Não desista!

12 Ndichela pending’ang’a kwikala pendivecha na kinu awu pendihela. Ndiwulaniche kuvecha na finu kyokyonda chipindi kya njala awu chipindi kya kugwita na chipindi cha kuvecha na finu fyonda gyendikela awu chipindi cha kupwemukilwa finu ifyo. 13 Ndiwesa kugita makani ago gyonda mu Kilisito, kwakuva mwene nde yeakunigavila ludali.

Kwikala kwa kudikila

16 Ndeni, setutwinyika numbula, ata ngita mivili kwa kwivala givecha migogolo na kusakala, ila muhe chetu chigitwa miya kila kigono. 17 Utumama wetukuupatila ndi madodo na segikala kwa chipindi hilo, ila dagatuvika unofu neke kwanuka ukomi va mbepali. 18 Suwe, tubihile kugalola gala gegiwoneka, ila tugalole gala segiwoneka. Kwakuva gala gegiwoneka segikala kwa chipindi chitali, ila gala segiwoneka gikala mbepali.

35 Ndena, mubihile kuyagicha ukakatima venu kwa Mtwa, kwakuva likuvaletela fupo ngomi kuhuma kwa Nguluvi.

23 Tulikolele luhuvililo lwetu lwe tukuuidikila na lye tukulilonga kwa milomo gyetu, kwakuva Nguluvi yeavikile lyagano lyake nde va undakyene. 24 Tung’ang’wa kugangamilichana numbula neke tukelane na kwigitila manofu nefwe kwa nefwe. 25 Tubihile kuleka kutang’ana pamwi, ngita ndeni vangi pevalekile kutang’ana. Ila tung’ang’wa kutangana, ngita pemulola kigono kya Mtwa kigehe pepi.

6 Kwihela yeyonda yeiwesa kumkelesa Nguluvi ngajila kumudikila Nguluvi. Kwakuva munu yeyonda yeakumuheleliya Nguluvi ing’ang’wa adikile kuva Nguluvi poyuli na kuvagavila fupo vala vevakumsaka kwa kugangamala.

12 Luchowo lwa Nguluvi ligehe na wumi na ludali, ndi ling’ali kuchumba lipanga leligehe na mang’ali lyeliwesa kudumula kuno na kuno, na kwingila na kunengecha numbula na muhe, mbaka pale pefitang’anila fiwungo fya muvili na uloto. Luchowo ulo ugubutula natilo na mahocho gya numbula cha vanu.

9 Suwe, petugita manofu ngajila kufwaila na petubihila kutwenyeka numbulau, datwibena mabenolo kwa chipindi kyake.

11 Ndikwacha kwa veve kisatu. Muyakolele unofu ago ganofu gyemnagyo neke munu abihile kuvanyaga fupo lyenu lya usindi.

12 Ndeni, vanu va Nguluvi vevikolela malagilicho gya Nguluvi na kumwidikila Yesu, ving’ang’wa kuhuvilila.

Nguluvi seakumgecha munu

12 Afunyilwe munu yula yeahuvilila magecho, kwakuva peawesa kuhuvilila dawanuka fupo lya uwumi ngita Nguluvi peajangile kuvagavila vala vevakumkela.

33 Ndivalongie makani aga neke mpatile kuva na ulutengamaso pemvecha pamwi na nene. Vanu va muinyi mwipatila utumama, ila mugangamale! Nene niuvesile suwe inyi!"

66 Kuchumbila ago, gyealongile Yesu, volofu vevamuheleliye Yesu, vakawuyile kukaye yao, vakalekile kumuheleliya Yesu kangi. 67 Suwe, Yesu akavahucha vala vachulila vake kyumi na vavili, "Wuli na nyenye mwisaka kuhega?"

68 Suwe, Simoni Peteli akamuhigile, "Mtwa, tuhege tubite kwiya? Veve unacho njowo cha uwumi va mbepali. 69 Nefwe tudikila na tuchela kuva veve ndi yeuhanguliwe kuhuma kwa Nguluvi aviye wumi."

18 Sendikuvaleka nyenye vakiva, ndikwacha kangi kwa nyenye.

Musuke na musake na mkong’ole mlyangilo

7 "Msuke kwa Nguluvi, nyenye damugavilwa, musake nyenye damwipata, mkong’ole mlyangilo na nyenye damwidinduliwa. 8 Kwakuva kila munu yeisuka igavilwa na yeisaka ipata na yeikong’ola mlyangilo idundiliwa.

28 Mwache kwa nene nyenye vonda nyemufwaile kwa kunyamula michigo, nene ndikuvatulicha. 29 Mudikile kulongochwa na nene ngita fila ng’ambako yeawopilwe ligongolo, na nyenye mwiwulaniche kuhuma kwa nene kwakuva nene nde mfokomasi na myigafu na nyenye mwipolechwa munumbula chenu. 30 Kwakuva daivecha upefu kwa nyenye kuvalongocha nyenye kwakuva mawulanichi gyangu semakangafu."

26 Yesu akavalolile, akalonga, "Kwa munu njowo ichi sechiwesekana, ila kwa Nguluvi njowo chonda chiwesekana."

37 kwakuva kwihela seliwesekana kwa Nguluvi."

6 Suwe, ndichela kuva Nguluvi yeavangiche kasi iyi nofu mugati lyenu, dakuiyendelesa mbaka dapeikamilika mu kigono kila kya Kilisito Yesu, yila kigono kya kuwuya kwa mwene.

17 Ata yivechile munu yeyonda agehe mugati lya Kilisito avechile munu mumiya, gadahile gachumbile na gamiya gachile.

Luhano miya na inyi miya

1 Baho, ndikawene luhano miya na inyi miya, kwakuva luhano ila lya pamwandi na inyi ila lya pamwandi chikali chichumbile suwe, vala sepakali na inyanza kangi. 2 Ndikawene mwani va Nguluvi yumwene, veukemelwa Yelusalemu miya, wikwika kuhuma kuluhano kwa Nguluvi, ukiva ugelanichwe ngita mdala va lihungu afwaliswe unofu kwakuva lya mgosi vake. 3 Baho, ndikapulike lichwi likomi kuhuma pakila kigoda kya ung’achale ikilonga, "Pulikiche! Nondee Nguluvi daakwikala pamwi na vanu. Akwikala mugati lyao, navo davivecha vanu vake na mwene daivecha Nguluvi vao. 4 Mweni daifyangula kila lihochi lyelihuma mumeho gyawo, vala kufuwa sekuvecha kangi vala makivilicho vala kutamika kwakuva makani gya daha gakali gachumbile."

11 Mugite kasi kwa kugangamala na mubihile kuva vagata. Mumgumbanikile Mtwa kwa numbula chenu chonda. 12 Mwikeduke kwakuva mukumhuvilila Nguluvi, mwigangamale pemwigudwa na mumsuke Nguluvi figono fyonda.

12 Mwikeduke kwakuva mukumhuvilila Nguluvi, mwigangamale pemwigudwa na mumsuke Nguluvi figono fyonda.

19 Valongu vangu yendivakeliye, mubihile kumpwisila yeyonda ye akugitile nongwa, ila lukani ulo mulekele Nguluvi muvipo lyake amupulisiye, kwakuva isimbilwe mumasimbo, ilonga Mtwa, "Nene nde ndikuvapilusila vanu"

17 Kwihela yeivecha na ludikilo peseipulika luchowo lya Njowo Nofu cha Kilisito.

28 Twichela kuva, mufinu fyonda, Nguluvi igita gyonda gaveche manofu kwa vanu vala yevakumkela na vala vevakemilwe, ngita mwene peakeliye.

16 Masimbo gonda gya Nguluvi gasimbilwe kwa ulongochi va Nguluvi na gikwidikilwa kwa kuwulanichila undakyene, kuvayakilila vanu nongwa chawo na kuvalongochela vanu vikale kwa unofu, 17 neke munu va Nguluvi aveche na udikilwe na ahaguliwe kwa kugita kasi yeyonda nofu.

13 Kolele unofu mawulanicho gala gya undakyene gendikuwulaniche na kusigala mu kwidikila na mulukelo weugehe kwa Kilisito Yesu. 14 Njowo chila nofu lyeugavilwe ulidime kwa ludali lwa Muhe va Nguluvi yeikwikala mugati lyetu.

16 Tukumlumba Mtwa vetu Yesu Kilisito mwene na Daada vetu Nguluvi yeatukeliye kwa usanzi vake akatugaviye unamacha lwa mbepali na luhuvilo lyeligehe na ludali, 17 avanamache na kuvagangamicha mu kila lukani lunofu lwemugita na magito manofu.

9 Ila, ngita tukwidikila na kulonga kuva tugitile sambi, Nguluvi akutuhechela sambi chetu na kutung’alicha uwofu vonda, kwakuva mwene ndi akwidikilwa ugita gala gyeging’ang’wa.

14 Na nefwe tugehe vakakatima pautalo lya Nguluvi kwakuva tugehe na undakyene kuva petukumsuka kyokyonda kwa lukelo lwake akutugavila. 15 Nefwe tuchela kuva hutupulikicha petukumsuka kyokyonda, twichela kuva hutugavila gyonda getukumsuka.

7 Munu munya lukelo seidenyeka numbula na seileka kudikila na ihendelela kuhuvilila gyonda na seileka kuhuvilila.