Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Tunani ku e ma yiri ni Kiristi Yesu:
Waana, kode nkye Yesu e ma kamani Mirikisi,
e taba tunani de gonta kiya yi nja Mirikisi ba.
Momoko yomuna: e la kiya yi e ma mbodaa ba,
E la kiya yi ma kankye bunwa ,
E la kiya yi ma kankye nsebeki, de e butu a siki kamani ni nsebeki.
E bwala kiya yi,
te turiki beyi girima
de keyi te muntu,
Muntu a kiya gidiri!
Sede kwanki yi, Mirikisi saka Yaa yi, de su yapu yi te anya ni mase, su yapu Yesu te anya doka Musa, de E sila worede ma a siki doka Musa, de muma anihi yaya Mirikisi.
Tunde yaya mu su ma ntani nsu nama nja zini, e shi ma du e ma kankye nsebeki. Sobon te anya muntu e yi e juru sori ni muntu, wato obiri, de man sori a kiya muntu, de kunshe worede su ma bunwa muntu tunde su yapu su sobon womba.
Sobon yomu, e yi kyawu de e ma kankye yayuwa yi a kowon turiki, de e ma pirisi nsu toseyi nja aminshi a siki anki Mirikisi, de e munka sedeka de yaa la lepi ntani.
<<Sobon so de Mirikisi yi ntani durinya mu ari e beyi Yaa yi ndandaa, sobon guru nsude yeda nja shi yaa muntu ba sede yaa mani leyi ni gbogbo.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Yapu Ni Yesu Kiristi
Yomuna su yapu Yesu kiristi. Kwanki de Yusupu mase sari yi Meremu amaa ni Yesu, tunde e abenshi a gizi yi woba, na ema a siki butu anya Aworo Nsuseki.
De ema kiya tunani mu, meleku ni Mirikisi gye Yusupu a siki nansi, nkye, <<Yusupu yaa ni Dowuda, kede ki zi womba ni la Meremu de ema mata ke, nkaa siki de e manshi butu anya ni Aworo Mirikisi la. Yaa yapu Yaa, yaa beyi seni Yesu, sobon e shiya yaa sila ntani yi dege siki lepi.>>
Guru mbo mu paru de beta Mirikisi de e pala a baki Anebi Ishaya nkye: <<Yaa mase de puari nse minzi ba yaa man siki yaa yapu Yaa, sua sa yi seni nkye Imanuwe.>> Maana yi ema, <Mirikisi ma nja mu.>>
Anya ni de Yusupu dege a kwana e yi mbode meleku Mirikisi gye yi anansi nkye, Meremu e shiya ma mata yi. Sede E taba shina yi ba, kami de e yapu yaa ni. E sa yi seni Yesu.
Sede Meleku Mirikisi gye yi nkye, <<Kede ki zi womba, Meremu, ki samu aniyeri anya Mirikisi. Ka yi siki de ka yapu yaa minzi, ka sa yi seni Yesu. Yaama tolense sua sukwa yi Yaa nsu de man girima. Obagizi Mirikisi yaa beyi kingbolo ni Adaa e yi Dowuda, yaa yi solota gizi ni Yakubu ni gbogbo; solota yi mma ya gagaba.>>
Se Yusupu e shi ma te a geri Nazere a siki Galili ni Yawudiya, ta Batalami geri ni Dowuda, sobon e ma juriya ni Dowuda. Yusupu te anya ni de su kiriga yi nja Meremu mase sari, de su yi anikowori ni amere nja kiya su, kwanki ni Meremu e man siki yaa bila de yapu yaa. De su ma a Batalami, kwanki yi de yaa yapu Yaa yi, se e yapu yaa yi ni pari, yaa minji. E ripe yi ni woriki, e la yi kwakwana a mbode sua ba daba mbosi a siki yi, sobon su samu laki de sua sonka a siki yi ba.
Sede meleku Mirikisi gye su nkye, <<Kede ku zi womba. Ni keyi ku nabari kyakyawu ni totolo perisiki anya ni ntani guru. Yawu a siki geri ni Dowuda su yapu nsu sila ku; e ma Kiristi Obagizi. Da mu e shiya ma alama ba ku: Kwa san yaa dende su lende yi ni keyi su leyi kwakwana a kiya mbode sua baa daba mbosi.>>
De meleku Mirikisi bila su te a siki bisi, nsu yi kiwo su gye nkyasu, <<Mu te Batalami de mu te geni mbode paru, de Mirikisi yi mu beta a kiya yi.>>
Su yi seberi te geni meremu nja Yusupu, ni yaa dende, de kwakwana a kiya anya de sua ba daba mbosi. De nsu kiwo geni yaa dende ni se su pala nabari de meleku Mirikisi gye su a kiya ni yaa mu, guru nsu worede zi su yi mamanki ni mbode nsu kiwo gye su.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Se Bilatu minya nkye, <<E ke na ki ma seleki na!>>
Yesu keleba nkye, <<Ki pala nkiya ke de ki nkye Ni ma seleki la. Ngaskye, sobon delili mu na su yapu ni, sobon nsu mu na Ni zo a durinya, de ni pala gaskye. Du nsude ma A beyi gaskye yaa zi mbode mma pala.>>
De su zi beta Seleki, su sigeba ntepiya asu, kemu de su geni anse, e ta geba asu e zo sakisi anya de su yapu Yesu. De su geni kemu sakisi anya ni, su yi perisiki nyowa. De su yuru a gizi ni, su geni Yaa ni nja Amaa e yi Meremu, se su dure a geba e yi su bowuta yi. Su bure Angala, su ba yi kyawuta ni zinari, tularee myrrh. De kwanki yi ni kuma ta geri asu, Su kuman beyi biya turiki ni gagaba, sobon Mirikisi gye su anansi nkye, kede su kuma ta ayan Yiridu gagaba.