O marido
A Bíblia define o papel do marido com clareza: amar a esposa como Cristo amou a Igreja, ser fiel, protetor e líder servo no lar.
Amar como Cristo amou
Maridos, amai vossas mulheres como Cristo amou a Igreja e se entregou por ela. O amor do marido deve ser sacrificial e incondicional.
Hínsiñeta lúmari wügüri lun kei lueirin wínsiñe lun Kristu, wagía le liligilisin, aba líchuguni libagari wawagu.
Ítara liña lunti lan tínsiñedun lúmari wügüri lun kei línsiñe lúgubu guánarügü lun. Le hínsiñehabuti tun lúmari hínsiñeguati lungua.
Ítara liña lunti lan tínsiñedun lúmari wügüri lun kei línsiñe lúgubu guánarügü lun. Le hínsiñehabuti tun lúmari hínsiñeguati lungua. Úati gürigia meberesenti lau lúgubu guánarügü; hóugüdarügü lumuti, góunigilei. Ítara liña giñe ladüga Kristu tun liligilisin,
Lariñaguña giñe dimurei ligía luagu kada lan aban hídangiñe lunti lan hínsiñe tan lúmari lun kei línsiñegua lungua, lun giñe inebe lan túmari würi tun.
Ligía hebé lubéi heyeehan; adimureha huméi inarüni hama híbirigu lugundun lumegegu ábanmeme úgubu sun huguya.
Anhaün agañida, mafigouha humá; málüdala weyu hau gáñiñu, míchiga humá lúgaaru lun Mafia.
Le meha híwerubei, hebé líweruhan, luadigimarida lau arumani lun lagüriagun lungua, lun giñe gayara lan líderaguniña ha gudemebaña.
Manabaha humá; lubaragiñe lira, hadimureha dimurei buiti, le íderagutiña ha híbiri lidan hafiñen, abiniruni ligíame houn ha aganbubalün. Mírudagüda huméi Sífiri Sandu, le aubei haseinirúa keisi lánigu Bungiu darime lachülürün weyu lun hasalbarun sunsuinagubei.
Ígira huméi sun magundani, sun iyereehabúni, sun agúaraguni lánina igañi, sun anabahani, luma sun wuribani. Buidu humá, gudemehabu huguyame húmagua, ferudunagua humá húmagua ítara kei feruduna lanün Bungiu lidan Kristu.
Wügüriña, hínsiñe hamá húmarigu hun, móusera humaña wuriba.
Igaburi le lunbei wagaburiduni hama ha wábiñebaña
Würiña, gaganbadi humá houn húmarigu; ligía katei buiti le lunbei hadügüni keisi afiñetiña luagu Wabureme Kristu. Wügüriña, hínsiñe hamá húmarigu hun, móusera humaña wuriba.
Lóugiñe sun katei, hínsiñehabu humá; ligía katei le íchugubalin sun katei lidan aban.
Fidelidade conjugal
O casamento é honroso e o leito conjugal é santo. O marido deve ser fiel à esposa da sua juventude em pensamento e ação.
Inebelá maríei hun súngubei, lunti giñe hagunfulirun úmarigu hámagua lau úarani; lugundun laguseragüdübaña giñe Bungiu ha agamaridubaña mamarieidunga hama ha agabarahabaña.
Deregüdaguabá tuma búmari,
túnrügüla bíchigei bínsiñehabu.
Ánhabu garahüñü tau amu würi,
manügünbei lira buiti bun.
Lunti haweinamudun birahüñü lun híderagunibu,
mama lun híderagun amu.
Gundaabá lubeiti tuma búmari,
gundaabá tuma to úmaboun bamarieida danbei nibureingidibu;
magadiñetu ani wende tugía kei aban usari.
Hóuburatabu lau tínsiñehabu.
Gundaaguagüdatabu lau tuenden.
Ka san uagu bádaragua bungua tumoun
würi gagabarahatu, niráü?
Ka uagu báguragua bungua tarünarugun?
Au nariñahare hun luagu furumiñeguarügü lan le awamadirutu aban würi, agabarahaali tuma tidan lanigi.
Au nariñahare hun luagu furumiñeguarügü lan wügüri ígirutu lúmari, anhein mama lubéi ladüga tagamaridun ligibuagun, aba taganóun luma amu wügüri, adügagüda lumutu furumiñeti wügüri agabarahani. Le giñe agamaridutu würi ígiraguaaru ladügüña giñe agabarahani.
Mámaaña lubeiti biama, ábanrügaaña. Ligía moun lubéi lafanreinraguni wügüri le ladunraguagüdübei Bungiu.
Lunti lagunfulirun wügüri tuma lúmari keisi úmari, lunti giñe tagunfulirun würi luma túmari keisi úmari. Mama würi laburemeboun túgubu guánarügü, túmari laburemebei. Mama giñe wügüri laburemebei lúgubu guánarügü, lúmari laburemebei.
Mamahada humá húniwagua, ánhaüngubeirügü adüga daradu lun mayusuragun humá hungua luagu átiri dan lun híchaagun hungua lúnrügü hafurieidun. Lárigiñe lira, lúntiya hayusuragun hungua, luéi lásiñarun hágüdaagun hungua, afigougüda liñalün Mafia.
Ánhaña ha maríeihañabaña, ariñagatina houn lun mígirun tani würi túmari. Gumadi le, lidan lubudubu mama nugumadin, lugumadin Wabureme. Lau sun lira, anhein tígira würi túmari, lunti terederun mámariga, o tarandarun lan luma túmari. Moun lumuti giñe lígirunu wügüri lúmari.
Houn híbiri, ariñagatina keisi dimurei le nani, mama lani Wabureme, luagu anhein lan mafiñen tubéi lúmari aban le afiñeti luagu Kristu, ani gúndaatu lun tasigirun aganawa luma, moun lumuti lígirunu.
Anuraha humá lubeiti luéi ahoruhani. Furumiñeguarügü amu figóu le hadüga gürigia, bóugudi luéi hágubu ladüga damichi; ánhaña ha ederegeragutiña houngua lun ahoruhani, hadügüña figóu luagu hágubu guánarügü.
Convivência com sabedoria
O marido sábio vive com a esposa com entendimento, dando-lhe honra como co-herdeira da graça. A união conjugal reflete Cristo e a Igreja.
Huguya giñe wügüriña, áfaagua humá lun gunfuranda humaniña húmarigu. Ru huméi hafulasun houn, mámarügü luéigiñe méretima hamá würiña, lugundun giñe ru lani Bungiu ibagarimeme magumuchaditi le líchugubei hun lau lareini, houn. Adüga huméi ítara, ua láamuga ni kata lun leredehanün lidan hafurieidun.
Ligía lígirubei lubéi wügüri lúguchi tuma lúguchu, lun laganóun tuma lúmari, ábame hayabin lun ítara haba lan kei ábanrügü gürigia.
Madüga humá ni kata huouguarügü lun hanügǘniwa weiri, ni lau pantaü; lubaragiñe lira lau lan ǘnabuguni, ani buidulá hanügüniña amu gürigia huéi guánarügü. Mámarügüla katei le buídubei hun háluaha, áluaha huméi giñe le buídubei houn amu.
Efeduhabéi bibagari tuma würi to hínsiñeboun bun, lídanmeme ibagari le líchugubei Bungiu bun ya ubouagu. Ligíarügüba basagara lídangiñe saragu buadigimari ya ligibuagu ubóu le.
Hagamaridun gürigia,
kéigubeirügü hadariruni lubuidun-agei katei;
arufuda lumuti lira luagu buidu lan Bungiu hama gürigia.
Ualá ni aban afayeiruti wuribani luagu wuribani. Hóucharügü humá hadügün buiti húniwagua, luma houn sun gürigia.
Gama lumoun anhein mabusenrun hubéi heseriwidun lun Wabureme, anúadaha humá uguñe kaba lan un heseriwida: Houn yebe búngiugu ha meha únbaña heseriwida hagüchagu laru duna Éufüratesi, o houn lan habungiutegu Amoruna ha aganóubaña lidan fulasu le. Ánheinti au hau tílana nuban lunba Wabureme weseriwida.
Aganóuati Bungiu wadan
Móundara humá lidan aban hama gürigia ha mafiñentiña luagu Kristu. Gayaraati funagia gamadagua lan richaguaü luma marichaü? Odi gayaraati gamadagua lan larugounga luma luburiga?
Le hínsiñehabubei gaguraasunti, areidati, ani magimuganti; mapantanti, manaagun ligía lungua. Manarimeguti, mámarügüñein luougua laritagua; magañidunti, máguyugüdünti wuribani luagu wuribani. Magundaarunti lau marichaü, lagundaarun lau inarüni. Súfuri lumuti le hínsiñehabubei sun katei; afiñe lumuti sun katei; aguraba lumuti sun katei; ani awanda lumuti giñe sun katei.