Morte

55 Wââ kuzu, awlra nə̂ zə nə

ə̂në ə rô pâ azü prââ kɔ sə kotâ a?

Wââ kuzu, ərə koshe nə̂ zə nə sə kotâ a?»*

56 Ərə koshe nə̂ kuzu nə kə də̂ nyaka â awlra nyaka nə kə də̂ âgbɔ̂ əpʉ. 57 Bale, a zä mərshe kə Ndjapä nə ə̂në tshə mbrə̂ â əzə̂ ro pâ kuzu də awlra tə̂ äwä Jezu Kristə, Âgbɔ̂ Əyïngerə nə̂ əzə̂ kɔ.

26 Bale əyïkowɔ nə ə̂në tshə liwu ətshə je kɔ kə də̂ kuzu.

21 Mbrə ə̂në, äwä bale ə̂në kuzu nâ tə̂ äwä əzü bale kɔ, kə she azü nâ ndje tə̂ äwä əzü bale.

22 Bale, ə̂në azü nɔ̂ sə kə tshu nə mbrə ə̂në əndje sə tə angwa Adamə kɔ, äwä bale ndje, azü nɔ̂ sə kə sɔtə̂ sorô lə Kristə nə,

11 Əpʉ səye sə tə djatra əpʉ:

kədə a tshû gâ ye də a-Kristə nə,

a sə ndje tə asorô gâ ndə ye je;

6 Ənə̂ ye tə ə̂rɔ̂nə â tshə sə tə ənə̂ Ndjapä, əzü ə̂në tshə sə lə takpa tə̂ azü nə ə̂në əndje she angbʉlînə kɔ! Bishi kuzu sə sə kə mbrə ə̈bə̈ ərə tə̂ azü səkɔ ne, bale əndje sə kə sə tə aawotokrɔ nə̂ Ndjapä də əndje nə̂ Kristə â əndje də a-Kristə nə ə mbrə ngerə lə ə̂ngû sake bale (1 000) je.

25 Jezu pâ kə ətshə ə pa: «Əmə, mə də̂ əpʉ kə she akuzu də əpʉ sorô. Əzü ə̂në tshə za lɔsu ye kə əmə, tshə sə kə sə tə sorô, kədə tshə â tshû kəmə. 26 Â əzü nɔ̂ ə̂në tshə sə tə sorô â za lɔsu ye kə əmə, tshə sə sə kə tshu alɔ bale ne. Bə zä lɔsu zə gâ pâ əpʉ səkɔ a?»

25 Jezu pâ kə ətshə ə pa: «Əmə, mə də̂ əpʉ kə she akuzu də əpʉ sorô. Əzü ə̂në tshə za lɔsu ye kə əmə, tshə sə kə sə tə sorô, kədə tshə â tshû kəmə. 26 Â əzü nɔ̂ ə̂në tshə sə tə sorô â za lɔsu ye kə əmə, tshə sə sə kə tshu alɔ bale ne. Bə zä lɔsu zə gâ pâ əpʉ səkɔ a?»

27 Andalimi nə̂ əmə nə sə kə dji tshema əmə, â əmə, mə wusə̂ əndje, â əndje sə kə za äwä əmə. 28 Əmə, mə za sorô nə̂ alɔnɔ̂ kə əndje, əndje sə sə kə tshu nə alɔ bale ne, â əzü bale sə sə kə ko əndje də awlra lə kəna əmə ne.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

Əpʉ kə she akuzu

13 Alaye, ä yində kə yisə̂ djatra əpʉ kə e gâ pâ əpʉ nə̂ azü ə̂në əndje tshû gâ ye kɔ, kanika əyo ro pâ e ro mata ə̂dû azü ə̂në lɔsu əndje ka ka mbrə ə̈bə̈ ərə bale ne kɔ. 14 Bale, kədə a yində əpʉ nə də lɔsu əzə̂ ə pa Jezu tshû gâ ye â Ndjapä shê ətshə lə takpa tə̂ akuzu gâ ye kɔ, a yïndə əpʉ nə ndje də lɔsu əzə̂ ə pa azü ə̂në əndje zâ lɔsu əndje kə Jezu â tshû gâ ye kɔ, Ndjapä sə kə she əndje ə ngbo əndje də a-Jezu tə̂ ə̂sə̂ nə bale je.

16 Mbrə ə̂në, tə̂ alɔ ə̂në əndje ta râwâ, ə̂në tshema ə̈bə̈ makɔndji nə̂ atrawaya kɨ, ə̂në ängɔ̈ nə̂ Ndjapä sə kə kɨ nə, Âgbɔ̂ Əyïngerə də ə̂tə̂ ye, sə kə afɔ mâ lafɔ ə jerə, bale, azü ə̂në əndje zâ lɔsu əndje kə Kristə nə gâ ye â tshû kɔ, əndje sə kə she angbʉlînə. 17 Mandânə, əzə̂ də̂ asorô nə, ə̂në a daka pə ənə̂ əzə̂ je kɔ, Ndjapä sə kə ko əzə̂ də aəndje äwä bale ə o də əzə̂ mâ lafɔ lə andra ndə kə pa a te Âgbɔ̂ Əyïngerə nə lə əyi, â rəkɔ, a sə kə sə alɔnɔ̂ gâ ngotə̂ Âgbɔ̂ Əyïngerə nə.

28 E mä mä awa azü ə̂në əndje wo amba akwa əzü kɔ ə lï lï ndə kə wo yîrə̂ ye ne kɔ ne. Bale, e kpë də̂ rawa Ndjapä ə̂në tshə lï ndə kə wo yîrə̂ əzü də əndu ye nɔ̂ lə əwo ə̂në ə rɨ rɨ tə̂ ərə ne kɔ.

25 Mbrə ə̂në, əzü ə̂në tshə yində kə bata əwu ye, tshə sə kə tshu nə. Bale, əzü ə̂në tshə sə trö ndə kə tshu nə mbrə əmə, tshə sə kə sə tə sorô.

21 Mbrə ə̂në, ənə̂ əmə, kə sə tə sorô, kə də̂ Kristə nə, â kuzu sə tə ə̈bə̈ ərə ə̂në ə rô sorô nə.

23 Aərə nə sə kə pro əmə djoko mbage djoko mbage: mə sə də əgo ndə kə ro nə â ä də Kristə nə ə sə kpə ə̂sə̂ nə bale, ərə ə̂në ə rô kəmə ə̂dû ərə nə nɔ̂ kɔ kə sə̂. 24 Bale, mbrə e, ə lï ndə kə pa mə daka pə tə sorô.

20 Ənə̂ əzə̂, əgɔ nə̂ əzə̂ sə mâ lafɔ-e, â mâ je də̂ Âgbɔ̂ Əyïngerə Jezu Kristə ə to â gu, ə̂në a sə kə ka mbrə ətshə tə Awoshe azü kɔ. 21 Mbrə ə̂në tshə do tshekotə̂ əzə̂ nə̂ gana nə mata tshekotə̂ ye nə̂ ə̂yî je tə̂ äwä awlra ə̂në tshə lï ndə kə ko aərə nɔ̂ də nə gâ tshekudu ye kɔ.

8 Kədə a sə də sorô, a sə də sorô nə mbrə Âgbɔ̂ Əyïngerə, â kədə a tshu, a tshu mbrə Âgbɔ̂ Əyïngerə nə. Rəkɔ, kədə a sə də sorô wala kədə a tshu, a sə tə ənə̂ Âgbɔ̂ Əyïngerə nə.

3 Mə djî ə̈bə̈ âgbɔ̂ tshema ə̂në ə tô djoko tə̂ mbata ngerə nə ə pâ əpʉ ə pa: «Ə̂sə̂ kə sə Ndjapä sə lə takpa tə̂ azü gâ ye! Ə̂sə̂ kə sə ətshə sə kə sə lə takpa tə̂ əndje â əndje sə kə sə tə azü nə̂ ye. Ətshə də ə̂tə̂ ye sə kə sə lə takpa tə̂ əndje, â tshə sə kə sə tə Ndjapä nə̂ əndje. 4 Tshə sə kə tru ngɔla nɔ̂ lə ala əndje. Kuzu ə sə sə je kwatə̂ye ne, â əpʉ mbadja wala əkɨ wala kə wu əyo ə sə sə je kwatəndje ne, mbrə ə̂në aangbʉlî aərə rô gâ ye.»

4 Tshə sə kə tru ngɔla nɔ̂ lə ala əndje. Kuzu ə sə sə je kwatə̂ye ne, â əpʉ mbadja wala əkɨ wala kə wu əyo ə sə sə je kwatəndje ne, mbrə ə̂në aangbʉlî aərə rô gâ ye.»

27 Â mata ə̂në əndje za äwä kə azü ndə kə pa əndje tshu kʉ äwä bale kɔ, â mandânə ngbanga sə kə sə je kɔ,

38 Mbrə ə̂në mə wusə̂ nə mâ tə̂ lɔsu əmə ə pa wala kuzu wala sorô wala atrawaya nə̂ Ndjapä wala aawlra tshelafɔ wala tshe kpəsəye wala tshe dambʉ wala aawlra ə̂në ə sə gâ pâ aərə kɔ, 39 wala aawlra tshelə əyi wala aawlra djoko tʉ wala ə̈bə̈ ata ərə ə̂në Ndjapä mbrə̂ gâ ye kɔ lï lï ndə kə pa ə sɔ əzə̂ gashe tə̂ kə yində əzə̂ ə̂në Ndjapä nə yində əzə̂ lə Jezu Kristə, Âgbɔ̂ Əyïngerə nə̂ əzə̂ kɔ bale ne.

7 Ə gbɔ ə gbɔ ndə kə pa ə̈bə̈ əzü yində nə ndə kə tshu mbrə ə̈bə̈ ə̂rɔ̂ əzü. Ə̈bə̈ əzü lï əte ndə kə pa tshə tshu mbrə ə̈bə̈ awoma ə̂rɔ̂ ərə. 8 Bale, Ndjapä nə yîsə̂ nə kə əzə̂ ə pa tshə yində əzə̂ atâ: Kristə nə tshû mbrə əzə̂, alɔ ə̂në a dâka pə tə alayïnyaka kɔ.

17 Ngâ, tə̂ äwä əzü bale, tə̂ äwä nyaka nə̂ əzü bale, kuzu tê pâ azü nɔ̂. Bale tə̂ äwä Jezu Kristə tshî, azü sɔtə̂ aərə ngbatshe rô pâ nə djoko ndə Ndjapä: tshə ma ə̂rɔ̂tə̂ kə əndje rô pâ nə ə mbrə əndje tə aə̂rɔ̂ azü lə ala ye â əndje sə kə sə də sorô â sə tə alayïngerə də aəndje je mbrə Kristə nə.

23 Mbrə ə̂në ərə tshemandâ nyaka nə kə də̂ kuzu; bale âkrâ nə̂ Ndjapä nə lə ə̂rɔ̂tə̂ ye kə də̂ sorô nə̂ alɔnɔ̂ lə Jezu Kristə, Âgbɔ̂ Əyïngerə nə̂ əzə̂ nə.

46 Jezu tâ râwâ tə âgbɔ̂ ə pa: «Abä, mə za yîrə̂ əmə gâ lə kəna zə.»* Mandânə ə̂në tshə pâ əpʉ səkɔ, tshə tshû.

23 Mâ ə̂sə̂ akuzu nə, əyïrishi nə wû əyo tə bandanə. Tshə lîshi gâ lafɔ ə wû Abraamo ngrʉ̂ gâ ndə Lazarə gâ ngotə̂ ye. 24 Bale, tshə tâ râwâ ə pa: "Abä, Abraamo, wü əyo əmə ə wlä Lazarə ndə kə pa tshə yi mato kəna ye lə ə̂ngû ə ta gâ pâ tima əmə ndə kə pa ə zɨtɨ, mbrə ə̂në mə sə kə wu əyo tə bandanə lə ala əwo səye."

15 Mandânə, kədə əgo lɔsu nə kə zâ əndu gâ ye ə zu nyaka; â kədə nyaka nə kə nê gâ ye ə na də kuzu.