Marido e mulher
O casamento é aliança sagrada entre marido e mulher, instituída por Deus desde o Éden. A Bíblia define papéis complementares fundados em amor, respeito e fidelidade mútua.
Instituição divina
Deus criou homem e mulher e os uniu em uma só carne. O casamento é projeto divino que reflete o amor de Cristo pela Igreja.
Yeso obveel bɔ bubu: «Byɛ k’etsiɔ m’ákel mã wɛ: "K’obɛɛn Nziã wu ábuo ɔ̃kiri ási mbuul bɔɔl y’ɔ̃kaal wɛ?" Nziã bvool álieel bubu: "Obɔ otsɛn bɛn, bɔɔl akieel ambal ola tal ye ngoo a ndɛ, me ndɔɔ yi akuru nzuru m’ɔ̃kal a ndɛ, obobɔ bɔ ange-buaal akieel akal nzuru ngamɔ̃. M’emfa okyɛ, bɔ k’àbekal baal buaal wɛ, ayii kɛn a mbuul ngɔmɔ̃." Oŋɔ̃ yɔɔl kwɛn b’ebvool Nziã, mbuul abee bɔ otsal!»
Papéis no casamento
O marido ama e a mulher respeita. Ambos se submetem voluntariamente a Deus e um ao outro, em parceria e unidade.
Byɛ b’alam, yɔɔl kwɛn mbuul bwɛn a mbuul adzii ɔ̃kal a ndɛ onge b’édzii Mãsia Ebvɔɔn, bvool áwi elaã e ndɛ me ndyam me ndɔɔ a lɔ, me ndɔɔ yi asa kwɛn lɔ ekal li ngel, ŋ’esuul ndɛ lɔ eyii tsɛtsɛ m’osuɔɔl o lɔ m’ãdza y’eyɛɛn. Ndɛ ádzii k’ásuul Ebvɔɔn olɔ ke nkwel a ndyam eluul me dzuun, eywɛn a mbiin, eywɛn a nkaã, wuo eluɔ ngemɔ̃ ki obobɔ, kɛn a lɔ ekal li ngel bvool lɛn elyal si ngemɔ̃ pyɛ. Emfa kiki, alam ebvaan adzii akal a bɔ onge ãnzuru ã bam. Mbuul wu odzii ɔ̃kal a ndɛ wu odzii nzuru a ndyam. Ke ngwel wɛ, mbuul lɔɔ-okal kɛn abyel nzuru a ndyam wɛ, kɛn a ndɛ abeliil yɔ bvool abefaal yɔ ngesɛ-ngesɛ, emfa okyɛ hɛ̃ ki ebesa Mãsia m’Ebvɔɔn,
Obobɔ, byɛ b’akal, yɔɔl kwɛn mbuul bwɛn a mbuul awa ɔ̃lam a ndɛ dzuun, onge b’ewa byɛ Mfam dzuun. Ke ngwel wɛ, ɔ̃lam oli mfam a ɔ̃kal, onge b’eli Mãsia Mfam a Ebvɔɔn li eli nzuru a ndɛ, lɛn ndɛ oli Ɔ̃mvuul. Obobɔ, akal ebvaan awa alam a bɔ dzuun m’ãndɔɔ mbueel, onge b’ebewa Ebvɔɔn Mãsia dzuun.
Me b’otal byɛ, ebvaan kwɛn mbuul bwɛn a mbuul onse byɛ adzii ɔ̃kal a ndɛ onge ndyam. Ɔ̃kal hɛ̃ ebvaan awa ɔ̃lam a ndɛ dzuun.
Emfa ki akal onse yam
Akal, yɔɔl kwɛn mbuul bwɛn a mbuul awa ɔ̃lam a ndɛ dzuun m’emfa ki ebvaan onse bvoo a bia-byɛ ye Mfam.
Alam, yɔɔl kwɛn mbuul bwɛn adzii ɔ̃kal a ndɛ, bvool abee y’epfuũ bvi mpɛn-mpɛn okal ke nkwel a ndɛ.
Akal bwɛn alam
Emfa kiki hɛ̃ byɛ b’akal, ewa alam a byɛ dzuun, m’emfa okyɛ onkyam ŋɛn baal bakyɛ onse bɔ k’akiool Endɔɔ e Nziã wɛ, bɔ akiool lɔ me ndɔɔ epfuũ e byɛ, ndɔɔ yi ayɛɛn bɔ pyɛ. Ki nguo ki emwɛn bɔ epfuũ e byɛ bvi ebvɛ-ebvɛ bvool bvi ewa alam bvɛɛ.
Emfa kiki, byɛ b’alam, efaal akal a byɛ onse ãbal. Eyɛɛ wɛn akaal ali y’okwal bibi. Ewal bɔ ye bvɛɛ, ke ngwel wɛ bɔ akieel ayɔɔ kab li elaã li taa-taa ola Nziã onge byɛ. Byɛ esa obobɔ, eluɔ si ngemɔ̃ k’èkii ãbuɛɛn a byɛ wɛ.
Fidelidade e união
O casamento é honroso e deve ser preservado com fidelidade. O cordão de três dobras não se rompe facilmente.
Permanecer juntos
O que Deus uniu, o homem não separe. A Bíblia protege o casamento e orienta sobre convivência, perdão e perseverança conjugal.
Ɛ̃mveel ɛ̃ Pool me ndɔɔ ãndɔɔ ã bal
Me b’otal b’ekel byɛ mɛ̃, ɔ̃mveel ndɛ bu: Me ndɔɔ a bɔɔl, eli ngesɛ kwɛn ndɛ abee obaal. Kɛn a me ndɔɔ yi abal owɛɛl baal ayesa ãndɔɔ m’esio, yɔɔl kwɛn bɔɔl bwɛn a bɔɔl akal y’ɔ̃kal a ndɛ, ɔ̃kaal bwɛn ɔ̃kaal akal y’ɔ̃lam a ndɛ. Yɔɔl kwɛn bɔɔl asa ɔ̃kal bɛn ebvaan ndɛ asa ndɛ, ɔ̃kaal hɛ̃ asa bubu m’ɔ̃lam a ndɛ. Ɔ̃kal k’ali y’okwɛn nkal a nzuru a ndyam wɛ, ɔ̃lam mbuul wu oli ye bɔ. Emfa kiki hɛ̃, ɔ̃lam k’ali y’okwɛn nkal a nzuru a ndɛ wɛ, ɔ̃kal mbuul wu oli ye bɔ. Ebee bakyɛ nzuru oluo, yɛɛn wɛn okɛɛn byɛ ekuru mfoo wɛn byɛ k’ebvool ntal wɛ me lio etsi-tsiri, me ndɔɔ yi ebuɛɛn. Ke mbee oŋɔ̃, ebvool ntal onge b’eli tsɔɔn. Okɛɛn k’obobɔ wɛ, Satana ol’obɔɔ mpwee yi ambio byɛ, me ndɔɔ yɛn byɛ eywɛn okwɛn nkal ãnzuru ã byam.
Me b’otal b’amaabaal, mɛ̃ ntam bubu osa, wu otam ke mɛ̃ wɛ, eli Mfam: Yɔɔl kwɛn ɔ̃kal abee ɔ̃lam obee. Okɛɛn ndɛ obee ɔ̃lam, yɔɔl kwɛn ndɛ akal ɔ̃lam pyɛ, wuo abveel bal y’ɔ̃lam. Yɔɔl kwɛn ɔ̃lam hɛ̃ abee ɔ̃kal obee.
Kɛn okɛɛn wɛn k’ali ɔ̃kiool wɛ odzii k’abam bal, yɔɔl kwɛn ndɛ abam lɔ. Me ndɔɔ yi obobɔ, ndoo wu bɔɔl wuo wu ɔ̃kaal oli ndii, ke ngwel wɛ Nziã oti byɛ mbel yi ekal onse opi. Ke ngwel wɛ, yɛ wu ɔ̃kal, yɛ yɛɛ okɛɛn yɛ akieel abvuul ɔ̃lam? Yɛ wu ɔ̃lam, yɛ yɛɛ okɛɛn yɛ akieel abvuul ɔ̃kal?
M’emfa kiki, ngel a bal ebvool ɔ̃kaal a bal y’ɔ̃lam lio lueel li eli ɔ̃lam ondɛ mwiĩ. Ŋ’ekwi ɔ̃lam, ɔ̃kal k’abekal ke nsɛn a ngel yi ekebvool ndɛ y’ɔ̃lam wɛ.