Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
यीशुए तिना री तरफा खे देखेया और बोलेया, "माणूंआ ते तो ये ऊई नि सकदा, पर परमेशरो ते सब कुछ ऊई सकोआ।"
यीशुए तिना री तरफा खे देखेया और बोलेया, "माणूंआ ते तो ये ऊई नि सकदा, पर परमेशरो ते सब कुछ ऊई सकोआ।"
कऊँकि परमेशर सब कुछ करी सकोआ।"
"आऊँ तो सबी प्राणिया रा परमेशर यहोवा ए, क्या माखे कोई बी काम कठण ए।
तेबे मूसे आपणा आथ समुद्रो पाँदे बढ़ाया ओर यहोवे पूरी रात प्रचण्ड पूर्वी अवा चलाई ओर समुद्रो रे दो पाअग करी की पाणी एड़ा टाईता, जेते की तिजी बीचे सूकी जमीन ऊईगी। तेबे इस्राएली लोक समुद्रो बीचे सुकी जमीना दे चले ओर पाणी तिना रे दाँणे ओर खूँजी तरफा खे दवाला जेड़ा बणी की खड़ी रा था।
मां यहोवे रे बड़े कामा री चर्चा करनी;
पुराणे बखतो दे जो नौखे काम तैं करी राखे सेयो मां याद राखणे।
मां तेरे सारेया कामा पाँदे त्यान करना
ओर तेरे बड़े नौखे काम सोचणे।
अचम्बे रे काम करने वाल़ा परमेशर तूँई ए,
तैं देशो-देशो रे लोका पाँदे आपणी सामर्थ प्रगट करी राखी।
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
तिने तिना खे बोलेया, "आपणे कम विश्वासो री कमिया री बजअ ते; कऊँकि आऊँ तुसा खे सच्च लगी रा बोलणे कि जे तुसा रा विश्वास एक अऊरिया रे दाणे बराबर बी ऊँदा, तो तुसे एस पाह्ड़ो खे बोलोगे, ‘एथा ते पोरो खे सरकी जा’, तो से चली जाणा और कोई बी गल्ल तुसा खे कठण नि ऊणी।
यीशुए तिना खे ज्वाब दित्तेया, "आऊँ तुसा खे सच्च लगी रा बोलणे कि जे तुसे विश्वास राखो और शक नि करो तो, तुसा इतणा ई नि करना, जो एस दाऊगल़े रे डाल़ो साथे ऊआ; पर जे एस पाह्ड़ो खे बी बोलोगे, कि ‘पट्ठी जा, और समुद्रो रे पड़ी जा,’ तो ऊई जाणा।
यीशुए तेसखे बोलेया, "जे तुसे करी सकोए तो, ये क्या गल्ल ऊई? विश्वास करने वाल़ेया खे सब कुछ ऊई सकोआ।"
यीशुए तिना खे देखी की बोलेया, "माणूंआ ते तो ये ऊई नि सकदा, पर परमेशरो ते सब कुछ ऊई सकोआ। कऊँकि परमेशरो खे सब कुछ सम्भव ए"
यीशुए बोलेया, "जो माणूंआ ते नि ऊई सकदा, से परमेशरो ते ऊई सकोआ।"
तेबे यीशुए तिना रे अविश्वासो री बजअ ते जादा सामर्था रे काम नि कित्ते।
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
"ओ इस्राएलियो! इना गल्ला खे सुणो, यीशु नासरी एक माणूं था। जेसरा परमेशरो री तरफा ते ऊणे रा सबूत, तिना सामर्था रे कामो, अचम्बे रे कामो ते और चमत्कारा ते प्रगट ए। जो परमेशरे तुसा बीचे, तेसरे जरिए दखाए, जेसखे तुसे आपू बी जाणोए।
जेबे सेयो प्रार्थना करी चुके, तेबे से जगा, जेती सेयो खड़ी रे थे, से जगा इल्ली गी और सेयो सब पवित्र आत्मा ते परी गे और परमेशरो रा वचन इम्मता साथे सुणांदे रये।
परमेशर पौलुसो रे जरिए सामर्था रे नऊखे काम दखाओ था। एथो तक कि रूमाल और टाल्ले तेसरे शरीरो साथे छवाँई की बमारा पाँदे राखो थे और सेयो ठीक ऊई जाओ थे और दुष्टात्मा तिना ते निकल़ी जाओ थी।
जेबे आँऊ तुसा साथे था तो मैं तुसा खे प्रेरित ऊणे रा प्रमाण दित्तेया। मैं सब्रो साथे तुसा बीचे चिह्न्, अचम्बे रे काम और सामर्था रे काम दखाए।
मसीह रे एस शरीरो रे परमेशरे लग-लग माणूं नियुक्त करी राखे, पईले प्रेरित, दूजे भविष्यबक्ता, तीजे गुरू, तेबे सामर्था रे काम करने वाल़े, तेबे ठीक करने वाल़े, तेबे उपकार करने वाल़े, तेबे प्रदान और कई प्रकारा रिया पाषा बोलणे वाल़े।
परमेशरो री आत्मा एकी माणूंए खे बुद्धिया साथे परेया रा संदेश बोलणे री योग्यता देओआ और सेई आत्मा केसी दूजे माणूंए खे ज्ञानो रे मुताबिक संदेश बोलणे री योग्यता देओआ। सेई आत्मा केसी माणूंए खे मसीह रे विश्वास करने री योग्यता देओआ और केसी खे तेसी ई आत्मा ते चंगा करने रा बरदान दित्तेया जाओआ। सेई आत्मा केसी खे सामर्था रे काम करने री शक्ति और केसी खे भविष्यबाणी करने री योग्यता देओआ। फेर केसी ओरी खे तिजी खे परखणे री योग्यता देओआ कि से वचन परमेशरो री आत्मा री तरफा तेआ या दुष्टात्मा री तरफा तेआ। फेर केसी ओरी खे कई प्रकारा री पाषा बोलणे री योग्यता देओआ और केसी ओरी खे तेसा पाषा रा मतलब बताणे री योग्यता देओआ।
यीशुए बोलेया, "तेसखे ना नि करो, कऊँकि एड़ा कोई निए जो मेरे नाओं ते सामर्था रे काम नि करो और फटाफट माखे बुरा बोली सको। कऊँकि जो म्हारे खलाफ निए, से आसा साथे ए।
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
और प्रभुए रे विश्वासो री प्रार्थना रे जरिए रोगी बची जाणा और प्रभुए से ठवाल़ी की ठीक करना और जे तिने पाप बी करी राखे ऊगे, तो सेयो बी माफ ऊई जाणे।
इजी री खातर तुसे आपू-बीचे एकी-दूजे रे सामणे आपणे-आपणे पापो खे मानी लो और एकी-दूजे खे प्रार्थना करो, जेते की ठीक ऊई जाओ, तर्मी जणे री प्रार्थना रे असरो ते बऊत कुछ ऊई सकोआ।
भविष्यबक्ता एलिय्याह बी तो आसा जेड़ा दु:ख-सुख सईन करने वाल़ा माणूं था और तिने पूरे तनो-मनो ते प्रार्थना कित्ती कि बादल़ नि बरसो और साडे तीन साल तक जमीना पाँदे बादल़ नि बरसे। तेबे तिने प्रार्थना कित्ती तो सर्गो ते बर्खा ऊई और जमीना रे फसल लगी।
तेबे यीशुए सेयो पाँज रोटिया और दो मछलिया लईया और स्वर्गो रे कनारे देखी की धन्यवाद कित्तेया और रोटिया तोड़ी-तोड़ी की चेलेया खे देंदे गये कि लोका खे देओ। तेबे सब खाई की रज्जी गे और बचे रे टुकड़ेया रिया बारा टोकरिया परी की चकिया।
रामो रे दिने यीशु प्रार्थना रे कअरो रे उपदेश देणे लगी रे थे। तेबे एक जवाणस आयी, जेसा रे ठारा साला ते, कमजोर करने वाल़ी दुष्टात्मा थी और से कुबड़ी ऊईगी थी और किंयाँ बी सीदी नि ऊई सको थी। यीशुए से देखी की बुलाई और तेसा खे बोलेया, "ओ जवाणसे! तूँ आपणी कमजोरिया ते छूटी गी।" तेबे तिने तेसा पाँदे आथ राखे और से फटाफट सीदी ऊईगी और परमेशरो री तारीफ करने लगी। कऊँकि यीशुए से रामो रे दिने ठीक कित्ती थी, प्रार्थना रे कअरो रा सरदार जल़ी की लोका खे बोलणे लगेया, "अफ़्ते रे छे दिन ए जिदे काम करना चाईयो, तो तिना दिना रे आयी की ठीक ओ, रामो रे दिने नि।" ये सुणी की यीशुए ज्वाब दित्तेया, "ओ कपटियो! क्या रामो रे दिने तुसा बीचा ते हर एक आपणे बल़दा और गह्देया खे गवाईणी ते खोली की पाणी पल़याणे नि लयी जांदा? तो क्या ठीक नि था कि ये जवाणस जो अब्राहमो रे वंशो ते ए जो शैताने ठारा साला ते बानी राखी थी, रामो रे दिने एसा खे बन्दनो ते छुड़ाया जाओ।" जेबे यीशुए यो गल्ला बोलिया, तेबे तिना रे सब बिरोदी शर्मिंदा ऊईगे और सारी पीड़ तिना हैरान करने वाल़ेया रे कामा ते, जो सेयो करो थे, खुश ऊई।
यीशुए गलील प्रदेशो रे काना नगरो रे आपणा ये पईला चिह्न् दखाई की आपणी महिमा प्रगट कित्ती और तिना रे चेलेया तिना पाँदे विश्वास कित्तेया कि सच्ची येई ई मसीह ए।
तेबे जो सामर्था रे काम यीशुए करी की दखाए, तिना देखी की लोक बोलणे लगे, "से भविष्यबक्ता जो दुनिया रे आऊणे वाल़ा था, पक्का येईए।"
यीशुए तेसखे बोलेया, "तैं तो माखे देखी की विश्वास करी राखेया, पर धन्य सेयो, जिने बिना देखे विश्वास कित्तेया।"
यीशुए ओर बी बऊत चमत्कार चेलेया सामणे दखाए, जो एसा कताबा रे लिखी नि राखे। पर यो तेबे लिखे, ताकि तुसे विश्वास करो कि यीशु ई परमेशरो रा पुत्र मसीह ए, और विश्वास करी की तिना रे नाओं ते अनन्त जीवन पाओ।
तेबे दूजा चेला बी, जो कब्रा पाँदे पईले पऊँछेया था, पीतरे गया और देखी की विश्वास कित्तेया कि यीशु मरेया रे बीचा ते जिऊँदा ऊईगा रा। सेयो एबुए तक पवित्र शास्त्रो री गल्ल नि समजे थे कि से मरेया रे बीचा ते जिऊँदा ऊणा था।
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
जे कोई भविष्यवक्ता या सुफने रे जरीये दर्शण देखणे वाल़ा सामणे आई की ताखे कोई चिह्न या चमत्कार दखाओ, ओर तिना खे चिह्न ठराई की से ताखे बोलो, "आओ आसे पराये देवतेया पीछे चली की, जिना ते तुसे एबुए तक अणजाण रये, तिना री पूजा करूँए।" तेबे तैं भविष्यवक्ता या सुफना देखणे वाल़े रिया गल्ला पाँदे कोई त्यान नि देणा, कऊँकि तेरे परमेशर यहोवे ये जाणने रिया तँईं तेरी परीक्षा लणी कि यो मां साथे आपणे सारे मन, सारे प्राणो साथे प्यार राखोए कि नई? तुसे आपणे परमेशर यहोवे पीछे चलणा, तेसरा डर मानणा, तेसरी आज्ञा मानणी, तेसरी आज्ञा पाँदे चलणा, तेसरा वचन मानणा, तेसरी आराधना करनी ओर तेस साथे ई विश्वासो दे बणे दे रणा।
और मैं तेस अजगरो रे मुंओ ते और तेस डांगरो रे मुंओ ते और तेस चूठे भविष्यबक्ते रे मुंओ ते, तीन अशुद्ध आत्मा मिनके रे रूपो रे निकल़दे ऊए देखी। यो बड़े-बड़े चिह्न् दखाणे वाल़ी दुष्टात्मा ए, जो सारे दुनिया रे राजेया गे निकल़ी की इजी खे जाओई, ताकि तिना खे सर्वशक्तिमान् परमेशरो रे तेस बड़े दिनो री लड़ाईया खे कट्ठा करो।
ये सुणी की कुछ शास्त्रिए और कुछ फरीसिये तिना खे बोलेया, "ओ गुरू! आसे तुसा ते एक चिह्न देखणा चाऊँए।" यीशुए तिना खे ज्वाब दित्तेया, "एते जुगो रे बुरे और व्याभिचारी लोक चिह्न टोल़ोए; पर, योना भविष्यबक्ते रे चिह्नो खे छाडी की कोई ओर चिह्न् तिना खे नि देणा। योना, तीन रात-दिन पाणिए रे बड़ी मच्छल़िया रे पेटो रे रया, तिंयाँ ई आँऊ माणूं रा पुत्र, तीन रात-दिन तरतिया ते पीतरे रणा।
तेबे यीशु तिना रे लोका नगरा खे ल़वामे देणे लगेया, जिना बीचे तिने बऊत सामर्था रे काम कित्ते थे, कऊँकि तिने आपणा मन नि था फेरेया रा। "हाय खुराजीन! हाय बैतसैदा! जो सामर्था रे काम तुसा रे कित्ते, जे सेयो सूर और सैदा रे नगरा रे ऊँदे, तो टाटा रे शोको रे टाल्ले पईनी की और आपू दे स्वा मल़ी की और दुःखी ऊई की सेयो कदका मन फिराई देंदे। पर आऊँ तुसा खे बोलूँआ कि जेबे न्याय रा दिन ऊणा, तेबे तुसा री दशा ते, सूर और सैदा नगरो री दशा जादा सईणे जोगी ऊणी। ओ कफरनहूम! क्या तूँ स्वर्गो तक ऊच्चा करेया जाणा? तूँ तो नरको तक थाले करेया जाणा। जो सामर्था रे काम तांदे ऊए, जे सेयो काम, सदोम नगरो रे ऊँदे, तो से आजो तक बणेया रा रणा था। पर आऊँ तुसा खे बोलूँआ कि जेबे न्याय रा दिन आऊणा तेबे, तेरी दशा ते सदोमो रे नगरो री दशा जादा सईणे जोगी ऊणी।"
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
मेरे मनो रा स्वामी तो तूँई ए,
मेरिया माया रे गर्भो रे तैंई आँऊ बणाई राखेया।
मां तेरा तन्यवाद करना, कऊँकि आऊँ खतरनाक ओर अद्भुत तरीके रे रची राखेया।
तेरे काम कितणे अचम्बे रे ए ओर आऊँ इजी खे ठीक-टंगो रे जाणूंआ।
ओ प्रभु परमेशर, मां आपणे पूरे मनो ते तेरा तन्यवाद करना;
मां तेरे सारे अचम्बे रे कामो रा बखाण करना।
इजी बजा ते यहोवे आपू ई तुसा खे एक नशाण देणा। सुणो, एक कुआँरी गर्भवती ऊणी ओर तेसा रे पाऊ ऊणा ओर तेसा तेसरा नाओं इम्मानुएल राखणा।
ये सब कुछ तेबे ऊआ ताकि जो वचन प्रभुए भविष्यबक्ता ते बुलाई राखे, सेयो पूरे ओ "देखो, एक कुआँरी गर्भवती ऊणी और तेसा रे एक पाऊ जमणा और तेसरा नाओं इम्मानुएल ऊणा," जेतेरा मतलब ए "परमेशर आसा साथे ए।"
पर जिंयाँ ई चेलेया यीशुए खे समुद्रो रे पाणिए पाँदे चलदे ऊए देखी की सोचेया कि ये तो पूत ए और सब डरो रे मारे चींगणे लगे। कऊँकि सब तिना खे देखी की कबराई गे थे, पर यीशुए फटाफट तिना साथे गल्ल कित्ती और बोलेया, "याओ राखो। आऊँ ए। डरो नि।"
यीशुए ये सुणी की बोलेया, "डर नि; बस विश्वास राख तो से बची जाणी।"
नेड़े आयी की जेबे सेयो जैतून पाह्ड़ो री टलाना रे पऊँचे, तेबे चेलेया री सारी मण्डल़ी, तिना सबी सामर्था रे कामो री बजअ ते, जो तिने देखे थे, खुश ऊई की जोरे-जोरे साथे परमेशरो री स्तुति करने लगी कि,
"धन्य ए से राजा, जो प्रभुए रे नाओं ते आओआ,
स्वर्गो रे शान्ति और सर्गो रे महिमा ओ।"
ये बोलदे ऊए सेयो, तिना रे देखदे-देखदे परमेशरो रे जरिए स्वर्गो खे चकीते और बादल़ो री बजअ ते सेयो तिना खे जादा देरा तक देखी नि सके।
और आऊँ जमीना पाँदे रूड़ी गा, तेबे मैं ये शब्द सुणेया, ‘ओ शाऊल! ओ शाऊल’ तूँ माखे कऊँ सताणे लगी रा?
फेर जिंयाँ ई ओल़े बरसणे बन्द ऊईगे तेबे यहोवे मूसे खे बोलेया, "फिरौनो गे जा, कऊँकि मैं ई तेसरा ओर तेसरे काम करने वाले़या रा मन इजी री खातर काठा करी राखेया ताकि आपणे नऊखे-नऊखे चिह्न तिना बीचे दखाऊँ ओर तुसे लोक आपणे माठेया ओर पोतेया गे इजी रे बारे दे बताओ कि मैं यहोवे मिस्रिया साथे कोई प्यार नि दखाया ओर आपणे क्या-क्या नऊखे चिह्न तिना बीचे कित्ते, जेते साथे तुसा ये जाणी लणा कि आऊँ ई यहोवा ए।"