Nascer de novo
Nascer de novo é a porta de entrada para a vida em Deus. Jesus ensinou que sem o novo nascimento espiritual, ninguém pode ver nem entrar no Reino de Deus.
A necessidade do novo nascimento
Jesus declarou a Nicodemos: 'Aquele que não nascer de novo não pode ver o Reino de Deus.' O novo nascimento é pelo Espírito.
ईशू दैनअ तेऊ लै ज़बाब, "हुंह खोज़ा ताखा का सत्त, ज़ै कोई नऊंअ ज़ल्म नांईं लए, सह निं परमेशरो राज़ भाल़ी सकदअ।"
ईशू दैनअ तेऊ लै ज़बाब, "हुंह खोज़ा ताखा का सत्त, ज़ै कोई नऊंअ ज़ल्म नांईं लए, सह निं परमेशरो राज़ भाल़ी सकदअ।"
निकूदमासै बोलअ ईशू लै, "ज़ै कुंण मणछ प्रोढअ गअ हई, सह तेखअ नऊंअ ज़ल्म किहअ करै सका लई? तेऊ कै आपणीं माए पेटै भिई लागणअ डेऊणअ?"
ईशू दैनअ तेऊ लै ज़बाब, "हुंह खोज़ा ताखा सत्त, ज़ुंण मणछ पाणीं अर आत्मां करै ज़ल्म नां लए, सह निं परमेशरे राज़ा दी डेऊई सकदअ। इहअ करै कि ज़ुंण देही का निखल़अ सह आसा देही, अर ज़ुंण पबित्र आत्मां का ज़ल्मअ, सह आसा आत्मां। रहैन निं हऐ कि मंऐं किज़ै बोलअ, कि ताह लागणअ ‘नऊंअ ज़ल्म लणअ ज़रूरी।’ बागरी ज़ेथ बाखा डेऊणअ च़ाहा तेथ बाखा डेओआ, ताखा शुण्हिंआं तेते सिधी छ़ेल़। पर ताखा निं थोघ कि सह किधा का एछा अर सह किधा लै डेओआ? ऐहा गल्ला निं समझ़ाऊई सकदै कि मणछ पबित्र आत्मां करै किहअ करै लआ ज़ल्म।"ज्ञैन. 11:5
ईशू दैनअ तेऊ लै ज़बाब, "हुंह खोज़ा ताखा सत्त, ज़ुंण मणछ पाणीं अर आत्मां करै ज़ल्म नां लए, सह निं परमेशरे राज़ा दी डेऊई सकदअ। इहअ करै कि ज़ुंण देही का निखल़अ सह आसा देही, अर ज़ुंण पबित्र आत्मां का ज़ल्मअ, सह आसा आत्मां। रहैन निं हऐ कि मंऐं किज़ै बोलअ, कि ताह लागणअ ‘नऊंअ ज़ल्म लणअ ज़रूरी।’
हुंह खोज़ा तम्हां का सत्त कि ज़ुंण बी परमेशरे राज़ा इना शोहरू ज़िहअ निं मने, सह निं तेथ कधि डेऊई सकदअ।"
स्वर्गे राज़ा दी सोभी का बडअ
एता बाद डेऊऐ च़ेल्लै ईशू सेटा लै पुछ़दै, "स्वर्ग राज़ा दी सोभी का बडअ कुंण आसा?"
ऐहा गल्ला शूणीं ईशू एक होछ़अ ज़िहअ लान्हअ आप्पू सेटा शादी करै तिन्नां मांझ़ै खल़अ किअ संघा बोलअ, "हुंह खोज़ा तम्हां का सत्त कि, ज़ै तम्हैं आपणीं ज़िन्दगी नांईं बदल़े अर लान्हैं ज़िहै भोल़ै नांईं बणें, तै निं तम्हैं स्वर्ग राज़ा दी डेऊई सकदै। ज़ुंण बी आप्पू एऊ लान्हैं ज़िहअ भोल़अ बणें, सह हणअ स्वर्ग राज़ा दी बडअ।
Nova criação em Cristo
Quem está em Cristo é nova criação. Morremos e ressuscitamos com Ele para viver em novidade de vida, livres do velho homem.
तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्ला गई बिति भाल़ा, सोभै गल्ला हुई नऊंईं।
ज़ेभै हाम्हैं डुबकी लई, तेभै मूंऐं हाम्हैं अर मसीहा संघै डाहै दाबी। तेखअ ज़िहअ मसीहा बाब परमेशरे प्रतप्पा करै मरी करै ज़िऊंदअ हुअ, तेही ज़िऊंणीं ऐबै हाम्हां नऊंईं ज़िन्दगी।
ज़ै हाम्हैं बी डुबकी दैई ईशूए मौता दी साझ़ू आसा, हाम्हैं हणैं तेऊए ज़िऊई उझ़णै बाद बी तेऊ संघै साझ़ू। किल्हैकि हाम्हां का आसा थोघ कि म्हारअ पराणअ सभाब छ़ड़ाऊअ मसीहा ईशू संघै क्रूसा दी ताकि अह पापे देही खतम होए, अर हाम्हैं आजू लै पापे गलाम नां रहे बणी। ज़ुंण मणछ मरी गअ सह निं तेखअ पाप करने शगतीओ गलाम रहंदअ।
ज़ेभै हाम्हैं डुबकी लई, तेभै मूंऐं हाम्हैं अर मसीहा संघै डाहै दाबी। तेखअ ज़िहअ मसीहा बाब परमेशरे प्रतप्पा करै मरी करै ज़िऊंदअ हुअ, तेही ज़िऊंणीं ऐबै हाम्हां नऊंईं ज़िन्दगी।
इहअ ई समझ़ा तम्हैं बी आप्पू लै पाप करने शगती लै मूंऐं दै, पर परमेशरो अदर करना लै समझ़ा मसीहा ईशू दी ज़िऊंदै।
ऐबै आसा मेरी पराणीं ज़िन्दगी मसीहा संघै क्रूसा दी छ़ड़ाऊई दी अर ऐबै निं हुंह ज़िऊंदअ रहअ पर मसीहा आसा मुंह दी ज़िऊंदअ। हुंह ज़ुंण देही दी ऐबै ज़िऊंदअ आसा, हुंह आसा सिधअ तेऊ विश्वासा संघै ज़िऊंदअ, ज़ुंण परमेशरे पूता दी आसा, ज़ुंणी मुल्है झ़ूरी किई, अर मेरी तैणीं आपणीं ज़ान दैनी।
आपणैं पराणैं पापी सभाबा अर पराणैं च़ाल-च़लणा छ़ाडा पोर्ही ज़ुंण धोखै दी पाणै आल़ी च़ाहा दी भ्रष्ट आसा हुअ द।
ऐबै दैआ परमेशरा थारी समझ़ अर सभाब नऊंईं बणाणैं। ऐबै दैनअ परमेशरै तम्हां लै आप्पू ज़िहअ नऊंअ भलअ सभाब, एऊ नऊंऐं सभाबे साबै करा बभार। असली दी हआ शुचै अर धर्मीं।
एकी-दुजै का निं झ़ुठअ बोला, किल्हैकि तम्हैं हेरअ आपणअ पाप करनै आल़अ बूरअ सभाब अर सोभै कदुष्ट काम करनै छ़ाडी। ऐबै आअ तम्हां दी नऊंअ भलअ सभाब अर परमेशर रहा हर बगत तम्हां आप्पू ज़िहै भलै का भलै बणाऊंदअ लागी ज़िहै तेऊ हाम्हैं आप्पू ज़िहै बणाऐं तै। ऐहा नऊंईं ज़िन्दगी दी नां कुंण यूनानी रह, नां यहूदी, नां खतैर आल़अ नां खतैर नांईं किऐ दै, नां बणें नां परदेसी, नां दास, नां गलाम, पर सिधअ मसीहा आसा सोभ किछ़ अर सह आसा तम्हां सोभी दी ज़िऊंदअ।
Filhos de Deus
Nascemos de novo pela Palavra viva de Deus. Quem crê em Jesus recebe o direito de se tornar filho de Deus, nascido do Espírito.
पर ज़ुंणी बी सह मनअ अर तेऊ दी विश्वास किअ, तिन्नां लै दैनअ तेऊ परमेशरे लुआद हणैंओ हक। तिंयां निं संसारे रिती दी परमेशरे लुआद बणै ज़िहै संसारै मणछ बैह करी शोहरू लै ज़ल्म दैआ। पर तिन्नों बाब आसा परमेशर अर तेऊ दैनअ तिन्नां लै नऊंअ ज़ल्म।
एक ज़िऊंदी आशा
म्हारै प्रभू ईशू मसीहे बाब अर परमेशरो करा शूकर। अह आसा तेऊए महान झींण कि म्हारअ हुअ नऊंअ ज़ल्म। किल्हैकि तेऊ किअ प्रभू ईशू मसीहा मरी करै ज़िऊंदअ। ऐबै ज़िऊआ हाम्हैं म्हारी ज़िन्दगी पूरी आशा डाही। हाम्हैं आसा न्हैल़ै लागै दै कि हाम्हां सह ज़ैदात भेटे ज़ुंण परमेशरै हाम्हां लै आसा डाही दी। तेता निं कोहै बरैबाद करी सकदअ। नां कुंण तेता खोई सकदअ। तिंयां निं कधि पराणैं हणैं अर तेते शोभा रहणीं सदा। परमेशरै आसा तिंयां च़िज़ा स्वर्गै तम्हां लै डाही दी।
तम्हां लागा एकी-दुजै संघै झ़ूरी करनी ई करनी, किल्हैकि तम्हां आसा परमेशरा का नऊंईं ज़िन्दगी भेटी दी। तम्हां निं अह ज़िन्दगी किज़ू एही च़िज़ा करै आथी भेटी ज़ुंण बरैबाद हणीं, पर अह आसा तेता करै भेटी दी ज़ुंण सदा लै हणीं। हाम्हां आसा नऊंईं ज़िन्दगी परमेशरे ज़िऊंदै अर सदा रहणैं आल़ै बैणा करै भेटी दी।
ज़िहअ एभै पैईदा हुअ द शोहरू आपणीं माओ क्लुध च़ाहा, तेही लागा हाम्हां च़ाहा डाहणीं कि परमेशर हाम्हां का सत्त खोज़े, ताकि तम्हैं तेता शिखल़ी करै परमेशरा दी विश्वास करना लै ज़ुआन शोहरू ज़िहै होए। खिरी हणअ इहअ कि परमेशरा बच़ाऊंणै तम्हैं एऊ संसारे बूरी गल्ला का पठी। किल्हैकि पबित्र शास्त्र बोला इहअ, "तम्हां गअ तज़ुर्बअ हई कि प्रभू आसा भलअ।"
सोठा, बाब परमेशरै हाम्हां संघै केही झ़ूरी किई, कि हाम्हैं तेऊए लुआद हई सके। हाम्हैं तेऊए लुआद आसा बी, तैही निं संसार हाम्हां बछ़ैणदअ, किल्हैकि तिन्नैं निं प्रभू, म्हारअ बाब परमेशर बी बछ़ैणअ। मेरै पैरै भाईओ, ऐबै आसा हाम्हैं परमेशरे लुआद, अर अज़ी बी निं अह प्रगट हुअ कि आजू हाम्हैं किज़ै-किज़ै हणैं, पर एतरअ आसा हाम्हां का थोघ कि ज़ेभै सह प्रगट होए, तेभै हणैं हाम्हैं बी तेऊ ज़िहै, किल्हैकि सह हेरनअ हाम्हां तिहअ ई ज़िहअ सह आसा।
पर ज़ांऊं ठीक बगत पुजअ, परमेशरै छ़ाडअ आपणअ पूत संसारा लै अर तेऊओ ज़ल्म हुअ होरी मणछा ज़िहअ ई एकी ज़नानीए ओदरा का। तेऊओ ज़ल्म हुअ यहूदी खिंबा दी अर तेऊ किई सोभै गल्ला मोसा गूरे बधाने साबै। ताकि ज़ुंण बधाने डरा हेठै आसा, तिन्नां लै मोल दैई छ़ुटकारअ होए, अर हाम्हां बी गोद लऐ दै शोहरू ज़िहअ हक भेटे।
तिन्नां लै दैणीं मुंह सुंबल़ी सोर अर सुंबल़ी बुध। तिन्नों पात्थरा ज़िहअ काठअ मन्न करनअ मुंह दूर, तिन्नां लै दैणीं मुंह समझ़ कि तिंयां ज़िहअ हुंह बोले तिहअ ई करे। तेखअ डाहणअ तिन्नां मेरअ बधान आद अर तिन्नां रहणअ मेरै सोभी हुकम मनणा लै शुचै-पाक्कै। तिंयां हणैं मेरी परज़ा अर हुंह हणअ तिन्नों परमेशर।
पर परमेशरा लागा म्हारी खास्सी झींण अर सह करा हाम्हां लै खास्सी झ़ूरी। मसीहा दी विश्वास करनै का आजी तै हाम्हैं पाप करनै पिछ़ू मूंऐं दै ज़िहै, परमेशरै दैनी हाम्हां लै ज़िन्दगी ज़ेभै तेऊ मसीहा मरी करै भिई ज़िऊंदअ किअ अर परमेशरे जशा करै ई आसा थारअ उद्धार हुअ द।