8 यीशु मसीह हीज ते अज़ बल्के हमेशारे लेई अक्‍कां ज़ेरोए।

6 "अवं यहोवा बेदलोई न; एल्हेरेलेइ हे याकूबेरे खानदान तुसां नाश नईं भोवरे।

17 किजोकि हर रोड़ू वरदान, ते हर रोड़ू दान इश्शे बाजी परमेशरेरे तरफांए, ज़ैनी सैरी लौआं (यानी दिहाड़ी चाँदनी, तारे) बनेइं। परमेशर हमेशा अक्‍कां ज़ेरोए, तै छावरो ज़ेरो न बेदलो।

31 अम्बर त कने धरती टेली गाली, पन मेरी गल्‍लां कधी न टेलेली।"

17 ते अगर कोई मसीह मां आहे त तै नव्वीं सृष्टि आहे, पुरैनी गल्‍लां बीती जेई; हेरा, तैना सब नेव्वीं भोइजेइ।

18 पन ज़ैखन इश्शे सेब्भी केरे बगैर पड़दे तुतरन सेइं प्रभुएरू प्रकाश बांदू भोते, ज़ेन्च़रे शीशे मां, ते प्रभुएरे ज़िरिये ज़ै आत्माए, अस प्रभुएरे महिमा बाले रूपे मां थोड़े-थोड़े बदलते रहतम।

2 ते इस दुनियारे तरीके पुड़ न च़ला, पन परमेशर तुश्शी सोच बदलेरे ज़िरिये सेइं तुश्शो चाल चलन भी बेदलोए, ताके तुस ज़ानथ कि परमेशर तुसन करां कुन चाते, या ज़ै रोड़ू ते ज़ैन तैस पसंद एइते, ते सिद्ध आहे।

2 हे ट्लारव, हुनी अस परमेशरेरे बच्‍चेम, ते हेजू तगर इन बांदू नईं भोवरू, कि अस केरे भोनेम! इन ज़ानतम, कि ज़ैखन यीशु मसीह बांदो भोल्हो त अस भी तैसेरे ज़ेरे भोमेले, किजोकि तैस तेरहे लहमेले ज़ेरो तै आहे।

21 तैए एपनी शेक्ति सेइं तैस अस्सेरे मुताबिक तैना सब चीज़न अपने वशे मां केरि बटते, इश्शे कमज़ोर जिसमेरू रूप बेदलतां, अपने महिमारो जिसमेरे मुताबिक बनालो।

51 शुना, अवं तुसन सेइं भेदेरी गल ज़ोताईं, अस सब नईं मरने, पन ज़ैखन आखरी नरशिंगेरी आवाज़ भोल्ही, त अस सब एक्‍की पले मां बेदलोनेम, 52 ते इन एक्‍की पले मां, ज़ेन्च़रे कोई चिप केरते, ज़ैखन आखरी नरशिंगो बज़ाव गालो त ज़ैना मर्रे थिये तैना ज़ींते भोनेन ताके हमेशारे लेई ज़ींते रान, ते अस ज़ैना ज़ींतेम, इश्शे जिसम बेदलोनेन।

8 सज़ाही करां बच़नेरे लेई तैना कम्मां केरा, ज़ैन सेइं पतो लग्गे तुसेईं सच़्च़े पापन करां मन फिरावरोए।

3 अवं तुसन सेइं ज़ोताईं कि, अगर तुस भी पापन करां मन न फिराले त सब एन्च़रे नाश भोनेथ।

19 बस्सा पापन करां मन फिराथ ते परमेशरेरे पासे फिरा ते तै तुश्शे पाप माफ़ केरेलो, ते परमेशरेरी तरफां तुश्शे लेई परमेशरे तरफां रोड़े दिहाड़े एज्जेले।

1 हर एक्‍की गल्‍लरो अक वक्ते ते दुनियाई मां हर एक्‍की कम्मेरे लेई अक वक्ते।

4 अक पीढ़ी गाचे, ते होरि पीढ़ी एइचे, पन ज़मीन हमेशा बनोरी रहचे। 5 दिहाड़ो निस्तां डुबी भी गाते, ते अपने निसनेरे पासे जो फिरी जल्दी च़लो गाते। 6 हवा दक्षिणेरे पासे च़लती गातीए, ते उत्तरेरे पासे घुमतां गाचे; तै घुमती फिरती रहचे, ते एपनी जगाई जो फिरी वापस च़ली एइचे। 7 सारे दरिया समुन्दरे मां मिली गातन, फिर भी समुन्दर न भेरोए; ज़ैस ठारी पुड़ेरां दरिया बगतन; तैस्से जगाई जो फिरी तैना गातन।

9 ज़ैन किछ भोतू एवरू आहे, तैन्ने फिरी भोनूए, ते ज़ैन किछ बेनि जेवरूए, तैन्ने फिरी बनावं गालू; ते दुनियाई मां कोई चीज़ नंव्वी नईं। 10 कुन एरी कोई गल भी आहे ज़ेसेरे बारे मां लोक ज़ोई सखन कि ऐह नंव्वी आहे? ई त पुराने ज़मान्न मां बड़े साल पेइली थी।

19 हेरा, अवं अक नंव्वू कम केरि राहोरोईं, तैन हुन्ना बांदू भोल्हु, कुन तुस तैस न ज़ानेले अवं सुनसान ठारी मां अक बत बनेई राहोरोईं; ते गैर आबाद मुल्खे मां दरिया बगेइलो।✝

3 सेब्भन करां खास गल ईए, कि तुस ज़ानथ, कि आखरी दिहाड़न मां मसीहेरे वापस एजने करां पेइले, लोक तुश्शो मज़ाक बनाने कि तुस विश्वास केरतथ कि मसीह दुबारां वापस एजनोए, तैना आदी भोनेरे वजाई सेइं एना बुरी चीज़ां केरेले ज़ैन सेइं तैना खुश भोतन। 4 तैना ज़ोले, "तैसेरो एजनेरो वाधो सच़ नईं, तै बिलकुल भी नईं एजनो! किजोकि ज़ैना शुरुआती मां इश्शे मसीही बुज़ुर्ग थिये तैना सब मरे, पन किछ भी बेदलोव। सब किछ तेरहु आहे, ज़ेन्च़रे दुनिया बनानेरे वक्ते करां थियूं।" 5 तैना एन एल्हेरेलेइ ज़ोतन किजोकि तैना इन बिस्सरनू चातन, कि बड़े पेइले अम्बर ते धरती परमेशरेरे हुक्मे सेइं बनाव जेव। तैन्ने धरती पैनी मरां कढी ते पैनी करां अलग की। 6 फिरी तैनी पैनेरो इस्तेमाल कियो कि पुरानी दुनिया बड़े तूफाने सेइं नाश केरे। 7 पन परमेशरे अम्बर ते धरती तैस्से हुक्मेरे ज़िरिये रखोरेन, ताके तैन अग्गी सेइं नाश केरे। तै तैन तैस दिहैड़ी तगर रखेलो ज़ेइस तै तैन लोकां केरो न्याय केरेलो ते नाश केरेलो ज़ैना तैसेरी आदर न केरन।