Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Mukhale chimchijha ngati mujha muda khalilala ni Kilisito Yesu.
Iye kwa chiyambo wadali Mnungu,
siwadaone kujha kulingana ni Mnungu.
Iye wadajhichita si kandhu,
wadajhichita walingana ni mbowa.
Wadali ngati wandhu
wadaonekana ngati mundhu.
Wadanyenyekela ni kuvomela kumwalila
nyifa ya pamtanda.
Nambho ndhawi yeneyene yapo idakwana Amnungu adamtuma Mwana wao uyo pajhiko lino la panjhi. Mwana uyo wadabadwa ni wamkazi, mwana mmeneyo wadachgozedwa ni thauko la Musa, waombole anyiwajha achogozedwa ni thauko, dala ife Ayahudi tichitidwe kukhala wana Amnungu.
Mateyake Amnungu adaakonda wandhu a jhiko la panjhi ni kumchocha Mwana wao wa yokha, kuti kila uyo wamkhulupilila siwadatayika, nambho wakhale ni umoyo muyaya.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Kubadwa kwa Yesu Kilisito
Kubadwa kwa Yesu Kilisito kudali chimwechi. Maliya maye wa Yesu wadachumbidwa ni Yusufu. Nambho akali osakhale pamojhi ngati mundhu ni mkazake, Maliya wadaonekana wali ni pathupi kwa mbhavu za Mzimu Woyela.
Yusufu yapo wamaganizila chindhu ichi, Mtumiki wa kumwamba wa Ambuye wadamjhela kumaloto kumkambila Yusufu mwana wa Daudi, Usadaopa kumtenga Maliya kukhala mkazako pakuti pathupi pake pajha kwa mbhavu za Mzimu Woyela. Nayo siwabale mwana wa mmuna. Nawe siumtane jhina lake Yesu pakuti uyu nde uyo siwaombole wandhu wake kuchoka ku machimo yao.
Vonjhevi vachitika kukwanilicha ivo adakamba Ambuye kupitila mlosi wake kuti mbeta siwakhale ni pathupi ni siwabale mwana wammuna uyo wandhu samutane Emanuweli ni mate yake, Mnungu pamojhi ni ife.
Chimwecho, Yusufu yapo wadauka wadachita ngati umo wadakambilidwa ni mtumiki wa kumwamba wa Ambuye wadamkwata Maliya. Nambho Yusufu siwadagone ni Maliya mbaka yapo wadabala mwana wammuna, Yusufu wadamtana jhina Yesu.
Nambho mtumiki wa kumwamba wa Mnungu wadamkambila, "Maliya usadaopa, pakuti Mnungu wakupacha mwawi. Vechela, siupate pathupi ni kubala mwana wa mmuna, niiwe siumpache jhina Yesu. Iye siwakhale mundhu waulamulilo, ni siwatanidwe mwana wa Uyo wali kumwamba kupunda. Ni Ambuye Mnungu sampache ufumu ngati umo wadali Daudi, tate wake. Chimwecho iye siwalamulile mbadwa wa Yakobo muyaya, ni ufumu wake siukhala ni mathelo!"
Yusufu wadachoka kumujhi wa ku Nazaleti uwo uli mujhiko la ku galilaya, wadapita kumujhi wa Beselehemu uwo uli kujhiko la Yudea, uko wadabadwila mfumu Daudi. Yusufu wadapita kumeneko ndande iye wadali wa mbadwa wa mfumu Daudi. Iye wadapita kuwelengedwa pamojhi ni Maliya, uyo wadampacha chilipa, nayo wadali ni pathupi. Yapo adali kumeneko ku Beselehemu, ndhawi yojhipenyelela Maliya idakwanila, ni wadajhimasula mwana wake wachisamba, wammuna. Iye wadamvinikila matewela ni kumgoneka mchidiku chasependwa ndande yodyechela ng’ombe, chifuko anyiiwo siadapate malo mnyumba ya alendo.
Nambho mtumiki wa kumwamba wa Mnungu wadaakambila, "Msadaopa! Nakupelekelani uthenga wabwino uwo siwakondweleche kupunda wandhu wonjhe. Pakuti lelo mmujhi wa Daudi wabadwa olamicha ndande yanu, iye nde Kilisito Ambuye. Ichi nde chizindikilo chanu, simumkomane mwana wakhanda uyo wavekedwa matewela ni wagonekedwa mchidiku cho dyechela ng’ombe."
Yapo atumiki akumwamba a Mnungu adaasiya ni kupita kumwamba, owesa wajha adakambilana, adakamba, "Tiyeni ku Beselehemu tikaone icho chachokela, icho takambilidwa ni Ambuye."
Chimwecho, adapita msangamsanga ni kumkomana Maliya ni Yusufu, ni mwana wakhanda, uyo wadagonekedwa mchidiku cha sepedwa ndande yo dyechela Ng’ombe. Owesa wajha yapo adamuona mwanayo, adauzila wandhu wina nghani za mwana mmeneyo izo adakambilidwa ni atumiki akumwamba kuhusu mwana. Ni wandhu wonjhe yawo adavela nghani za mwana zo amakamba owesa zinyama adazizwa kupunda.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Chimwecho Pilato wadamkambila, "Chipano iwe Mfumu?" Yesu wadayangha, "Iwe umo wakambila kuti ine Mfumu. Ine nabadwa dala nikhale mfumu, kwa ndande imeneyo najha pajhiko kwakambila wandhu uzene. Kila mundhu wazene wavela mvekelo wanga."
Yapo adamaliza kumvechela mfumu adachoka ni ndhondwa iyo adaiwona kuchoka kudela la kumwela idaachogoza ni kuima pajha wadali mwana. Yapo adaiona ndhondwa ijha adakondwa kupunda. Ndiipo adalowa mnyumba ni adamuona mwana pamojhi ni Maliya maye wake. Adagwada ni kumlambila. Adamasula mbhaso zao ni kumpacha mwana zaabu ni ubani ni mnghwala uwo utanidwa manemane.
Ndiipo Mnungu adaonya kumaloto kuti asadabwelela kwa Helode. Chimwecho adabwela kujhiko lawo kwa kupitila njila yina.