Meditação

ሎኦ አሳነ ኢታ አሳ ሀመታ

1 ኢታቱዋ ዞርያን ቤናዌ፥

ዎይ ናጋራንቻቱዋ ኦግያን ኤቀናዌ፥

ቅሊጭያዋንቱ ሺቁዋን ኡተናዌ፥

ሄዌ አንጀቴዳዋ።

2 ሽን መና ጎዳ ህግያን እ ናሸቴ፤

አ ህግያ ጋላስነ ቃማ ቆፔ።

8 ሀ ዎጋ ማጻፋይ ነ ዶናፐ ሻከቶፖ፤ አን ጻፈቴዳዋ ኡባ ምንሳደ ናጋናዉ፥ ጋላስነ ቃማ አ ቆፓ። ያቶፐ፥ ነዉ ኡባባይካ እንጀታናነ ጊጋና።

97 ታን ነ ህግያ ዋታ ዶሳይታ!

ጋላሳ ኩመን ታን ቆፕያዌ አ።

98 ነ አዛዞቱ ኡባ ዎደካ ታናና ደእያ ድራዉ፥

ኡንቱንቱ ታና ታ ሞርከቱዋፐ አዳ ኤራንቻ ከሲኖ።

99 ታን ኔን ኦዴዳዋ ቆፕያ ድራዉ፥

ታና ታማርሴዳ ኡባፐካ አዳ አኬካይ ታዉ ደኤ።

100 ታን ነ ዎጋዉ አዛዘትያ ድራዉ፥

ጭማቱዋፐ አደ አኬካይ።

15 ነ ዎጋቱዋ ዛራ ዛራደ ቆፓይነ

ነ ኦግያ ሎይ አኬካይ።

16 ታን ነ አዋዩዋን ናሸታይ፤

ነ ቃላካ ታን ዶግከ።

ጋሜል

47 ታን ዶስያ ነ አዛዞቱዋን ናሸታይ

48 ታን ሲቅያ ነ አዛዞቱዋ ቦንቻይ፤

ነ አዋዩዋካ ዛራ ዛራደ ቆፓና።

ዛዉ

147 ጻልቂ ዶለና ጉራን ደንዳደ፥

"ታና ማዳ" ጋደ ነዉ ዋሳይ።

ኔን ታዉ ጌዳ ቃላን ህዶታ ኦይ።

148 ነ ቃላባ ዛራ ዛራደ ቆፓናዉ፥

ቃማ ኡታ አቃይ።

14 አቤት መና ጎዳዉ፥ ታ ዎጋ ዛላዉ፥

ታና ዎዜዳዎ፥

ታ ዶናፐ ከስያ ቃላይነ

ታ ዎዛና ቆፋይ ኔና ናሸችያዋ ግዶ።

3 ታ ዎዛና ቆፋይ ጪማ፤

ታ ዶናይ አዳ ኤራተ ሃሳዬ።

11 መና ጎዳዉ፥ ነ ኦሶቱዋ ታን ቆፓና።

ኤ፤ ኔን በን ዎደ፥

ኦዳ ማላልስያባቱዋ ኡባ ታን ሀሳያና።

12 ነ ኦዳዋ ኡባ፥

ታን ዛራ ዛራደ ቆፓና፤

ነ ዎልቃማ ኦሶቱዋ ኡባ ታን ዩሻ ቆፓና።

5 ታን በን ዎደቱዋ ሀሳያይ፤

ኔን ኦዳ ኦሱዋ ኡባ ዛራ ዛራደ ቆፓይነ

ነ ኩሺ ኦዳዋ አኬካይ።

9 አቤት ጾሳዉ፥ ነ ጌሻ ጎልያ ግዶን

አገና ነ ሲቁዋ ቆፔዶ።

33 ታን ታ ደኡዋ ኡባን መና ጎዳዉ የጻና፤

ታን ደኤዳ ላይ ኡባን ታ ጾሳ ሳባና።

34 ታን መና ጎዳን ናሸትያ ድራዉ፥

ታ ቆፋይ አ ናሸቾ።