Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
दूई कांणै मणछो विश्वास
ज़ांऊं ईशू तैहा शोहरीए घअरा का आजू डेऊअ, दूई कांणै मणछ आऐ तेऊ पिछ़ू एही हाक्का-पकारा लांदी, "हे दाबेदे लुआद ईशू, हाम्हां लै बी कर झींण!"
ज़ांऊं ईशू तेऊ घअरै पुजअ ज़िधी सह रहअ द थिअ, तिंयां दूई कांणै बी पुजै तिधी ईशू सेटा, ईशू पुछ़अ तिन्नां का, "तम्हां कै इहअ विश्वास आसा कि हुंह सका तम्हां शरैछै करी?"
तिन्नैं कांणै दैनअ ईशू लै ज़बाब, "हाँ प्रभू, हाम्हां आसा विश्वास कि तूह सका इहअ करी।"
तेखअ बोलअ ईशू तिन्नें आछी छ़ुंहीं करै, "तम्हां लै लोल़ी तिहअ ई हुअ ज़िहअ तम्हैं विश्वास करा।"
तिन्नें आछी का लागअ तेभी शुझदअ। तेखअ दैनी ईशू तिन्नां लै एही चतैनगी, "हेरे, धैन डाहै, ऐहा गल्ला निं तम्हैं कोही का खोज़ी।" पर तिधा का बागै डेऊई फणाऊंई तिन्नें ईंयां गल्ला सारै दी कई ज़ैगा! कि ईशू तिंयां किहै किऐ आछी का शरैछै।
दूई कांणै मणछ ठीक करनै
ज़ांऊं तिंयां जेरिहो नगरी का बागै निखल़दै ई तै लागै दै, तिधी आऐ खास्सै मणछ ईशू पिछ़ू। दूई कांणै तै बाते बाढै बेठै दै। तिन्नैं शूणअ इहअ कि ईशू एसी बाती आसा ईशू डेऊंदअ लागअ द, तिंयां लागै हाक्का लाई बोल्दै, "हे प्रभू, दाबेदे लुआद ईशू, हाम्हां लै कर झींण।"
लोग लागै तिन्नां इहअ बोली नैरदै, "च़ुप्पी रहा।"
पर तिंयां लागै होर बी खास्सै लैल़ा लांदै अर बोल्दै, "हे प्रभू, दाबेदे लुआद ईशू, हाम्हां लै कर झींण।"
ईशू उझ़ुअ खल़अ संघा शादै तिंयां कांणै मणछ आप्पू सेटा लै। तेखअ बोलअ तिन्नां लै, "तम्हैं इहअ किज़ै च़ाहा कि हुंह तम्हां लै करूं?"
तिन्नैं बोलअ ईशू लै, "हे प्रभू, हाम्हैं च़ाहा इहअ कि तूह कर हाम्हां नरोगै ताकि म्हारी आछी का शुझदअ लागे।" ईशू फिरी तिन्नें झींण संघा छ़ुंहीं तिन्नें आछी अर तिन्नां का लागअ तेभी शुझदअ अर तिंयां बी लागै ईशू पिछ़ू हांढदै।
बैतसैदा नगरी एक कांणअ ठीक करनअ
तेखअ आऐ तिंयां बैतसैदा नगरी दी, लोगै आणअ एक कांणअ मणछ तेऊ सेटा लै अर तिन्नैं किई तेऊ का अरज़ कि एऊ छ़ुंह।
तेऊ निंयं सह कांणअ मणछ हाथा का ढाकी करै नगरी का बागा लै अर तेऊए आछी थूक लाई हाथ डाहै, अर तेऊ का पुछ़अ, "ऐबै लागअ ताखा शुझदअ ऐ?" तेऊ मणछै बोलअ आछी घुआल़ी करै, "मुखा लागै लोग शुझदै पर राम्बल़अ निस्सअ शुझुई तिंयां शुझिआ मुखा ज़िहै मुंह फेर आसा डाल़ बूट लागै दै हांढदै।"
तेखअ लाऐ भिई ईशू तेऊए आछी हाथ अर तेऊ कांणै का लागअ राम्बल़अ शुझदअ! अर सह हुअ ज़ाथी ताज़अ-नरोगअ। ईशू छ़ाडअ सह इहअ बोली घअरा लै, "ऐहा नगरी निं बापस डेऊई।"
टौणैं अर हंकलै मणछो ठीक हणअ
तेखअ डेऊअ ईशू सूर अर सैदा मुल्खा का दिकापुलिस बाती हांढदी गलील समुंदरा सेटा। ता, लोगै आणअ ईशू सेटा लै एक टौणअ अर सह करा त गल्ला बी थाभल़ी, संघा किई तिन्नैं लोगै ईशू का एही अरज़ कि एऊ छ़ुंह आपणैं हाथा करै ताकि सह राम्बल़अ होए।
ईशू निंयं सह मणछ लोगे जेल्ह-मरेल्ही जैंदरा का दूर ज़िहअ। तेऊ पाई आपणीं गुंठी तेऊए कानै। तेखअ आपणीं गुंठी दी धख ज़िहअ थूक लाई करै छ़ुंहीं तेऊए ज़िभ।
तेखअ सरगा बाखा लै भाल़ी प्राथणां करदी लाम्मअ शाह काढी बोलअ तेऊ मणछा लै आपणीं बोली दी, "इप्फतह" मतलब, "खुल्ह" तेऊए काना का लागअ तेभी राम्बल़अ शुण्हदअ, तेऊए ज़िभ बी हुई ठीक अर संघा लागअ सह गल्ला करदअ।
ईशू बोलअ तिन्नां मणछा लै इहअ कि ऐहा गल्ला निं कोही का खोज़ी। तेऊ किअ तिन्नां लै नांईं पर तिन्नैं खोज़ी तिंयां गल्ला सारै दी। तिंयां लागै रहैन हई बोल्दै, "ज़ुंण बी तेऊ किअ सह किअ बधिया; सह दैआ टौणैं लै शुणने अर काल्लै लै दैआ बोल़णें शगती।"
बरतिमांई नाओं कांणअ मणछ किअ नरोगअ
एरुशलेम नगरी लै डेऊंदी पुजै ईशू अर तेऊए च़ेल्लै जेरिहो नगरी। ईशू अर तेऊए च़ेल्लै लागै जेरिहो का आजू हांढदै। तिधी आऐ खास्सै मणछ।
तिमांई नाओंए मणछो शोहरू बरतिमांई त एक कांणअ भिख मांगणै आल़अ बाते बाढै बेठअ द। ज़ांऊं तेऊ कांणै मणछै शूणअ कि अह आसा नासरत नगरीओ ईशू, तेऊ बोलअ, "हे राज़ै दाबेदे लुआद ईशू, मुल्है कर झींण।"
सोभ लागै तेऊ कांणै मणछा लै नैरदै कि च़ुप्पी रह।
पर सह रहअ तेतरअ खास्सअ बोल्दअ ई लागी, "हे राज़ै दाबेदे लुआद, ईशू मुल्है कर झींण।"
तेखअ खल़्हुअ ईशू संघा बोलअ लै, "एऊ कांणै मणछा आणा ओर्ही मुंह सेटा लै।"
तिन्नैं लोगै शादअ सह कांणअ मणछ संघा लागै इहअ बोल्दै, "हिम्मत डाह, खल़अ उझ़ू, ईशू शादा ताह आप्पू सेटा लै।" तेऊ शोटै आपणैं झिकल़ै तिधी अर सह आअ तेभी ईशू सेटा लै।
ईशू बोलअ तेऊ लै, "तूह किज़ै च़ाहा कि हुंह ताल्है करूं?"
कांणै बोलअ ईशू लै, "हे गूरू, मेरी आछी कर ठीक मुखा लोल़ी शुझुअ।"
ईशू बोलअ तेऊ लै, "डेऊ, तेरै विश्वासै किअ तूह नरोगअ।" तेऊ का लागअ तेभी शुझदअ अर सह लागअ बातै ईशू पिछ़ू हांढदअ।
भिख मांगणै आल़अ कांणअ ठीक करनअ
ज़ांऊं ईशू जेरिहो नगरी नेल़ पुजअ, एक कांणअ त बाते बाढै भिख मांगदअ बेठअ द। सह लागअ लोगे हांढणे छ़ेल़ा शूणीं पुछ़दअ, "एथ किज़ै हुअ?" तिन्नैं खोज़अ, "नासरत नगरीओ ईशू आसा लागअ द ऐहा बाता डेऊंदअ।" तेखअ तेऊ कांणै मणछै पाई हाक, "हे ईशू, राज़ै दाबेदे लुआद, मुल्है कर झींण।"
ज़ुंण आजू तै हांढदै लागै दै तिंयां लागै तेऊ नैरदै कि च़ुप्पी रह।
पर सह लागअ होर बी ज़ोरै-ज़ोरै लैल़ा लांदअ, "हे राज़ै दाबेदे लुआद ईशू, मुल्है कर झींण।"
तेखअ दैनअ ईशू खल़ै उझ़ुई करै हुकम, "एऊ कांणै मणछा आणा ओर्ही मुंह सेटा लै।" ज़ांऊं सह कांणअ नेल़ आअ, ईशू पुछ़अ तेऊ का, "तूह किज़ै च़ाहा कि हुंह ताल्है करूं?"
तेऊ बोलअ, "हे प्रभू, मुखा लोल़ी आछी का शुझुअ।"
ईशू बोलअ तेऊ लै, "भाल़अ लाग, तेरै विश्वासै हेरअ तूह बच़ाऊई।" तेऊ मणछा का लागअ तेभी शुझदअ अर परमेशरो शूकर करदी डेऊअ सह ईशू संघा अर सोभी लोगै बी किई एता भाल़ी परमेशरे ज़ै-ज़ैकार।
ज़ल्मां ओर्ही कांणअ मणछ ठीक करनअ
तिधा का डेऊंदी बारी भाल़अ ईशू एक मणछ। सह ज़ल्मां ओर्ही कांणअ। तेऊए च़ेल्लै पुछ़अ तेऊ का, "हे गूरू, कुंणी आसा किअ द पाप कि अह कांणअ पैईदा, एऊ कांणै मणछै कि एऊए ईज-बाब?"
ईशू दैनअ तिन्नां लै ज़बाब, "नां एऊ पाप किअ अर नां एऊए ईज-बाब। पर अह हुअ एते तैणीं कि परमेशरो काम एऊ दी प्रगट होए। ज़ुंणी हुंह छ़ाडअ द आसा, तेऊओ काम आसा धैल़ी ई धैल़ी करनअ ज़रूरी। सह राच आसा एछणैं आल़ी तेथ निं कोहै काम करी सकदअ। ज़ेभै तैणीं हुंह एऊ संसारै आसा, तेभै तैणीं आसा हुंह संसारा लै प्रैश्शअ।"जोह. 8:12
इहअ बोली थुक्कअ ईशू धरनीं अर तेता करै मुछ़अ माट्टअ, संघा बोलअ सह माट्टअ तेऊ कांणै मणछे आछी मल़ी तेऊ लै, "डेऊ, शिलोहे सअरा दी धो आपणअ मुंह।" मतलब, "छ़ाडअ द।" तेऊ कांणै बी किअ तिहअ ई, ज़ांऊं तेऊ सअरा दी मुंह धोअ अर सह फिरअ शरैछी आछी बापस।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
तिन्नां मांझ़ा का आअ एक मणछ ज़हा कोहल़ ती निखल़ी दी। तेऊ टेक्कअ ईशू सेटा माथअ संघा किई एही अरज़, "हे प्रभू, ज़ै तूह च़ाहे, तूह सका मुंह एऊ कोहल़ा का शुचअ करी।"
ईशू छ़ुंअ सह आपणैं हाथा करै संघा बोलअ, "हुंबी च़ाहा इहअ ई, तूह लोल़ी एभी शुचअ हुअ।" अर सह हुअ तेभी कोहल़ा का शुचअ। ईशू बोलअ तेऊ लै, "हेरे, ऐहा गल्ला निं होरी कोही का खोज़ी। हाँ, प्रोहता सेटा डेऊई एछ आप्पू रहैऊई अर कोहल़ा का शुचै हणें बारै ज़ुंण बधान परमेशरे गूर मोसा आसा खोज़अ द तेऊ साबै दै भैंट। ताकि तिंयां भाल़े कि तूह गअ कोहल़ा का शुचअ हई।"लेब. 14:2-32
तिधी आऐ कोऐ मणछ तिन्नैं आणअ एक मणछ बछ़ाऊणैं प्रैंदै ईशू सेटा लै, तेऊ त दरंग हुअ द। ईशू बोलअ तिन्नों विश्वास भाल़ी तेऊ दरंगे मरीज़ा लै, "शोहरूआ, फिकर निं करी, तेरै पाप हुऐ माफ।"
इहअ शूणीं लागै तिधी आऐ दै यहूदी शास्त्री सोठदै, "अह ता परमेशरे कदर बी निं करदअ!"
ईशू हेरी तिन्नें मन्नें गल्ला भुझ़ी, संघा बोलअ तिन्नां शास्त्री लै, "तम्हैं आपणैं मन्नैं बूरअ किल्है सोठा? सान गल्ल किज़ै आसा, एऊ दरंगे मरीज़ा लै इहअ बोल़णअ कि तेरै पाप हुऐ माफ, या एऊ लै इहअ बोल़णअ, ‘उझ़ू हांढदअ-फिरदअ लाग?’ ज़िहअ करै तम्हां का थोघ लागे कि मुंह मणछे पूता लै आसा पृथूई दी पाप माफ करनैओ हक।"
तेखअ बोलअ ईशू तेऊ दरंगे मरीज़ा लै, "हुंह बोला ताल्है, उझ़ू आपणैं एऊ बछ़ाऊणैं च़क संघा डेऊ आपणैं घअरा लै।"
सह मरीज़ उझ़ुअ तेभी सोभी नदरी खल़अ, संघा डेऊअ आपणैं घअरा लै।
तिधी थिअ एक मणछ इहअ, तेऊओ हाथ त मछैंअ द। फरीसी मांझ़ै पुछ़अ कुंणी ईशू का सुआल, "बशैघे धैल़ी कै अह मणछ नरोगअ करना भलअ आसा?" तिंयां तै एही ताका कि ईशूए किज़ै गलती भेटे अर तेऊ लै दोश लाई सके कि सह आसा बधाने साबै गलत करदअ लागअ द।
तेखअ पुछ़अ ईशू तिन्नां का, "तम्हां मांझ़ै इहअ कुंण आसा कि ज़हा का एक्कै भेड़ होए अर बशैघे धैल़ी पल़े सह भेड़ डुघी खाल़्ही दी अर सह तैहा भेडा बशैघे धैल़ी उझै नांईं काढे? इहअ ता हणअ तम्हां का थोघ कि मणछो मोल आसा भेडा का खास्सअ! इहअ करै आसा बशैघे धैल़ी रोगी मणछ नरोगअ करनअ बधाने साबै भलअ।"
तेखअ बोलअ ईशू तेऊ मणछा लै, "आपणअ हाथ कर आजू।" तेऊ किअ आपणअ हाथ ईशू सेटा आजू अर सह हाथ हुअ दुजै हाथा ज़िहअ ताज़अ-नरोगअ।
शमौन पतरासे शाशुई त ज़अर आअ द अर तिन्नैं खोज़अ तेभी तेसे बारै ईशू का। तेखअ ढाकअ ईशू तैहा नेल़ डेऊई तेसो हाथ संघा झ़ैऊई सह खल़ी, तेसो ज़अर बेठअ तेभी अर सह लागी नढैऊऐ च़ाकरी करदी।
कोहल़ा का किअ मणछ नरोगअ
तिधी आअ एक मणछ ज़हा कोहल़ ती निखल़ी दी। तेऊ टेक्कअ ईशू सेटा माथअ संघा किई एही अरज़, "हे प्रभू, ज़ै तूह च़ाहे, तूह सका मुंह एऊ कोहल़ा का शुचअ करी।"
ईशू फिरी तेऊए खास्सी झींण संघा छ़ुंअ सह आपणैं हाथा करै संघा बोलअ, "हुंबी च़ाहा, तूह लोल़ी एभी शुचअ हुअ।"
सह मणछ हुअ तेभी कोहल़ा का नरोगअ अर शुचअ।
तिधी आणअ लोगै एक मणछ च़ऊ ज़ण्हैं ईशू सेटा लै च़की, तेऊ मणछा त दरंग हुअ द। तिधी दुआरा सेटा तै खास्सै मणछ झाल़्हुऐ दै। तिहअ करै निं तिंयां ईशू सेटा पुजी सकै। तिन्नैं पेच़अ तेऊ घअरो छ़ाप्पर तैहा सिधा ज़ेथ हेठै ईशू त बेठअ द। ज़ेथ सह दरंगो रोगी थिअ सताऊअ द, सह बछ़ाऊणअ छ़ड़ाऊअ तिन्नैं छ़ाप्परा बाती च़ऊ कूणैं राश्शी बान्हीं उंधै ईशूए मुंहां सेटा लै।
ईशू बोलअ तिन्नों विश्वास भाल़ी तेऊ दरंगे मरीज़ा लै,
"शोहरूआ, तेरै पाप हुऐ माफ।"
तेखअ कई शास्त्री ज़ुंण तिधी सभा दी थिऐ बेठै दै तिंयां लागै सोठदै, "अह मणछ इहअ किल्है बोला? अह ता परमेशरे कदर बी निं करदअ, परमेशरा छ़ाडी होर कुंण सका पाप माफ करी?"
ईशू हेरी तिन्नें मन्नें गल्ला भुझ़ी कि ईंयां किज़ै सोठा, तेखअ बोलअ तिन्नां लै,
"तम्हैं आपणैं मन्नैं इहअ किल्है आसा लागै दै सोठदै?
"सान किज़ै आसा? एऊ दरंगे मरीज़ा लै इहअ बोल़णअ कि तेरै पाप हुऐ माफ या इहअ बोल़णअ उझ़ू आपणैं बछ़ाऊणैं च़क अर हांढदअ-फिरदअ लाग? ज़िहअ करै तम्हां का थोघ लागे कि मुंह मणछे पूता लै आसा पृथूई दी पाप माफ करनैओ हक।"
तेखअ बोलअ ईशू तेऊ दरंगे मरीज़ा लै, "हुंह बोला ताल्है, उझ़ू आपणैं एऊ बछ़ाऊणैं च़क संघा डेऊ आपणैं घअरा लै।"
सह मरीज़ उझ़ुअ तेभी सोभी नदरी खल़अ अर आपणैं बछ़ाऊणैं च़की डेऊअ सह आपणीं ज़ांघा हांढी घअरा लै। ऐहा गल्ला भाल़ी हुऐ सोभ लोग रहैन अर तिंयां लागै परमेशरे बड़ैई करदै कि हाम्हैं निं इहअ च़मत्कार आझ़ तैणीं कधि हेरअ।
मछैंऐं दै हाथो मणछ किअ नरोगअ
तेखअ डेऊअ एकी होरी बारी भिई ईशू यहूदी सभागृहा। तिधी थिअ एक मणछ इहअ, तेऊओ हाथ त मछैंअ द। फरीसी पंथे लोग थिऐ ईशू लै दोशा लाणें तैणीं ताखुऐ दै कि तिंयां भाल़े कि ईशू बशैघे धैल़ी एऊ मणछा नरोगै करा कि नांईं ज़ुंण मोसा गूरे बधाने साबै करनअ गलत आसा थिअ।
ईशू बोलअ तेऊ मछैंऐं दै हाथे मणछा लै, "इधी खल़्हू सोभी नदरी।" तेखअ पुछ़अ ईशू तिन्नां का, "बधाना दी किज़ै आसा लिखअ द? बशैघे धैल़ी भलअ करनअ ठीक आसा कि बूरअ करनअ? प्राण बच़ाऊंणै कि मारनअ?" पर तिंयां सोभ रहै च़ुप्पी।
ईशू भाल़अ फेर संघा बोलअ तेऊ तिन्नें काठै मना का दुखी हई रोश्शा संघै तेऊ मणछा लै, "आपणअ हाथ कर आजू।" तेऊ बी किअ आपणअ हाथ आजू अर तेऊओ हाथ हुअ ताज़अ-नरोगअ।
कोहल़े बमारी आल़अ ठीक करनअ
तेखअ त ईशू एकी नगरी, तिधी आअ एक मणछ, तेऊ ती कोहल़ निखल़ी दी, तेऊ टेक्कअ ईशू सेटा माथअ संघा किई एही अरज़, "हे प्रभू, ज़ै तूह च़ाहे, तूह सका मुंह एऊ कोहल़ा का शुचअ करी।"
ईशू लाअ तेऊ दी हाथ अर तेऊ लै बोलअ, "हुंह च़ाहा इहअ ई" तेखअ बोलअ, "कोहल़ा का हअ शुचअ" अर सह हुअ तेभी शुचअ।
तिधी आणअ लोगै एक दरंगो रोगी बछ़ाऊणैं प्रैंदै च़की। तिंयां लागै ईशू सेटा भितरा लै डेऊणा लै बाता लोल़ै कि तेऊ रोगी ईशूए मुंहां सेटा निंए।
तिधी दुआरा सेटा तै खास्सै मणछ झाल़्हुऐ दै। तिधी निं सिऊंणी सहरनै जोगी ज़ैगा बी आथी ती। तेखअ सोठी तिन्नैं मणछै एक तरकीब अर तिन्नैं पेच़अ तेऊ घअरो छ़ाप्पर तैहा सिधा का ज़ेथ हेठै ईशू त बेठअ द। ज़ेथ सह दरंगो रोगी थिअ सताऊअ द, सह बछ़ाऊणअ छ़ड़ाऊअ तिन्नैं छ़ाप्परा बाती च़ऊ कूणैं राश्शी बान्हीं उंधै ईशूए मुंहां सेटा लै। ईशू बोलअ तिन्नों विश्वास भाल़ी तेऊ दरंगे रोगी लै, "साथीआ तेरै पाप हुऐ माफ।"
तेखअ लागै यहूदी शास्त्री अर फरीसी पंथे लोग हठल़दै, "अह कुंण आसा? अह ता परमेशरे कदर बी निं करदअ? परमेशरा छ़ाडी होर कुंण सका पाप माफ करी?"
ईशू हेरी तिन्नें मन्नें गल्ला भुझ़ी संघा बोलअ तिन्नां लै, "तम्हैं आपणैं मन्नैं बूरअ किल्है सोठा? सान गल्ल किज़ै आसा, एऊ दरंगे मरीज़ा लै इहअ बोल़णअ कि तेरै पाप हुऐ माफ, या एऊ लै इहअ बोल़णअ, ‘उझ़ू हांढदअ-फिरदअ लाग?’ ज़िहअ करै तम्हां का थोघ लागे कि मुंह मणछे पूता लै आसा पृथूई दी पाप माफ करनैओ हक।" तेखअ बोलअ ईशू तेऊ दरंगे रोगी लै, "हुंह बोला ताल्है, उझ़ू आपणैं एऊ बछ़ाऊणैं च़क संघा डेऊ आपणैं घअरा लै।" सह मरीज़ उझ़ुअ तेभी सोभी नदरी खल़अ, संघा डेऊअ आपणैं बछ़ाऊणैं च़की परमेशरे ज़ै-ज़ैकारा करदी आपणैं घअरा लै।
मछैंऐं दै हाथो मणछ किअ नरोगअ
इहअ हुअ कि एकी दुजी बशैघे धैल़ी लागअ सभागृहा ईशू शिक्षा दैंदअ अर तिधी त एक मणछ इहअ कि तेऊओ त दैहणअ हाथ मछैंअ द। शास्त्री अर फरीसी तै ईशू लै दोशा लाणें ताका रहै दै अर तिंयां लागै भाल़ै कि हेरा हैनूं अह एऊ बशैघे धैल़ी नरोगै करा कि नांईं।
पर ईशू हेरा त तिन्नें बच़ार ज़ाणीं अर ईशू तेऊ मछैंऐं दै हाथे मणछा लै बोलअ, "उझ़ू, इधी खल़्हू सोभी नदरी।" सह हुअ सोभी नदरी खल़अ। तेखअ पुछ़अ ईशू तिन्नां का, "मुखा खोज़ा तम्हैं सोभ ऐहा गल्ला कि बधाना दी किज़ै आसा लिखअ द? बशैघे धैल़ी ठीक कै आसा? भलअ करनअ कि बूरअ? प्राण बच़ाऊंणै कि मारनअ?" ईशू भाल़अ फेर, तेखअ बोलअ तेऊ मछैंऐं दै हाथे मणछा लै, "आपणअ हाथ कर आजू।" तेऊ मणछै बी किअ हाथ आजू अर तेऊओ हाथ हुअ नरोगअ।
एकी सुबैदारो विश्वास
ज़ांऊं ईशू लोगा संघै सारी गल्ला करी मुक्कअ, तेखअ आअ सह कफरनहूम नगरी लै। एक सुबैदार झ़ूरा त आपणैं एकी दासा लै खास्सअ। एकी धैल़ै हुअ सह दास इहअ बमार कि सह थिअ मरदअ तैर। तेऊ बी थिई ईशूए बारै गल्ला शूणीं दी। तेऊ छ़ाडै यहूदी मणछे कई सैणैं ईशू सेटा लै एही अरज़ करी कि हे प्रभू मेरै घअरै एछी बच़ाऊ मेरै दासे ज़ान। तिन्नैं ईशू सेटा एछी अरज़ किई, "हे प्रभू तेऊ लै कर क्रिप्पा सह आसा एता जोगी, किल्हैकि सह करा म्हारी ज़ाती लै झ़ूरी अर तेऊ ई आसा हाम्हां लै सभागृहा बी बणाअं द।"
ईशू लागअ तिन्नां संघै हांढदअ अर ज़ांऊं सह घअरा नेल़ पुजअ, सुबैदारै दैनअ आपणैं कई साथी का समाद, "हे प्रभू, खास्सअ कष्ट निं करी, हुंह निं एता जोगी आथी कि तूह मेरै घअरै एछी सके। नां हुंह एता जोगी आथी कि ताह सेटा आप्पै एछी सकूं, तैही निं हुंह ताह सेटा लै आअ, पर आपणीं खाखा का बोल एक बोल अर मेरअ दास जाणअ ठीक हई। किल्हैकि हुंह आसा आप्पू बी सरकारी दास अर मुंह आसा आप्पू उंधै काम करनै आल़ै सपाही लै ढेऊआ करनैओ हक। ज़ांऊं हुंह कहा लै पोर्ही डेऊणा लै बोला, सह डेओआ पोर्ही अर ज़हा लै ओर्ही एछणा लै बोला, सह एछा ओर्ही अर आपणैं दासा लै बोला हुंह कि इहअ कर, सह करा तिहअ ई।"
ईशू बी हुअ तेऊए गल्ला शूणीं रहैन, सह फिरअ पिछ़ू अर ज़ुंण तेऊ पिछ़ू हांढदै तै लागै दै तेऊ बोलअ तिन्नां लै, "हुंह खोज़ा तम्हां का सत्त कि मंऐं निं एतरअ विश्वास पूरै इज़राईला दी भाल़अ" सुबैदारै ईशू सेटा लै छ़ाडै दै तिंयां लोग ज़ांऊं बापस घअरै पुजै, तिन्नैं भाल़अ सह दास ठीक-ठाक।
तिधी ती एक बेटल़ी एही, तैहा ती ठारा साला ओर्ही एक दुबल़ै करनै आल़अ भूत शाचअ द। सह थिई एतरी कुबल़ी हुई दी कि सह निं आज़री खल़ी बी हई सकदी ती।
तैहा भाल़ी शादी सह ईशू आप्पू सेटा लै अर तैहा लै बोलअ, "हे ज़नानी, तूह गई ऐहा बमारी का ऐबै राम्बल़ी हई।" तेखअ ईशू तैहा दी हाथ लाअ अर सह हुई आज़री खल़ी अर सह लागी परमेशरे ज़ै-ज़ैकार करदी।
फरीसी मणछे घअरै ईशू
तेखअ बेठअ ईशू बशैघे धैल़ी फरीसी मणछे कहा एकी सैणें घअरै रोटी खांदअ अर तिंयां थिऐ ईशू मारना लै ताखुऐ दै। तेखअ आअ एक मणछ ईशू सेटा, तेऊए हाथ खूर तै शुंआंऐं दै। एता भाल़ी ईशू शास्त्री अर फरीसी लै बोलअ, "बशैघे धैल़ी बधाने साबै अह मणछ नरोगअ करनअ ठीक आसा कि गलत?" पर तिंयां रहै च़ुप्पी।
तेखअ छ़ुंअ ईशू सह रोगी मणछ आपणैं हाथा करै, सह मणछ हुअ नरोगअ। तेखअ दैनअ ईशू तेऊ मणछा डेऊणैं।
कोहल़े बमारी आल़ै दस बमार ठीक करनै
तेखअ हुअ इहअ कि एरुशलेम नगरी लै डेऊंदी बारी त ईशू लागअ द सामरी अर गलील मुल्खै जैंदरे बाता डेऊंदअ। गराऊंए बाती डेऊंदी भेटै ईशू दस मणछ। तिन्नां ती कोहल़ निखल़ी दी। तिन्नैं कोहल़े बमारी आल़ै मणछै पाई दूर खल़्हुई करै लैल़ा संघा बोलअ, "हे ईशू, हाम्हां लै कर झींण।"
ईशू बोलअ तिन्नां भाल़ी, "डेओआ, भबनै डेऊई एछा प्रोहता का रहैऊई ताकि तिन्नां का थोघ लागे कि तम्हैं गऐ कोहल़ा का शुचै हई।" हांढदी-हांढदी गऐ तिंयां कोहल़े रोगा का नरोगै हई।
तेखअ तिन्नां मांझ़ै एकी मणछै ज़ांऊं भाल़अ सह गअ ठीक हई, तेऊ किअ ज़ोरै-ज़ोरै परमेशरे ज़ै-ज़ैकार अर सह फिरअ ईशू सेटा लै बापस। तेऊ टेक्कअ ईशू सेटा माथअ अर तेऊ मनअ बडअ शूकर। सह मणछ त होरी ज़ातीओ सामरी मुल्खा का।
एता लै बोलअ ईशू, "कै दस ज़ण्हैं निं हुऐ शुचै? तै तिंयां नौ ज़ण्हैं किधी आसा? एऊ परदेसी छ़ाडी होर कोहै निं निखल़अ, ज़ुंण परमेशरे बड़ैई करदअ?" तेखअ बोलअ ईशू तेऊ लै, "उझ़ू, डेऊ, तेरै विश्वासै बच़ाऊअ तूह।"
ठत्ती साला ओर्ही बमार मणछ किअ नरोगअ
इना गल्ला बाद हुअ यहूदी मणछो एक थैर अर ईशू डेऊअ एरुशलेम नगरी लै। एरुशलेम नगरी आसा भेड़ प्रऊल़ी सेटा एक सअर, तेता लै बोला इब्रानी बोली दी "बैतसैदा।" तिधी थिऐ पांज़ च़ऊंरै बणैं दै।
तेथ सअरा फेर रहा तै कई कांणै, लाट्टै, शुक्कै दै आंगा आल़ै पाणीं खदमांऊदै न्हैल़ै लाम्मै पल़ी। ज़ेभै साईत हआ ती तेभै होथा त तिधी परमेशरो स्वर्ग दूत सअरा भितरी पाणीं खदमाऊंदअ। ज़ांऊं पाणीं खदमाईंआं, तेभै ज़ुंण सोभी का आजी पाणीं दी पेठे, सह हआ त बमारी का नरोगअ। च़ाऐ सह ज़ेही बी बमारी होए।
तिधी त एक मणछ ठत्ती साला ओर्ही त तिधी बमार पल़अ द। ईशू भाल़अ सह तिधी अर तेऊ का गअ थोघ लागी कि अह आसा खास्सी साला ओर्ही इधी पल़अ द। ईशू पुछ़अ तेऊ का, "कै तूह ठीक हणअ च़ाहा?"
तेखअ बोलअ तेऊ बमार मणछै ईशू लै इहअ, "हे प्रभू, मुखा निं इहअ कोहै मणछ आथी ज़ुंण मुंह च़की पाणीं दी पाए, ज़ेभै पाणीं खदमाईंआं, तेता का आजी जाआ कुंण होर सअरै पेशी ज़ेभै तैणीं घिसरदी-घिसरदी हुंह पुजा, अर हुंह हआ भाल़अ?"
तेखअ बोलअ ईशू तेऊ दरंगे मरीज़ा लै, "हुंह बोला ताल्है, उझ़ू आपणैं एऊ बछ़ाऊणैं च़क संघा डेऊ आपणैं घअरा लै।"
सह मरीज़ उझ़ुअ तेभी सोभी नदरी खल़अ, संघा लागअ सह आपणैं बछ़ाऊणैं च़फल़ी करै हांढदअ-फिरदअ। सह थिई बशैघे धैल़ी।
राज़ैए दरबारीओ किअ नरोगअ
ईशू आअ भिई तेखअ गलील मुल्खे काना गराऊंआं लै बापस फिरी, ज़िधी तेऊ पाणींओ दाखो रस बणाअं त। तिधी आअ एक राज़ैओ दरबारी, तेऊओ शोहरू त कफरनहूम नगरी बमार हुअ द। तेऊ दरबारी शूणीं एही गल्ला कि ईशू आसा यहूदा का गलील मुल्खा लै आअ द। सह डेऊअ ईशू सेटा संघा बोलअ, "हे प्रभू, तूह एछ मुंह संघै कफरनहूम नगरी मेरै घअरा लै, संघा कर मेरै शोहरू नबिज़री बमारी का नरोगै! नांईं ता तेतरी जाणीं तेऊए मौत हई।"
ईशू बोलअ तेऊ लै, "ज़ेभै तैणीं तम्हैं नछ़ैण अर बडै-बडै च़मत्कार नांईं भाल़े, तेभै तैणीं निं तम्हां कधि मेरअ विश्वास करनअ।"दान. 4:2
राज़ैए दरबारी बोलअ, "हे प्रभू, मेरै शोहरू मरनै का आजी च़ाल्ल तूह मुंह संघै।"
ईशू बोलअ, "डेऊ, तेरअ शोहरू आसा ज़िऊंदअ।" सह डेऊअ ईशूए गल्ला दी विश्वास करी घअरा लै। सह पुजअ त आधी बाता उंधै बापस फिरी कि तेऊए दास पुजै तेऊ सेटा अर तिन्नैं पजैल़अ तेऊ सेटा समाद, "तेरअ शोहरू आसा ज़िऊंदअ।" तेऊ पुछ़अ तिन्नां का, "कहा घल़ी हुअ सह राम्बल़अ?"
तिन्नैं बोलअ, "हिझ़ दपहरा बाद बेठअ तेऊओ ज़अर।" तेखअ हेरअ तेऊ समझ़ी कि अह हुअ तैहा ई घल़ी, ज़हा घल़ी ईशू बोलअ तेऊ लै, "तेरअ शोहरू आसा ज़िऊंदअ।" तेऊए घअरे सारै टबरै किअ ईशू दी विश्वास। अह त ईशूओ दुजअ च़मत्कार ज़ुंण तेऊ यहूदा का एछी गलील पुजी किअ त।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
बाता हांढदी आई एक बेटल़ी, तैहा थिई बारा साला ओर्ही लोहू बगणें बमारी लागी दी। सह आई पिछ़ू का संघा छ़ुंअ तैहा ईशूए झिकल़ैओ पाल्लअ। किल्हैकि सह सोठा ती आपणैं मन्नैं इहअ, "ज़ै हुंह ईशूए झिकल़े पाल्लै पुंझ़ बी छ़ुंहीं सके, तै जाणीं हुंह ऐहा बमारी का बिज़री।"
ईशू भाल़अ पिछ़ू फिरी तैहा बाखा लै संघा बोलअ तैहा लै, "तूह निं डरै आथी, तंऐं किअ विश्वास कि हुंह सका ताह नरोगै करी अर मंऐं हेरी तूह एऊ रोगा का नरोगी करी।" इहअ करै हुई सह बेटल़ी तेऊ रोगा का नरोगी।
बाता हांढदी ती एक बेटल़ी, तैहा थिअ बारा साला ओर्ही लोहू बगणेंओ रोग। तैहा कराऊअ त खास्सै बैईदा का आपणअ लाज़ बी पर सह निस्सी ती केही बिज़री। तैहा किई आपणीं सारी ज़िन्दगीए कमाई बी तैहा बमारी पिछ़ू खतम पर रोगा का नरोगै हणें ज़ैगा दाहुई सह।
ईशूए गल्ला शूणीं डेऊई सह खास्सै मणछा जैंदरी ईशू पिछ़ू अर तैहा छ़ुंअ पिछ़ू का ईशूए झिकल़ैओ पाल्लअ। किल्हैकि सह सोठा ती आपणैं मन्नैं इहअ, "ज़ै हुंह ईशूए झिकल़ै बी छुंए, तेता करै जाणीं हुंह एऊ रोगा का बिज़री।" ज़ांऊं तैहा ईशूए झिकल़ै छ़ूंऐं, तेभी हुअ तेसो लोहू बगणअ बंद।
बाता हांढदी आई एक बेटल़ी, तैहा ती बारा साला ओर्ही लोहू बगणेंओ रोग अर तैहा हेरी ती आपणीं सारी ज़ैदात लाज़ा-पुआई लै बैईदा सेटा छेभी अर सह निस्सी ती तेऊ रोगा का केही नरोगी हई। सह आई पिछ़ू का संघा छ़ुंअ ईशूओ झिकल़ैओ पाल्लअ अर तेसो लोहू बगणअ हुअ ज़ाथी तेभी बंद।
एता लै बोलअ ईशू, "हुंह कुंणी छ़ुंअ?"
ज़ांऊं तिधी सोभी नांह किअ, तेखअ बोलअ पतरासै अर तेऊए होरी साथी, "हे मालक, एतरी लोगे जेल्ह-मरेल्ही जैंदरी कसरअ हाथ लागअ होए, कै थोघ?"
पर ईशू बोलअ तिन्नां लै, "हुंह छ़ुंअ कुंणी ज़रूर किल्हैकि मंऐं च़ेती मुखा शगती निखल़दी।" ज़ांऊं तैहा बेटल़ी ज़ाणअ कि सह निं ऐबै आप्पू च़ोरी सकदी, तेखअ खोज़ी तैहा डरदी-काम्बदी ईशू सेटा माथअ टेक्की करै सारी गल्ला शुची-शुची कि मंऐं तूह किल्है छ़ुंअ अर किहै करै हुई तेभी नरोगी। ईशू बोलअ तैहा लै, "बेटीऐ, तंऐं किअ विश्वास कि हुंह सका ताह नरोगै करी अर मंऐं हेरी तूह एऊ रोगा का नरोगी करी। ऐबै डेऊ शांती दी आपणैं घअरा लै तूह गई एऊ रोगा का छ़ुटी।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
मूंईं दी शोहरी मरीज़ बेटल़ी
ईशू त तिन्नां मणछा का इना गल्ला करदअ ई लागअ द कि तिधी आअ एक मणछ सह त यहूदी सभागृहो कारदार। तेऊ टेक्कअ ईशू सेटा माथअ। संघा बोलअ तेऊ ईशू लै इहअ, "हे प्रभू, मेरी शोहरी हुई एभै-एभै ज़ांऐं, पर तूह च़ाल्ल मेरै घअरा लै संघा छ़ुंह तूह तैहा आपणैं हाथा करै, तै जाणीं सह ज़िऊंदी हई।"
ईशू उझ़ुअ तेभी संघा डेऊऐ सह अर तेऊए च़ेल्लै तेऊ संघै तेऊए घअरा लै।
ईशू पुजअ यहूदी सभागृहे कारदारे घअरै, तिधी भाल़अ ईशू कि बशूरी बाज़णैं आल़ै आसा शोगे धुन बाज़दै लागै दै, तिधी झाल़्हुऐ दै लोग आसा लेरा लांदै लागै दै। ईशू बोलअ तिन्नां लै, "सोभ डेओआ बागै, शोहरी निं मूंईं आथी! अह आसा सुत्ती दी।" ऐहा गल्ला शूणीं लागै तिंयां ईशू लै हास्सदै।
ज़िहै ई तिधी झाल़्हुऐ दै लोग बागा लै काढै, तेखअ डेऊअ ईशू पांडा भितरा लै ज़िधी शोहरी ती सताऊई डाही दी। ईशू ढाकअ तैहा शोहरीओ हाथ अर सह हुई तेभी ज़िऊंदी।
ज़ेतरी ईशू तिधी पुजअ, तेतरी गअ तिधी याईर नाओं एक मणछ एछी, सह थिअ सभागृहो कारदार। ज़ांऊं तेऊ का ईशू शुझुअ, तेऊ टेक्कअ ईशू सेटा धरनीं उटै पल़ी माथअ। तेऊ किई ईशू का एही अरज़, "मेरी होछ़ी शोहरी आसा मरनै आल़ी। तूह एछ संघा छ़ुंह तैहा आपणैं हाथा करै ताकि सह मरनै का बच़े।"
ईशू लागअ तेखअ तेऊए अरज़ शूणीं तेऊ संघै हांढदअ। होर बी डेऊऐ पिछ़ू खास्सै मणछ।
सभागृहे कारदारे घअरै पुजी भाल़ै ईशू तिंयां लोग लेरदै-पकारदै। तेखअ तेऊ भितरी डेऊई तिन्नां लै बोलअ, "तम्हैं किल्है आसा लागै दै लेरदै-पकारदै? शोहरी निं मूंईं दी आथी अह आसा सुत्ती दी।"
तिंयां सोभ लागै ऐहा गल्ला शूणीं सुहांगा करदै, पर ईशू काढै तिधा का तिंयां सोभ लोग बागा लै अर शोहरीए ईज-बाब अर आपणैं चअन च़ेल्लै डाहै भितरी ज़िधी शोहरी ती डाही दी।
तेखअ ईशू शोहरीओ हाथ ढाकी करै बोलअ तेऊए आपणीं बोली दी, "तलीता कूम्मीं" एतो मतलब हआ, "लान्हींऐ खल़ी उझ़ू।" ज़ांऊं ईशू इहअ बोलअ, सह शोहरी उझ़ुई तेभी खल़ी अर सह लागी हांढदी-फिरदी, किल्हैकि सह थिई बारा साले। ऐहा गल्ला भाल़ी हुऐ तिंयां रहैन।
"एऊ जुगे लोगा हुंह किहै खोज़ूं कि किहै आसा? तिंयां आसा तिन्नां लान्हैं ज़िहै ज़ुंण बज़ारै बेशी एकी-दुजै लै हाक्का लांदै आसा लागै दै,
‘हाम्हैं बाज़ी तम्हां लै बशूरी
पर तम्हैं निं नाच़ै।
हाम्हैं किअ हिक्का पटाक्की शोग
पर तम्हैं निं लेरै।’
"किल्हैकि जोहन्ना डुबकी दैणैं आल़ै नां होरी लोगा ज़ेही भांती-भांतीए रोटी खाई अर नां दाखो रस झुटअ अर तम्हैं बोलअ तेऊ लै इहअ कि एऊ दी आसा भूत? हुंह मणछो पूत आअ खांदी पिंदी अर तम्हैं बोला इहअ कि भाल़ा छ़ाकू, साबा का बाधू दाखो रस झुटणैं आल़अ मणछ अर कारै गराहणै आल़ै अर पापी मणछो साथी। पर ज्ञैन आसा आपणैं सोभी बच्च़ै का शुचअ किअ द।"
फरीसी मणछे घअरै पापी बेटल़ी लै माफी
तेखअ किई एकी फरीसी मणछे ईशू का अरज़, "हे प्रभू, मुंह संघै खाआ रोटी, अर ईशू डेऊअ तेऊए घअरै रोटी खांदअ।" तैहा नगरी ती एक पापी बेटल़ी ज़ुंण कंज़रैई करा ती, ज़ांऊं तैहा का थोघ लागअ कि ईशू बेठअ फरीसी मणछे घअरै रोटी खांदअ, तैहा आणअ संगमरमरे भांडै भितरी खुशबूदार किम्मती तेल।
तिधी आअ याईर नाओं एक मणछ। सह थिअ सभागृहो कारदार। सह पल़अ ईशूए च़रणैं, संघा लागअ सह ईशू का अरज़ करदअ "मेरै घअरा लै च़ाल्ल।" तेऊए ती बारा साले एक्कै शोहरी अर सह थिई मरदी तैर। ज़ांऊं ईशू हांढदअ लागअ, पिछ़ू लागै होर बी खास्सै मणछ हांढदै।
ईशू त तैहा लै इहअ बोल्दअ ई लागअ द कि सभागृहे कारदारे घअरा का आअ समाद, "तेरी शोहरी गई मरी ऐबै निं प्रभू लै इधी एछणेंओ कष्ट दैई।" ईशू दैनअ ऐहा गल्ला शूणीं तेऊ लै हैअ, "हैल़अ निं करी, तूह डाह सिधअ विश्वास, तै ज़ाणीं सह बच़ी।" घअरै पुजी ईशू पतरास, जोहन्ना, याकब अर तैहा शोहरीए ईज-बाब छ़ाडी निं कोहै आप्पू संघै भितरा लै एछणैं दैनअ। सोभ तै तैहा लै लेरदै-पकारदै लागै दै, पर ईशू बोलअ तिन्नां लै, "लेरा-पकारा निं लाआ, अह निं मूंईं आथी अह आसा सुत्ती दी।" तिंयां लागै ऐहा गल्ला शूणीं हास्सदै कि अह ता मरी आसा गई दी। पर ईशू ढाकअ तेसो हाथ संघा बोलअ ज़ोरै, "लान्हींऐ खल़ी उझ़ू।" तैहा शोहरी फिरअ भिई शाह अर सह उझ़ुई खल़ी। ईशू बोलअ तिन्नां लै इहअ कि ऐहा लै दैआ किज़ै खाणां लै। तेसे ईज-बाब बी हुऐ रहैन। पर ईशू डाहअ तिन्नां लै इहअ बोली कि अह ज़ुंण इधी हुअ, ऐहा गल्ला निं कोही का खोज़ी।
लाज़रे मौत
बेथनी नाओंए गराऊंऐं त एक लाज़र नाओं मणछ बमार। तेऊए ती दूई बैहणी मरिअम अर मार्था। अह ती सह ई मरिअम, ज़ुंणी खुशबूदार किम्मती तेला करै प्रभू ईशूए च़रणैं मल़अ त अर आपणैं मुंडे शराल़ा करै ईशूए खूर टुशै तै, सह बमार लाज़र त तेसो सकअ भाई। तेऊए बैहणी दैनअ ईशू लै समाद, "हे प्रभू, ज़हा लै तूह खास्सअ झ़ूरा, सह आसा दाहुअ द।"
ऐहा गल्ला शूणीं बोलअ ईशू, "अह बमारी निं मौता लै आथी पर अह आसा परमेशरे प्रतप्पा हणां लै, कि इना महान कामां करै हुंह परमेशरो पूत तेऊए महान शगती रहैऊई सके।"
ईशू डाहा त दूई बैहणी मार्था मरिअम अर तिन्नें भाई लाज़रा संघै बडी झ़ूरी। ईशू का लागअ थोघ कि लाज़र आसा बमार पर सह ज़िधी थिअ, सह रहअ दूई धैल़ै तिधी। तेखअ बोलअ तेऊ दूई धैल़ै बाद आपणैं च़ेल्लै लै, "च़ाल्ला हाम्हां डेऊणअ ऐबै यहूदा मुल्खा लै।"
च़ेल्लै बोलअ ईशू लै, "हे गूरू, यहूदी च़ाहा ताह अज़ी बी पात्थरा करै मारनअ, तैबी कै तूह तिधा लै च़ाहा डेऊणअ?"
ईशू दैनअ तिन्नां लै ज़बाब, "धैल़ीए कै च़ार पहर निं हंदै? ज़ै कुंण धैल़ी हांढे, तेऊ निं ठोहल़ लागदी किल्हैकि तेऊ का शुझिआ संसारो प्रैश्शअ। पर ज़ै कुंण राची हांढे, तेऊ लागा ठोहल़ किल्हैकि राची हआ न्हैरअ।" ईशू बोली ईंयां गल्ला तिन्नां ई का, तेखअ बोलअ च़ेल्लै लै, "म्हारअ साथी लाज़र गअ सुत्ती, हुंह च़ाल्लअ तेऊ झ़ैऊंदअ डेऊई।"
तेखअ बोलअ च़ेल्लै तेऊ लै, "हे प्रभू, ज़ै सह सुत्ती गअ, तै कै अह बच़ी जाणअ?" ईशू बोलअ त तिन्नां लै कि लाज़र गअ सुत्ती, पर तिंयां समझ़ै कि तेऊ बोलअ इहअ कि सह आसा निंजा सुत्तअ द। तेखअ बोलअ ईशू तिन्नां लै साफ-साफ, "लाज़र गअ मरी,
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
ढिश-बागर शांत करनअ
ज़ांऊं ईशू किश्ती दी बेठअ, तेऊए च़ेल्लै बी लागै तेऊ संघै हांढदै। समुंदरै आई खास्सी ढिश-बागर, अर किश्ती लै उझ़ुई बडी-बडी छ़ाल्ली, तेखअ तिंयां च़ाल्लै किश्ती संघी पाणीं दी डुबी! ईशू थिअ पिछ़ू सुत्तअ द। तेखअ आऐ च़ेल्लै ईशू सेटा, संघा लागै लैल़ा-पकारा पाई बोल्दै, "हे प्रभू, हाम्हां बच़ाऊ हाम्हैं च़ाल्लै खतम हई, किश्ती च़ाल्ली डुबी।"
ईशू बोलअ तिन्नां लै, "तम्हैं विश्वास किल्है निं करदै, तम्हैं किल्है डरा?" इहअ बोली उझ़ुअ ईशू खल़अ संघा काढी ढिश-बागर अर समुंदरे छ़ाल्ली नैरना लै काढी झांश, "शांत हअ," ढिश-बागर अर छ़ाल्ली हुई तेभी शांत। च़ेल्लै हुऐ रहैन संघा लागै इहअ बोल्दै, "अह किहअ मणछ आसा कि एऊए गल्ला शूणां ढिश-बागर अर समुंदरे छ़ाल्ली बी!"
ज़ांऊं सान्ह पल़ी, ईशूए च़ेल्लै आऐ तेऊ सेटा लै अर तिंयां लागै इहअ बोल्दै, "अह आसा बडी कराहणीं ज़ैगा अर सान्ह बी च़ाल्ली पल़ी, इना लोगा लै बोल ऐबै डेऊणा लै ताकि ईंयां किधी गराऊंऐं आप्पू लै रोटीओ इंतज़ाम करी सके।"
ईशू बोलअ तिन्नां लै, "इनो डेऊणअ निं ज़रूरी आथी, तम्हैं ई दैआ इना लै रोटी खाणां लै।"
तिन्नैं च़ेल्लै बोलअ ईशू लै, "हाम्हां सेटा निं इधी पांज़ रोटी अर दूई म्हाछ़ली छ़ाडी होर किछ़ै आथी।"
ईशू बोलअ तिन्नां लै, "तिन्नां आणा मुंह सेटा लै।" संघा बोलअ तेऊ आपणैं च़ेल्लै लै, "सोभी लोगा बशैल़ा धरनीं घाहा प्रैंदै घेहल़ी दी।" तेखअ ढाकी पांज़ रोटी अर दूई म्हाछ़ली हाथै। तेखअ किअ स्वर्गा बाखा भाल़ी परमेशरो शूकर संघा दैनी रोटी अर म्हाछ़ली चोल़ी-चोल़ी करै च़ेल्ले हाथै। तिंयां लागै घेहल़ी लोगा लै बांडदै।
सोभी लोगै खाई रज्ज़ी रोटी, अर बारा च़ठै भर्हुऐ तिन्नां रोटीए ज़ुंण पिछ़ू बाकी बच़ी! रोटी खाणैं आल़ै पांज़ हज़ार मर्ध ई मर्ध अर बेटल़ी-माठै तै तिन्नां का लाऊआ।
ईशू आअ राचकै च़ौथै पहरै समुंदरे पाणीं प्रैंदै हांढी तिन्नां सेटा लै।
च़ऊ हज़ारा लोगा का रोटी खैऊंणी
ईशू बोलअ आपणैं च़ेल्लै लै, "मुंह फिरा इना एतरै लोगा भाल़ी झींण किल्हैकि ईंयां आसा चिई धैल़ी ओर्ही मुंह संघै। इना का खाणां लै बी निं बच़अ किछ़ै। हुंह निं च़ाहंदअ इना भुखै घअरा लै छ़ाडणअ। इहअ निं हआ कि ईंयां बाता थकी करै रहे तेथै पल़ी।"
तेऊए च़ेल्लै बोलअ तेऊ लै, "हाम्हैं आसा खास्सै दूर, अर हाम्हैं किधा का लाई एतरी रोटी काढी कि ईंयां एतरै लोग रज्ज़े!"
ईशू पुछ़अ तिन्नां का, "तम्हां का केतरी रोटी आसा?"
च़ेल्लै बोलअ, "हाम्हां का आसा सात रोटी अर धख ज़ेही होछ़ी म्हाछ़ली।"
ईशू बोलअ तिन्नां सोभी लोगा लै धरनीं घेहल़ी दी बशैल़णा लै। तेखअ चोल़ी ईशू सात रोटी अर म्हाछ़ली लै परमेशरो शूकर करी। तेखअ रहअ च़ेल्ले हाथै रहअ दैंदअ लागी अर तिंयां रहै लोगा लै बांडदै लागी।
इहअ करै रज्ज़ै रोटी खाई तिंयां सोभ लोग, च़ेल्लै भरै पिछ़ू बच़ी दी रोटीए सात च़ठै। खाणैं च़ार हज़ार मर्ध ई मर्ध बेटल़ी-माठै तै तेता का लाऊआ।
परमेशरे भबना लै कारअ दैणअ
ज़ांऊं ईशू अर तेऊए च़ेल्लै कफरनहूम नगरी पुजै, तिधी पुछ़अ एकी लै कारै गराहणै आल़ै पतरासा का, "थारअ गूरू परमेशरे भबना लै कारअ बी दैआ कि नांईं?" पतरासै बोलअ, "हाँ, दैआ ता दैआ।"
ज़ांऊं पतरास घअरै पुजअ, तेऊए पुछ़णै का आजी हेरअ ईशू तेऊ लै बोली, "शमौन, तूह कै समझ़ा? कि ईंयां पृथूईए राज़ै च़ंदअ या कारअ कहा-कहा का मांगा? आपणैं शोहरू या पराऐ का?"
पतरासै बोलअ, "पराऐ का।"
ईशू बोलअ तेऊ लै, "एऊ साबै गऐ तै शोहरू कारै दैणैं बच़ी।
"तैबी बी दैणअ हाम्हां बी कारअ ताकि तिंयां नराज़ नां होए। तूह कर इहअ, समुंदरे बाढै डेऊ अर कांडअ पाआ म्हाछ़ली लै, ज़ुंण म्हाछ़ली पैहलै तेथ शाचे तैहा आणै। म्हाछ़लीए खाख खोल्ही भेटणअ ताह एक च़ंदीओ सिक्कअ, अर तेऊ निंईं दैऐ मेरै अर आपणैं बदल़ै कारअ।"
फल़ा बाझ़ी फेडूओ बूट
दोत्ती ज़ांऊं ईशू नगरी लै बापस फिरअ, तेऊ आई भुखै। बाते बाढै भाल़अ ईशू एक फेडूओ बूट, ईशू डेऊअ तेऊ बूटा सेटा, पर तेथ निं पाचा छ़ाडी होर किछ़ आथी त, इहअ भाल़ी बोलअ ईशू तेऊ फेडूए बूटा लै, "ऐबै निं एभा पोर्ही ताह दी कधि फल़ लागणै।" सह फेडूओ बूट शुक्कअ तेभी। इहअ भाल़ी हुऐ च़ेल्लै रहैन अर तिंयां लागै बोल्दै, "अह फेडूओ बूट किल्है शुक्कअ?"
ईशू दैनअ तिन्नां लै ज़बाब, "हुंह खोज़ा तम्हां का सत्त कि, ज़ै तम्हैं विश्वास करी बोले अर बैहम नां करे, तम्हैं सका इहअ करी ज़ुंण एऊ फेडूए बूटा संघै किअ। ज़ै तम्हैं ऐहा धारा लै बी बोले कि इधा का डेऊ पेछ़ुई समुंदरा लै! इहअ बी जाणअ हई। ज़ेभै तम्हैं परमेशरा का प्राथणां करी किज़ै मांगे, ज़ै तम्हैं विश्वास करे कि परमेशरा हेरनी ईंयां गल्ला मुल्है दैई, तै जाणीं तिंयां गल्ला तम्हां तेऊ का भेटी।"
तेखअ हुअ इहअ कि तेथ आअ बेघै बडअ ढिश-बागर, अर छ़ाल्ली लागी एतरी कि किश्ती लागी पाणीं करै भरदी।
पर आप्पू त ईशू किश्तीए पिछ़ली कुछी शरैहण लाई दी सुत्तअ द। च़ेल्लै झ़ैऊअ ईशू संघा बोलअ, "हे गूरू, ताह हैल़अ-फिकर निं आथी कि हाम्हैं सोभै च़ाल्लै पाणीं जैंदरी डुबी खतम हई?"
ईशू उझ़ुअ खल़अ संघा नैरी ढिश-बागर एक झांश काढी। समुंदरे छ़ाल्ली नैरी इहअ बोली, "शांत हआ, इधी खल़्हिया।" ढिश-बागर रुकअ तेभी अर समुंदर हुअ शांत, तैबै जाई करै हुई शांती। तैबै बोलअ ईशू तिन्नां लै, "तम्हैं किल्है डरा? तम्हां कै अज़ी बी विश्वास निं हुअ?"भज. 107:29
तिन्नां सोभी फिरअ खास्सअ हैल़अ अर तिंयां लागै आप्पू मांझ़ै इहअ बोल्दै, "अह कुंण आसा, एऊए हर गल्ला मना ढिश-बागर अर समुंदरे छ़ाल्ली बी?"
ज़ांऊं सान्ह च़ाल्ली पल़ी, तेऊए च़ेल्लै आऐ तेऊ सेटा लै अर तिंयां लागै इहअ बोल्दै, "अह आसा बडी कराहणीं ज़ैगा, धैल़अ बी गअ उडी। इना लोगा लै बोल घअरा डेऊणा लै ताकि ओरी-पोरी गराऊंऐं डेऊई ईंयां आप्पू लै खाणैं-पिणैंओ इंतज़ाम करी सके।"
पर ईशू बोलअ तिन्नां लै, "तम्हैं दैआ इना लै खाणां लै।"
तिन्नैं बोलअ ईशू लै, "हाम्हां कै इना सोभी लै दूई शौआ च़ंदीए सिक्कै दैई लाई रोटी आणी लई अर तेखअ खैऊंणी?"
ईशू बोलअ तिन्नां लै, "डेओआ, अर भाल़णीं दैआ हेरुं तम्हां सेटा केतरी रोटी आसा?"
तिन्नैं भाल़ी बोलअ, "हाम्हां का आसा सिधी पांज़ रोटी, अर दूई म्हाछ़ली।"
तेखअ बोलअ ईशू तिन्नां लै, "सोभी बशैल़ा धरनीं हरी घाहा प्रैंदै घेहल़ी दी।" तिंयां सोभ बेठै शौ-शौ अर पज़ाह-पज़ाह करै एकी-एकी घेहल़ी दी।
ईशू ढाकी तिंयां पांज़ रोटी अर दूई म्हाछ़ली हाथै अर सरगा बाखा लै भाल़ी किअ परमेशरो शूकर। तेखअ लागअ रोटी चोल़ी-चोल़ी करै च़ेल्लै का दैंदअ अर तिंयां लागै लोगा लै बांडदै, अर तिंयां दूई म्हाछ़ली बी दैनी सोभी लै बांडी करै।
इहअ करै खैऊई सोभी लोगा का रोटी अर तिंयां सोभ लोग रज्ज़ै। बारा च़ठै भर्हुऐ तिन्नां रोटीए ज़ुंण पिछ़ू बच़ी अर म्हाछ़लीए बी बच़ै कई च़ठै। ज़ेतरै ज़ण्हैं रोटी खाई, तिंयां थिऐ गणी करै कोई पांज़ हज़ार मर्ध ई मर्ध। बेटल़ी अर माठै निं तिन्नैं गणै आथी।
ज़ांऊं तेऊ भाल़अ कि तिंयां च़ेल्लै डरै किश्ती च़लाऊंदी किल्हैकि समुंदरै आअ ढिश-बागर इहअ कि; तिंयां आणै हारी-मारी।
ईशू बी आअ राचकै च़ौथै पहरै समुंदरे पाणीं प्रैंदै च़ेल्लै सेटा लै अर तिन्नां का च़ाहा ती ईशू आजू निखल़णअ। तिन्नैं च़ेल्लै भाल़अ सह समुंदरे पाणीं प्रैंदै हांढदअ। तिन्नैं सोठअ इहअ कि अह आसा भूत। तिन्नैं पाई डरै मारै ज़ोरै-ज़ोरै लैल़ा-पकारा। तिंयां सोभै ज़ण्हैं डरै तेऊ भाल़ी करै। पर ईशू किई तेभी तिन्नां संघै गल्ला संघा बोलअ तिन्नां लै, "हैअ डाहा, डरा निं आथी हुंह आसा।"
ईशू उखल़अ तिन्नें किश्ती दी अर ढिश-बागर मुक्की तेभी। तिंयां सोभ हुऐ रहैन।
च़ऊ हज़ारा लोगा का रोटी खैऊंणी
एकी बारी आऐ भिई खास्सै मणछ ईशू सेटा लै, संघा हुऐ तिंयां तेऊ फेर कठा। ज़ांऊं तिधी तिन्नां तेतरै लोगा का खाणां लै किछ़ै बच़अ,
ईशू शादै आपणैं च़ेल्लै आप्पू सेटा लै संघा बोलअ तिन्नां लै, "मुंह लागी इना लोगे खास्सी झींण। किल्हैकि ईंयां आसा मुंह संघै चिई धैल़ी ओर्ही। ऐबै निं इना का खाणां लै बी किछ़ै बच़अ। इना मांझ़ै आसा कई दूरा-दूरा का आऐ दै, ज़ै हुंह इना भुखै घअरा लै छ़ाडूं, ईंयां रहणैं बाता पल़ी।"
ईशूए च़ेल्लै बोलअ तेऊ लै, "इधी दूर रेगीस्तानै किधा का लाई हाम्हैं एतरी रोटी आणी कि ईंयां एतरै लोग रज्ज़े।"
ईशू पुछ़अ तिन्नां का, "तम्हां का केतरी रोटी आसा?"
तिन्नैं बोलअ, "सात।"
तेखअ बोलअ ईशू तिन्नां च़ेल्लै लै इहअ कि इना लोगा बशैल़ा धरनीं घेहल़ी दी। ईशू तिंयां सात रोटी ढाकी अर परमेशरो शूकर करी चोल़ी।
तेखअ रहअ आपणैं च़ेल्लै हाथै दैंदअ लागी, च़ेल्लै लागै लोगा लै घेहल़ी बांडदै। तिन्नां सेटा ती धख ज़ेही होछ़ी म्हाछ़ली बी, ईशू किअ तेता लै बी परमेशरो शूकर संघा बोलअ तिन्नां बी बांडणां लै।
रोटी अर म्हाछ़ली खाई करै रज्ज़ै तिंयां सोभ लोग, च़ेल्लै भरै पिछ़ू बच़ी दी रोटीए सात च़ठै। तिधी खाणैं आल़ै लोग तै कोई च़ार हज़ार मर्ध ई मर्ध, संघा छ़ाडै ईशू तिंयां सोभ घअरा लै।
फल़ा बाझ़ी फेडूओ बूट
दुजी धैल़ी ज़ांऊं तिंयां बेथनी गराऊंआं का डेऊऐ, ईशू आई भुखै। सह डेऊअ दूरा का एकी फेडूए हरै बूटा भाल़ी तेता सेटा इहअ सोठी करै कि एथ भेटणअ किज़ै खाणां लै, पर तेथ निं पाचा छ़ाडी होर किछ़ भेटअ। किल्हैकि तिंयां धैल़ै नांईं तै फेडू दी फल़ा लागणे आथी। एता लै बोलअ ईशू इहअ, "ताह निं आझ़ा पोर्ही कधि फल़ दैणअ।" तेऊए च़ेल्लै तै शूणैं लागै दै।
शुक्कै दै फेडूए बूटा का सीख
ज़ेभै तिंयां दोत्ती तेस्सी बाती डेऊऐ, तिन्नैं भाल़अ सह फेडूओ बूट च़ुंडी का गोधै तैणीं शुक्कअ द। तैबै फिरी पतरासा सह गल्ल आद संघा बोलअ तेऊ ईशू लै, "हे गूरू, अह फेडूओ बूट ज़हा लै तंऐं फिटक दैनअ त सह शुक्कअ!"
ईशू बोलअ पतरासा लै, "तूह किल्है हुअ रहैन? परमेशरा दी डाहा विश्वास।
"हुंह खोज़ा तम्हां का सत्त कि ज़ुंण विश्वास करी बोले अर बैहम नां करे कि अह धार लोल़ी पेछ़ुई करै समुंदरै पल़ी, सह पल़णीं समुंदरै। आपणैं मन्नैं बैहम निं करी विश्वासा संघै बोलै, तै ज़ुंण तूह बोले सह जाणअ हई।
"हुंह बोला तम्हां लै इहअ, ज़ेभै बी तम्हैं किज़ै प्राथणां करी परमेशरा का मांगे, तम्हैं करै इहअ विश्वास कि ज़ुंण मंऐं मांगअ सह गअ मुंह भेटी। ज़ै तम्हैं इहअ विश्वास करे, परमेशरा हेरनअ सह काम तम्हां लै करी।
"ज़ेभै तम्हैं प्राथणां करे अर थारै मन्नैं कहा लै ज़ीद होए, तिन्नां लै करै माफ, तै करनै थारै बाब परमेशरा ज़ुंण स्वर्गै आसा, थारै पाप बी माफ।"
पैहलै च़ेल्लै शादणैं
ज़ांऊं लोग परमेशरे बैणा शुणदै तेऊ फेर चुटी पल़ा तै, ईशू त गन्नेसरत समुंदरे बाढै खल़्हुअ द अर इहअ हुअ कि तेऊ भाल़ी समुंदरे बाढै दूई किश्ती खल़्हुई दी अर तिंयां म्हाछ़ली ढाकणैं आल़ै तै किश्ती का होथी लागै दै म्हाछ़ली ढाकणें ज़ज़ाल़ा धोंदै।
तिन्नां किश्ती मांझ़ै बेठअ ईशू एकी किश्ती दी ज़ुंण शमौन नाओंए म्हाछ़ली ढाकणैं आल़ेए ती। संघा बोलअ ईशू शमौन पतरासा लै इहअ कि ऐहा किश्ती निंऊं बाढै का धख पाणीं मांझ़ा लै अर तेखअ लागअ तैहा किश्ती प्रैंदा का तिन्नां मणछा लै शिक्षा दैंदअ।
ज़ांऊं सह लोगा लै शिक्षा दैई मुक्कअ, तेखअ बोलअ तेऊ शमौना लै, "किश्ती निंऊं मांझ़ै ज़ेही ज़िधी पाणीं खास्सअ डुघअ आसा अर म्हाछ़ली ढाकणा लै पाआ आपणअ ज़ज़ाल़।"
शमौनै बोलअ ईशू लै, "हे गूरू, हाम्हैं किई सारी राची खास्सी मैन्थ, अर हाम्हां निं किछ़ बी भेटअ! पर तेरै बोलै लणअ हाम्हां ज़ज़ाल़ पाई।" तेखअ किअ तिन्नैं ज़िहअ बोलअ तिहअ ई। तिन्नें ज़ज़ाल़ा दी शाची खास्सी म्हाछ़ली कि तिन्नें ज़ज़ाल़ ई च़ाल्लै धेहल़ुई।
तेखअ शादै तिन्नैं आपणैं होर साथी बी ज़ज़ाल़ा खिंच़दै ज़ुंण दुजी किश्ती दी थिऐ। तिन्नैं भरी दूई किश्ती एही कि किश्ती बी च़ाल्ली पाणीं दी डुबी।
एता भाल़ी पल़अ शमौन पतरास ईशूए च़रणैं संघा लागअ इहअ बोल्दअ, "हे प्रभू! हुंह आसा पापी मणछ मुंह सेटा का डेऊ दूर।" किल्हैकि एतरी म्हाछ़ली ढाकणा लै हुऐ तिंयां सोभ ज़ण्हैं रहैन, तिहअ ई जबदीए शोहरू याकब अर जोहन्ना ज़ुंण शमौने साथी तै, तिंयां बी हुऐ रहैन।
तेखअ बोलअ ईशू शमौना लै, "डरै निं आथी, आझ़ तैणीं तै तम्हैं म्हाछ़ली कठा करदै, पर आझ़ा पोर्ही बणाणैं तम्हां मणछ कठा करी मेरै च़ेल्लै।" तिन्नैं आणी किश्ती समुंदरे बाढा लै अर सोभ गल्ला छ़ाडी लागै ईशू संघै हांढदै।
ढिश-बागर शांत करनअ
तेखअ एकी धैल़ी ईशू अर च़ेल्लै किश्ती दी बेठै अर ईशू बोलअ तिन्नां लै, "च़ाल्ला हाम्हां डेऊणअ समुंदरा पार। तेखअ तिन्नैं बी किश्ती खोल्ही।" पर ज़ांऊं किश्ती पाणीं दी च़लदी लागी, ईशू सुत्तअ अर समुंदरा दी आअ ढिश-बागर अर किश्ती लागी पाणीं करै भरदी अर तिंयां सोभ च़ाल्लै डुबी।
तेखअ झ़ैऊअ तिन्नैं ईशू खल़अ अर तेऊ लै बोलअ, "हे प्रभू, हे मालक हाम्हैं च़ाल्लै खतम हई। तेखअ ईशू झ़ाहल़ काढी नैरी अर ढिश-बागर रुकी, तेखअ जाई करै हुअ चैन।" तेखअ बोलअ ईशू तिन्नां लै, "थारअ विश्वास किधी आसा?" पर तिंयां डरै अर तिंयां हुऐ रहैन अर आप्पू मांझ़ै लागै गल्ला करदै, "अह कुंण आसा? ज़ुंण ढिश-बागर अर समुंदरे छ़ाल्ली लै बी दैआ हुकम अर तिंयां शूणां एऊए हर गल्ला?"
ढिश-बागर शांत करनअ
तेखअ एकी धैल़ी ईशू अर च़ेल्लै किश्ती दी बेठै अर ईशू बोलअ तिन्नां लै, "च़ाल्ला हाम्हां डेऊणअ समुंदरा पार। तेखअ तिन्नैं बी किश्ती खोल्ही।" पर ज़ांऊं किश्ती पाणीं दी च़लदी लागी, ईशू सुत्तअ अर समुंदरा दी आअ ढिश-बागर अर किश्ती लागी पाणीं करै भरदी अर तिंयां सोभ च़ाल्लै डुबी।
तेखअ झ़ैऊअ तिन्नैं ईशू खल़अ अर तेऊ लै बोलअ, "हे प्रभू, हे मालक हाम्हैं च़ाल्लै खतम हई। तेखअ ईशू झ़ाहल़ काढी नैरी अर ढिश-बागर रुकी, तेखअ जाई करै हुअ चैन।" तेखअ बोलअ ईशू तिन्नां लै, "थारअ विश्वास किधी आसा?" पर तिंयां डरै अर तिंयां हुऐ रहैन अर आप्पू मांझ़ै लागै गल्ला करदै, "अह कुंण आसा? ज़ुंण ढिश-बागर अर समुंदरे छ़ाल्ली लै बी दैआ हुकम अर तिंयां शूणां एऊए हर गल्ला?"
भूत शाचअ द मणछ ठीक करनअ
तेखअ पुजै तिंयां समुंदरा पार गरासेनी मुल्खै ज़ुंण समुंदरा पार गलील सम्हनै आसा।
ज़ांऊं सान्ह च़ाल्ली पल़ी, तेऊए बारा च़ेल्लै बोलअ, "इना लोगा लै बोल ऐबै आपणैं घअरा लै डेओआ, ताकि ईंयां किधी गराऊंऐं आप्पू लै रोटी-पाणींओ इंतज़ाम करी सके अर तिधी रहे, किल्हैकि हाम्हैं आसा इधी बडी कांगनरांगी ज़ैगा दी।"
ईशू बोलअ तिन्नां लै, "तम्हैं ई दैआ इना लै खाणां पिणां लै," तिन्नैं दैनअ ईशू लै ज़बाब, "हाम्हां का निं पांज़ रोटी अर दूई म्हाछ़ली छ़ाडी होर किछ़ै आथी। पर हाँ ज़ै हाम्हैं इना लै रोटी मोल आणे लई तै सका हई।" तिन्नैं बोलअ तिन्नां लै इहअ तै कि तिधी थिऐ आऐ दै कोई पांज़ हज़ार लोग, पर ईशू बोलअ च़ेल्लै लै, "इना लोगा बशैल़ा पज़ाह-पज़ाह करै घेहल़ी दी।"
च़ेल्लै बी किअ तिहअ ई अर तिंयां सोभ लोग बशैल़ै घेहल़ी। ईशू ढाकी तिंयां पांज़ रोटी अर दूई म्हाछ़ली हाथै, संघा किअ सरगा बाखा भाल़ी परमेशरा लै शूकर, संघा दैनी रोटी च़ेल्लै लै अर तिन्नैं दैनी लोगा लै बांडी। तेखअ ज़ांऊं तिंयां खाई करै रज्ज़ै, बच़ी दी रोटीए च़कै तिन्नैं बारा च़ठै।
गलील मुल्खे काना गराऊंऐं पैहलअ च़मत्कार
तेखअ चिऊथै धैल़ै त गलील मुल्खै काना गराऊंऐं कसरअ बैह, ईशूए ईज बी थिई तिधी बैहा लै डेऊई दी। ईशू अर तेऊए च़ेल्लै लै बी त बैहा लै छ़ांदअ। ज़ांऊं बरातू लै दाखे रसे कामीं पल़ी। ईशूए ईज लागी बोल्दी, "घअरा आल़ै का निं दाखो रस रहअ।"
ईशू बोलअ तैहा लै इहअ, "ईजै, ताह निं एते फिकर करने ज़रुरत आथी?
"अज़ी निं मेरअ बगत आई।"
तेखअ बोलअ ईशूए ईजै दासा लै, "ज़िहअ-ज़िहअ अह तम्हां लै बोले, तिहअ-तिहअ करै।"
तिधी थिऐ यहूदी मणछे हाथा-खूरा धोई शुचै हणें रबाज़े साबै पात्थरे छ़ह घल़ै डाहै दै, ज़ेथ भितरी दूई-दूई, चअन-चअन मण एछा त। ईशू बोलअ तिन्नां लै, "इना घल़ै दी भरा पाणीं।" तिन्नैं भरै तिंयां घल़ै टिरा बहूंदै। तेखअ बोलअ ईशू तिन्नां दासा लै, "ऐबै निंयां एता का काढी शैहणा सेटा।" तिन्नैं बी किअ तेखअ तिहअ ई।
ज़ांऊं शैहणै सह पाणीं च़ाखअ, सह थिअ दाखो रस गअ द बणी, पर तेऊ का निं थोघ त कि अह किधा का आणअ। पर तिन्नां दासा का थिअ थोघ ज़ुंणी सह पाणीं काढअ त। तेखअ शादअ शैहण गरांईं लाल़अ अर तेऊ लै बोलअ, "सोभ मणछ दैआ पैहलै बधिया दाखो रस अर ज़ांऊं लोग झुटी करै रज्ज़ा, ताऊं दैआ सह फिक्कअ ज़िहअ। पर तंऐं आसा डाहअ द सोभी का बधिया दाखो रस अज़ी बी पिछ़ू!"
ईशू किई गलील मुल्खे काना गराऊंऐं अह पैहलअ नछ़ैण रहैऊई करै आपणैं प्रतप्पा प्रगट अर तेऊए च़ेल्लै बी हुअ तेऊ दी विश्वास कि अह आसा मसीहा।
अह गल्ल बोली ती ईशू तिन्नां परखणां लै, पर ईशू ज़ाणा त आप्पै कि तेऊ कै लागा करनअ।
फलिप्पै दैनअ ज़बाब, "दूई शौआ च़ंदीए सिक्कै दैई बी ज़ै रोटी लई आणे, तिंयां बी निं इना लोगा लै थोल़ी-थोल़ी बांडी करै बी पूरी हणीं।"
च़ेल्लै मांझ़ा का बोलअ शमौन पतरासे भाई आन्दरू, "इधी आसा एकी लान्हैं का ज़ौए पांज़ रोटी अर दूई म्हाछ़ली, पर एतरै लोगा लै तिंयां कै च़ाल्ली हई?"
ईशू बोलअ तिन्नां लै, "सोभी लोगा बशैल़ा घेहल़ी दी।" तैहा ज़ैगा त बेशणा लै बधिया घाहा, तिधी बेठै पांज़ हज़ार मर्ध ई मर्ध अर बेटल़ी माठै तै लाऊआ। ईशू ढाकी रोटी आपणैं हाथै संघा बांडी परमेशरो शूकर करी लोगा लै घेहल़ी अर म्हाछ़ली बी बांडी ज़ेतरी तिंयां च़ाहा तै। ज़ांऊं लोग खाई करै रज्ज़ै, ईशू बोलअ आपणैं च़ेल्लै लै, "पिछ़ू बच़ी दी रोटी करा कठा, ढेक्का निं शोटी।" च़ेल्लै किई सारी रोटी कठा, तिन्नां पांज़ ज़ौए रोटी का भर्हुऐ बारा च़ठै तिन्नां रोटीए ज़ुंण पिछ़ू बच़ी।
तिंयां पुजै किश्ती च़लाऊंदी कोई च़ार पांज़ मील समुंदरा मांझ़ै। तिन्नां का शुझुअ ईशू समुंदरा मांझ़ै पाणीं प्रैंदै हांढदअ अर किश्ती बाखा लै एछदअ अर तिंयां डरै। पर ईशू बोलअ तिन्नां लै, "हुंह आसा, डरा निं आथी।" तेखअ हुऐ तिंयां तेऊ किश्ती दी बशैल़णा लै तैर अर तेखअ पुजी तेभी किश्ती तैहा ज़ैगा ज़िधा लै तिंयां च़ाल्लै तै।
तिबरियस समुंदरे बाढै च़ेल्लै लै प्रगट हणअ
इना गल्ला हणैं का बाद हुअ ईशू तिबरियस समुंदरे बाढै आपणैं च़ेल्लै सेटा प्रगट। तिधी हुअ इहअ कि शमौन पतरास अर थोमा ज़हा लै दिमुस बोला, अर गलील मुल्खे काना नगरी का थिऐ होर बी, नतनेल अर जबदीओ शोहरू अर ईशूए च़ेल्लै मांझ़ा का बी तै दूई होर च़ेल्लै तिधी कठा हुऐ दै।
शमौन पतरासै बोलअ तिन्नां लै, "तम्हैं बेशा अर हुंह आणू तम्हां लै म्हाछ़ली ढाकी।"
पर तिन्नैं बोलअ, "हाम्हैं बी च़ाल्लै ताह संघै।" तिंयां सोभ ज़ण्हैं किश्ती दी बेठै पर सारी राची निं तिन्नां किछ़ भेटअ।
ज़ांऊं राच भैई, ईशू खल़्हुअ समुंदरे बाढै पर तिन्नैं च़ेल्लै निं तज़ी बी सह बछ़ैणअ कि अह आसा प्रभू ईशू। तेखअ बोलअ ईशू तिन्नां लै, "लान्हैंओ, तम्हां का किज़ै खाणां लै बी आसा?"
तिन्नैं बोलअ, "किछ़ निं आथी।"
तेखअ बोलअ ईशू तिन्नां लै, "किश्तीए दैहणीं बाखा शोटा ज़ज़ाल़ तेथ भेटणीं तम्हां म्हाछ़ली।" तेखअ तिन्नैं किअ तिहअ ई। कै हुअ कि तेऊ ज़ज़ाल़ा दी शाची एतरी म्हाछ़ली कि ज़ज़ाल़ निस्सअ तिन्नें पाणीं का उझै खिंच़ुई।
इहअ करै तेऊ च़ेल्लै ज़हा लै ईशू झ़ूरी करा त, तेऊ बोलअ पतरासा लै, "अह ता म्हारअ प्रभू आसा।" शमौन पतरासै ज़ांऊं इहअ शूणअ कि प्रभू ईशू आसा, तेऊ बान्हअ च़ोल़अ किल्हैकि तेऊए आधी घेर ती नांगी अर तेऊ दैनी समुंदरे छ़ाहल़ अर सह पुजअ तैरी करै प्रभू ईशू सेटा सोभी का आजी, पर होर च़ेल्लै आऐ किश्ती दी बेशी म्हाछ़ली करै भरै ज़ज़ाल़ा खिंच़दी, समुंदरे बाढा का तै तिंयां कोई दूई शौ हाथ दूर।
ज़ांऊं तिंयां समुंदरे बाढै पुजै, तिन्नैं कै भाल़अ कि तिधी आसा कोयले आग अर तेथ प्रैंदै आसा म्हाछ़ली डाही दी सिटणा लै छ़ड़ाऊई अर रोटी बी आसा।
ईशू बोलअ तिन्नां लै, "ज़ुंण म्हाछ़ली तम्हैं एभै ढाकी, तेता मांझ़ा का दैआ थोल़ी ज़ेही।" शमौन पतरास उखल़अ किश्ती दी अर बडी-बडी म्हाछ़ली करै टिरा बहूंदअ ज़ज़ाल़ खिंच़अ समुंदरे बाढा शुक्की ज़ैगा लै। पर साबा का खास्सी म्हाछ़ली हई बी निं सह ज़ज़ाल़ धेहल़ुअ।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
सैने एकी दरबारीओ विश्वास
ईशू डेऊअ कफरनहूम नगरी लै, तिधी आअ एक सुबैदार ईशू सेटा लै संघा लागअ एही अरज़ करदअ, "हे प्रभू, मेरै आसा घअरै एक दास च़ैन्नै सुत्तअ द खास्सअ दुखी तेऊ आसा दरंग हुअ द।"
ईशू बोलअ तेऊ लै इहअ, "हुंह आअ तेरै घअरा लै, तेऊ करूं हुंह नरोगै।"
सुबैदारै बोलअ ईशू लै, "हे प्रभू, हुंह निं एता जोगी आथी कि तूह मेरै घअरै एछी सके। तूह कर इधी का हुकम अर मेरअ दास जाणअ नरोगअ हई, एतो आसा मुंह पाक्कअ भरोस्सअ।
"किल्हैकि हुंह आसा आप्पू बी सरकारी दास अर मुंह आसा आप्पू उंधै काम करनै आल़ै सपाही लै हुकम करनैओ हक। ज़ांऊं हुंह कहा लै पोर्ही डेऊणा लै बोला, सह डेओआ पोर्ही अर ज़हा लै ओर्ही एछणा लै बोला, सह एछा ओर्ही अर आपणैं दासा लै बोला हुंह कि इहअ कर, सह करा तिहअ ई।"
ईशू हुअ तेऊए गल्ला शूणीं रहैन। तेऊ बोलअ तिन्नां लै ज़ुंण तेऊ पिछ़ू तै हांढदै लागै दै, "हुंह खोज़ा तम्हां का सत्त कि मंऐं निं एऊ होरी ज़ातीए मणछा ज़िहअ विश्वास पूरै इज़राईला दी भाल़अ। हुंह बोला तम्हां लै इहअ कि च़ऊ दिशा का एछी बेशणै लोग आबराम, याकब अर इसहाका संघै स्वर्गे राज़ा दी।
"पर ज़हा यहूदी लै परमेशरै राज़ दैणअ किअ त, तिंयां काढणैं बागै न्हैरी जम्परी लै। तिधी हणैं तिंयां लैल़ा लांदै अर दाहे झोशा करै दांदा कटिल्लदै लागै दै।"
तेखअ बोलअ ईशू तेऊ सुबैदारा लै, "घअरा लै डेऊ, ज़िहअ तूह विश्वास करा, ताल्है लोल़ी तिहअ ई हुअ" सुबैदारो दास हुअ तेभी नरोगअ।
भूत शाचै दै मणछ किऐ राम्बल़ै
तिंयां पुजै समुंदरा पार गरासेनी मुल्खै, तिधी आऐ दूई मणछ मल्थाना का, तिन्नां दी थिऐ भूत शाचै दै, तिंयां मणछ थिऐ एतरै बूरै कि तिन्नां डरै निं तैहा बाता कोहै डेऊई सकदअ त।
ज़ांऊं तिन्नां का ईशू शुझुअ, तिन्नैं बोलअ बडी-बडी लैल़ा पाई ईशू लै, "हे परमेशरे पूता, तूह इधी किज़ू आअ? तंऐं कै म्हारअ बगत एछणैं का आजी लाई हाम्हां लै सज़ा दैई?"
तिन्नां का दूर ज़िहअ त तिधी धारठी एक सुंगरो बडअ छ़ुंड च़रदअ लागअ द। तिन्नैं भूतै किई ईशू का एही अरज़, "ज़ै तंऐं हाम्हैं इना मणछा का पोर्ही लाई काढी, तै दै हाम्हां इना सुंगरे छ़ुंडा दी डेऊणे ज़ाज़त।"
ईशू बोलअ तिन्नां लै, "डेओआ," अर तिंयां पेठी सुंगरे छ़ुंडा दी। सह सुंगरो छ़ुंड हुअ बेगरअ अर तिन्नैं दैनी समुंदरा लै छ़ाहल़ा। इहअ करै सारअ सुंगरो छ़ुंड हुअ पाणीं जैंदरी मरी खतम।
इहअ भाल़ी ठुर्है तिंयां सुंगरा गुआल़ै तिधा का। घअरै डेऊई खोज़अ तिन्नैं सारी नगरी तिन्नां भूता आल़ै मणछो हाल कि किहअ-किहअ हुअ। इना गल्ला शूणीं आऐ सारी नगरीए लोग ईशू सेटा अर तिंयां सोभ लोग लागै ईशू का एही अरज़ करदै "म्हारै एऊ मुल्खा का डेऊ बागै।"
एक काल्लअ ठीक करनअ
ज़ांऊं तिंयां दूई मणछ नरोगै हई बागै तै डेऊंदै लागै दै, तिधी आणअ लोगै ईशू सेटा लै एक काल्लअ मणछ। तेऊ दी त भूत शाचअ द। ज़ांऊं तेऊ काल्लै का भूत पोर्ही निखल़अ, सह काल्लअ लागअ गल्ला करदअ, अर तिधी सोभ लोग हुऐ रहैन कि इहअ च़मत्कार निं एऊ इज़राईल देशै आझ़ तैणीं कधि भाल़अ।
ईशू अर भूतो राज़अ
तेखअ आणअ तिधी लोगै एक मणछ, सह थिअ कांणअ बी अर काल्लअ बी। तेऊ दी त भूत शाचअ द। ईशू किअ सह नरोगअ अर सह लागअ तेभी भाल़अ अर गल्ला करदअ।
कनानी बेटल़ीओ विश्वास
ईशू लागअ तेखअ गलील मुल्खा का हांढदअ अर संघा पुजअ सह सूर अर सैदा मुल्खै। तिधी आई एक कनानी बेटल़ी अर सह लागी ज़ोरै-ज़ोरै बोल्दी, "हे प्रभू, दाबेदे लुआद मुल्है कर झींण, मेरी शोहरीए लाऐ भूतै बूरै हाल करी।"
पर ईशू निं तैहा लै कोई बी ज़बाब दैनअ। तेखअ किई च़ेल्लै ईशू सेटा अरज़, "हे प्रभू, ऐहा लै बोल पोर्ही डेऊणा लै, अह आसा लागी दी हाम्हां पिछ़ू लैल़ा लाई ठुहर्दी ऐहा लाऐ हाम्हैं तंग करी।"
ईशू बोलअ तैहा लै इहअ, "हुंह आसा परमेशरै सिधअ इज़राईली मणछा सेटा लै छ़ाडअ द, किल्हैकि तिंयां आसा कबाता पेठी दी भेडा ज़िहै।"
पर सह आई तैबी अर ईशू सेटा माथअ टेक्कअ संघा बोलअ, "हे प्रभू, मेरी मज़त कर।"
ईशू बोलअ तैहा लै इहअ, "अह गल्ल निं ठीक लागणीं कि लान्हैं लै चाणी दी रोटी कुक्करा लै दैए!"
तैहा बोलअ ईशू लै इहअ, "हाँ प्रभू अह गल्ल आसा ठीक पर हे प्रभू, कुक्करा बी हआ ठोर-म्हारा न्हैल़ै लागै दै ज़ुंण लान्हैं का छ़ुटा।"
ऐहा गल्ला शूणीं बोलअ ईशू तैहा लै, "हे ज़नानी, तेरअ विश्वास महान, ताल्है लोल़ी ज़िहअ तूह च़ाहा तिहअ ई हुअ।" तेसे शोहरी हुई तैहा ई घल़ी नरोगी।
मिर्गिए बमारी आल़अ लान्हअ किअ नरोगअ
ज़ांऊं तिंयां खास्सै मणछा सेटा पुजै, एक मणछ आअ तिन्नां सेटा अर माथअ टेक्की करै लागअ सह बोल्दअ, "हे प्रभू, मेरै शोहरू लै कर झींण, तेऊ पल़ा मिर्गिए दौरै, केभै बधल़िआ सह तेता करै पाणीं जैंदरी अर केभै बधल़िआ सह आगी जैंदरी। तेऊ हआ तेता करै खास्सी तकलिफ। मंऐं बोलअ तेरै च़ेल्लै का बी कि एऊ भूता काढा एऊ का पोर्ही। पर तिंयां निं एऊ नरोगै करी सकै।"
ईशू बोलअ तिन्नां लै, "हे बैहम करनै आल़ै हठी लोगो, मुंह कधू तैणीं रहणअ तम्हां संघा कि तम्हैं विश्वास करे? मुंह केभै तैणीं रहणअ तम्हां न्हैल़ै लागी कि तम्हैं भरोस्सअ करे? ओर्ही आणा एऊ लान्हैं इधी मुंह सेटा लै!" तेखअ नैरअ ईशू सह भूत अर भूत निखल़अ तेऊ का दूर अर सह शोहरू हुअ तेभी नरोगअ।
तिन्नें सभागृहा थिअ तिधी एक मणछ, तेऊ दी थिअ भूत शाचअ द। तेऊ पाई ज़ोरै-ज़ोरै हाक्का संघा लागअ इहअ बोल्दअ, "हे ईशू नासरी, हाम्हां भूता निं ताह संघै किछ़ै काम आथी! तूह कै हाम्हां खतम करदअ आसा आअ द? मुखा आसा थोघ कि तूह कुंण आसा, तूह आसा परमेशरै छ़ाडअ द पबित्र।"
ईशू लागअ तिन्नां भूता नैरदअ, "च़ुप्पी रहा, अर एऊ मणछा का निखल़ पोर्ही।" तिंयां भूत निखल़ै तेभी तेऊ मणछा मरोक्की करै अर लैल़ा-क्रिंगा पांदी दूर।
भूत शाचअ द मणछ ठीक करनअ
तिंयां पुजै समुंदरा पार गरासेनी मुल्खै अर ज़ांऊं ईशू किश्ती का होथअ, तेभी आअ एक मणछ तेऊ मणछा दी थिअ भूत शाचअ द। सह मणछ आअ मल्थाना का ईशू सेटा लै ठुर्ही। सह रहा त मल्थानै ई। तेऊ निं शांघल़ी करै बी बान्हीं सकदै तै।
किल्हैकि लोगै बान्हअ त सह शांघल़ी करै बी, पर सह पाआ त तेता बी चोल़ी अर तेऊ निं कोहै काबू करी सकदअ त। सह रहा त धैल़ी-राची मल्थानै अर नाल़ै-धारा ज़ोरै-ज़ोरै हाक्का लैल़ा लांदी ठुल़्दअ लागी। आपणीं घेरी करा त सह तिछै पात्थरा करै क्रिंज़ा पाई छ़िन्ह-बिन्ह।
ज़ांऊं तेऊ का ईशू शुझुअ, सह आअ दूरा का ठुर्ही। ईशू सेटा धरनीं उटअ पल़ी बोलअ तेऊ लैल़ा पाई इहअ "हे ईशू परम प्रधान परमेशरे पूता, मेरअ ताह संघै कै मेल़-ज़ोल़? हुंह दैआ ताल्है परमेशरे कसम कि तूह निं मुल्है दुख दैई।" किल्हैकि ईशू बोलअ त तेऊ लै इहअ, "भूता, एऊ मणछा का निखल़ पोर्ही।"
ईशू पुछ़अ तेऊ का, "ताह नाअं किज़ै आसा?"
तेऊ दैनअ ईशू लै ज़बाब, "मुंह नाअं आसा सैना, किल्हैकि हाम्हैं आसा खास्सै।" तेऊ किई ईशू का खास्सी अरज़ कि हाम्हां निं एऊ मुल्खा का बागै काढी।
तिधी धारठी थिअ खास्सै सुंगरो एक छ़ुंड च़रदअ लागअ द, तिन्नैं भूतै किई ईशू का एही अरज़, "हाम्हां दै इना सुंगरा जैंदरी डेऊणैं, ताकि हाम्हैं इना भितरी पेशी सके।"
तेखअ दैनी ईशू तिन्नां लै ज़ाज़त कि तिंयां सुंगरा दी पेठे। तिंयां भूत पेठै तेऊ मणछा का निखल़ी सुंगरा भितरी। तिन्नां सुंगरे छ़ुंडा दी तै खास्सै सुंगर कोई दूई हज़ार। तिंयां सुंगर हुऐ पठी बेगरै संघा पल़ै तिंयां धारठी प्रैंदा का समुंदरे पाणीं जैंदरी। इहअ करै हुऐ तिंयां सुंगर सोभ खतम।
तिंयां सुंगरा गुआल़ै ठुर्है तिधा का आपणीं नगरी अर गराऊंआं लै संघा खोज़अ तिन्नैं इना गल्लो सारअ समाद नगरी दी, नगरी का आऐ खास्सै मणछ तिधी भाल़ै।
"पर तम्हैं बोला इहअ, ‘ज़ै कुंण मणछ आपणैं ईजा-बाबा लै इहअ बोले कि ज़ुंण किछ़ हाम्हां तम्हां लै दैणअ त सह हेरअ हाम्हैं परमेशरा लै अर्पण करी दैई। ऐबै निं हाम्हैं थारी मज़त करी सकदै।’
"इहअ करै निं तम्हैं तेऊ मणछा आपणैं ईजा-बाबे च़ाकरी करनै दैंदै। इहअ करै ज़ुंण तम्हैं आपणैं रिती-रबाज़ आसा बणाऐं दै तेता करै छ़ाडा तम्हैं परमेशरो हुकम मनणअ अर तम्हैं करा इहै कई काम।"
मणछा छ़ोत लाणैं आल़ी गल्ला
तेखअ शादै ईशू तिंयां लोग आप्पू सेटा लै संघा बोलअ इहअ, "तम्हैं सोभ शूणां मेरी गल्ला अर समझ़ा। एही निं किछ़ै च़ीज़ आथी ज़ुंण बागा का मणछे पेटै पेशी करै छ़ोत लाआ, पर ज़ुंण मणछे मना का बागै निखल़ा तेता करै लागा तेऊ छ़ोत।
कनानी बेटल़ीओ विश्वास
ईशू लागअ तेखअ गलील मुल्खा का हांढदअ अर तेखअ पुजअ सह सूर सैदा मुल्खै। तिधी एकी घअरै पुजी च़ाहअ त ईशू इहअ कि मेरअ थोघ निं लोल़ी होरी कोही का लागअ कि इधी आसा, पर लोगा का गअ थोघ लागी।
तिधी गई तेभी एक बेटल़ी एछी, तेसे होछ़ी शोहरी दी त भूत शाचअ द, सह आई ईशूए बारै शूणीं तिधी अर सह पल़ी ईशूए च़रणैं। सह थिई यूनानी अर सिरीया मुल्खे सुरूफिनीकी नगरी का। तैहा किई ईशू सेटा अरज़ कि मेरी शोहरी आसा भूत शाचअ द तेऊ भूता काढ तैहा का पोर्ही।
ईशू बोलअ तैहा बेटल़ी लै, "पैहलै दै लान्हैं रज्ज़ी लणैं, किल्हैकि अह गल्ल निं ठीक लागणीं कि लान्हैं लै चाणी दी रोटी कुक्करा लै दैए!"
तैहा बोलअ ईशू लै, "अह गल्ल आसा ठीक, पर हे प्रभू; कुक्करा बी हआ लान्हैं खोल़ै शोटै दै ठोर म्हारा न्हैल़ै लागै दै।"
तेखअ बोलअ ईशू तैहा लै, "तंऐं दैनअ ठीक ज़बाब! तूह डेऊ ऐबै आपणैं घअरा लै, भूत गअ तेरी शोहरी का निखल़ी।" तैहा भाल़अ आपणैं घअरै पुजी कि भूत गअ तैहा शोहरी का निखल़ी शोहरी ती राम्बल़ी गई दी हई।
तिधी कठा हुऐ दै खास्सै मणछा मांझ़ा का बोलअ एकी ईशू लै, "हे गूरू, मंऐं आसा आपणअ शोहरू ताह सेटा लै आणअ द तेऊ दी आसा काल्लअ भूत शाचअ द। ज़िधी बी एऊ अह भूत एछा अह पल़ा तेभै धरनीं लाम्मअ, संघा निखल़ा एऊए खाखा का शेफा, अह कीला आपणैं दांद अर तेखअ फिरा अह ल़ेल़अ।
"मंऐं बोलअ तेरै च़ेल्लै का बी कि एऊ भूता काढा एऊ का पोर्ही पर इने भलै निस्सअ अह निखल़ी।"
इहअ शूणीं बोलअ ईशू तिन्नां लै, "हे बैहम करनै आल़ै लोगो! मुंह कधू तैणीं रहणअ तम्हां संघा कि तम्हैं विश्वास करे? मुंह केभै तैणीं रहणअ तम्हां न्हैल़ै लागी कि तम्हैं विश्वास करे? ओर्ही आणा एऊ लान्हैं मुंह सेटा लै!"
तिन्नैं आणअ सह ईशू सेटा लै अर ज़ांऊं ईशू सह भाल़अ, तेऊ भूतै मरोक्कअ सह मणछ धरनीं माट्टै जैंदरी बदल़ी अर तेऊए खाखा का निखल़ी शेफा।
तिन्नैं पुछ़अ तेऊए बाब का, "एऊए अह एही हालत कधू ओर्ही आसा?" तेऊए बाब बोलअ, "एऊओ आसा अह हाल होछ़ी उझै, एऊ भूतै, अह हारी-मारी आणअ, केभै शोटअ अह तेऊ भूतै पाणीं जैंदरी, केभै शोटअ आगी जैंदरी, ज़ै तूह किज़ै करी सका, हाम्हां लै कर झींण अर एऊ कर ठीक।"
ईशू बोलअ तेऊ लै, "ज़ै तूह करी सका, अह कै गल्ल हुई? विश्वास करनै आल़ै लै सका सोभ गल्ला हई।"
शोहरूए बाबा का छ़ुटै तेभी लेरा लाई आशू अर तेऊ बोलअ, "हे ईशू, मुंह आसा विश्वास कि तूह सका मेरी मज़त करी पर मेरअ विश्वास निं पाक्कअ आथी। तूह कर मेरी मज़त ताकि मेरअ विश्वास पाक्कअ होए।"
ज़ांऊं ईशू भाल़अ कि तिधी झाल़्हुऐ खास्सै मणछ, तेखअ नैरअ सह भूत ईशू सह भूत इहअ बोली, "काल्लै-टौणैं भूता, हुंह बोला ताल्है एऊ शोहरूए देही का निखल़ पोर्ही, एथ निं तूह भिई फिरी एछदअ लागी।"
तेखअ पाई तेऊ भूतै ज़ोरै-ज़ोरै लैल़ा-क्रुंगा, संघा निखल़अ तेऊ शोहरू मरोक्की करै पोर्ही अर सह शोहरू रहअ धरनीं नर्तान पल़ी। तेऊ भाल़ी लागै लोग बोल्दै कि एऊ शोहरू शोटै प्राण। पर ईशू ढाकअ तेऊ शोहरूओ हाथ, अर सह शोहरू उझ़ुअ खल़अ।
पतरासे शाशअ अर कई रोगी नरोगै करनै
तेखअ डेऊअ ईशू सभागृहा का उझ़ुई करै शमौने घअरा लै अर शमौन पतरासे शाशुई त खास्सअ ज़अर आअ द अर तिन्नैं किई तैहा लै अरज़ कि हे प्रभू एसो ज़अर कर दूर। ईशू दैनअ तैहा सेटा खल़्हुई ज़अरा लै डेऊणेओ हुकम, ज़अर मुक्कअ तेभी अर सह हुई तेभी राम्बल़ी संघा लागी सह च़ाकरी करदी।
ज़ांऊं तिंयां पार बाढै होथै, तिन्नां भेटअ तैहा नगरीओ एक मणछ, तेऊ दी त भूत शाचअ द अर सह निं झिकल़ै बी बान्हदअ त अर नां सह घअरै रहंदअ त, सह रहा त मल्थाना दी।
तेऊ पाई ईशू भाल़ी लैल़ा अर ईशू सेटा बधल़ूई करै ज़ोरै-ज़ोरै बोलअ, "हे परम प्रधान परमेशरो पूत ईशू, म्हारअ ताह संघै किज़ै मेल़-ज़ोल़? हुंह करा ताखा अरज़ कि मुल्है निं कष्ट दैई।" तेऊ बोलअ इहअ तै कि ईशू दैनअ भूता तेऊ का पोर्ही निखल़णेंओ हुकम। किल्हैकि भूत करा त तेभा-तेभी तेऊ करै उपद्रभ, लोग; डाहा तै तेऊ शांघल़ी करै बान्हीं पर सह पाआ त तिन्नां बी चोल़ी अर भूत दरल़ाऊआ त तेऊ सारै उज़र रेगीस्तानै।
ईशू पुछ़अ तेऊ का, "ताह नाअं किज़ै आसा?" तेऊ दैनअ ज़बाब, "सैना" किल्हैकि तिंयां थिऐ खास्सै भूत। तिन्नैं भूतै किई ईशू का अरज़, "हाम्हां निं तेऊ नथहऐ कूंडा दी पाई ज़ेथ परमेशर भूता लै सज़ा दैआ।"
तिधी त धारठी लागअ द एक सुंगरो बडअ छ़ुंड च़रदअ अर तिन्नैं किई ईशू का अरज़, "हाम्हां दै एथ पेशणैं अर ईशू बी दैनअ तिन्नां तेथ डेऊणैं।" तेऊ का निखल़ै भूत पोर्ही अर तिंयां पेठै सुंगरे छ़ुंडा दी अर सारै सुंगर हुऐ बेगरै अर तिंयां पेठै समुंदरे डुघै पाणीं दी अर मूंऐं।
इहअ भाल़ी तिंयां सुंगरा गुआल़ै तिधा का ठुर्है अर नगरी गराऊंऐं दैनअ ऐहा गल्लो समाद। लोग आऐ एता भाल़ै, ईशू सेटा एछी ज़हा दी सह भूत निखल़अ त, सह भाल़अ तिन्नैं ईशूए च़रणा सेटा राम्बल़अ, झिकल़ै बान्हीं बेठअ द तेऊ भाल़ी डरै तिंयां सोभ।
हुंह खोज़ा तम्हां का सत्त कि ज़ुंण इधी आसा खल़्हुऐ दै, तिन्नां मांझ़ै आसा कई इहै बी, तिन्नें निं तेभै तैणीं मौत हणीं ज़ेभै तैणीं तिंयां परमेशरो राज़ भाल़ी निं हेरे।"
ईशूए काया बधल़णीं
इना गल्ला हणैं का बाद डेऊअ कोई आठा धैल़ै बाद पतरास अर जोहन्ना अर याकबा संघा निंईं करै धारा प्रैंदा लै प्राथणां करदअ। ज़ांऊं ईशू प्राथणां करदअ त लागअ द, ईशूए मुंहों रूप बधल़ुअ अर तेऊए झिकल़ै हुऐ शेतै अर तिंयां लागै च़मकदै। परमेशरो गूर मोसा अर एलियाह लागै दुहै ईशू संघै गल्ला करदै। तिंयां शुझुऐ बडी प्रतप्पा संघै अर तिंयां लागै ईशूए मरने गल्ला करदै ज़िहअ-ज़िहअ एरुशलेम नगरी दी आजू हणैं आल़अ त।
पतरास अर तेऊए होर साथी तै निंजै भर्हुऐ दै अर ज़ांऊं तिंयां राम्बल़ै बिऊंछ़ुऐ, तेखअ शुझुई तिन्नां का ईशू झ़ामण लागअ द अर तिन्नां का शुझुअ इहअ बी कि दूई ज़ण्हैं आसा होर ईशू संघै खल़्हुऐ दै। ज़ांऊं तिंयां दूई तेऊ सेटा का बापस डेऊंदै लागै, पतरासै ईशू का बोलअ, "हे मालक, अह हुअ ठीक कि हाम्हैं आसा इधी, हाम्हां बणाणैं इधी चअन मंडप, एक ताल्है, एक परमेशरे गूर मोसा लै अर एक परमेशरे गूर एलियाह लै।" पर पतरासा का निं थोघै त कि सह किज़ै बोला।
तिन्नां लोगे जेल्ह-मरेल्ही जैंदरा का पाई एकी हाक्का, "हे गूरू," हुंह करा ताखा अरज़ कि मेरै शोहरू लै कर झींण, मेरअ आसा सह एक्कै पूत। तेऊ दी आसा एक भूत शाचअ द अर सह लाआ लैल़ा-पकारा, अर सह मरोक्का तेऊ इहै कि तेऊ का निखल़ा शेफा अर सह हआ धरनीं चाछल़दअ अर तेऊ हआ बेघै खास्सी दाह। "मंऐं किई ती तेरै च़ेल्लै सेटा बी अरज़ कि एऊ भूता काढ पोर्ही पर इने भलै निस्सअ अह निखल़ी।"
ईशू बोलअ, "हे बैहम करनै आल़ै अर हठी लोगो, मुंह कधू तैणीं रहणअ तम्हां संघा कि तम्हैं विश्वास करे? मुंह केभै तैणीं रहणअ तम्हां न्हैल़ै लागी कि तम्हैं विश्वास करे? आपणैं शोहरू आण ओर्ही।" सह थिअ एछदअ ई लागअ द कि भूतै शोटअ सह शोहरू मरोक्की करै धरनीं। ईशू नैरअ तेभी सह भूत, "पोर्ही निखल़।" सह शोहरू हुअ तेभी नरोगअ, संघा सभाल़अ ईशू सह शोहरू तेऊए बाब का। तेखअ हुऐ सोभ लोग परमेशरे इहै महान शगतीए कामां भाल़ी रहैन।
ईशू बोलअ भिई आपणीं मौत हणें बारै
पर ज़ांऊं सोभै लोग तेऊ किऐ दै तिन्नां कामां भाल़ी रहैन थिऐ हुऐ दै, तेखअ बोलअ ईशू आपणैं च़ेल्लै लै,
ईशू अर भूतो राज़अ
तेखअ ईशू एकी मणछा का काढअ एक काल्लअ भूत। ज़ांऊं सह भूत तेऊ का पोर्ही निखल़अ, सह काल्लअ मणछ लागअ गल्ला करदअ अर लोग हुऐ खास्सै रहैन।
तिन्नां मांझ़ै बाही एकी माहा प्रोहते दासा लै तलबारा करै अर तेऊओ दैहणअ कान शोटअ धरनीं।
एता लै बोलअ ईशू, "हुअ इहअ निं करा" संघा लाअ ईशू तेऊओ कान बापस अर सह हुअ ज़ाथी तिहअ ई ताज़अ-नरोगअ।
ज़ांऊं जोहन्ना छ़ाडै दै दूत तिधा का डेऊऐ, ईशू लागअ जोहन्ने बारै लोगा का बोल्दअ, "तम्हैं रेगीस्तानै किज़ू भाल़ै डेऊऐ तै, बागरी करै च़ुक्कदी नगाल़ै? तै तम्हैं किज़ू भाल़ै डेऊऐ तै? नरम झिकल़ै बान्हैं दै मणछा? शूणां, इहै झिकल़ै ज़ुंण लोगा लोभा तिन्नां बान्हणैं आल़ै अर आल-मस्ती दी रहणैं आल़ै रहा राज़ मैहलै। तै तम्हैं किज़ू भाल़ै डेऊऐ तै? कहा परमेशरे गूरा भाल़ै? हाँ, हुंह खोज़ा तम्हां का कि तम्हैं डेऊऐ तै परमेशरे गूरा का बी बडै भाल़ै। अह आसा सह ई ज़सरै बारै पबित्र शास्त्रा दी इहअ आसा लिखअ द,
मला. 3:1; ईशा. 40:3 ‘भाल़, मंऐं छ़ाडअ आपणअ दूत ताह आजू-आजू
ताकि सह तेरै एछणें धैल़ी लै ताल्है लोगा तैरी डाहे।’
"हुंह खोज़ा तम्हां का ज़ुंण बेटल़ी का ज़ल्मैं दै आसा, तिन्नां मांझ़ै निं जोहन्ना का बडअ कोहै आथी। पर ज़ुंण परमेशरे राज़ा दी होछ़ै का होछ़अ आसा, सह आसा तेऊ का बी बडअ।"
तिन्नैं सोभी लोगै ज़ांऊं ईशूए ईंयां गल्ला शूणीं, तिधी थिऐ कारै गराहणै आल़ै बी ज़ुंणी जोहन्ना का डुबकी ती लई दी, तिन्नैं मनअ परमेशर शुचअ। पर फरीसी अर शास्त्री समझ़ी परमेशरे सह सोठ नकदरी ज़ुंण तिन्नां लै ती किल्हैकि तिन्नैं निं जोहन्ना का डुबकी लई।