5 ክርስቶሳ የሱሳን ደእያ ሀ አሽከተ ቆፋይ ቃይ ህንተናንካ ደአናዉ በሴ።

6 እ ኡባ ዎደ ጾሳ ግዲደ ደኤዳ፤

ሽን እ ዎልቃን ጾሳ ኬና ግድያ ማታይ ደእያዋ በስያዋዳን ፓይድቤና።

7 ሽን እ ባረ ሸንያን ኡባባ አጊደ፥*

አይልያ መታ አኬዳ፤

ቃይ አሳ ማላቲደ ቆንጬዳ።

8 እ ባረና ካዉሼዳ፤

ሀይቆ፥ ኡባ ሀራይ አቶ፥

ማስቃልያ ቦላ ሀይቃናዉካ አዛዘቴዳ።

4 ሽን ያናዉ በስያ ዎዲ ጋኬዳ ዎደ፥ ጾሳይ ማጫዉንፐ የለቶዋ፥ ሙሴ ህገዉ ሞደትያ አሳ ጋርሳን የለቴዳዋ፥ ባረ ናኣ ኪቴዳ። 5 አያዉ ኪቴዴ ጎፐ፥ ህግያን ሞደቲደ ደእያዋንታ ዎዛናዉነ ኑና ባረ ናና ኦናዉ ኪቴዳ።

14 ናና ጊደ እ ጼስያዋንቱ፥ አሹዋፐነ ሱፐ መቴዳ አሳቱዋ ግድያ ድራዉ፥ የሱስ ባረ ሁጰዉ ኡንቱንታ ማላቲደ፥ ኡንቱንቱ መታ አኬዳ፤ ቃይ እ ሄዋ ኦዳዌ፥ ጻላህያ ካፑዋ ሀይቁዋ ቦላ ማታይ ደእያዋ ባረ ሀይቁዋን ይሳናሳ። 15 ቃይ ባረንቱ ደኡዋ ኡባን ሀይቆ ያዪደ፥ ሀይቆ አይለቲደ ደእያዋንታ ኡባቱዋ አይለተፐ ከሴዳ።

17 ሄዋ ድራዉ፥ አሳ ናጋራይ አቶ ጌተታና ማላ፥ ጾሳ ኪታን አማነቴዳ ማርያ ቄሳቱዋ ኡባቱዋ ካፑዋ ግዳና ማላ፥ ኡባባን እ ባረ እሻቱዋ ማላታናዉ በሴ።

16 "ጾሳ ናኣ አማንያ ኡባይ መና ደኡዋ አካናፐ አትን፥ የና ማላ፥ ጾሳይ ሀ አላምያ አሳ ሎይ ሲቄዳ ድራዉ፥ ባረ መጽ እት ናኣ እሜዳ።

18 የሱስ ክርስቶሳ የለታይ ሀዋ ማላ፤ አ ዳያ ማይራማ ዮሴፎ ኦሸታ ቃሸታ ኡታዱ። ሄ ዎደ ዮሴፎና ጋከተናን ደኣደ፥ ጌሻ አያናን ሻሃራዱ።

20 ሽን እ ሄዋ ቆፕሽን፥ ጎዳ ኪታንቻይ አኩሙዋን* አናና ጋከቲደ፥ "ዳዊተ ናኣ ዮሴፎ፥ ማይራማ ጌሻ አያናን ሻሃሬዳ ድራዉ* እዞ አካናዉ ያዮፓ። 21 እዛ አቱማ ናኣ የላናዉኑ፤ ኔንካ፥ እ አሳ ናጋራፐ አሽያ ድራዉ አ ሱን የሱሳ ጋደ ጼሳናሳ" ያጌዳ።✝

22,23 ቃይ ጎዳይ ናብያ ባጋና፥ "ወዶራታ ሻሃራናዉኑ፤ ናኣካ የላናዉኑ፤ አ ሱንይካ አማኔላ ጌተታናዋ" ያጌዳዌ ፖለታና ማላ፥ ሀዌ ኡባይ ሃኔዳ፤ "አማኔላ" ያግያዌ፥ "ጾሳይ ኑናና ደኤ" ያግያዋ።✝

24 ዮሴፎ ገምእሹዋፐ ቤጎቲደ፥ ጎዳ ኪታንቻይ ባረና አዛዞዋዳን፥ ማይራሞ ባረ ጎለ አፌዳ። 25 ሽን ናአይ የለታና ጋካናዉ ዮሴፎ እዝኮ ሺቅቤና፤ ቃይ ናኣካ የሱሳ ጊደ ሱንዳ።✝

30 ኪታንቻይ እዞ፥ "ሀነ ማይራሜ፥ ጾሳ ማታን ሳባ ደማዳ ያዮፓ። 31 ኔን ሻሃራደ፥ አቱማ ናኣ የላናሳ፤ አ ሱንካ የሱሳ ጋናሳ።✝ 32 እካ ዳራ ግዳናዋ፤ ኡባፐ ቃ ጾሳ ናኣ ጌተታና፤ ጎዳ ጾሳይ አ አቡ ዳዊታ ካዉተ ኦይድያ አዉ እማናዋ። 33 እካ ያቆባ ጎለን መናዉ ካዉታናዋ፤ አ ካዉተዉካ ዉርሰይ ባዋ" ያጌዳ።✝

4 ዮሴፎካ ዳዊታ ጎልያፐነ ያራፐ ግድያ ድራዉ ጋሊላ አዉራጃን ደእያ ናዝሬተ ካታማፐ ደንዲደ ዳዊታ ካታማ ግዴዳዉንኮ ይሁዳን ደእያ ቤተሌመ ጌተትያ ካታማ ከሴዳ። 5 ሄ ዎደ የልያ ዎዲ ማቴዳ አዉ ኦሸታ ኡቴዳ ማይራማካ አናና እትፐ ባዱ። 6 ኡንቱንቱ ሄዋን ደእሽን እዝዉ የልያ ዎዲ ጋኪ አጌዳ። 7 እዛካ ባይራ ናኣ* ግዴዳ አቱማ ናኣ የላዱ፤ እማይ ሸምፕያ ሳ ደማቤና ድራዉ፥ ናኣ ማዩዋን ጻጻደ ጋጳትያን* ቀራዱ።

10 ኪታንቻይ ኡንቱንታ፥ "ያዮፕተ፥ አሳዉ ኡባዉ ሀንያ ዳሮ ናሸችያ ምሽራቹዋ ታን ህንተንቶ አሃድ። 11 ሀቼ ዳዊታ ካታማን አሽያዌ የለቴዳ። እካ ጎዳ ክርስቶሳ። 12 ሀዌ ህንተንቶ ማላ ግዶ: ጋጭኖ ናአይ ማዩዋን ጻጸቲደ ጋጳትያ ግዶን ግሴዳዋ ደማንታ" ያጌዳ።

15 ኪታንቻቱ ኡንቱንቱፐ ሻከቲደ ሳሉዋ ከሶዋፐ ጉየ፥ ዉድያ ሄምያዋንቱ፥ "ጎዳይ ኑዉ ቆንጭሴዳዋ፥ ሀዋ ሀኔዳ የዉዋ በአናዉ ቤተሌመ ቦይተ" ጌተቴድኖ።

16 ኡንቱንቱካ ኤሌሊደ ቤድኖ። ማይራሞነ ዮሴፎ ደሚደ፥ ጋጭኖ ናአይካ ጋጳትያን ግሴዳዋ በኤድኖ። 17 ሄዋፐ ጉይያን ጉ ናኣ ድራዉ ኦደቴዳዋ ቆንጭሲደ ኦዴድኖ። 18 ሀዋ ስሴዳ ኡባይ ኡንቱንቱ ኦዴዳ የዉዋን ማላለቴድኖ።

37 ሄዋ ድራዉ፥ ጵላጾስ የሱሳ፥ "ያትና፥ ኔን ካቴየ?" ያጊደ ኦቼዳ።

የሱስ ዛሪደ፥ "ኔን ታና ካትያ ጋዳ። ታን ቱሙዋ ማርካታና ድራዉ የለታድ፤ ቃይ ሄዋ ድራዉ፥ ሀ አላምያ ያድ። ቱሙዋ ባጋ ግዴዳ ኦንነ ታን ግያዋ ስሴዳ" ያጌዳ።

9 ኡንቱንቱ ካቲ ጌዳዋ ስስ ቢደ ኦግያን አዋይፊ ዶልያ ባጋና ኡንቱንቱ ካሰ በኤዳ ጾልንትያ በኤድኖ፤ ናአይ ደኢያሳ ጋኪደ ኤቃና ጋካናዉ፥ ጾልንቲ ኡንቱንታ ካለዳ። 10 ኡንቱንቱ ሄ ጾልንትያ በኤዳ ዎደ፥ ዛዋይ ባይና ዳሮ ናሸቻ ናሸቴድኖ። 11 ጎለ ገሊደ፥ ናአይ ባረ ዳይ ማይራምና ደእያዋ በኤድኖ፤ ጉልባቲደ አዉ ጎይኔድኖ፤ ሄዋፐ ካላ፥ ባረንቱ ሳጽንያ ዶዪደ፥ ዎርቃ፥ እጻናነ ካዋራ* አዉ እሞታ ሺሼድኖ።

12 ኡንቱንቱ ሄሮድሳኮ ስመና ማላ፥ ጾሳይ አኩሙዋን ኡንቱንታ፥ "ህንተና ኤርተ" ጊና ሀራ ኦግያና ባረንቱ ጋደ ስሜድኖ።