kwa kwighala naye. Kawalumba immale ne ipinga.
Kuya Imulungu kalonga, "Ng’apfinoghile baye imunu yuno akale yaliyeka. Nitsomtendela yungi wa kumwapfila, iyeghala naye."
Apfo immale katsowaleka aba wake na mai wake, naye katselunga na mwehe wake, nawo watsakuwa lukuli lumwe.
Naye Yesu kawedika, kalonga, "Pfihi ng’amsomile baye pfayandikighwe mna Ghamaandiko ighelile, ka yeye iyawaumbile aho mwanduso tsakawaumba munu mmale na munu pinga, na kalonga, ‘apfo, immale katsomleka aba wake na mai wake, katselunga na imwehe wake, nawo weli watsakuwa lukuli lumwe?’ Apfo ng’awatsakuwa weli keli baye, ila lukuli lumwe. Apfo chiyalumbile Imlungu, imunu yaleke kuchighola."
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
Namwe muwamale, muwanoghele wapinga wenu ka Kiristu pfawanoghele iwanu wose iwomtoghola mbaka kaulapfa ughima wake kwaajili yawo, ili yaweke wakifu kwe Imulungu iwanu wose iwomtoghola, na kawatenda wadeghete kwa kuwopfugha mne ghamatsi na mbuli. Tsakatenda apfo ili yeghalile mwenyegho iwanu iwomtoghola iwali wahenzeluka na iwalihela totso ka imwali iyokwelighwa pfayoghalighwa kwe mmale wake aku kanogha na kahela doa wala litotso. Pfipfila chila mmale yamnoghele mwehe wake ka pfayounoghela lukuli lwake mwenyegho. Imunu iyomnoghela mwehe wake kenoghela imwenyegho. Kuduhu imunu iyolwihila lukuli lwake, ila kolwang’itsa na kolulolesa, ka Kiristu naye pfayowatendela iwanu wose iwomtoghola,
Mwemwe wapinga wategheletseni iwamale wenu, ka pfamumtegheletsa Imtwatsa. Mana mmale komtawala pinga wake ka Kiristu pfayowatawala iwanu wose we Imulungu; naye Kiristu mwenyegho kowakombola iwanu we Imulungu, awo iwo lukuli lwake. Ka iwanu wose iwomtoghola Kiristu pfawomuhulikitsa Kiristu, chila pinga naye yamuhulikitse mmale wake mna ghose.
Lekeni chila mmale yamnoghele mwehe wake ka pfayenoghela mwenyegho, naye mwehe yamuhulikitse mmale wake.
Ughima wa sambi mne tsikaye
Mwemwe wehe, muwahulikitse iwamale wenu, apfo pfipfo pfayobama Imtwatsa.
Namwe iwamale muwanoghele wehe wenu, mleke kuwa wakali kuna wawo.
Iwamale ne wehe tsawo
Pfipfila mwemwe wehe muwahulikitse iwamale tsenu, ka wabaho iwamale yang’awoitoghola imbuli ye Imulungu, watoghole kwa ukwona pfamtenda, hata bila kuwalongela mbuli, kwaapfila watsowona pfamkala ghoya na kwa kuhulikitsa.
Pfipfila namwe iwamale mkale ne iwapinga wenu aku mwomanya ka wawo wanyonge kubita mwemwe, apfo mleke kuwabetsa, muwatendele pfinoghile, kwaapfila mtsobokela nawo ghweko lya ughima lye Imulungu. Mng’atenda apfo kuduhu chinu ichitsoghoma aghala ighamlomba.
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
Ng’apfu kuwa weli kubita kuwa munu yumwe kwaapfila watsolihighwa pfinoghile kwa isang’ano yawo. Haitsolawila yumwe kaghwa, miyaghe katsomwinula. Lekeni katsochona ayula iyaliyeka hayatsakughwa na kuduhu munu wa kumwinula. Pfipfila iwanu weli wang’awasa hamwe wotsumbuka, lekeni imunu yang’awa yaliyeka yodahatse ukutsumbuka? Munu yumwe kodaha kutsidiwa ngupfu, lekeni wang’awa weli ng’awodaha kutsidiwa ngupfu baye. Mitsabi midatu ing’apfoghosighwa hamwe ng’aisumka ukudumka baye.
Ipinga iyanoghile
Ipinga iyanoghile, yuhi yodaha kumwona? Samani yake ng’ulu kubita libwe lya lubi. Mlume wake komtoghola kwa ghumoyo ghwake ghose, na ng’ohungikighwa na chinu chochose baye.
Iyopata imwehe ayo kopata chinu chinoghile, naye kotogholighwa na IMNDEWA.
Tsing’anda na tsimali imunu kolekelighwa kulawa kwa aba wake, lekeni ipinga iyakengele kolawa kwa IMNDEWA.
Pinga yanoghile ka taji kwa imlume wake, lekeni ipinga iyoghuma chinyala keghala na chinu cholile mna imipate ya imlume wake.
Imbwibwi yako ibalikighwe, umdeng’elele ipinga yumkwelile haung’ali msongolo. Ayo kanogha ka kongoni, ka dondolo, na ghamatombo ghake ghakudeng’eletse matsuwa ghose, ughoghighwe na ukukunda kwake.
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
Ukukwela
Apfo kwa mbuli ya aghala ghamwandike; pfinogha imunu yaleke kukwela. Lekeni kwaapfila kuna ughoni sideke, chila mmale yawe na mwehe wake mwenyegho. Na chila pinga yawe na mmale wake mwenyegho. Immale yatende chayobamighwa kumtendela mwehe wake, na ipinga yatende chayobamighwa kumtendela immale wake. Lukuli lwa mwehe, si lwake yaliyeka bae, ila lwa immale wake pfipfila. Na lukuli lwa mmale si lwake yaliyeka bae ila lwa mwehe wake pfipfila. Mleke kwiima, ila ka mwilaghana kwa ghamatsuwa chidogho, ili mdahe kukala kwa kumlomba Imulungu, kuya muyile keli ili Setani aleke kuwaghetsa kwaapfila ng’amdaha kududumila.
Kwa awala iwakwelighwe na iwakwelile noweng’a laghitso lino, kuya si langu bae ila lye Imtwatsa. Mwehe yaleke kwileka na mmale wake. Lekeni ang’atenda apfo, yakale bila ukukwelighwa, au yelamlitse ne immale wake. Naye immale aleke kumleka mwehe wake.
Ka imunu ing’omtoghola Yesu kobama yamleke myaghe, umleke atende apfo. Immale au ipinga iyotoghola Imulungu ng’oghomighwa bae kutenda apfo. Imulungu katukema twetwe tukale kwa tindiwalo. Umanyatse, lamda ghwe mwehe kutsodaha kumkombola immale wako? Kuya umanyatse ghwe immale lamda kutsodaha kumkombola mwehe wako?
Tulonge, ipinga hayokwelighwa, kohighwa na ghamalaghitso hala immale ayo ang’awa mghima, lekeni mmale wake ang’afa, ipinga ayo ng’ohighwa bae na ghamalaghitso.
Malaghitso ghangi
"Imunu iyakwelile sambi yaleke kughenda kwitowa kung’ondo, wala kwing’ighwa ng’onde yoyose, yakale hela kwa mwaka ghumwe ili yebwede hamwe na imwehe wake iyamkwelile."