22 चूठ बोलणे वाल़ेया ते यहोवा नफरत करोआ,

पर जो विश्वासो साथे काम करोए, तिना ते से खुश ओआ।

8 पर डरपोका रा, अविश्वासिया रा, बुरे काम करने वाल़ेया रा, अत्यारे रा, व्याभिचारिया रा, जादू-टोणे करने वाल़ेया रा, मूर्तिपूजा करने वाल़ेया रा और सबी चूठेया रा इस्सा तेसा झीला रे मिलणा, जो आग और गन्धका साथे बल़दी रओई। ये दूजी मौत ए।"

16 छे चीजा ते यहोवा बैर राखोआ,

बल्कि सात ए जिना ते से कृणा करोआ;

17 कमण्डो ते चढ़ी रिया आखी, चूठ बोलणे वाल़ी जीब,

ओर जो माणूं निर्दोषो खे काई देओए।

18 जो माणूं बुरे काम करने रे बारे दे सोचोए,

सेओ माणूं जो बुरा करने खे तेज दौड़ने वाल़े ए,

19 चूठ बोलणे वाल़ा गवाह् ओर पाईया बीचे चगड़ा पैदा करने वाल़ा माणूं।

9 एकी-दूजे ते चूठ नि बोलो कऊँकि तुसे पुराणा पापी सबाओ तेसरे कामो समेत त्वारी ता रा।

25 इजी बजअ ते चूठ बोलणा छाडी की हर एक, आपणे साथी विश्वासिया ते सच्च बोलो, कऊँकि आसे एक ई शरीरो रे अंग ए।

6 यीशुए तेसखे बोलेया, "बाट, सच्चाई और जीवन आऊँ ईए; मांते बिना कोई बी पिते गे नि पऊँची सकदा।

44 तुसा रा पिता शैतान ए और तुसे आपणे पिते री इच्छा पूरी करना चाओए। से तो शुरूओ तेई अत्यारा ए और सच्चो पाँदे खड़ा नि रंदा, कऊँकि सच्च तेसरे आया ई नि, जेबे से चूठ बोलोआ, तेबे से आपणे ई सबाओ ते बोलोआ, कऊँकि से चूठा ए, बल्कि चूठो रा पिता ए।

9 चूठा गवाह् पक्का सजा पाओआ,

ओर जो चूठ बोलोआ, से नाश ओआ।

7 जो माणूं दूजेया खे तोखा देओए सेयो मेरे मईलो रे पीतरे नि रई सकदे;

जो चूठ बोलोआ से मां सामणे टीकी नि सकणा।

6 जो माणूं दूजेया ते चूठ बोली कि पैसा कमाओए, सेओ चट ई कोहरे जेड़े राची जाणे,

ओर एड़ा करने ते चट ई तिना री मौत ऊई जाणी।

19 मुंए ते निकल़ी दी सच्चाई सदा बणी री रणी,

पर चूठो रे पैर नि ऊँदे।

28 जिने माणूंए कोई दूजा माणूं चूठी गल्ला ते काईल करी राखेया ओ से तेसते बैर राखोआ,

ओर चिकणी चुपड़ी गल्ला बोलणे वाल़ा नाशो री बजा ओआ।

6 तां सेयो, जो चूठ बोलोए नाश करी देणे;

प्रभु तो अत्यारे ओर कपट करने वाल़ेया माणूंआ ते नफरत करोआ।

11 तुसे चोरी नि करनी, ओर एकी-दूजे साथे, ना ई कपट करना, ओर ना ई चूठ बोलणा।