Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
Jisu miakcitme nah ranglukemak gede teingkei kebeu
Jisu cikade tetkah pet ge, miakcitme hangna pecu suigwang. Penai sahbak eh, rangdi, "David napei, anaide ngaunggia gailo." Pa kilung ga nlüt luge, miakcitme kenade peda gwang. Jisu penai dage rangdi, "Ih aide teilu kebui nnai nlum lani?" Penai pe dage keligai, "Yeo, Rampaubo." Ge pa penai miak deugai eh rangdi, "Nnai nlum kebam nzwa peu nnai da teigai lulo." Nah penai miak mraklu. Ge Jisu penai dage rang mtingsüt eh ranggai, "Aide peu migede de ci helo." Dede penai mpetlu nah aipau ha de cipau cuikui pelane ga rangrwa ladi.
Miaktcitme kena mangaukelu
Penui Jericho namdi gade tetdi zeuge, mina maadi ge pe caisui gwang. Ainie, miakcitme hangna lampui kungga ntumbam. Penai Jisu cilambie gwang kela siu luge, penai sahbakgai, "Rampaubo, David Napei, anaide ngaunggia gailo." Dede hemaabe penaide mlei helo kesiudi, dede penai sah mtei ki eh ranggai, "Rampaubo, David Napei, anaide ngaunggia gailo." Ge Jisu saplu eh penaide qugai eh rangdi, "Acu peu nnai dage daipai teigai neu lano?" Ge penai pe dage rangdi, "Rampaubo, anai miak teimrak beulo." Cine Jisu penaide ngaunggia eh penai miak deugai. Ge zette penai ma ngaulu delwe pe caisui ladi.
Bethsaida ga miakcitme gede teikengkei
Pecai penui Bethsaida renam ga gwanglu. Minadung miakcitme ge de peda ngngwa gwang eh pecu deu gailo kiedi. Miakcitbe ba teulu eh Jisu pecu ngngwa renam gwale miedi. Pa pe mcai nsui pwa pe miak gage kai nah pe ba le deu gai eh pecu keteu, "Nang magede ngaumi?" Pa ngangcuh eh rangdi, "Ih minadung tsingbangdung tet kela nzwa ngau." Pecai pa peba kena pwa pemiak gage kai dai, nah minabe pe miak ngkei gai, ge pe miak yilu eh pa maleune ngau mcihegi lu. Ge Jisu pecu pe kilung gage langgai eh ranggai, "Namceu ga lüt helo."
Kwenpang nah keletlaume gede teingkei kebeu
Ge Jisu nah pe caisuime Tyre cuikui gade tetpwa Sidon kegwang Galilee jaaidi nah Decapolis cuikui kecang gwang. Penui cika mige kwenpang nah keletlaume ge de peda ngngwa gwang, nah pe reuga pe ba hwagai beulo penui kiedi. Jisu pecu hemaabe dade ngngwa ntsam kelucai, pa pekün gage pe zurang kerigai, nah pa pe ncai pe ba gage kailwe pemleu tunggai. Ge pa tinggim ngang pie eh pelung keherei kwa kwa eh pe dade rangdi, "Ephphatha!" (pekie, "Ngkei dilu!"). Nah pa masiulu, nah pe mleu kangria ngheudi eh pa marang mcigi lu. Jisu penuide midage de ranghelo beu. Dede pa penuide kaam reuge penui rang ndu reureu ladi. Penui macang sütti eh ranggai, "Pa maleune tei hemi beu da. Pa kwenpangme de peu siulu nah peletkegahme de peu maranglu da."
Miakcitbe Batimaeus mangaukelu
Pecai penui Jericho ga gwanglu. Pa ledeukelumedung nah mina maadi ge de ngngwa Jericho gade tet mpet keladau Timaeus napei Bartimaeus miakcit eh hatyei kelame ge lampuiki kungga ntum bam. Pa Nazaretme Jisu gwangla lie kecu siu luge, pa sahbak eh rang cuhdi, "David napei Jisu, acu ngaunggia gailo." Mina kekiee ge miakcitbe de zingde dilo pecu kesiudi. Dede pa sah mtei kidi, "David napei acu ngaunggia gailo." Cidau Jisu ntaklu eh pecu qu gailo ranggai. Cine mina miakcitbe de qulu eh pe dage rangdi, "Kuu lu! Cuhlu! Pa ncu quzeu lie." Pa pe cwatie lwakdi eh nsau cuhlu, delwe Jisu da gwang. Cidau Jisu pecu keteugai, "Nang acu peu n dage daitei neula no?" Miakcitbe Jisu dage rangdi "Keledeubo, Ih a miak mangaulu neu lalie." Cidau Jisu pe dage rangdi, "Tetcu, n kenlum ne ncu tei ngkei luda." Zette eh pa pe miak mangaulu nah pa lampui ga pe caisui ladi.
Miakcit haketeibe mangaukelu
Pa Jericho namdi taiga mna gwang kezeu dau miakcietme ge lampuikung ga bamlwe maha bam. Nah mina hemaabe kegwang kwa siu eh pa aide daitei au bi keteu. Nah penui pedage ranglia, "Nazarethme Jisu gwang zeu lie." Cidau pa sahbak eh, rang, "David napei Jisu, acu ngau nggia lo." Nah mina keraile kelame pecu matu selo eh kesiu. Dede pa sah mteiki eh, "David napei, acu ngau nggia lo." Cidau Jisu mtak lu delwe pecu ngngwa peda gwanglo rangbeu. Nah pa gwang mna kelu dau, pa pecu keteu eh, "Nang acu peu n ziemne daipai teibeu neu lano?" Cine pa rangdi, "Rampaubo, Ih mangau dai neulie." Cidau Jisu pe dage rangdi, "Mangau dailu. N kenlum ne ncu teihemi luda." Nah pa zette mangau dailu nah Tinggwang de twa eh Jisu cai suidi. Nah mina peciakne, aide ngaulu ge, Tinggwang de twadi.
Jisu kahgwang keladau, pa mipeige mnakelu gade miakciet kedige de ngau. Ge pe caisuimedung pecu keteu eh rangdi, "Keledeubo, cau mau no, mipei aide mi mede pe puipei no, iciu eh pa miakciet eh mna kecu?" Jisu sam keligai, "Mipei aipaude dema mede pe peipui mau kedi ziemne ma, dede ciciu eh pe dade Tinggwang batadung de mide lialu kerane. Tingba kebam dauge anui acu lang kegaibe gu batadung tei maisia. Tingmui gwang di zeu da migede heta tei gailak dizie. Ih kideu ga kebam dau, Ih kideu gu kebaabe delie." Jisu aidungde rang kedi cai, pa pemcai nsui gai kideu gage nah ncai le tangdei henet lu, nah tangdei cide pecu pwa keniak gai, pe miak gage. Pecai pa pe dage rang, "Tetcu lo, Siloam rejai gade hui lulo," ("Langgai" kecu gage rang nzeu). Cine mipei be tetdi, nah huilu, nah mangau eh caili gwang.
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
Cidau, kempame ge peda gwang nah pe dwaga koktungmie ranggai, "Rampaubo, nang nsui lie cai, nang acu teimci lubui." Jisu pe ba ketwa mpet pecu deugai eh ranggai, "Ih a lungning da. Mci lu." Ge zette pa pempa de gade mcilu. Ge Jisu pe dage rangdi, "Nang mige dage de ranglia so. Dede mie delwe nkatei npum cingkube de pung lialu nah ratakdung Moses ne rang kebeude teilu, penui ziemne zierang ge kerane."
Ainie, penui kemnoime gede perak gage kailwe peda ngngwa gwang. Jisu penui kenlum ngau kegaidau, pa kemnoibe dage rangdi, "A napei, n suiyi lulo. N mau gibeudi delie." Ge ainie, hezai keledeume kangge penuikatei penui kakgade rangdi, "Aipau peide Tinggwang de rangmsia zeu da." Dede Jisu penui lungcet cilu eh rangdi, "Dai ziemne nnui lung gade nnui makesia mning lano? Dai paube rang laki no, ‘N mau gibeu dida,’ de kecube mi, ‘cuhlu eh tetlu,’ de kecube no? Dede Mina Nabe kideu ga mina mau gibeulu kebui kengkieng kebam peu nnuide cilu kerane," pecai pa kemnoibe dage rangdi, "Cuhlu, nzeu pwalu, delwe n kilung ga gwang culo." Ge minabe cuhlu delwe pe kiga gwangdi.
Ainie, cika mige peba tsai kedi ge bam. Phariseemedung, Jisu de keteu eh ranggai, "Sabbath benai mide teingkei kecu hezai mi meno?" Iciu eh penui pecu mmau kerane. Jisu penui dage rangdi, "Nnui kakga caube, magade pe meurün ket rünne bam eh Sabbath benai aipau meurün de hekwa kecuk ga cakmie dicai, cide heraklu delwe teu mpet kelak bam no? Ciciu cai, mina au meurün swa de daikenzwa gede pemi whung ki no! Ciziemne Sabbath benai makeyi ketei au hezai lie." Ge Jisu minabe dage rangdi, "N ba nzang pet gailo." Ge pa pe ba nzang petgai, nah keda lebie ba nzwa cide yi dailu.
Cidau Simon nau pui mra eh zeu bam, nah penui zette eh pe ha Jisu dage rangbeu. Cine pa peda gwang, pe ba teulu, delwe pecu kwak ncuhgai. Ge kemra pecu pütdi, nah pa penui gwatei bamdi.
Kempame ge
Ge kempame ge Jisu da gwang, pe ngha kie eh keumie. Pa pe dage ranggai, "Nang nsui cai acu teimci lubui." Ge Jisu ngaugia le puipung eh pe ba hwapwa pecu deugai nah pe dage ranggai, "Ih asui da. Mcilu." Zette kempa de pe dade tetdi, nah pecu tei mcilu.
Cidau midungge kemnoime ge de peda pwagwang; pecu mina hang mdai ne pwala. Mina maabe ziemne penui petai nna gailak kedidau, penui Jisu kebam kireu gade ki raklu, delwe ngkei kelucai, penui kemnoibe zeu kebam zeu de pwa nghung gai. Ge Jisu penui kenlum ngau eh, pa kemnoibe dage rangdi, "A na, n maudung gibeu dide lie." Ge laisiukecime kangge de cika kilung ga bam, ge penui penui lung gade keteudi, "Mina aipaude daitei aikenzwa ge rangla bi? Pa Tinggwang de rangmsiala dida! Dede Tinggwang rünne kemakcai caune kemaudung gibeu lulai?" Ge Jisu zette pe rabe gade penui lungcet de cilu. Jisu penui dage keteudi, "Nnui daitei eh nnui lung gade ma aiciu kecu cet lano? Kemnoibe dage, ‘N mau gibeu dida’ de kecube mi ‘Cuhlu, nzeu pwalu, delwe tetcu,’ de kecube rangla ki zieno? Dede kideureu mina maudung gibeulu kebui Mina Nabe da kengking kebam nnuide peu cilu kerane," Pa kemnoibe dage ranggai, "Ih n dage rang gaila, cuhlu, n zeu pwalu, delwe n kiga gwangdi lulo." Cine pa cuhlu delwe zette pe zeu teupwa pelane dwa gade tet mpetdi. Ciziemne, penui pelane penui macangh kapdi nah penui Tinggwang de twa eh rangdi, "Anui aikenzwa madaude ngau mezing reu."
Cipaucai Jisu synagogue ga lüt dai ge, mige peba tsai kedi ge cika bam. Mina kangge, pa Sabbath benai cipaude de tei mmi beu zie mi lak bi kecu pecu pie ling eh bam, iciu eh pecu mmaulu kerane. Cine Jisu pe ba ketsaibe pei de dage rangdi, "Anui kakga saplu." Pecai pa minadung dage rangdi, "Sabbath benai mi dage ma keyi tei kerabe mi kesia tei kerabe petau no; mide kelilu kerabe mi mide teitset kerabe no?" Dede penui zing de di. Ge pa penui lung ketakne pe lung sia eh pe rata eh nreupet lule ailam penuide pie eh mina cipaude dage rangdi, "N ba nzang pet gailo." Cine pa pe ba nzang pet gaige pe ba tei ngkeilu.
Kempame ge
Pecai pa namdi ge ga bamge mpa süt kecume ge peda gwang. Pa Jisu de ngau luge pezu ngkum punglu, delwe pe dade pe nggia kie eh ranggai, "Rampaubo, nang nlungning liecai, nang acu teimci lubui lie." Ge pa pe ba nzang pet pecu deu gai eh, ranggai, "A lungning da. Mci lu." Nah zette kempa peda de gahdi.
Nah cika midung ge kemnoime gede zeu gage pwa gwang, nah penui pecu pwalüt Jisu dwa gage kaibeu kera peei bamdi. Penui mina maabe ziemne pecu pwa lüt kera lampui peeilu tadi ge, penui kireu rahanglu nah tei tiplu eh pecu pe zeu gage kaipwa minadung kakga, Jisu dwa gage kai. Penui kenlum ngau eh, pa rangdi, "Minabo, n maudung gibeu di delie." Ge Phariseeme nah laisiukecime rang renia cuh eh, ranggai, "Rang kemsia kerang aide cauno? Tinggwang gwale cauge kemaugilu buino?" Dede Jisu penui lungcetdung de ci eh, sam keli nah penui dage rangdi, "Nnui daitei eh nnui mlung gade rang renia bam no? Daide be rang relui no, ‘N maudung gibeu dida’ de kecube mi ‘Cuhlu delwe tet lu’ de kecube no? Dede nnuide peu Mina Nabe kideu reuga kemaudung gilukebui pe kengkieng kebam cilu kerane lie,", pa kemnoibe dage rangdi, "Ih n dage rangla, cuhlu, n zeu pwalu, delwe n kilung gwang cu." Cine pa zette penui dwagade cuhlu, pa zeu kebam de pwalu nah Tinggwang de twa eh pe kilung gwangdi.
Sabbath tingba kedabe naige pa synagogue ga lütlu eh mide ledeu bam ge, cika mipei pe ba zetle tsai kedi ge bam. Dede laisiukecime nah Phariseemedung pa sabbath nai mide teihemi ziemi lakbi pecu pie ling bam, iciu eh penui pecu mmau kera kie peilu kera ziemne. Dede pa penui dai cet bambi kecu cilu eh pe ba ketsaibe dage rangdi, "Cuhlu, delwe anui kakga saplu lo." Cine minabe cuhlu delwe cika saplu. Pecai Jisu penui dage rangdi, "Ih nnui dade keteu la, sabbath benai keyi tei kera mi kesia tei kera hezai no, keringria kelilu kerabe mi ngkapdi kerabe no?" Ge pa penui peciakne de pie twagwa gai eh pe dage rangdi, "N ba nzang pet gailo." Nah pa iciu gaige pe ba yi dailu.
Haireu kedibe kenlum
Pecai Jisu minadung kingnei kebam gade pe samdung pelane rangcang dige, pa Capernaum namdi ga nlütdi.
Cu haireu kedibe kilabe ge, pecu herüt peu süt kecu kauge, mateei eh, tsaidi lai eh bam. Nah haireu kedibe Jisu ha siulu ge, pa pe dage Jewme hangkiamedung de langgai eh, pecu gwanglo keteu ciu eh pe kilabe de teingkei beulo di. Nah penui Jisu da gwanglu ge, penui nggia kie eh ranggai, "Pa au nang pe ziemne tei gailu kebuime ge, kedanemene pa anui leuhme de ku, nah pa anui ziemne synagogue de teibeulu." Ge Jisu penuide ngngwalwe tetgwang. Dede pa peki gade mdei kemak ga gwangla ge, haireu kedibe pe zangme de langpwa pe dage ranggai, "Rampaubo, nkatei ncu tei keherei la helo, kedanemene Ih au ncu peu gwang a kikang lütlu kebuime melu. Aide ziemne Ih akatei de teilu kebui nda gwang kera de cet meda, dede sambe ranggai beulo iciude a kilabe yi luzie. Kedanemene Ih de hezai kang ga kebamme ge, reugwame a kang gade bam, nah Ih hangge dage rang eh, ‘Tetdi,’ dege pa tet dila; nah kedage dage, ‘Gwang,’ dege pa gwangla; nah a kilabe de, ‘Aide teigai,’ dege pa cide teila." Cu Jisu aide siulu ge, pe ziemne pa peswa gadi, nah nreu gwang mina pecaisui kela hemaabe dage, pa rangdi, "Ih nnui dage rang liazie, Ih Israelme kak gade de kenlum ci kenzwa Ih ngau ma." Mina langkegaimedung kilung nligwanglu ge, kila peide yibam eh penui ngaulu.
nah cika mipui ge bam pecu mmi kereieheset ge kemnei peukela rabe ge ne pecu tei mnei eh bam, pa pekiabwak eh nzang nzuilu tadi. Cu Jisu pecu ngau keludau, pa pecu qu nna gai, nah pedage rangdi, "Mipoe, n kemneidung teihemi beu dida." Nah pa pereu gage pe ba hwagai, ge pa nzang zette lu eh pa Tinggwang de twadi.
Jisu Phariseeme ge ki ga
Cu cinzwa eh Sabbath naige pa Phariseeme muiteume ge kiga matyei zielie lüt kelu dau, penui Jisu de pieling eh bam. Cu pe dwaga mipei ge kemma mateei gade keherei kelame ge bam. Cine Jisu Jewme hezaikecime nah Phariseeme de samkeli nah mpau eh, rang, "Hezai gade Sabbath benai mide teingkei kecu petau mi meno?" Dede penui mlei ma. Cine Jisu mina cipaude de deu eh teihemi beu, delwe pecu lang gidi.
Cinzwadi eh, Jisu Jerusalem ga gwang keladau, Samaria nah Galilee cuikui kakga tetkah gwang. Cu pa renam ge ga lütlu, ge kempame hangkerei pecu redaulu. Penui kemdei ga sap bam, marang sahbak eh cu, "Jisu, Keledeubo, anuide ngau nggia lo." Pa penuide ngaulu ge, penui dage rangdi, "Gwang delwe cingkumedung dage nnuide lialo." Nah penui gwang keladau, penui yi ludi. Cidau penui hangge pa yi kedi ngau luge, marang sahbak eh Tinggwang de twa eh cailigwang dai. Delwe pezu Jisu pi gage nkum pung eh pecu twa. Pa au Samariame ge. Cidau Jisu samkeli eh, rangdi, "Mina kerei mcilu meni? Dede daiga hang hekuibe la di no? Sang aipaude gwale kedame hangge de gwang Tinggwang de ketwa gade mi?" Ge Jisu pecu rangdi, "Cuhlu nah tetcu. N kenlum ne ncu teihemi luda."
Rejai gade teikengkei
Aipau cai Jewme hengyi ge bam, nah Jisu Jerusalem ga hangdi. Cu Jerusalem ga meurünna kirieki taiga, tekwa ge bam, cide Hebrewme let gade Bethesda de qu la, nah cika kigu lim kelu mengei bam. Mina kekiee ge teeineime, miakcitme, keswame mede kemnoime cika zeu bamla. [Kedanemene Rampaube tinggimgwame ge peting ge tei eh nghung tekwa dui tei kenuak gai lala nah dui kenuak kebam dau keheibe de dui ga tetlüt kelube pa teei eh reei kebam mateei keheibe gade yi lula]. Cu mige mmi camreieheset ge mateeila kedi kauge bam. Jisu pa cika zeu kebam ngau luge, nah pa peting ketie ge cika bam kedi pa ci kelu cai, pa pe dade rangdi, "Nang yi lu neuni?" Teei kebambe de pecu keligai, "Kedibo, Ih au migede a taiga gah, cide dui kenuak kegai dau, pa acu tekwa gage kaigai beulu kerane. Dede Ih lüt kezeu dau, kedame ge a dwa ga lüt dila." Jisu pedade rangdi, "Cuhlu, n zeu pwalu, delwe tetlu." Zette mipei cide yilu, nah pa pe zeu pwa culwe tetdi.
Cu cipau nai de au Sabbath nai.
Cu pa Galilee ga Cana deu ga gwang dailu, pa dui le zau tei kegaibe nam ga. Cika mige hegwangki ga heta ketei kedime ge pe napei Capernaum ga nra bam. Pa Jisu Judea gade Galilee ga gwang kebam siu luge, pa Jisu da mie delwe pecu gwang eh pe napei de tei hemi beulo kiedi, kedanemene pa tsailai eh kebamne. Pecai Jisu pedade rangdi, "Nnui marehidung nah miswakegahdung ngau kemaktane nnui nlum lak." Kedibe de pedade rangdi, "Kedibo, a na tsai di kemak dwa ge hung beulo." Jisu pedade rangdi, "Miecu. N na ring luzie." Mipei de Jisu pe dage rang kegai sam de nlumlu, nah pa tetdi. Dede pa tet nghungla kezeu dau, pe kilamedung pecu redaulwe pe na ringbam liede pecu paubeu. Cine pa penui dade daipau tingdau pa yi gwanglu dino keteu di. Cine penui pecu keligai, "Nziene bam ge tingdau kenra de pe dade gahdi." Ge pe pei cipau tingsiak dau Jisu pe dade, "N na ring luzie," de rang kebeu de nsunglu. Cine pa nah pe kilungme pelane nlumlu. Jisu Judea gade Galilee mpet kelu cai miswakegah bata tei kegai aide pe kenabe da.
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
Ainie, mipui ge mmi kereiekena ge hejai eh kehereila kedi puige Jisu caile gwang eh pe pairi tung gai. Kedanemene pa pekatei rang eh, "Magade Ih pe pai tunglu liecai, acu teimmi lubui." Jisu nreugwang eh pecu ngau luge, rangdi, "A napoi, n suiyilu; n kenlum ne ncu tei mmilu delie." Nah cipau ting siakdau mipuibe yingkeilu.
Ge mipui mmi kereiekena hejai la kedi pui ge cika la. Pa darukecime kekiee dade pie, nah pe mabam pelane mpetdi, dede yilu ma, ciciu meliene pa sia reureu di. Cipau pui de Jisu ha siulu ge, maadi kakga pecaile gwang eh pe ncwa tunggai. Kedanemene pa rangdi, "Ih pepai nage de tunggai cai, Ih yilu zie." Pejai lwa kela de cang zette di, nah pe mateei ngkei kedi pe pum gade cidi.
Cu cika mipui ge mmi kereiekena hejai lwa la kedi pui ge la, pa pe mabam pelane doctorme dage mpetdi, dede migede pecu tei mmilu tadi. Pa pecaile de pecu gwanglwe pe pairi deugai, nah hejai kelwa de kaam zette di. Ge Jisu rangdi, "Cau acu deu no?" Mina peciakne melie dige, Peter rangdi, "Kedibo, mina maabe ncu twagwa la nah penui ncu nyia titi la." Dede Jisu rangdi, "Mige acu deulie kedanemene ada de kengkieng mpet kedi Ih cibam di delu." Mipuibe pa mbai gai kelak ngaudi ge, pa mbeu eh gwang pe dwaga keumie di. Mina peciakne kebam gade daitei eh pa pecu deubi nah dainzwa eh pa yi zette lu dibi kecu pa ndugai. Ciu eh pa pe dage rangdi, "A napoi, n kenlum ne ncu teihemi luda. Lungciep gade tetlu."
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
Relei tsaikedi ge nah mateeikela pui ge
Pa ma aidungde penui dage rang kebamdau, ainie, synagogue kedime ge gwang eh pe da keumie. Pa rangdi, "A napui cune tsai dida, dede nang gwang eh n ba hwapwa pe dage kaigai lo, iciude pa ring luzie." Ge Jisu cuhlu delwe pecai suidi, nah pa ledeukelume de pecu ngngwa tetdi.
Jisu synagogue muiteube ki ga gwangcang luge, terwaine kwakebammedung nah hemaabe mbum kebam ngaulu. Pa rangdi, "Tet dilu, releipui tsai ma, dede pa au ziep bam." Dede penui pecu teu henuitei eh nuidi. Maadibe de peu hegwale mpetdi ge, pa kibung ga lüt nah releipui ba teugai, nah releipui cuhlu.
Ge, pielo, Jairus lie kecu synagogue ga muiteume ge gwang pecu ngau luge, pa pepi ga keumie di. Nah pa pe dade penggia kie daidai eh rangdi, "A napuina tsai dilau zeuda. Pecu teingkeilu eh ring dailu kerane nang gwang delwe n ba hwa pwa pecu deu gailo." Cine Jisu pecu ngngwa meidi, nah mina maadi ge pecai sui nah pecu nia twagwa ladi.
Penui synagogue muiteube ki ga gwangcang luge, mina penui lung sia eh hei eh hapsüt kebam pa ngaulu. Pa lüt kecudau, pa penui dage rangdi, "Daitei nnui nnui lung sia eh hap zeu no? Hena nabe tsaidi ma, dede zipzeu." Ge penui pecu nuidi. Dede pa penui pelane de peu kisie mpetdi nah hena nabe pei penai pepui nah pecu ngngwa kelame bau de ngngwa hena nabe kebam ga pa lütti. Ge pa hena nabe ba teulu eh pe dage rangdi, "Talitha koum!" Cide pekie, "Releipoi, Ih n dage rangla, cuhlu." Ge releipuina de zette cuhlwe tet ladi (pa mmi kereiekena ge dide kecune) Aide kengaume penui macang zette pwa mage teidi.
"Iciucai, Ih mina aipau ceheu dede daipai le keukeda gai zieno, nah penui daipai nzwano? Penui au hename nzwa litakni ga kebamme, bamlwe hangge ge de qu eh ranggai, ‘Anui terwaine nnui ziemne kwagai, dede nnui limlu meda. Anui tsaibai lei teigai, dede nnui haplu meda.’ Kedanemene duipumketeibe John tangku tyeima nah zau sak mene gwang, ge nnui rang eh, ‘Pa herakesiabe de ngngwala,’ dedi. Mina Nabe matyei masak eh gwang, nah nnui rang, ‘Ainie, tyei keneu kauge nah zausak kauge, heraha kehame nah kemaube zangbe!’ Dede Tinggwang maci macet au pe name pelane kesanglie dida."
Kemau pui ge ne Jisu de keheniak
Cu Phariseeme hangge Jisu de ngngwa matyei zielie qu. Cine Phariseebe kiga nlütlwe, pa taktyeibam ga ngngei bam. Cika namdi ga mipui kemau ketei puige bam. Phariseeme ki gade pa taktyeibam ga ngngei kebam ci luge, pemi kewhung maca kehengui bung ge teugwang,
Ge ainie, cika mige pezi Jairus lie kecu ge bamla, nah pa synagogue ga muiteume ge. Nah pa Jisu pi ga keumie eh pecu peki ga gwanglo pedade pe nggia kiedi, kedanemene pe napui mmi kereiekena nage rünsangne bamge, pa tsaina bamdi. Pa gwang kezeu dau, mina maabe pecu nyia titi ladi.
Pa marang kesap dau, mige synagogue reu kedibe ki gade gwang eh ranggai, "N napui tsai dida, keledeube de tei keherei si talu." Dede Jisu aide siulu ge, pa sam keli eh peda cu, "Ngngi so; nlumkelu gwale, nah pa yilu zie." Pa cipau kiga gwanglu ge, Peter, John nah James nah henanabe pui penai pe pei de gwale peu mi kedade pecu ngngwa lüt ma. Cu mina peciakne hap nah pecu hei bam, dede pa rangdi, "Hap so, kedanemene pa au tsai ma, dede zip bam lu." Dede penui pa tsai kedi ci kebam ne, pecu nuidi. Dede pa, pe ba teulwe qu eh ranggai, "Henabo, cuhlu!" Ciu eh pe rabe nligwanglu, delwe pa zette cuhlu, nah pa penuide peu pecu matyei kera peulo rangbeu. Cu pe pui pe pei penai swagahdi, dede tei kedidung de mina dage rang helo pa penuide kaamdi.
Lazarus tsit
Mipei ge pezi Lazarus lie kecu de mra bam. Pa au Bethany nam gade, Mary nah pe sinapui Martha nam gade. Mary aipau dene maca le Rampaube de keniak nah pe tam le pe pi neu, pe heipei Lazarus mra bam. Pe tipui kena Jisu dage sam langgai, eh ranggai, "Pielo, Rampaubo, nang hungkelabe pa mra bamlie." Dede Jisu sam cide siu luge, pa rangdi, "Mateei aide ketsai mateei ma, dede cide au Tinggwang zi peu ndulu kerane iciu eh Tinggwang Nabe depeu cide gade ndulu kerane." Cu Jisu Martha nah pe sinapui nah Lazarus de hungdi. Cine pa Lazarus mra bam lie kecu siulu ge, Jisu tetmene bamdi langnane bamsi pa kebam ni ga. Ge pecai, pa caisuimedung dade rangdi, "Anui Judea ga nligwangdai cugo." Caisuimedung pe dade rangdi, "Keledeubo, Jewme cune tangtsu pwa ncu sam kera tei bam, nah nang cika nli gwang daizie reuni?" Jisu sam keligai, "langnaige ga bamdakkak kereiekena bam meni? Mige ting kebaadau tet lacai, pa pepi nsui lama, kedanemene pa ngaula aipau kideu kebaa dene. Ciuliede, mige tingmui tet lacai, pa pepi nsui zie kedanemene peda kebaa gah kecune". Pa ma aidung de ranggai, nah aipau dungde cai, pa penui dage rangdi, "Anui zangbe Lazarus zip dida, dede Ih au tet zie da iciu eh zip kebam gade Ih pecu ngkialu kerane". Caisuimedung ciziemne pe dade rangdi, "Rampaubo, pa zip zeu cai, pa yidai luzie." Cu Jisu au pa tsai kedi ha rang, dede penui Pa au ziep mtak zeulie kecu ha rang bamlie cetti. Ciziemne Jisu penui dage ranglia mci siakte beu, "Lazarus tsai dida.
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
Jisu rahang kaamkedi
Pa liem ga nlüt luge, pa ledeukelume de pecai sui nlütlu. Ainie, jaaidi ga rahang kedi ge cuhdi, iciu eh liembe dui nswak ne gum puipung ladi. Dede Jisu au ziep zeu. Ge ledeukelume pe da gwang eh pecu ngkia, ranggai, "Anuide kelibeu lo, Rampaubo; anui tsaidi lauda!" Jisu penui dage rangdi, "Daitei nnui ngngi lano, nnui kenlum kecamnadung?" Iciu eh pa cuhlu delwe tingkai nah jaaidi de kesiugai. Ge ngkaam zingdi. Dede minadung penui macangdi eh hangge ge dage rangdi, "Mina aipaude daikenzwa kauge no ai, tingkai nah jaaidi kecang de pesam mzai kecu?"
Tinghegi gwang kezeu dau, ledeukelumedung pe da gwang eh ranggai, "Aide au mina lungh kemak heni ge nah peting de riham dida. Cine maadidung de langgi dilo, iciu eh penui renam ga mie penui ziemne taktyei lui kerane." Dede Jisu penui dade rangdi, "Penui tetdi mede yi. Nnui penuide matyei kera ma pwapeu lulo." Penui pe dage rangdi, "Anui aika magede gah da tangku kwakmengei nah heka pumna rünne gwale." Pa rangdi, "Cidungde aika acu teugwang beulo." Ge Jisu maadibe de tsehei reu ga ntumbam lulo ranggai. Pa tangkukwak mengei nah heka pumna de pwalu. Tinggim ngangcuh piegai eh pa tangkukwakdung de samlam gai nah teipoplu delwe cidungde ledeukelumedung de peugai, nah ledeukelumedung cidungde maadibe de peubeu. Penui pelane tyei nah nggei kaplu. Pecai penui taktyei tyeibang keludung hekwalu, hebie kereiekena puiting kecu. Matyei kelume mina cangmengei kenzwa ge, hename nah mipui de si mene.
Tingmui reket pe mdaibe tingdau, Jisu dui reu gade tet penuida gwang.
Pecai Jisu pa ledeukelumedung de qulu eh rangdi, "Ih maadibe de ngaupwa a lungsia dida, kedanemene penui langcumne acu ngngwa dida nah penui magede tyei kera bam meda. Ih penuide matyei mene lang gidi neu ma, mecai penui lampui gade temidi lubui." Ge pa ledeukelume pe dage rangdi, "Mina lungh kemak ni aikade maadi aikiee ge tyei nggeilu kera anui dai gade taktyei ngaulu laino?" Jisu penui de keteu, "Nnui tangku dai kieege bam no?" Penui keligai, "Tangku kwak hena, nah heka keceunadung kecam nage." Ge Jisu hemaabe de hangdeu ga ntum lulo beu. Pa tangku kwak hena nah hekanadung de keulu, nah Tinggwang de hetwa peu kelucai, pa tangku kwadung de teipanglu eh cidungde pa ledeukelume de pwapeu. Ledeukelume cidungde pwa hemaabe de peu. Penui pelane tyeilu nah nggeilu. Pecai penui taktyei tyei kebangbe hebie hena hekwa puilu. Matyei kelume mipei cang mdai, mipui nah hename si mene.
Kerecaki ceha
Jisu nah pa ledeukelume Capernaum nam ga gwang luge, drachma-kena ceha ha kelame gwang Peter dage rangdi, "Nnui keledeube drachma-kena ceha de peula ni?" Peter keligai, "Yeo." Peter kilung ga nlüt luge, Jisu peda marang raigai, "Simon, n lungning daino? Cau dade kideu ga hegwangme herahadung hala no? Pe minadung dade mi kedamedung dade no?" Pa, "Kedamedung dade," de rang kegai dau, Jisu pe dage rangdi, "Iciucai deuketme dade au ha mede yida" Dede anui heraha kehame lung tei msiadi melu kerane, rejaai ga miecu, delwe kagwak kelien gailu, nah heka nghang raitube keulo. Nang pe mui nkeigai de, nang shekel ge ngau luzie. Cide keulu delwe anai gu ceha penuide peulu."
Tangzüttsi bang reguikedi
Pecai benai tingcang pa namdi ga cailigwang daila ge, pa mzeudi. Lampui kungga tangzüttsi bang ket kebam ngau eh, pa cide da mie, dede penei gwale magede ngau luma. Cide da pa rangdi, "Peu madaude n dade matsi buidai helo," ge zette tangzüttsi bang de regui miedi. Ge ledeukelumedung cide ngau pwa penui macangdi eh, penui kakgade rangdi, "Dainzwa tangzüttsi bang de regui zette dino?" Jisu penui sam keligai, "Ih nnui dage rangsiakte gaila, nnui kenlum bam eh nnui suihau mecai, nnui tangzüttsi bang aide dage tei kegai rünne tei lak, dede nnui lamlwatu aide de, ‘Cuhlu delwe jaaidi ga cak lüt dilo,’ degai cai cide ciciu luzie. Makeheibe de nnui nlumsiak eh, kie cai, nnui ngau luzie."
Ge cidau tingkai kaidi ge gui gwang eh dui nswakdung de ne liem teu kenuak gai eh liem de dui kepuih teidi. Dede Jisu pekatei liem cai lebie, bam ge ga zipzeu, ge penui pecu ngkia eh pe dage rangdi, "Keledeubo, anui tsai dilai kezeu ngau nang nlung pang meni?" Ge pa mraklwe tingkai de kesiu gai, nah jaaidi de, "Zing de dilu!" de ranggai. Ge tingkai de mtakdi nah cika zing dedi. Pecai pa caisuime dage keteudi, "Nnui daitei mahing au no? Nnui cu de nnui kenlum bamlu mereu ni?" Iciu ge penui ngngi süt eh hangge ge dade rangdi, "Mina aipau de daikenzwa ge no, tingkai nah jaaididung de pe sam mzai kela ai?"
Tinghegi dige, ledeukelume peda gwang eh rangdi, "Aide au renaam, nah tingbazie be de ridi zeu da. Penuide langbeu dilo iciu eh penuide peu renam taiga nah renamdung gade mie eh penuide peu penui ziemne ketyei kesak luilu kerane." Dede pa penui sam keli eh rangdi, "Nnui penuide peu matyei kera peulu." Penui pe dage rangdi, "Anui mie tangku denarii hai na mige luilu delwe peu penui de tyei kera ha zie ni?" Cine pa penui dage rangdi, "Nnui tangku dai kiee ge bam no? Mie lwe pielo." Penui ngaulu ge, penui rangdi, "Tangku mengei nah heka kena." Ge pa mina pelane de pemaa ketsamtsam tei eh hung tsehei kemdiak reuga bam lulo ranggai. Cine penui haihai nah riakngei ngei maa tei eh bamdi. Ge pa tangkudung mengei de nah heka pumna de keulu eh ngangcuh tinggim pie eh samlamgai nah tangkudung panglwe pwa minadung de peulo pe caisuime de peu. Pa heka kenade nzipwa mina pelane de peukap gai. Penui pelane penui nggei kemaktane tyeilu. Pecai penui tangku nah heka suidung hebie kereiehkena kepui palu. Cika tangku tyei kelu mipeidung cang mengei bam.
Nah tingkai penui dwale de penuide gui kedine liem taupa sütla kedi ngaulu. Tingmui reket releu pe mdaibe ting dauge pa dui reude tet gwang, nah pa penuide tetkah gwang neu, dede penui pa jaaidi reuga tetkela ngau keludau, penui pecu le pwane kengkei gelie eh sahbak gai, Kedanemene penui pelane de pecu ngau eh penuide keheu süt kedine. Dede pa penuide mpau kelwa eh penui dage rangdi, "Kuu lulo, Ih lie, ngngi di helo!" Ge pa penui taiga liem ga nlütlu, ge tingkai gui tadi. Penui macang sütti.
Jisu mina cang mdai pukketei
Cipau tingdau, mina maadi ge ngkwa dailu, nah penui magede tyei kera gah. Jisu pe caisuimedung de qulu delwe penui dade rangdi, "Ih mina maabe de ngaunggia dida, kedanemene penui lang cumne acu ngngwa la jüja dida nah cu penui magede tyei kera gah. Ih penuide peu matyei mene penui ki gage langgaidi cai, penui lampuiki gade mmei di lubui, nah penui kangge au kemdei gade gwangla." Pa ne ledeukelume pe sam keligai, "Dai gade cauge mina aidungde de peu matyei nggei lu kera renamkang gade ngaulu zieno?" Cine pa penuide keteu, "Nnui tangku daikiee ge bamno?" Penui ranggai, "Hena." Ge pa hemaabe de hangdeu ga bam lulo beu. Pa tangku hena de keulu, Tinggwang de twagai eh tei panglu. Pa cidungde ledeukelumedung depeu iciu eh hemaabe de mzi beulu kerane. Nah penui mina maabe de mzi beu. Penui heka keceunadung gede teula, nah pa cidungde reu gage samlam kelucai, pa penuide aidungde de mzi lulo rangbeu. Penui tyei mnung lu, nah penui kebangbe pesuinadung pa pwa hebie hena puilu. Cika mina cang mdai nsam ge bam. Pecai pa penuide langgi di.
Jisu kerecaki teikemci
Pecai benai, penui Bethany gade caili dai kecu dau, pa mzeu di. Cidau kemdei gade tangzüttsi bang ge penei bwa kebam ngau, cine pa cika petsi gede ngaulu kera regui eh pet. Dede pa cika gwang ge, peneidung gwale pa magede ngaulu ma, cidau tangzüttsi kebui ting kemakne. Pecai pa tsingbang de de ranggai, "Mige de n dade n tsi tyei dailak." Nah pa ledeukelume cide siulu.
Reguikedi tangzüt tsingbang
Ge penui tingcang tetgwang zeuge, tangzüttsi bang pe mah kecang kii kedi penui ngaulu. Ge Peter nsung daulu eh pe dage rangdi, "Rabbi, pielo! Tangzüttsi bang nang resetkedi de kii dida." Jisu penui dage rangdi, "Tinggwang de nlum lulo. Ih nnui dage rangsiakte liazie, keheibe de aipau lamlwa dede, ‘Cuhlu delwe jaaidi ga lüt dilu,’ de eh pe lung gade suihau mezing pa rang kegai de tei lubui lie nlum lucai, cide pecu tei beuzie. Cine Ih nnui dage rangla: Maleune de nnui kekie be nah peikelabe, cide nnui ngaulu delie kecu nlum siakte lulo, iciu cai cide nnui gu tei luzie. Nnui kie zielie sapkelu dau, nnui kangge da madungge petau kemak lacai cide nnui gibeurai dilo, iciu cai tinggim kebam nnui Pei de nnui maudung gibeu zie."
Ledeukelu raitume de qukelu
Nah ciciu eh, mina maadibe Jisu de nia lüt nah Tinggwang sam ngking kebam dau, nah pa Gennesaret rejaai kungga sap kebam dau. Pa rejaai kungga liem kena kebam ngau, dede heka ketuimedung cikade mpetlu delwe penui helangdung hui bam. Pecai pa liem ket paube ga nlütlu, cide au Simon liem, nah pa pecu cide hangdeu gade manage kemdei gega ge tau lüt gai lo kie di. Pecai pa bamlu delwe liem gade maadibe de ledeu. Cu pa marang cangdi ge, pa Simon dage rangdi, "Dui cukgwacu gage liem taugai delwe nnui helangdung sam gailo samlu kerane." Dede Simon keligai eh rangdi, "Kedibo, anui tingmui tuicang da, dede magede tuilu ma, dede n sam ziemne Ih helang samgai zie." Penui samgai ge, penui heka kekiee ge samlu, nah penui langdung hak dizeu. Cine penui penui zangme liem keda ga keladungde gwang nghalo bagoi gai nah penui gwanglu eh liem kenana teipui lu, iciu eh penui duiga mlim miedi laidi. Dede Simon Peter cide ngau luge, Jisu pi ga keumie lu eh ranggai, "Rampaubo, ada de tetdilu, kedanemene Ih au kemau pei ge lu." Kedanemene penui heka kekiee tuikelune pade nah pecu ngngwa kela leune, penui swagahdi, nah cinzwa eh Simon zangbe kena Zebedee napei kena James penai John de penai swagahdi. Cidau Jisu Simon dage rangdi, "Ngngi so; cu gade nang mina de tuidi zie da." Penui penui liem kideu ga teu mpetlu ge, penui ma pelane gidi delwe Jisu cai suidi.
Cu cipau tingdau langnaige, pa kesang ledeukelumedung de liemge ga ngngwa nlütlu, delwe pa penui dade rangdi, "Anui rejaai lule gim kah mpet lugo." Cine penui tet gaidi. Dede penui liem tet lage pa zipdi. Nah rejaai ga tingkai gui sütdi, ciu eh penui liem de duile puidi, nah penui kengngi ga ladi. Ge penui peda gwanglwe pecu ngkia eh cu, "Keledeubo! Keledeubo! Anui kapdi lauda!" Dede pa mrak lwe, tingkai nah dui mswak de kesiu, ge penui mtakdi, nah cika zing dedi. Ge pa penui dage rangdi, "Nnui kenlum daiga bam no?" Ge penui ngngi nah penui swaga eh hangge ge de ranggai, "Tingkai nah dui dage de sam ranggai ge pe sam mzai kecu aide ai cauno?"
Cu cipau tingdau langnaige, pa kesang ledeukelumedung de liemge ga ngngwa nlütlu, delwe pa penui dade rangdi, "Anui rejaai lule gim kah mpet lugo." Cine penui tet gaidi. Dede penui liem tet lage pa zipdi. Nah rejaai ga tingkai gui sütdi, ciu eh penui liem de duile puidi, nah penui kengngi ga ladi. Ge penui peda gwanglwe pecu ngkia eh cu, "Keledeubo! Keledeubo! Anui kapdi lauda!" Dede pa mrak lwe, tingkai nah dui mswak de kesiu, ge penui mtakdi, nah cika zing dedi. Ge pa penui dage rangdi, "Nnui kenlum daiga bam no?" Ge penui ngngi nah penui swaga eh hangge ge de ranggai, "Tingkai nah dui dage de sam ranggai ge pe sam mzai kecu aide ai cauno?"
Jisu herakesia ne ngngwa kela gede teihemmi kebeu
Cine penui Gerasenes cuikui ga gwanglu, cide Galilee rejaai de kencwa ga bam.
Cu tingbaziebe canggwang dizeu, nah caisuime kereiekena bau peda gwang eh rangdi, "Hemaabe de peu renam twagwakebamdung ga nah luhdung ga ketyeipuk nah kezeuni ngaulu kerane penuide lang dilo, kedanemene anui renaam ga lalu." Dede pa penui dage rangdi, "Nnui penuide peu tyei kera madung ge peulo." Dede penui rangdi, "Cika anui da tangku kwak mengei nah heka pumna gwale ga, anui mie mina peciakne ziemne ketyeipuk lui zielie maige." (Kedanemene cika mina cang mengei kenzwa ge kebamne.) Ge pane ledeukelumedung dage rangdi, "Penuide peu pemaa tei eh maage ga riakngei kenzwa ge ge bamlu." Cine penui cinzwa teilu, nah penui peciakne de peu bamlu. Pecai pa tangku kwak mengei nah heka pumna de keulwe tinggim ngang pie eh cidungde samlam gai eh cidungde tei panglu, delwe ledeukelumedung de hemaabe dwa gage kaibeu lo eh pwabeu. Cine penui peciakne tyei eh nggeilu, nah penui tyei kebangbe, ge pesuina raptui kereiekena palu.
Langcumne cai, Galilee deu ga Cana namceu ga meunui ge bam, nah Jisu pui cika bam. Jisu nah pe caisuime de de meunui cikage qu gai pwabam. Zau cang dige, Jisu pui pe dage rangdi, "Penui zau gah da." Dede Jisu pe dade rangdi, "Mipoi, cide anai ziemne daipai teilukera ge no? A ting gwangcang mereu lie." Ge pepui kilamedung dage rangdi, "Pa nnui dage rang kebeu leune, teilu." Cidau cika Jewme renet zai gade hui kemci ta ziemne tangtsu duibung herok dungpwa bam, cidung de ket ga gallon ngkai mecai camrei bam lula. Jisu penui dade rangdi, "Duibungdung gage dui kaipui lu." Cine penui cidungde pemung kecang tei puilu. Pecai pa kilamedung dage rangbeu, "Cu kesa twaklu delwe taktyeingyi mpaube de cide pwa peu lulo." Iciu eh penui cinzwa teigai. Cidau taktyeingyi mpaube zau mmi kedi dui cide msi kegai dau, (cu pa au cide dai gade gwang cilu ma, dede kilamedung dui ketwakme au cibam), taktyeingyi mpaube lakciube de qugai delwe pedade rangdi, "Minaleune zau keyibe kaibeu rai lala nah penui sak mie kedi caine zau kelabe kaibeu la. Dede nang au cu kecang de zau keyibe kainzeu pwa bamreu." Aipau miswakegah ta raitube de Jisu Galilee Cana namceu gade teigai, nah pa pe kendu pwa liagai, nah pe caisuime pecu nlumlu.
(Dede Jisu Philip de kedakpie kerane aide ranggai, kedanemene Philip daipai tei laubi pa ci kebamne.) Philip pe sam keligai, "Penui ziemne tangku denarii haina mi liede cam zie, hangge ge dage kecamna ge peu gwang zie liede." Pe caisuime hangge, Simon Peter sinabe Andrew, Jisu dade rangdi, "Aika mipeina ge da barley tangku mengei nah heka kena lalie, dede mina kekiee kakte ainade daige zieno?" Jisu ranggai, "Minadung de peu ntum bamlu." (Cu heni cika au tsehei kekiee ge bam.) Cine mipeidung ntum lu, pumpei cang mengei kenzwa ge. Pecai Jisu tangkudung keulu eh Tinggwang de hetwa peukelu cai, pa cide ntum kebammedung de peugai. Pa heka de cinzwa peugai, penui tyei keneu kiee ge. Minadung nggei luge, pa ledeukelumedung dage ranggai, "Bang keludung de keu hekwalu, iciu eh magede peu ngkapdi melu kerane." Cine penui cidungde keu hekwalu nah barley tangku mengei tyei kelume ne tyeibangh kelu gade hebie kereiekena teipui lu.
Penui liem taupwa stadia ngkaiemengei mede camrei ge mie dige, penui Jisu dui reuga tet kela nah liem ga gwang mna kezeu ngau lu, nah penui ngngi di. Dede pa penui dage ranggai, "Aide Ih lie! Ngngi di so." Ge penui pecu liem gage ngngwa gailu neu di, nah zette eh penui gwang zielie kela deu ga liem gwang cang lu.
Jisu nah heka miswakega tuikelu
Ma aidungde cai Jisu Tiberias jaaidi gade pekatei pecu pwa ledeukelumedung de peu ngau daigai. Pa pekatei pecu ainzwa liagai: Simon Peter nah Thomas Didymus lie qu kelabe de, nah Galilee deu ga Cana nam gade kegwangbe Nathaniel, nah Zebedee napei kena, nah Jisu caisuime keda hangna de penui ngngwa la. Simon Peter penui dade rangdi, "Ih au heka tui kera mie zie." Penui pe dade rangdi, "Anuide ncu ngngwa mie zie." Penui mie delwe liem ge ga lütlu, dede cipau ziu penui magede tuilu ma. Cu, tingcang kedi dau, Jisu jaaidi kungga sap, dede ledeukelumedung cide Jisu lie kecu cilu tadi. Cine Jisu penui dage rangdi, "Rehangmedung, nnuida magede tyei kera bam meni?" Penui pecu keligai, "Gahlie." Pecai pa penui dade rangdi, "Nnui liem zetlebie gage helang sam gailo, iciu cai nnui kiee kemakge ngau luzie." Cine penui penui lang kelien gaige heka kiee ham kedine cide teunlüt gailak di. Pecai ledeukelube Jisu pecu hung kelabe Peter dage rangdi, "Cide au Rampaube da." Cine Simon Peter cide Rampaube delie kecu siu luge, (pa pe paini lwakdi eh bamkecu ziemne), pa pe paini kailu delwe pa jaaidi kung ga petlu kera jaaidi gage nsau gaidi. Ledeukelume kedame de liem ga lütlu (penui hangdeu gade mdei ham kemak ga kebamne, dede cubit haina kenzwa kemdei gega bam), nah penui langbe hekale puipung kebam de teu bamdi. Cine penui kecangdeu ga mpet luge, penui regeu mi heu kebam nah cipau reuga heka kebam nah tangku kebam ngaulu. Jisu penui dage rangdi, "Nnui cune heka tui kelu bedung kiee kemakge keu gwanglo." Simon Peter cidau nghanglu delwe helang de jaaidi kung gage teu mpetlu, heka kedibe le puiting eh; 153 ge. Cika kieesüt bam, dede helangbe hak dima.
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
Haireukedibe kenlum
Jisu Capernaum ga lüt luge, haireukedime ge pe da gwang eh pe dade kiegai, nah rang eh "Rampaubo, a kilabe mnoi nah teeisüt eh kilung ga zeu zeulie." Jisu pe dage rangdi, "Ih gwang delwe pecu teingkei beuzie." Dede haireukedibe pe sam keligai eh rangdi, "Rampaubo, Ih ncu peu a kikang ga lüt kera duilie, dede nang sambe rünne ranggai lo, iciude a kilabe yilu zie. Kedanemene Ih de kengkieng kangga kebamme ge, nah Ih a kangga reugwamedung bam. Ih aipaude de, ‘Tetti,’ dege pa tet dila, nah kedabe de, ‘Gwang,’ dege pa gwang dila, nah a kilabe de, ‘Aide teigai,’ de ge pa tei beula." Dede Jisu aide siu luge, pa pe macang eh pecai sui kelame dage rangdi, "Ih nnui dage rangsiakte liazie, Israel ga pe kenlum kedi migede aipaude kenzwa ngau mereu. Dede Ih nnui dage ranggai la, mina kekiee naimiak kepetle nah naimiak kenlütle de gwangzie, nah penui tinggim hegwangram ga Abraham, Isaac, nah Jacob de ngngwa bamzie. Dede hegwangram name dungde au hegwale kemui gage kelien gai dizie, cikade hap nah geigim bam dizie." Pecai Jisu haireukedibe dage rangdi, "Tetcu! Nah nang nlumkelu nzwa, peu n ziemne teicang kelube tei lulo." Nah pe kilapei cipau bamdakkak dau yilu.
Herakesia ngngwa kela hangna de teingkeikebeu
Jisu keda lambie, Gadara deudi ga gwang luge, herakesia ne ngngwa kela mina hangna pecu redaulu. Penai heraudung gade mpetla nah penai zai sia sütla, cine migede cipau lampui ga tetkah luma. Ainie, penai sahbak eh, rang eh ranggai, "Tinggwang Nabo, anai ncu ngngwa daipai tei laino? Nang peting cang kemakne anaide teikeherei kera aika gwang lani?" Cidau hebak hau maadi ge cika mapeei tyeila, penui dade ndei süt kemak gega. Herakesiabedung Jisu dade kie eh ranggai, "Nang anuide gwa mpet ziecai, anuide lang pwa hebak hau gage kai dilo." Ge Jisu penui dage ranggai, "Tetdi!" Cine herakesiadung mpetdi nah hebakdung da miedi; nah ainie, hebak hau pelane hetialwa gade rejaai ga pak reniamie eh penui dui gade tsaidi. Dede hebak kekwamebau pak pwa namdi ga gwanglu delwe ma pelane paubeu, nah herakesia ne ngngwa teu kelabe kenade da daipai tei dibi kecu de si eh paubeu. Ainie, renam gade mina pelane Jisu de redau kera gwang. Penui pecu ngau luge, penui pecu penui cuikui gade tetdi lo kie bidi.
Cipau pei kenade tetti zeu ge, ainie, maranglu kemakbe pei herakesiabe ne ngngwa kela gede pe da ngngwa gwang. Herakesiabe de gwa mpetdi ge, pe let kegahbe de maranglu. Maadibe penui macang eh, rangdi, "Madaude Israel ga aikenzwa ngau mereu!"
Jisu nah Beelzebul
Ge mige herakesia ne ngngwakela pemiakcit nah pelet kegah gede ngngwa Jisu da gwang. Pa cipau dede teingkeibeu, iciu eh pelet kegahbe de maranglu nah ngaulu.
Canaanme pecu kenlum
Cipaucai Jisu cipau ni de gidi delwe tetpwa Tyre nah Sidon namdi cuikui lebie gwangdi. Canaanme puige cipau cuikui gade peda gwang. Pa sah eh rangdi, "Rampaubo, David Napei! Acu ngaunggia lo, a napui de herakesiabe ne keliang msiasüt la dida." Dede Jisu pe dage sam gede rang ma. Ge pa ledeukelume pe da gwang eh kiegai, "Pecu lang gidi lo, pa anui caisui eh sahla di delu." Dede Jisu pe sam keli eh ranggai, "Acu mige dage de langgai ma, Israel leuhme gahkedi meuründung dage gwale." Dede mipuibe gwang pe dwa keumie eh ranggai, "Rampaubo, acu ngha gailo." Pa keligai, "Hename taktyei keulwe heteunadung de kelien pwapeu kedi petau ma." Pa rangdi, "Yeo, Rampaubo, dede heteunadung de pempaume taktyeibam gade tangra kemiebe tyeila." Ge Jisu pe dage rangdi, "Mipuigo, n kenlum dizu; nang luu neu kela nzwa peu n ziemne tei lulo." Cipau bamdakkak siakdau pe napui yilu.
Herakesiabe ne ngngwa kela nage de teikengkei
Penui maadibe da gwang luge, mige peda gwang eh pe dwaga koktungmie, nah rangdi, "Rampaubo, a na de ngaunggia gailo, kedanemene pa au hekim kecume ge nah keherei sütla dida. Pa mi gage nah dui gage kaugai bamla. Ih pecu ngngwa nang ledeukelume da gwang, dede penui pecu teimmi gailakdi." Ge Jisu keligai, "Nlumkemak nah petau kemak ceheudung, Ih daitie ge nnuide ngngwa bam laino? Ih daitie ge nnuide liabam maisia reuno? Pecu aika ada ngngwa gwanglo." Jisu herakesiabe de kesiu gai, ge cide pe dade mpetdi, nah henanabe de cipau ting siakdau yilu.
Cipau ting siakdau mcikemak rabe ne ngngwa kela mipei ge penui synagogue ga bam eh pa sahbak eh, ranggai, "Nazarethme Jisu, anui ncu ngngwa dai tei laino? Nang anuide teimsia dizie lie gwang lani? Nang caubi Ih ci, nang Tinggwang gu Kemcibe da!" Dede Jisu herakesiabe de kesiu eh ranggai, "Zing dedi nah pe dade mpet dilu!" Ge mcikemak rabe cipau peide de tei ngkau gai nah mra sahbak gai eh pe dade mpetdi.
Herakesiabe kila ge de teingkei kebeu
Pecai Jisu nah pe caisuimedung jaaidi kung lule gim, Gerasenes cuikui ga gwanglu. Jisu liem gade mpet kela dau, zette eh mige mcikemakpe rabe ne keliang teu kelage heraudung gade mpet pecu redau. Cipaude heraudung ga lung bamla. Migede pecu hegeuria lede kangteu bamde gai lakti. Kedanemene ma kekiee ge mi hegeu bakap nah hegeuria lepwa pecu kang, dede pa hegeuria de tei cakdi nah hegeu bakapdung de kesau cumdi. Migede pecu nimteu bamlu kera kengkieng gahdi. Pa tingmui tingba ramsangne heraudung ga nah lamlwadung ga, sahbak eh pekatei pecu tangtsu pemui keyi gele kam bamla. Pa kemdei gade Jisu de ngaulu ge, pa peda pak gwang delwe pe dwaga keumie di. Nah pa sahbak eh ranggai, "Hutube Tinggwang Na Jisu, Ih ncu ngngwa daipai tei laino? Ih Tinggwang zi teu, acu tei keherei helo de nda a nggia kiela." Kedanemene Jisu pe dade, "Nang mcikemak rabo, mina aipau de dade mpetti lulo," de rang kegaine. Pecai Jisu pecu keteugai, "N zi cau no?" Pa pecu keligai, "A zi au Legion lie, anui kekiee ge kecune." Ge pa Jisu dade penuide cikade gwa di helo kiebi di. Cidau hebak maadi ge kideutu pi ga matyei la, ge penui pe dade kiebi eh, ranggai, "Anuide hebak maa gage langgai dilo, iciu eh anui cipaudung de lungga lütlu kerane." Ge Jisu penuide gwang dilo beu. Ge mcikemak rabe cidungde pet eh tetpwa hebak hau ga lütdi. Ge pehau de, hebak cangna kenzwa ge, hetialwa de pak hung jaaidi ga lütdi, delwe jaaidi gage hegak tset kapdi. Pecai hebak de kekwame pakgwang eh namdi ga nah luhdung ga paukap gai, ge mina kekiee daipai tei dibi pie zielie gwang.
Dede nnui rang kecu, ‘Magade mige pe pui mede pe pei dage, "Makeheibe de nang a dade gie kelube au Corban"’ (cide pekie, ‘Tinggwang de peu dida’), de eh rangcai, nnui pecu peu pe pei mede pe pui dage magede tei kera peu lama. Nnui nnui paume zai de le Tinggwang sam kemta tei dida. Nah nnui cikenzwa makekiee ge teila." Pecai pa mina maabe de qu dailu eh penui dage rangdi, "Nnui pelane de a kwa kingnei lu eh ci lulo. Magede hegwale de mina lung lüt eh pecu tei heradi kela gah. Dede pelung gade kepetbe dungne pecu teihera dila."
Phoeniciame pui ge kenlum
Pecai pa Galilee gade Tyre penai Sidon cuikui lebie gwangdi. Pa kilung ge ga lütlu, nah migede de peu cineu ma, dede pa mbai gailak di. Cidau mipui ge pe napui da mcikemak rabe ne keliangteu kela pui ge pe ha siulu eh pa gwang pe pi ga keumiedi. Aipau puide Greekme ge, Syrophoeniciame pui. Pa pe napui dade herakesiabe de gwa gidi beulo pedade kie di. Jisu pe dage rangdi, "Peu hename de nggei rai lulo. Kedanemene hename gu tangku de keulu eh heteu de pwa kepeu petau melu." Dede pa samkeligai eh peda rangdi, "Yeo, Rampaubo, heteudung de taktyei bam kangga hename ne tei tangra kedibe pa tyeila." Pecai pa cipau puide dage rangdi, "Sam aide ziemne, tetcuh. Herakesiabe n napui dade mpetti da." Pa kilung caili gwang ge henanabe zeu ga zeubam nah herakesiabe mpet kedi ngaulu.
Maadi gade kangge pecu samkeligai, "Keledeubo, Ih a napeina de n da ngngwa gwangla. Peda marang gaikelak rabe ge la. Cide pecu keliang kecudau pecu teingkau dila, nah pe mui tarum eh pe gei geigim pung nah pa ntingci dila. Ih nang ledeukelume dungde cide de gwampet kera kiegai, dede penui cide tei luma." Pa penuide samkeligai, "Nnui nlumkemak ceheu, Ih nnui de daitie ge ngngwa bam zieno? Daitie ge Ih nnuide ngngwa liabam zieno. Henabe de a da ngngwa gwanglo." Cine penui henabe de peda ngngwa gwang. Herakesiabe Jisu de ngau luge zette eh pecu kelienmie di nah henabe hangdeu ga kauzeu eh mlapwa ladi pemui tarum eh. Jisu pe pei de keteu, "Daitie ge pa aiciu ladi deno?" Ge pepei ranggai, "Pe henane gade. Cide pecu tei ngkapti kerane pecu kelien pwa mi gage nah dui gage kaidi la. Dede nang tei lubui cai anuide ngaunggia eh anuide nghalo," Jisu pe dade rangdi, "‘Nang tei lubui cai lieni’? Nlum kelame ziemne maleune tei lubui." Zette eh henabe pei sahbak eh rangdi, "Ih nlum lie! A kenlum kecam aide de ngha lo!" Ge Jisu maadibe penui da pakgwang kela ngaulu, pa mcikemak rabe de kesiu eh ranggai, "Nang marang gai kelak nah kwenpang rabe, Ih n dage rangla, pe dade mpet dilu, nah madaude nlütdai so." Cide mra gai eh henabe de de tei kelütsüt gai eh mpetti. Henabe ketsaime nzwa di, cine mina kekiee rangdi, "Pa tsai dida." Dede Jisu pe ba teulwe pecu teu ncuhlu nah henabe saplu.
Jisu mina kekiee ge de teikengkei
Pecai pa cuhlwe synagogue gade tet di, nah pa Simon ki ga lütlu. Simon nai mra eh mateei süt bam, cine pe ziemne pe dade penui nggia kiedi. Cine pa pe taiga saplwe kemra de kesiugai ge cide pecu pütdi, iciu ge pa zette cuhlwe penui gwatei cuhdi.
Pa kideu reuga tet mpet ge namdi gade mi herakesiabe ngngwa kelame ge, pecu redaulu. Nah peting ketieege pa pai heni teumah, nah pa kilung gade lung mene, heraudung ga ladi. Pa Jisu de ngaulu ge, pa hapsüt eh, pe dwaga keumie, nah pa sahbak eh rangdi, "Nang acu teu daipai tei kera bam no Jisu Tinggwang Hutube napei? Ih n dade kiela, nang acu tei keherei helo." Kedanemene Jisu mcikemak rabe de mpet dilo aja kaibeu. Peting kekiee ge cide ne pecu keliang la, nah pecu mine kwa nah hegeuria le pecu kang nah pikangle kang, nah pecu hegeuriadung cidungde pungcak lwe herakesiabe ne pecu gwa renaamkang gage kaidi zie. Pecai Jisu pecu keteudi, "N zi cauno?" Nah pa rangdi, "Legion," kedanemene herakesiabe kekiee peda nlüt kedine. Nah pe dade penui nggia kie bamdi, aja kaipwa penuide penli kegah kecuk gage kaidi helo eh. Cu cika hebak maadige kideutu ga mapeei tyeila, nah penui pe dade penui nggia kie eh peu cipau maame lungga lüt lodi. Cine pa penui kekie de tei beudi. Ge herakesiabe minabe dade mpet lwe hebakdung lungga lütdi, nah hebak maabe pak rejaaikung kehetia ga hung eh rejaaibe ga lütdi, iciu eh penuide hegak di. Cu tei kedidung de hebak kekwame cide ngau luge penui pakdi, nah cide namdi ga nah renam gage pau liagai. Iciu ge minadung tei kedidung de pie zielie miedi, nah penui Jisu da gwanglu ge mina pe dade herakesiabe mpet kedibe de pe kecet de petau di nah paini de teulwe Jisu pi taiga bam eh ngaulu, iciu eh penui ngngidi.
Dede Ih nnui dage kesangbe rangzeu, cika midungge Tinggwang hegwangram kengaudwa ketsai msi kelakdung ge aika sapbam."
Teintsam kelia
Cu cide kegwang aidung rang kedi langhesetne cai Peter, John nah James penuide ngngwalu delwe pa kekie tei zielie lamlwatu ga nghangdi. Cu pa kiebam ge, pezu rehi tsamdi, nah pe pai tinghepik kegai nzwa baaha di. Nah ainie, mina hangna pecu mpau, Moses penai Elijah, penai baaha eh, penaide peu ngaugai eh pa tetnli daikera ha rang, pa cide Jerusalem gade tei cangbeu kerade.
Cu Peter nah pecu ngngwa kelamedung zipna sütdi, dede penui nrak dailuge, penui pe kebaa nah pecu ngngwa sap kebambe kenade ngau. Pecai mina ci kenade pe dade nreu tetdi kezeudau, Peter Jisu dage rangdi, "Keledeubo, anui aika bam de yi zielie. Cu anui ha kecum teigo, ket n ziemne, nah ket Moses ziemne, nah ket Elijah ziemne" (pa daipai rang au bi pa ci ma.)
Ciu eh ainie, hemaabe gade mige sahbak eh, "Keledeubo, a napei de pie gailo, Ih n dade a nggia kiela, kedanemene pa au a na pumli na lu. Cu ainie, marabe ge ne pecu tui teudi, nah pa zette nradi la, nah pa petei ndet eh pe mcai tapet dila. Nah pecu tei mnei kedi caide pecu püt raubi didi zeu. Nah nang ne ledeukelumedung de cide gwadi lo Ih a nggia kie, dede penui teilu meda." Ciu eh Jisu sam keligai, "Oh nlumkemak nah mikai kemak ceheu, Ih daitie ge nnuide ngngwa eh a lung tiela laino? N napei de aika ngngwa gwanglo." Henanabe gwang kezeu dau, herakesiabe pecu keling mie eh petei ndetlwe pecu tei kera di. Dede Jisu mcikemak rabe de kesiu gai delwe henanabe de teingkeibeu eh pecu pwa pe peide peu daidi. Ciciuge penui peciakne Tinggwang kengkieng kedi ngau eh penui swagah di. Dede pa tei kegai pelane de cet eh penui macang kebam dau, ledeukelume dage pa rangdi,
Jisu nah Beelzebul
Cu Jisu pelet kegame ge dade herakesiabe de gwa bamdi. Nah herakesiabe mpet kedi dau, pelet kegabe de maranglu, ge hemaabe penui swagahdi.
Nah penui kakgade mige cingku kedibe kilabede bi ge pe kwen zetle bi tütdi. Dede Jisu keligai eh rangdi, "Aiciu si talu!" Nah pa pe kwen deu gai eh pa pecu teingkeibeu.
John samgwamedung tet kedicai, pa hemaabe dage John ha ranglia eh, "Nnui hetaideu ga daipai pie zielie pet no? Tingkai ne gui nlai kebam hekuu bang ni? Dede nnui daipai pie zielie petno? Mina paini kenciep kaikela deni? Ainie, maniadung pemi kehungbe teu kecu nah kehega eh lungh kelame au hegwangkidung ga bamlie. Dede nnui daipai pie zielie petno? Caihakecime ge ni? Yeo, Ih nnui dage rang liazie, nah caihakecime ge swade direu. Cipaude au pe ha ainzwa raupwa kelade da,
‘Ainie, Ih au a samgwabe de ndwa langgai zeu,
Cipaude ndwa n lampui telei zie.’
Ih nnui dage rang liazie, mipui dade lung kegwangdung kakgade, migede John swadi dima, dede Tinggwang hegwangram gade au ceutu nabe de peswa diki." (Cu mina peciakne nah heraha kehame de si eh, John duipumketeibe ba gade duipum tei kelume sam aide siulu eh Tinggwang au masang lie eh twadi. Dede Phariseemedung nah Jewish hezaikecimedung au John de peu penuide duipum tei mene Tinggwang lungningbe mlaidi.)