Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Akɛnɛ Yesu le kaa a gbe nɔ́ fɛɛ nɔ nya he je ɔ, bɔ nɛ pee nɛ Ngmami ɔ nɛ ba mi ɔ, e de ke, "Kuma ngɛ mi yee." Jamɛ a be ɔ mi ɔ, wai nɛ duɔ ɔ maa si ngɛ lejɛ ɔ. Nɛ a ngɔ kutsa kɛ ya tsɔ mi nɛ a kɛ ma tso nya, nɛ a wo kɛ to e nya he.
Benɛ Yesu sa e nya wai ɔ, e de ke, "A gbe nya." Kɛkɛ nɛ e ma e yi si, nɛ e ma e nya.
Benɛ soja amɛ sɛu Yesu se ɔ, a dla e tade ɔmɛ a mi eywiɛ kɛ ha a he nɛ nɔ fɛɛ nɔ na eko, se e tade gaga a be tsami he. Lɔ ɔ he je ɔ, a de ke, "Nyɛ ko ha nɛ waa dla mi, se mohu waa fɔ sɔ konɛ waa na nɔ nɛ maa ngɔ lɛ." Enɛ ɔ ha nɛ nɔ nɛ a de ngɛ Ngmami ɔ mi ke, "A dla ye tade ɔmɛ kɛ ha a he, se ye he tade gaga a lɛɛ a fiɛ asɔ ngɛ nɔ" ɔ ba mi. Lɔ ɔ he je nɛ soja amɛ pee enɛ ɔ nɛ. Jamɛ a be ɔ mi ɔ, Yesu nyɛ kɛ e nyɛ ɔ nyɛmiyo kɛ Maria nɛ ji Klopa yo ɔ kɛ Maria Magdalena daa si ngɛ Yesu sɛumi tso ɔ he. Benɛ Yesu na e nyɛ kɛ e kaselɔ ɔ nɛ e suɔ ɔ daa si ngɛ lejɛ ɔ, e de e nyɛ ɔ ke, "Maa, o binyumu ji nɛ ɔ nɛ."
Nɛ e de e kaselɔ ɔ hu ke, "O nyɛ ji nɛ ɔ nɛ." Nɛ kaselɔ ɔ kpaka e nyɛ ɔ kɛ ho lɛ nitsɛ e we mi ya.
Benɛ a ya su sɛumi ngwɔhe ɔ, he nɛ a tsɛɛ ke, "Yikokonohe" ɔ, a sɛu nihi etɛ ɔmɛ tsuo ngɛ lejɛ ɔ. A wo Yesu kɛ wo ni enyɔ ɔmɛ a kpɛti, nɔ kake ngɛ e muɔ nɔ nɛ nɔ kake hu ngɛ e hiɔ nɔ.
Se Yesu sɔle nɛ e de ke, "Tsaatsɛ, mo ngɔ ke mɛ, ejakaa a li nɔ́ nɛ a ngɛ pee ɔ." Soja amɛ hu fɔ sɔ kɛ dla e tade ɔmɛ ngɔ ha a he. Nɛ ni ɔmɛ daa si ngɛ hyɛe be mi nɛ Yuda bi ɔmɛ a nikɔtɔma amɛ ngɛ e he fɛu yee ke, "Ni kpahi a yi wami nɛ e heɔ. Ke Mawu Bi kɛ Yiwamihelɔ ji lɛ tutuutu kaa bɔ nɛ e de ɔ, lɛɛ lɛ nitsɛ e he e yi wami mwɔnɛ ɔ nɛ waa hyɛ ha."
Soja amɛ hu ye e he fɛu nɛ a wo wai nɛ nya wa ngɔ ha lɛ ke e nu. Nɛ a de lɛ ke, "Ke mo ji Yuda bi ɔmɛ a Matsɛ ɔ, lɛɛ mo he mo nitsɛ o yi wami."
A ngma ngɛ e sɛumi tso ɔ yi kpɛti ke, "Yuda bi ɔmɛ a Matsɛ ɔ ji nɛ ɔ nɛ."
Nɛ ni enyɔ ɔmɛ nɛ a sɛu kɛ piɛ e he ɔ a ti nɔ kake hu ye e he fɛu nɛ e de ke, "Pi o ke mo ji Yiwamihelɔ ɔ? Mo je o he nɛ o je wɔ hu koo!"
Se nɔ kaketsɛ ɔ kã e hɛ mi nɛ e de lɛ ke, "O ngɛ tsɔɔe kaa kɛ ba si amlɔ nɛ ɔ kulaa nɛ o ngɛ gbenɔ mi nɛ ɔ, o yi Mawu gbeye lo? Wɔɔ lɛɛ nɔ́ nɛ wa ngɛ nae nɛ ɔ sa wɔ pɛpɛɛpɛ, se nyumu nɛ ɔ nɛɛ, mɛni lɛ hu e pee nɛ sa gbenɔ?" Kɛkɛ nɛ e de Yesu ke, "Nutsɔ, mo kai mi be mi nɛ o maa ba ngɛ o Matsɛyemi ɔ mi ɔ."
Yesu de lɛ ke, "I ngɛ mo si woe anɔkuale mi ke, mwɔnɛ ɔ o kɛ mi maa hi Paradeiso."
Pu dadɛ mi ɔ, diblii wo ngɛ zugba a nɔ kulaa kɛ ya si ngmlɛ etɛ. Nɛ benɛ a fia ngmlɛ etɛ pɛpɛɛpɛ ɔ, Yesu kpa ngmlaa wawɛɛ nɛ e de ke, "Eli, Eli, lama sabaktani?" E sisi ji, "Ye Mawu, Ye Mawu, mɛni he je nɛ o kua mi?"
Nɛ hyɛ, Sɔlemi Tsu ɔ mi pomi bo ɔ mi gba enyɔ kɛ je hiɔwe kɛ ba ma si, nɛ zugba hoso, nɛ tɛ sahi a mi gba, nɛ yɔkɔhi a nya bli nɛ klɔuklɔu bihi nɛ gbo ɔmɛ fuu te si kɛ je gbeje. Nɛ benɛ Yesu te si se ɔ, a je kpo kɛ je a muɔ ɔmɛ a mi kɛ ho Yerusalem ya nɛ a ya je a he kpo kɛ tsɔɔ nihi fuu ngɛ lejɛ ɔ.
Se benɛ soja amɛ kɛ a nyatsɛ ɔ nɛ ngɛ e he bue ɔ na zugba hosomi ɔ kɛ níhi tsuo nɛ ba a, a ye gbeye wawɛɛ nɛ a de ke, "Niinɛ, Mawu Bi ji nɛ ɔ nɛ."
Ye he nyɛli, nimli yayamihi, a bɔle mi kaa gbehi; a ngɛ ye ninehi kɛ nanehi kɔɔe. I ma nyɛ maa kane wuhi abɔ nɛ ngɛ ye nɔmlɔ tso ɔ mi. Hyɛ bɔ nɛ nimli yayami nɛ ɔmɛ ngɛ mi kpee ha. A fia asɔ ngɛ ye tade ɔmɛ a nɔ, nɛ a gba kɛ ha a he.
Nɔ tsuaa nɔ yeɔ ye he fɛu faa! A muɔɔ mi nɛ a biɔ ke, "Nɔ ɔ nɛ ke e wo e kɔmɔ kulaa kɛ fɔ Mawu nɔ ɔ ji enɛ ɔ lo? Nɔ ɔ nɛ ke Mawu naa e he bua jɔmi ɔ ji enɛ ɔ lo? Wa ma he e munyu ɔ maa ye, ke Mawu he e yi wami."
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Suɔmi nɛ kle pe kulaa ji kaa nɔ ko maa ngɔ e wami kɛ sa afɔle ngɛ e huɛmɛ a he;
Ejakaa Mawu suɔ je ɔ saminya nɛ e tsɔ e Bi kake too ɔ ngɔ mane konɛ nɔ tsuaa nɔ nɛ heɔ e nɔ yeɔ ɔ, e hɛ mi nɛ ko kpata, se mohu e na neneene wami.
Benɛ wa ji e he nyɛli ɔ, e Bi ɔ ba kpata wa kpɛti kɛ gu e gbenɔ ɔ nɔ; nɛ amlɔ nɛ ɔ nɛ wa plɛ e huɛmɛ nɛ e ngɛ wa mi ɔ, mɛni gbaami nɛ wa be nae kɛ je e dɛ?
Kɛ gu Kristo e gbenɔ nɛ e gbo kɛ ha wɔ ɔ mi ɔ, wa le nɔ́ nɛ ji suɔmi pɔtɛɛ. Lɔ ɔ he je ɔ, e sa kaa wɔ hu wa gbo ngɛ wa nyɛmimɛ Kristo se nyɛɛli a he.
Lɛ nɛ e ngɔ Mawu muklii mi fumi nɛ e na ngɛ wa he yayami ɔmɛ a he ɔ kɛ fɔ e nɔ nɛ e kpata waa kɛ Mawu wa kpɛti. Lɛ nɛ a ngɔ kɛ je wa he yayami ɔmɛ, nɛ pi wɔ kɛkɛ, se mohu je ɔ tsuo he yayami.
E ba e he si hluu kɛ ya su gbenɔ mi tete ngɛ sɛumi tso nɔ.
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Kristo te si kɛ je gbeje nɛ e be gboe hu kɔkɔɔkɔ. Gbenɔ be e nɔ he wami ko hu. E gbo si kake kɛ ha wɔ tsuo nɛ e kɛ gbe yayami he wami. Amlɔ nɛ ɔ, e kɛ Mawu ngɛ huɛ bɔmi mi kɛ yaa neneene.
E sɛ kulaa, ejakaa kɛ je benɛ wa plɛ Kristo se nyɛɛli nɛ a baptisi wɔ nɛ wa pee Kristo nihi kɛ gu e gbenɔ ɔ nɔ ɔ, a kplɔ yayami he wami ɔ ngɛ wa he. Kɛ gu wa baptisimi ɔ nɔ ɔ, a pu wa yayami peemi su ɔ kɛ Yesu benɛ e gbo ɔ, nɛ benɛ Tsɛ Mawu tle lɛ si ngɛ e anunyami he wami ɔ nya a, e ha wɔ hu e nyakpɛ wami he ɔ.
A to kaa Nɔmlɔ ma gbo si kake pɛ, nɛ kɔlɔ ɔ se ɔ kojomi maa ba, ja nɛ Kristo hu ngɔ e he kɛ sã bɔ ngɛ nihi fuu a yayami he; nɛ e maa kpale kɛ ba ekohu, se pi ngɛ wa yayami ɔmɛ a he.
Se mohu e ngɔ yi wami hemi kɛ ma jehanɛ kɛ ha ni nɛmɛ nɛ ngɛ lɛ blɔ hyɛe kɛ tsui si tomi ɔ.
Nyɛɛ bu tue, Israel bi! Mawu ye Yesu Nazaret no ɔ he odase ngɛ nyakpɛ okadi agbohi nɛ e pee kɛ gu e nɔ ɔ mi, kaa bɔ nɛ nyɛ nitsɛmɛ nyɛ le momo ɔ. Se ngɛ Mawu blɔ nya tomi nya a, e ngmɛ blɔ nɛ nyɛ gu Roma nɔ yemi ɔ nɔ kɛ sɛu lɛ nɛ nyɛ gbe lɛ. Se Mawu kpɔ lɛ kɛ je gbenɔ dɛ nɛ e tle lɛ si kɛ ba wami mi ekohu, ejakaa gbenɔ nyɛ we e nɔ nɛ e ye.
Ami ji Tohyɛlɔ Kpakpa a nɛ. Tohyɛlɔ Kpakpa a ngɔɔ e he kɛ saa afɔle ngɛ to ɔmɛ a he.
Ejakaa be fɛɛ be nɛ nyɛ maa ye abolo nɛ ɔ nɛ nyɛ maa nu kplu nɛ ɔ, nyɛ ngɛ Nutsɔ Mawetsɛ ɔ gbenɔ sane ɔ fiɛe kaa e gbo ha nyɛ. Nyɛɛ hi enɛ ɔ pee kɛ ya si be nɛ e maa ba ekohu.