Milagres de Jesus

Yesu anguwalamisa wangalikulola waivili

27 Yesu akahuka mahala pala, na paawelili anguyenda, wangali kulola waivili wakawela wakimkovekela kunu wakitova lilowi wakulonga, "Mwana wa Daudi, utuwoneli luhungu!"

28 Yesu pakayingila ukaya, wala wandu waivili wakamyendela, na mweni akawakonya, "Ghuli, mngunikwinila yiwa ninguwesa kuwagholela mghalu hau?"

Na weni wakamyanga "Hina, Bambu."

29 Bahala Yesu akawayavisa mihu ghao, akalonga, "Na iweli nagha kwa mwenga handa kukwinila kwa mwenga." 30 Na mihu ghao ikawoposolewa. Mweni Yesu akawavikila mkasu, "Mkotoho kumlongela mundu yeyosi mhalu hau."

31 Ila weni wakahuka, wakatangasa habali zya Yesu kumlima hula wogha.

Yesu anguwalamisa wangalikulola waivili

29 Yesu pawelili anguhuka kummbwani wa Yeliku, wandu watangala limkovekelili. 30 Hinu wangalikulola waivili watamili mmbali na njila, pawayughanila yiwa Yesu awelili angutyanga, wakaguta lilowi wakilonga, "Bambu, Mwana wa Daudi, utuwoneli luhungu!"

31 Lila lipinga lya wandu likawakalipila na kuwalongela wanyamali. Ila weni wakayongesa kuguta kwa lilowi nesu, "Bambu, Mwana wa Daudi, utuwoneli luhungu!"

32 Yesu akagholoka, akawakema na kuwakonya, "Mngupala niwagholeli niki?"

33 Wakamyanga, "Bambu, tungupala kulola."

34 Yesu akawawonela luhungu, akawayavisa mihu ghao, na palapala wakawesa kulola, na weni wakamkovikela.

Yesu angumlamisa mundu angalimihu wa Betisaida

22 Yesu ahikilile ku Betisaida pamonga na wayitikila ghaki. Kula wandu wakamyeghela angalimihu, wakamluwa amyavisi.

23 Yesu akamkola yula angalimihu liwoku, akamyegha panji gha kimbwani. Akamuhunyila mata ku mihu, akamvikila mawoku kumihu, akamkonya, "Ghuli, unguwesa kulola kindu?" 24 Yula angalimihu akalola, akalonga, "Ninguwalola wandu wawoneka handa mibiki ingutyanga."

25 Hinu Yesu akamvikila kangi mawoku ghaki ku mihu gha yula mundu, na mweni akakwinjula mihu maha. Mihu ghaki ilamile, na kuwesa kulola vindu vyogha lipalalipala.

26 Yesu akamlongela ayendi ahuyi ukaya ghaki, akimlaghila "Hata ukotoho kutyangatyanga ku kimbwani baha."

Yesu angumlamisa mweni kigugumila kikalipa na majogo

31 Hinu Yesu akahuka kula ku mlima uvile pabehi na Tilo na akapitila Sidona na paghati gha Dekapoli kumanyika mlima uvile na mamuji ikumi na hata akahika ku lihiwa lya Galilaya. 32 Wakamyeghela mundu mmonga avile majogo na kigugumila kikalipa hilahila. Wala wamyeghiti wakamluwa Yesu amvikili mawoko. 33 Hinu Yesu amuhumisilile yula mundu paghati gha lila lipinga, akayenda na mweni mahala kutali mayaghani, akamvika vyala ghaki mmapulukilo, akahunya mata na kumyavisa lulimi kwa mata yala. 34 Hinu Yesu akalola kunani kundumba, akapumula kwa makakala na kumlongela yula mundu,"Ifata" Ingumanyika,"Wopoleka." 35 Bwitu mapulikilo ghaki ghakawopoka, na lulimi lwake lukalelehuka, akatumbula kulonga maha.

36 Yesu akawalongela wakotoho kumlongela mundu lilando lila. Ila kwa vila awakanilile ndiwa wayendilelile kulongela lilando lila. 37 Wandu wogha walikangasilile nesu, wakalonga, "Agholile yogha maha, amewapegha majogo kuyughanila, na wangali kulonga wakalonga."

Yesu angumlamisa Batimayu mundu angalikulola

46 Hinu wakahika Yeliko, na mweni Yesu pa avile anguhuka ku mlima hula akiva na wayitikila ghaki pamonga na upinga mkulunga wa wandu, angalimihu, mwana gha Timayu akemilwi Batimayu, avile kalikala mmbali gha njila, anguluwaluwa. 47 Batimayu paayughanilili yiwa ni Yesu wa Nazaleti avile angutyanga mahala baha, atumbulili kutova lilowi, "Yesu, mwana wa Daudi, uniwoneli luhungu." 48 Wandu watangala wakamkalipila na kumlongela alikali nuu, ila mweni akayendelela kutova lilowi, "Mwana gha Daudi, Niwoneli luhungu." 49 Yesu akagholoka, akalonga, "mumkemi." Hinu wakamkema yula angalimihu, wakamlongela, "Ujigahili moyu. Ugholoki, angukukema." 50 Batimayu akaidanga nguu ghaki, akajumba kwa kuloposela na kumyendela Yesu. 51 Yesu akamkonya, "Ungupala nikugholeli kyani?" Hayu angalimihu akamlongela, "Mvula, ninguluwa mbati kulola." 52 Yesu akamlongela,"Uyendi ukwinila ghako ukulamisa," Lipindi lilalila yula angalimihu akawesa kulola, akamkovekela na kuyenda pamonga na Yesu.

Yesu angumlamisa mundu angalimihu

35 Lipindi Yesu paatyanga na kahika pabehi na Yeliko, kuwelili na mundu mmonga angalimihu kalikala mnjila akiluwaluwa wamtangi. 36 Mundu angalimihu hayu pakahyoghanila lilowi lya lipinga lya wandu likityanga, akakonya, "Kuvile na kyani?"

37 Wala wandu wakamlongela, "Yesu wa Nazaleti angutyanga."

38 Akatova lilowi, akilonga, "Yesu, mwana wa Daudi, uniwoneli luhungu!."

39 Wala wandu walongololili kuulongolo wakamkalipila wakimlongela akotoho kulonga, ila mweni akayendelela kutova lilowi, "Mwana wa Daudi, niwoneli luhungu!."

40 Yesu akagholoka, akawalaghilila wamyeghi mundu yula kwa mweni. Paahikili pabehi, Yesu akamkonya, 41 "Ungupalwa nikugholeli kyani?" Na mweni akamyanga,

"Bambu, ninguluwa mbati kulola."

42 Yesu akamlongela, "Lola kukwinila haku kukulamisa."

43 Akawesa kulola lisaa lilalila, akamkovekela Yesu, kunu akimyinula Sapanga. Wandu wogha pawalola ghala, na weni wakamyinula Sapanga.

Yesu angumlamisa mundu angalikulola

1 Yesu pawelili akityanga, akamlola mundu mmonga angalikulola kuhuma uweleka ghaki. 2 Hinu, wavulwa ghaki wakamkonya, "Mvula, ni ghani mweni kughola sambi, mundu hayu au walela ghaki, hata ikamghola kuweleka angalikulola?"

3 Yesu akayanga, "Mundu hayu kawela ng’ogha angali kulola kwaikiva gha sambi zyaki mweni, hilahila kwa sambi zya walela ghaki, ila awelekili angalikulola ili makakala gha Sapanga yawoneki yakighola lihengu mghati mwaki. 4 Tungupalwa kughola lihengu ghaki yula anilaghilile, ikiwela yambila pamuhi kwaikiva uhiku unguhika lipindi wandu wanguwesa ng’ogha kughola mahengu. 5 Paniwela nambila kumlimawogha, nenga ni mhana wa mlima wogha."

6 Badili gha kulonga ghala, akahunya mata pahi akatimbinganya mindakali, akamtyelemeka yula angalikulola kumihu, 7 Yesu akamlongela, "Uyendi ukalikuwi ku libosi lya Siloamu." ingumaanisa, "Mweni kuyeghwa." Hinu akayenda kulikuwa, akahuya akiwela angulola.

2 Hinu, akahika mundu mmonga mweni ukalawa, akahika na akamtundamila manung’una na akalonga, "Bambu, paupala unguwesa kunighulula!"

3 Yesu akamyavisa kwa liwoku lyaki na kulonga, "Ningupala! Ughululiki." lipindi lilalila yula mundu akalama ukalawa ghaki. 4 Hinu Yesu akamlongela, "Mghalu hau ukotoho kumlongela mundu yeyosi, ila uyendi ukajilangihi kwa watambika, na kuwapegha litambiku lilaghililwi na Musa kuwahighilisila yiwa ulama."

2 Lipindi lila lila wakamyeghela mundu mmonga mweni kupola higha, akiwela kawonjeswa mlihinda. Yesu paalolili kukwinila kwau, akamlongela yula mundu mweni kupola, "Ujipeghi moyu mwana ghangu, sambi syako silekeselwa."

3 Wamonga wa wavula wa laghililo wakatumbula kulongelana, ghuli, "Mundu hayu angumlighu Sapanga ng’ogha?"

4 Ila Yesu amanyili mawachilo ghao, akalonga, "Kwakyani mnguwachila mahakata? 5 Ni kyani kivile kiyuyuhu nesu. Kulonga, ‘Ulekeselwa sambi syako,’ au kulonga, ‘ugholoki, utyangi?’ 6 Hinu, ningupala mmanyi yiwa Mwana wa Mundu kanauweso kumlima wogha wa kuwalekesela wandu sambi." Na hinu akamlongela yula mundu mweni kupola, "Ugholoki, utoli lihinda lyako, uyendi ukaya ghako."

7 Mundu yula akagholoka, akayenda ukaya ghaki.

10 Mula kukawela na mundu mmonga mweni liwoku lipola. Hinu, amonga gha Mafalisayo wakamkonya Yesu, "Ghuli, ni maha kumlamisa mundu lichuwa lya kupumulila?" Wamkonyili nagha wapati njila gha kumsitaki.

11 Yesu akawayanga, "Tulongi mmonga wa mwenga kawela na kondolu ghaki na hayu kadudukila mlyowu; ghuli, atemkola ng’ogha na kumlopola akamuhumisa panji Lichuwa lya Kupumulila? 12 Kwa hinaa, yula ni kondolu ila mundu ni wa maha nesu kupiti kondolu, Hinu ni maha kughola kindu maheli lipindi lya kupumulila." 13 Ndiwa akamlongela yula mundu, "Ulangihi liwoku lyako." Akalangiha na lyeni likalama likawela likomu handa lya ipili.

30 Hinu nyongo mkwahanu wa Simoni, akiwela mkindanda anguvina nesu. Wakamlongela Yesu lipindi pahikili. 31 Yesu akamyendela yula nyongo, akamkola liwoku, akamyinula. Hula uvina ukamlekesela, akatumbula kuwatelekela.

Yesu angumlamisa mundu mweni ukalawa

40 Mundu mmonga mweni kuwela na ukalawa amyendili Yesu, kamtundamila kwa manung’una, akamlongela, "Paupala, unguwesa kunighulula!" 41 Yesu akamwonela luhungu, akalangiha liwoku lyaki, akamkola

na kumlongela, "Ningupala ghululiki!" 42 Palapala ukalawa ukamleka mundu yula, akaghululika.

3 Wandu wanjechi wakahika na wampapili mundu ahovili vikongonu wakamyegha kwa Yesu. 4 Ila kwaikiva gha lipinga lya wandu, wawesili ng’ogha kumyegha pabehi na Yesu. Hinu, wakapoyola limbandu lya paghala liwela kunani gha mahala kawela Yesu. Pawapatili kala mahala wakamghulusa yula mundu akiwela kawonja mlihinda. 5 Yesu paalolili ukwinila ghao akamlongela yula ahovili vikongonu, "Mwana ghangu, ulekeselwa uhakata ghako." 6 Wavula wamonga wa laghililo wenikuwela watama pala

wakiwachila mumioyu ghao, 7 "Ghuli anguwesa kulonga nagha? Angumlighu Sapanga! Kwa hela mundu anguwesa kulekisela uhakata ila Sapanga weka ghaki."

8 Bwitu Yesu amanyili mumpumulo ghaki yiwa kyani wangukiwachila kumioyu ghao, na akawakonya, "Kwa kyani mnguwachila vindu havi? 9 Kindu kyani kiwela kiyuyuu kumlongela mundu mweni vikongonu vihovili, ‘Uhakata ghako ulekeselwa’ au kumlongela, ‘Ugholoki, utoli lihinda lyaku utyangi’? 10 Hinu, ningupala mmanyi yiwa Mwana wa Mundu kawela na ukulu wa kuwalekesela wandu uhakata kumlima wogha." Pala akamlongela hayu mundu ahovili vikongonu, 11 "Ningukulongela, ugholoki, utoli lihinda lyaku uyendi ukaya!" 12 Bahala wandu wogha wakimlola, yula mundu akitandamuka,

akatola lihinda lyaki, akayenda. Wandu wogha walikangasili na kumyinula Sapanga, wakilonga, "Tuwesa ng’ogha kulola mighalu handa hai"

Yesu angumlamiha mundu ahova liwoku

1 Yesu ayingilili kangi ku lighuta gha kukokanganika na Wayahudi na mula mghati mvile na mundu avile na liwoku lihova. 2 Wandu wavile mula wangumlindila amlamisi mundu yula Lichuwa lya kupumulila ili wapali kumsitaki. 3 Yesu akawalongela hayu mundu avile na liwoku lihova, "Uhiki baha kuulongolo." 4 Hinu akawakonya, "Kwa kulandana na malaghililo gha twenga niki tungudahilwa kughola," au "kyani malaghililo gha twenga zingutulongela kughola?"

Ila weni walongili ng’ogha lilando.

5 Yesu akawakwenjulila mihu wogha kwa lilaka, moyu ukamluma kwa ikiva gha utatala wa mioyu ghao. Hinu akamlongela yula mundu, "Ulangihi liwoku lyaku!" Mweni akalilangihi liwoku lyake, likavile likomu kangi.

Yesu angumlamisa avile na ukalawa

12 Yesu paakiva kummbwani mmonga, kukahuma mundu mmonga amemesilwi na ukalawa higha wogha, na mweni paamlolili Yesu, akayinama wuso mbaka pahi, akamlongela akimluwa, "Bambu ningumanya, unguwesa kunilamisa nikaghululika." 13 Yesu akalangiha liwoko, akamyavisa na kumlongela, "Ningupala, ulamiswe." Na bwitu mundu yula akalamiswa ukalawa ghaki.

18 Wandu wakahika, wakimyegha mundu mmonga vikongonu ghaki vipolili, awonjili kukindanda, wakayesa kumuyingisa mghati, ili wamviki kuulongolo kwa Yesu. 19 Ila, wawesa ng’ogha kwaikiva kuwelili na wandu watangala, wasindilwi kuyingila mghati. Hinu, wakakwela kumyegha kunani gha lighuta, wakamatula mhanga, wakamghulusa yula mundu vikongonu ghaki vipolili pamonga na lihinda kyaki, wakamvika kuulongolo gha Yesu. 20 Yesu paalolili vila kukwinila ghao mkulunga, akamlongela yula mundu, "Ghanja, ulekeselwa sambi syako." 21 Wavula wa laghililo na Mafalisayo watumbulili kujikonya, "Ni ghani hayu angumlighu Sapanga? Ni ghani anguwesa kumlekesela mundu sambi ila ni Sapanga weka hela." 22 Yesu amanyili mawachilo gha weni, akawakonya, "Kwa kyani mnguliwachila havi mumioyu gha mwenga? 23 Kindu ghani kivile kiyuyuhu, kulonga, ‘sambi syako ulekeselwa,’ au kulonga, ‘Ugholoki, utyangii’? 24 Hinu ningupala mmanyi yiwa nenga Mwana wa Mundu nivile na ulongosi wa kulekesela sambi baha kumlima wogha." Hinu akamlongela mundu yula vikongonu ghaki vipolili, "Ningukulongela, ugholoki, utoli lihinda lyako na uhuyi ukaya." 25 Bwitu mundu yula akagholoka kuulongolo gha wogha, akatola lihinda lyaki akayenda ukaya kwa mweni kunu akimyinula Sapanga.

Yesu angumlamisa mundu avili na liwoko lipola

6 Lichuwa lya Kupumulila lighangi, Yesu ayingilili kulighuta lya kukonganika Wayahudi, akavula. Na mula mghati pawelili na mundu avile liwoko ghaki lya kulihila liwelili lipola. 7 Wavula wa laghililo lya Musa na Mafalisayo wahakulili kulola njila gha kumsitaki Yesu na nagha wawelili wakilindila ili waloli yiwa atemlamisa mundu lichuwa lya kupumulila. 8 Ila Yesu amanyili mawachilo ghao, akamlongela yula avili na liwoko lipola, "Utandamki, ugholoki paghati gha weni." Yula mundu akayenda kugholoka paghati. 9 Hinu Yesu akawalongela Wavula wa laghilo na Mafalisayo, "Ninguwakonya, Ni kyani laghilo lya twenga tungupalwa kukovekela kulaghilo tugholi lichuwa lya kupumulila, ni maha kughola lilando maha lichuwa lya kupumulila au kughola lilando lihakata, kumlamisa mundu au kumleka ahovi?" 10 Yesu akawalola wogha wawelili pala, hinu akamlongela yula mundu, "Ulangihi liwoko lyako." Na mweni akaghola handa alongilwi, liwoko ghaki bwitu likavile likomu kangi.

Yesu angumlamisa mtumikila wa mkulu wa watovangondo wa Ulumi

1 Yesu paayomolili kulonga milando hila hyogha kwa wandu wamuhyoghanilili, akayenda mmbwani Kapelinaumu. 2 Kula kuwelili mkulu wa watovangondo awelili mlumi, na awelili na mtumikila ghaki ampalili nesu. Mtumikila yula awelili mvina pabehi na kuhova. 3 Yula mkulu paahyoghanilili habali gha Yesu, akawayegha kwa mweni wagogolo amonga wa Wayahudi, kwa kumkonya ahike kumlamisa mtumikila ghaki. 4 Pawahikili kwa Yesu, wakamluwa amtangi, wakilonga, "Hayu angupalwa kugholelwa mghalu hau," 5 kwaikiva mweni anguupala mlima hau wogha wa twenga, na ndiwa hayu atuchengili lighuta lya kukonganika Wayahudi. 6 Hinu Yesu akayenda pamonga na weni. Paawelili pabehi na kwa yula mkulu wa watovangondo, yula mkulu akawayegha waghanja ghaki kumlongela Yesu, "Bambu, ukotoho kujighasa, kwaikiva nenga nipalilwa ng’ogha uyingile mghati gha lighuta ghangu. 7 Ndiwa kwaikiva niliwonili nipalilwa ng’ogha kuhika kwa wenga. Ila ulongeli lilando hela, na mtumikila ghangu atelama. 8 Kwaikiva nenga kangi ni mundu nivile pai gha ulongosi, na nivile na watovangondo pai kwa nenga. Panimlongela mmonga, ‘Uyendi,’ na mweni huyenda, panimlongela ghangi, ‘Uhiki.’ Namweni uhika, na mtumikila ghangu, ‘Ghola kindu haki.’ Namweni ughola." 9 Yesu paahyoghanila ghala, alikangasili nesu, hinu akahyuka kulilola lila lipinga lya wandu liwelili likimkovekela, akalonga, "Nilola ng’ogha avile na kukwinila handa haku hata paghati gha Izilaeli hyogha." 10 Hinu wala watumikila walaghilililwi pawahika kulila lighuta, na weni wamuwonili yula mtumikila alamili kala.

11 Na pala pawelili na mdala awelili na lihoka livile limghola avile mvina wa kughondama mghongu kwa machuva ikumi na inane hata awesili ng’ogha kugholoka dali. 12 Yesu paamlola, akamkema akamlongela, "Mdala, ulama kala uvina ghako." 13 Hinu akamvikila mawoko, na lipindi lilalila higha ghaki ukavile dali kangi, akatumbula kumyinula Sapanga.

Yesu angumlamisa mundu mmonga

1 Lichuwa lya Kupumulila, Yesu ayendili kulyegha mulyo ukaya kwa mmonga wa wakulu wa Mafalisayo, na wandu watamili pala wayesili kumlolesa kwa pabehi ili walole kila ateghola. 2 Bahala, kuulongolo ghaki Yesu kuwelili na mundu mmonga awelili na uvina wa kututumuka higha. 3 Yesu akawakonya wavula wa laghililo lya Sapanga ampeghili Musa na Mafalisayo, "Ghuli, malaghililo yangutulekesela kulamisa wandu lichuwa lya Kupumulila au ng’ogha?"

4 Ila weni wakalikala nuu. Hinu Yesu akamkola liwoko yula mvina na kumlamisa, akamlekesela ahuki ukaya ghaki.

Yesu anguwalamisa wakalawa ikumi

11 Yesu paawelili mnjila akiyenda Yelusalemu, apitilili paghati gha Samalia na Galilaya. 12 Paawelili akiyingila kukimbwani kimonga, wandu waikumi wavile na ukalawa wakonganilile na mweni, wakagholoka kwa utali. 13 Wakatova lilowi wakilonga, "Yesu, Bambu, tuwoneli luhungu."

14 Paawalolili akawalongela, "Myendi kwa watambika mkajilangihi."

Hinu ikava pawawelili wakiyenda wakalamiswa. 15 Mmonga paghati gha weni paalolili yiwa kalamiswa kala, akahuya kwa Yesu akimyinula Sapanga kwa lilowi likulunga nesu. 16 Akajidanga pahi kuulongolo kumaghulu gha Yesu akamshukwile. Na mundu hayu awelili kahuma ku Samalia, 17 Yesu akakonya, "Wandu walamisilwi wawelili ikumi ng’ogha? Hinu wala itisa wakugha? 18 Ghuli kwahela mundu ghangi kawesa kuhuya na kumshukwile Sapanga ila hayu mhenja weka yaki?" 19 Hinu akamlongela hayu mundu, "Ugholoki, uyendi zyako, kukwinila ghako kukulamisa."

Yesu angumlamisa mundu kulibosi lya Betizata

1 Badili gha hagha Yesu akayenda kumbwani wa Yelusalemu kwaikiva gha mhambu wa Wayahudi. 2 Haku Yelusalemu, pabehi na mlyango ungukemwa mlyango wa kondolu, kuwelili na libosi lya masi lingukemwa kwa kiebulania Betizata, liwelili litindilwa na mikuta maitano. 3 Hamu mikuta muwelili na wavina watangala, wangali kulola na walemafu na wapolili vikongonu. Wawelili wakilindila masi yatimbulilwe, 4 kwaikiva lipindi litenu mtumikila wa kundumba wa Sapanga awelili akihuluka mlibosi na kuyatimbula ghala masi na yula mvina wa mtumbulo kuyingila mghati badili gha masi kutimbuka angulama uvina kawela nau. 5 Hinu, pala pawelili na mundu mmonga awelili mvina kwa machuva iselasini na inane. 6 Yesu paamlolili yula mundu kawonja na akimanya awelili kawela mvina kwa lipindi litali akamkonya, "Ghuli ungupala kulamiswa?"

7 Yula mvina akamyanga, "Bambu, nenga nahela mundu wa kunivika ku libosi, masi payatimbulwa lipindi paniyesa kuyingila, mundu ghangi angunilongolela kuyingila mlibosi."

8 Yesu akamlongela, "Ugholoki, ulitwiki lihinda lyaku uyendi." 9 Bwitu hayu mundu akalama, akatola lihinda lyaki akatyanga,

matendu hagha yagholeka lichuwa lya kupumulila.

46 Yesu paayendile kangi kula Kana, kummbwani wa Galilaya, pala mahala aghalambulili masi kuwela divai, kuwelili na kilongosi mmonga mwenikuwela na mwana mvina kula Kapelinaumu. 47 Hinu, hayu kilongosi pakahyoghanila yiwa Yesu awelili kahuma ku Yudasia na kuhika ku Galilaya, akamuyendela na kumluwa ayendi kumlamisa mwana ghaki awelili mvina ndemba ndemba. 48 Hinu Yesu akamlongela, "Mwenga pamlola ng’ogha kilangihi na makangaso katu mtekwinila ng’ogha!"

49 Yula kilongosi akamlongela, "Bambu, pepayi tuyendi pambila gha mwana ghangu kahova."

50 Yesu akamlongela, "Uyendi hela, mwana ghako atewela mkomu."

Kilongosi yula akakwinila lila lilando alongelilwi na Yesu, akayenda zyaki. 51 Paawelili akali mnjila, watumikila ghaki wakakongane na mweni, wakamlongela yiwa "Mwana ghako kawela mkomu."

52 Hinu akawakonya, "Lisaa lininga mwana hayu aitumbulile kuwela maha," weni wakamlongela, "Lichu lisaa isaba pamuhi, kulwala kukahuka." 53 Hinu tati ghaki akumbwikile iwelili ni lisaa lilalila Yesu paamlongilile, "Mwana ghako atelama." Pala akamkwinila Yesu pamonga na wogha wa mulighuta lyaki.

54 Haki kiwelili kilangihi kya ivili akigholili Yesu paawelili anguhuma ku Yudasia kuyenda ku Galilaya.

20 Lipindi lilalila nyongo mmonga, mvina wa ligholovela kwa lipindi lya machuva ikumi na ivili, akamkovekela Yesu kuhyetu, na akayavisa luviniku lya nguu ghaki. 21 Agholili nagha kwaikiva aliwachilili mmoyu ghaki, "Paniyavisa hela lihabiti lyaki nitelamiswa."

22 Hinu, Yesu akaghalambuka akamlola, akamlongela, "Ujipeghi moyu biti ghangu! Ukwinila ghako ukulamisa." Nyongo yula akawela mkomu lipindi lilalila.

25 Mmonga ghao avile mdala mweni uvina wa ligholovela kwa lipindi lya machuva ikumi na ivili.

26 Mdala yula avile aghasikile nesu, kuwayendela mambuyi watangala. Na ikiva avile kayomolakala hindu ghaki yogha, kapokela ng’ogha kulama na kayendelela kuvina. 27 Na mweni avile kayughanila kala milandu gha Yesu, na hinu, akahika na kuyingila paghati gha lipinga lya wandu akayenda kuhyetu gha Yesu na kuyavisa nguu ghaki. 28 Kaghola nagha, ikiva alilongilile mweni, "Nikikola hela nguu ghaki, nitelama." 29 Paakola nguu gha Yesu, lipindi lilalila ligholovela likaleka, na mweni akalimanya kalama.

43 Paghati gha weni kuwelili na mdala mmonga avile na uvina wa kuhuma mwahi kwa lipindi lya machuva ikumi na ivili. Kawesa kutumila hindu ghaki hyogha kuwapegha walamisa, ila kwahela hata mmonga kawesa kumlamisa. 44 Mdala hayu akahika kuyetu gha Yesu na kuyavisa liviniku lya lihabiti ghaki. Na bwitu akalamiswa hula uvina wa kuhuma kwa mwahi. 45 Yesu akakonya, "Ni ghani aniyavisili?" Wandu wogha wakanili, ila Petelo akalonga, "Bambu, ungulola ng’ogha yiwa wandu wangukutindila na kukukovekela." 46 Ila Yesu akalonga, "Kuvile na mundu kaniyavisa kwaikiva ninguhyoghanila nimlamisa mundu kwa makakala ghangu." 47 Yula mdala paalolili yiwa kamanyika, akahika akihihimila kwa holu na kutundamila manung’una pahi kuulongolo gha Yesu. Na pala kuulongolo gha wandu wogha, akalongela vila amyavisili na kulamiswa bwitu. 48 Yesu akamlongela, "Biti, kukwinila ghako ukulamisa. Uyendi kwa kuponga."

Mhinja wa mkulu na nyongo mmonga wangulamiswa

18 Hinu Yesu pawelili akilonga hagha, mkulu mmonga Myahudi akahika, akamtundamila na kulonga, "Mhinja ghangu kahova hinaa Bambu. Pepayi tuyende ukamvikili liwoko lyako na mweni atelama."

19 Yesu akahuka pamonga na wavulwa ghaki, na mweni akamkovekela.

23 Hinu Yesu akayingila ukaya kwa yula mkulu. Na paawalola walumbilila wakikuwa filimbi, 24 akalonga, "Mhuki baha! Mhinja hayu kahova ng’ogha kawonja hela." Na weni wakamheka. 25 Hinu lipinga lya wandu palihumisilwi, Yesu akayingila mghati, akamkola yula mhinja liwoko, na mweni akayimuka.

22 Hinu, akahika mmonga ghao mkulu wa lighuta gha kukonganika Wayahudi akemilwi Yailo. Paamwolile Yesu, akatova manung’una kuulongolu ghaki, 23 Akamluwa nesu, akilonga,"Biti ghangu mnung’una ni mvina pabehi na kuhova. Tuyendi pepayi, ukamvikile mawoku ghako apati kulama na kulikala." 24 Hinu, Yesu akahuka pamonga na mweni, wandu watangala nesu wamkovekela na kumtindila tindila pandi zyogha.

38 Pawahika ukaya kwa yula mkulu wa lighuta gha kukonganika Wayahudi, Yailu, mweni Yesu akahyoghanila mang’ung’uliko, wandu wakilila na kulumbilila. 39 Akayingila mghati, akawalongela, "Ghuli mngutova lilovi na mang’ung’uliko na kulila? Mhinja kahwegha ng’ogha, kawonja hela" 40 Ila weni wakamheka kwa kupughanya. Hinu, akawahumisa wogha panji, akawatola tati ghaki na nyongo ghaki yula mhinja na wala wayitikila ghaki wa itatu, wakayingila mkyumba avile yula mhinja.

41 Yesu akamkola liwoku, akamlongela, "Talita, komu," ikimanyika, "Mhinja, uyimuki." 42 Palapala mhinja akagholoka, akatumbula kutyanga. Hayu mhinja avile na machuva ikumi na ivili. Pala wandu wa kalikangasa nesu.

31 Yesu akayendelela kulonga, "Hinu nitewalandisa wandu wa kiwelekwa haki na niki? Wogha walandine na ghani? 32 Ni handa wasongolo wawelili watama kugulilo na kulongelana kwa lilowi likulunga, lipinga limonga na ghangi, ‘Tugholili mhambu wa luheku, ila mkinili ng’ogha. Tuyimba uyimbo wa luhungu ila mlila ng’ogha.’ 33 Kwaikiva Yohanambatisa ahikili, mweni alyeghili ng’ogha libumunda hata kunywegha divai handa weni, na mwenga mlongili, ‘Avile na lihoka.’ 34 Na mweni Mwana wa Mundu ahikili, angulyegha na kunywegha, na mwenga mkalonga, ‘Mumlole hayu angupala kulyegha nesu hayu ka mlowela, ghanja wa watola usulu na wogha wavile na sambi.’ 35 Ila mawachilo gha luhala gha Sapanga yahighilikiswa ni kuwaghola wandu wa maha kwa wogha waikwinila."

Yesu kuukaya kwa simoni Mfalisayo

36 Mfalisayo mmonga amkonyili Yesu kulyegha mulyo ukaya ghaki. Yesu akayingila ukaya kwa hayu Mfalisayo, akatama kulyegha mulyo. 37 Kumbwani kula kuwelili na mdala mmonga awelili na sambi nesu. Mdala yula paahyoghanilili yiwa Yesu awelili akilyegha kulighuta kwa yula Falisayo, akahika akiyegha supa gha mahuta gha manungilo igholilwi na maganga gha alabasita.

41 Mkulu mmonga wa lighuta lya kukonganika Wayahudi lihina lyaki Yailo akahika. Akajidanga pahi kuulongolo gha Yesu na kumuluwa ahiki kwa mweni, 42 Kwa ikiva awelili na mwana mdala wa weka avile na ukulunga wa machuva ikumi na ivili, na awelili pabehi na kuhwegha. Yesu paawelili akiyenda kula, lipinga likulunga lya wandu liwelili likimtindila na kumghasa.

49 Yesu paawelili angali akilonga, Yailo akayeghelwa lilando kuhuma kuukaya, "Mwana ghako ahovili kala, ukotoho kuyendelela kumghasa mvula." 50 Yesu paahyoghanila ghala akamlongela Yailo, "Ukotoho kuwela na holu, ukwinili hela na mweni atelamiswa." 51 Paahikili kuukaya kwa Yailo kamlekesela ng’ogha mundu kuyingila mghati gha lighuta pamonga na mweni, ila Petelo na Yohanana Yakobu na walela wa hayu mwana. 52 Wandu wogha wawelili wakilila na kulumbilila kwaikiva gha yula biti ahovili. Ila Yesu akawalongela, "Mkotoho kulila, kwaikiva mwana kahova ng’ogha, kaghonja hela." 53 Na weni wakamuheka Yesu kwaikiva wamanyili yiwa awelili kahova kala. 54 Ila Yesu akamkola liwoko akalonga, "Mwana, uyimuki." 55 Mpumulo gha mwana ukamuhuyila, akayimuka bwitu Yesu akawalongela wampeghi mulyo. 56 Walela ghaki walikangasili, ila Yesu akawalongela wakotoho kumlongela mundu yeyose yala yahumilili.

Kihu kya Lazalu

1 Pawelili mundu mmonga lihina lyaki Lazalu, hayu awelili mvina. Mundu hayu awelili akilikala ku Betania pamonga na Malia na Malita wahacha ghaki. 2 Malia hayu ndiwa yula awelili kampakala Bambu mahuta gha kunungila na kumpyangula maghulu kwa hwila ghaki. 3 Hinu, wala wahacha ghaki Lazalu wakalaghila ujumbi kwa Yesu wakilonga, "Bambu, ghanja ghako ni mvina."

4 Yesu pakahyoghanila nagha, akalonga, "Uvina hau utemkoma ng’ogha, ila uteghola wandu wamuyinuli Sapanga, na kwa kupitila hali Mwana wa Sapanga hilahila ateyinulwa."

5 Yesu awapalili nesu Malita na walongo ghaki Malia pamonga na Lazalu. 6 Hata badili gha kuhyoghanila yiwa Lazalu ni mvina, Yesu akayendelela kulikala pala pala mahala awelili kwa machuwa maivili kuulongolo. 7 Badili gha machuwa maivili kuyenda akawalongela wavulwa ghaki, "Tuyendi kangi ku Yudasia."

8 Wala wavulwa wakamlongela, "Mvula lipindi mayaghani hela lipiti Wayahudi wapalili kukutova kwa maganga, wenga ungupala kuyenda haku kangi?"

9 Yesu akayanga, "Ghuli, pamuhi kuwela ng’ogha na masaa ikumi na ivili? Hinu, mundu paatyanga pamuhi kawesa ng’ogha kulikwala kwaikiva angulola lijuwa. 10 Ila mundu paatyanga uhiku atelikwala kwaikiva mhana uwela ng’ogha mghati ghaki." 11 Yesu pakayomola kulonga milando hila, akawalongela, "Ghanja wa twenga Lazalu kaghonja, ila nenga ninguyenda kumuyimusa."

12 Hinu wala wavulwa wakamlongela, "Bambu ikiwela kaghonja lughonu hayu atelama."

13 Weni waliwachilili yiwa Yesu ailongile kughonja handa kughonja lughono, ila mweni ailongilile kihu kya Lazalo. 14 Hinu, Yesu akawalongela lipalalipala yiwa, "Lazalu kahova,

Yesu anguliponga liyegha likalipa

23 Yesu akakwela whatu mkulu, na wavulwa ghaki wakayenda pamonga na mweni. 24 Pawawelili wakiyenda bwitu liyegha likulunga likahumila mlihiwa, hata mawimbi ghakatumbula kugubika whatu. IIa Yesu awelili kawonja lughonu. 25 Wavulwa ghaki wakamyendela, wakamyimusa wakilonga, "Bambu, utulokoli, tunguyaghamila!"

26 Yesu akawalongela, "Mwenga wandu weni kukwinila mayaghani, kwa kyani mngutila?" Hinu, akayimuka, akalikalipila liyegha na lila lihiwa, likaponga nesu.

27 Wandu wakalikangasa, wakalonga, "Mundu hayu ni wa ghuli? Hata lihoka na mawimbi vingumyitikila!"

15 Paihikili lumihi, wavulwa ghaki wakamuhikila na kumlongela, "Haku kwahela wandu wenikulikala haku, na masaa yahonga kala, uwatauli wandu hagha wayendi kuvimbwani ili wakajihemileli mulyo."

16 Yesu akawalongela, "Maha ng’ogha wayendi, muwapeghi mwenga mulyo."

17 Ila weni wakamlongela, "Tuwela na mibumunda itanu na homba waivili hela."

18 Yesu akawalongela, "Mniyegheli haku." 19 Akawalaghila wandu watami pahi mmanyahi. Hinu Yesu akaitola hila mibumunda miitanu na wala homba waivili, akayinula mihu ghaki kunani kundumba, akahighila, akametula hila mibumunda, na wavulwa ghaki wakawapegha wala wandu. 20 Wandu wogha wakalyegha, wakayukuta. Hinu wavulwa wakakungula vihighalili, wakamemesa vibeja ikumi na ivili. 21 Wandu wogha walyeghili wawelili walumi ielfu itano, wakileka kuwavalanga wadala na wana.

25 Uhiku pabehi na kuchiya, Yesu akawayendela wavulwa kwa kutyanga kunani gha masi.

Yesu anguwapegha mulyo wandu ielfu njechi

32 Hinu, Yesu akawakema wavulwa ghaki, akalonga, "Ninguwawonela luhungu wandu hagha kwaikiva wawela na nenga kwa machuwa itatu, na wawelili ng’ogha na mulyo. Na nenga ningupala ng’ogha kuwataula kunu wakiwela na njala, kwaikiva watewesa kuhyunga mnjila."

33 Wavulwa ghaki wakamlongela, "Mahala haku wangulikala ng’ogha wandu, ghuli, tutepokela kugha mulyo wa kuwakwila wandu watangala hagha wogha?"

34 Yesu akawakonya, "Mvile na mibumunda mininga?" Wakamyanga, "Mibumunda isaba na vihomba vya mayaghani vinung’unanung’una."

35 Hinu, Yesu akawalongela wandu watami pahi. 36 Akaitola hila mibumunda isaba na vila vihoba, akamyupa Sapanga, akavimetula, akawapegha wavulwa, na weni wakawapegha wandu. 37 Wogha wakalyegha, wakayukuta hinu wavulwa wakakungula vila vihighalili, wakamemesa vibeja isaba. 38 Wandu walyeghili wawelili walumi ielfu inne, wakileka kuvalanga wadala na wana.

Kuhipa usulu kulighuta lya Sapanga

24 Hinu Yesu na wavulwa ghaki pawahikili kummbwani wa Kapelinaumu, wakungula usulu wa lighuta lya Sapanga wakamyendela Petelo, wakamkonya, "Ghuli, mvula wa mwenga anguhipa usulu wa lighuta lya Sapanga?"

25 Petelo akayanga, "Ena, mweni anguhipa."

Hinu, Petelo paayingila mghati mwa lighuta, pambila hata kalongela lilando, Yesu akamkonya, "Simoni wenga unguliwachila niki kuhabali gha kuhipa usulu? Wankosi wa mlima wogha wangukungula usulu au kodi kuhuma kwa kina ghani? Kuhuma kwa wakola mlima au kwa wahenja?"

26 Petelo akayanga, "Kuhuma kwa wahenja."

Yesu akawalongela, "Hinu, wenikaya wangupalwa ng’ogha kuhipa. 27 Ila ili tukotoho kuwaghola wahyomi, uyendi mlihiwa ukalopoli homba, utoli homba wa mtumbulo kumlopola umgubutuli lilomo lyaki na hamu kumlomo utelola mapesa, utoli ukahipi usulu ghako na wa nenga."

Yesu anguulongelela mahakata libiki lyeni kulela tini

18 Yesu pawelili anguhuya kumbwani malawila pee, akawela na njala. 19 Aliwonili libiki lya mtini limonga mmbali gha njila, akaliyendela, ila kalola ng’ogha chochosi bali mahamba hela. Hinu, akaulapila, "Ukotoho kulela kangi matungula machuva hyogha bila mwihu!" palapala hula mtini ukanyala.

20 Wavulwa pawalolili ghala wakalikangasa wakalonga, "Kwakyani mtini hau unyala bwitu?"

21 Yesu akawayanga, "Chakaka ninguwalongela, ikiva mtewela na ukwinila na mkawela ng’ogha na holu mnguwesa kughola nagha na hata mkililongela litumbi hali, ‘Utupuki na ukataghwi mmbahali,’ itewela nagha. 22 Hilahila pamkawela na ukwinila, chochosi mtekiluwa, mtepokela."

37 Hinu liyegha litopehu likatumbula kuwumba, mawimbi ghakalipinga hila whatu hata likatumbula kumema masi. 38 Yesu avile upandi wa kuhyetu gha whatu, kawonja lughonu kasaghamila msaghamu, wayitikila ghaki wakamyimusa na kumlongela, "Mvula, ghuli, uloli ng’ogha twenga tungupala kuhwegha?" 39 Hinu, akayimuka, akalikalipila lila liyegha na kuyalongela

mawimbi, "Uleki! utami nuu!" bahala liyegha likaleka, kukavile maha. 40 Badili gha hagha Yesu akawalongela wayitikila ghaki, "Ghuli mwambila ukwinila ng’ogha?" 41 Weni wakatila nesu, wakatumbula kukonyana, "Hayu ni ghani?

Hata liyegha na mawimbi vingumyitikila!"

35 Lipindi lya pamihi lipela kala. Hinu, wayitikila wakamyendela Yesu, wakamlongela, "Mahala baha ni pamwitu, na lijuwa linguhonga. 36 Mbaha uwatauli wandu wayendi mumatawa na vimuji vya pabehi, wakahemeli mulyo." 37 Ila Yesu akawalongela,"Muwapeghi mwenga mulyo." Na weni wakamkonya, "Ghuli uloli ng’ogha itedahilwa tuvile na mapesa ngenju ili tuhemeli mibumunda, na kuwapegha mulyo?"

38 Yesu akawakonya, "Mvile na mibumunda mininga? Myendi mkaloli." pa walolile kala, wakamlongela, "Kuvile mibumunda itano na homba wavili hela"

39 Hinu, Yesu akawalaghila wayitikila wawatamisi wandu wogha lipinga lipinga kumanyahi.

40 Na weni wakatama mapinga mapinga gha wandu imia na gha wandu ikumi itano. 41 Hinu, Yesu akaitola hila mibumunda itano na wala homba wavili, akalola kunani kundumba, akavihighila, akaimetula mibumunda, akawapegha wayitikila ghaki na wayitikila ghaki wakawapegha wandu. Na wala homba waivili vila vila wakawapegha wogha. 42 Wandu wogha wakalyegha, wakayukuta. 43 Wakalokota vipandi vighighalile vya mibumunda na homba, wakamemesa vibeja ikumi na ivili. 44 Na weni walyeghili yila mibumunda wavile walumi ielufu itano,

48 Awalolile wayitikila ghaki wakighasika kutova pondu kwa makakala mu whatu kwa ikiva liyegha livile linguwaghuyisa kuhyetu, hinu pa ivile pabehi na kuchiya, Yesu akawahikila akityanga kunani gha masi, akighola handa anguwaleka. 49 Ila pa wamwonile akityanga kunani gha masi, waliwachila ni upumuli wa wagogolo, wakatova lilowi. 50 Kwa ikiva wogha pa wamlolile wakatila nesu. Lipindi lilalila Yesu akalonga na weni, "Mtami nuu, ni nenga! Mkotoho kutila!" 51 Hinu, akakwela muwhatu kuwavile, na liyegha likauleka. Weni wakalikangasa nesu,

Yesu anguwapegha mulyo wandu ielufu inne

1 Ku machuwa ghala, lipinga likulunga lya wandu walikunguliti kangi na wavile ngʼogha na mulyo. Yesu akawakema wayitikila ghake, na kuwalongela, 2 "Ninguwawonela luhughu wandu hagha kwa ikiva wavile na nenga kwa machuwa itatu, wavile ngʼogha na mulyo. 3 Nikiwaleka wayendi ukaya na njala wakiva mnjila watehyunga kwa njala, kwa ikiva wamonga ghao wahumilile kutali."

4 Wayitikila ghaki wakamkonya, "Baha mmwitu tutetola kugha mibumunda gha kuwayukutisa wandu hagha wogha?"

5 Yesu akawakonya, "Mvile na mibumunda mininga?"

Wakamyanga, "Tuvile na mibumunda isaba."

6 Hinu, akawalongela wandu watami pahi. Akaitola yila mikati isaba, akamhighila Sapanga, akaimetula, akawapegha wayitikila ghaki wawapeghi wandu, na weni wakawapegha. 7 Vilavila wavile na vihomba vimayaghani. Yesu akavihighila, akalonga muwapeghi wandu hilahila. 8 Wandu wakalyegha, wakayukuta. Wakakungula vihighalile wakamemesa vibeja isaba. 9 Na weni walyeghilile wavile wandu ielfu inne, Yesu akawatahula.

Yesu angulapila mtini

12 Kilau ghaki, Pa wavile wanguhuma Besania, Yesu alumilwi na njala. 13 Hinu, akalola kwa kutali mtini uvile na mahamba yatangala. akauyendela ili alole yiwa uwela na litungula lolose. Pa auhikilili, akaulola uvile ngʼogha na litungula lolose ila mahamba weka hela, kwa ikiva ivile ngʼogha lipindi lyake lya kuweleka matungula. 14 Pala akaulongela mtini, "Kuhumala lelo hata machuwa yayendelela mundu yeyose akotoho kulyegha matungula kuhuma kwa wenga." Na wayitikila ghaki wayoghaniliti milandu hila.

Mavula kuhuma libiki lilela tini

20 Kilau ghaki malawila, pa wavile wakityanga, wakalola lila libiki lya tini, liwela liyuma lyogha, kuhuma kunani mbaka pahi. 21 Petulo akumbwikili, akamlongela Yesu, "Mvula, uloli! hula mtini ulapilili, uyuma." 22 Yesu akawalongela,"Mumkwinili Sapanga." 23 Ninguwalongela unagha mundu akiulongela utumbi hau, "Utupuki ukadubukili mbahali, ng’ogha aviki kulihola mmoyu ghaki, ila akakwinila mighalu hyogha angulonga yangugholeka, utegholelwa mghalu hau." 24 Kwaikiva ninguwalongela pamyupa na kuluwa kindu mkwinili yiwa mpokela, na kyeni kitevile kya wenga. 25 Pamgholoka kuyupa, "Mlekeseli kila mundu awahakilili chochosi, ili Tati wa mwenga avile kundumba awalekeseli mahakata gha mwenga,"

Yesu anguwakema wayitikila wa mtumbula

1 Lichuwa limonga, Yesu awelili kagholoka mmbali gha lihiwa Genesaleti hilahila walikema lihiwa galilaya na wandu watangala wawelili wakimtindila kunu wakihukumulana hukumulana ili wahyoghanili lilando lya Sapanga. 2 Akalola whatu ivili zivile na hindu ng’ogha mmbali mwa lihiwa, na walopola homba weni wakiva wahukili, wanguhonjola nyafu zyao. 3 Yesu akayingila kuhila whatu imonga iwelili gha Simoni. Yesu akamkonya alikukuli kumlima kutali mmbali mayaghani gha lihiwa. Hinu akatama mula na kuvula wandu. 4 Paayomolili kuvula, akamlongela Simoni, "Uyendesi whatu mbaka kumasi yatangala na mdangi nyafu zyenu ili mlopole homba." 5 Simoni akamyanga, "Bambu tuyesili kulopola uhiku wogha ng’ogha kupokela hindu ila kwaikiva ulongile lilando wenga nitedanga nyafu." 6 Hinu pawadangili nyafu, wakalopola homba ngoo hata nyafu zyao zitumbulili kubaluka. 7 Wakawapungila mawoko wawopola waghangi wawelili kuwhatu ghangi wahiki kuwatanga. Wakahika na kuzimemesa whatu zyogha ivili homba, hata ziyesili kujumbukila mlihiwa. 8 Simoni Petelo paalolili mighalu igholeka nagha, akamtundamilila manunguna Yesu na kulonga, "Bambu, ukotoho kutama pabehi na nenga, kwaikiva nenga ni mundu mweni sambi." 9 Simoni pamonga na wogha wawelili pamonga wakangazilwi nesu kwaikiva gha homba ngoo wawalopolili. 10 Yakobu na Yohanawana wa Zebedayo wawelili walopola pamonga na mweni Simoni, wakangazilwi hilahila. Na Yesu akamlongela Simoni, "Ukotoho kutila, kuhumila lelo uteghola lihengu lya kuwayegha wandu kwa Yesu handa mlopola anguyegha homba ukaya." 11 Hinu, badili gha kuyegha whatu mmbali mwa lihiwa, wakaleka vyogha kumlima, wakamkovekela Yesu.

Yesu angulaghila liyegha lipongi

22 Lichuwa limonga, Yesu akwelili whatu pamonga na wavulwa ghaki, akawalongela, "Tughubuki lihiwa tuyendi mpaka mwambu." Hinu, wakatumbula mwanja. 23 Pawawelili wakiyenda kwa kutumila whatu hila, Yesu akolilwi na lughono, akawonja, liyegha litopehu likahika mmasi na masi yakatumbula kuyingila mghati mwa whatu, na weni wakavile mngondu. 24 Wala wavulwa wakamwendela Yesu, wakamuyimusa wakilonga, "Bambu, Bambu. Tunguyalamila." Yesu akayimuka, akaukalipila liyegha na lyeni likaleka kuwumba na masi yakaponga . 25 Hinu akawalongela wavulwa ghaki, "Kukwinila kwa mwenga wa kugha" na weni wakawela na holu na kulikangasa, wakikonyana "Hayu ni mundu ghani? Ikiva angulilaghila liyegha na masi vingumyitikila."

Yesu angulaghila liyegha lipongi

22 Lichuwa limonga, Yesu akwelili whatu pamonga na wavulwa ghaki, akawalongela, "Tughubuki lihiwa tuyendi mpaka mwambu." Hinu, wakatumbula mwanja. 23 Pawawelili wakiyenda kwa kutumila whatu hila, Yesu akolilwi na lughono, akawonja, liyegha litopehu likahika mmasi na masi yakatumbula kuyingila mghati mwa whatu, na weni wakavile mngondu. 24 Wala wavulwa wakamwendela Yesu, wakamuyimusa wakilonga, "Bambu, Bambu. Tunguyalamila." Yesu akayimuka, akaukalipila liyegha na lyeni likaleka kuwumba na masi yakaponga . 25 Hinu akawalongela wavulwa ghaki, "Kukwinila kwa mwenga wa kugha" na weni wakawela na holu na kulikangasa, wakikonyana "Hayu ni mundu ghani? Ikiva angulilaghila liyegha na masi vingumyitikila."

Yesu angumlamisa mundu avile na lihoka

26 Yesu na wavulwa ghaki wakayendelela na mwanja wakavika whatu kumlima wa Wagelasi, ulikalili mbandi gha ipili gha lihiwa Galilaya.

12 Lijuwa palitumbula kuhonga, wala wandumindumi ikumi na ivili wakamuyendela na kumlongela, "Uwalekeseli wandu wayendi kuvimbwani na matawa ya pabehi, wakahakuli mulyo na mahala pakughonja, kwaikiva baha tulikala ni kumanyahi." 13 Ila Yesu akawalongela, "Muwapeghi mwenga mulyo." Wakamuyanga, "Twahela chochose ila mibumunda itano na homba waivili. Tuyendi weni mani tukawahemeleli mulyo wandu wogha baha." 14 Wawelili pala walumi ielufu itano, hinu Yesu akawalongela wavulwa ghaki, "Muwalongeli wandu watami kumapinga gha wandu ihamsini." 15 Wavulwa wakaghola handa walongelilwi, wakawatamisa wogha. 16 Hinu Yesu akaitola hila mibumunda miitano na wala homba waivili akalola kundumba, akamshukwile Sapanga, akavihighila, akavimetula, akawapegha wavulwa ghaki wawapeghi wandu. 17 Wandu wogha wakalyegha, wakayukuta. Wakakungula yasyelili gha mulyo, wavulwa wakamemesa vibeja ikumi na ivili.