Nascimento

Kwelekwa kwa Yesu Kilisito

18 Kwelekwa kwa Zumbe Yesu kwandaga ivi. Maliamu uyo nine dya Yesu Kilisito, atumizagwa ni Yusufu. Umwo wandaga wakei kwikala enga ivo vili kwa mnt’hu na mkaziwe, Maliamu aonekaga kunda mbovu kwa udahi wa Muye ywa Mnungu. 19 Kwaviya Yusufu andaga mnt’hu akumwelela Mnungu, haungile kumgela soni mwa want’hu, ivo aungaga amwase Maliamu kwa kinyele. 20 Umwo andaga akafanyanya ivo, mtumigwa ywa Zumbe niyo amlaila mwe zisozi akamgamba, "Yusufu, mwelekwa ywa Daudi, usekogoha kumguha Maliamu kunda mkaziyo kwaviya ubovu ananao ni kwa udahi wa Muye ywa Mnungu. 21 Neeleke mwana kilume, naho noumwitange zina dyakwe niye Yesu, kwaviya niye akuunga awayokole want’hu wakwe walawe mwo uwavu wawe."

22 Aya yose yalailaga vileke kia kindedi cha Zumbe alongaga kombokela kwa mlotezi ywakwe kikelavilize,

23 "Kaula, mwali na mazanga neenule ubovu,

naho kwakwe naavumbuke mwana kilume,

zina dyakwe neetangwe Imanueli" nuko kugamba, "Mnungu ehamwenga na suwe."

24 Ivo Yusufu eze enuke mwe zint’hongo, amlomba Maliamu enga viya agambilwe ni mtumigwa ywa Zumbe. 25 Mna hawagendaga enga mnt’hu na mkaziwe mpaka hadya Maliamu amwelekaga mwanawe ywa kilume, niyo Yusufu amwink’ha zina niye Yesu.

Kwelekwa kwa Yesu kwalotelwa

26 Mwo mwezi wa mtandatu wo ubovu wa Elizabeti, Mnungu amtumaga mtumigwa ywa kwe Mbingu etangwe Gabilieli kwe isi ye Galilaya, mwo mzi ukwitangwa Nazaleti. 27 Nakanda na ulosi kwa mwali na mazanga akwitangwa Maliamu. Mndele uyu andaga katumizwa ni mgosi yumwenga etangagwa Yusufu, andaga ywo lukolo lwa zumbe Daudi.

30 Mna mtumigwa ywa kwe mbingu niyo amgamba, "Maliamu, usekogoha! Mnungu kakulagisa uwedi wakwe. 31 Kaula, nowinule ubovu, naho noweleke mwana kilume, zina dyakwe noumwitange niye Yesu. 32 Naande mkulu naho neetangwe Mwana ywa Mnungu e Kulanga. Zumbe Mnungu naamwink’he difumbi dyo useuta enga ivo andaga mkale ywakwe Daudi. 33 Naande Seuta ywe cheleko cha Yakobo mazuwa yose, naho uzumbe wakwe ni wa mazuwa yose!"

34 Maliamu niyo amgamba yudya mtumigwa ywa kwe mbingu, "Miye ni mwali na mazanga. Elo neinde vihi mbuli ino?"

35 Mtumigwa ywa kwe mbingu niyo amhitula, "Muye ywa Mnungu naakwizile, naho ludole lwa Mnungu ekulanga nelukugubike. Kwaivo mwana akuunga elekwe neetangwe, akukile Mwana Mnungu.

13 Ni weye udamanye vilungo vangu,

naho wanilunganyaga mwe mbeleko ya mnala.

14 Nakutunya weye kwaviya kuniumba

kwa udamanyi wako wa kwehela na kwa kutisa,

ayo hiyamanyisa kwa vedi.

15 Weye wanionaga,

umwo haumbwa kwa kinyele,

aho naumbwagwa kwa umanyi

niyo naikwaa mwe mbeleko ya mnala.

16 Weye wanionaga

hata umwo nandaga hinati kwelekwa,

mazuwa yangu ayo wanipangilaga

yawandikwagwa mwe kitabu chako umwo yandaga hayanati yalaile hata zuwa dimwenga.

9 Ni weye walekaga helekwa haheina wiihi,

naho umwo nandaga katiti ni weye wanidimaga.

10 Miye nehiikwa kwako aho nize ninde du hyelekwa,

kukongela aho mnala anelekaga, weye kunda Mnungu ywangu.

6 Nakukawiilaga weye kukongela kwo kwelekwa kwangu,

kwaviya ni weye unilavile mwe nda ya mnala.

miye nohutunye haheina uheelo.

14 Yesu niyo agamba, "Walekeni wana wadodo waniizile, msekuwafingiza, kwaviya Useuta wa kulanga ni wa want’hu enga awana awa."

4 Elo mnt’hu yeyose akuunga anakeseleze niyo anda enga aka kazana kadodo, uyo niye mkulu kujink’ha wose kwo Useuta wa kulanga. 5 Naho mnt’hu yeyose akuunga akatendele kise kazana enga aka kwa zina dyangu, mnt’hu uyo anitendela miye.

16 Niyo awakumbatila no kuwagelekela mikono na kuwavikila.

3 Wana ni ukipe kulawa kwa Zumbe Mnungu,

ni geleko dyakwe kwetu.

27 Namlombezaga anink’he umwana uyu, niyo Zumbe Mnungu anink’ha kiya nimlombeze.

4 Kunitenda ninde na kinyemi kwa udamanyi wako mkulu weye Zumbe,

nenizikemele kwa kwanga zindima zako zose udamanye.

3 Yesu niyo amgamba, "Nakugambila ikindedi, mnt’hu hanelekwe kaidi hakudaha kuuona Useuta wa Mnungu."

21 Mvele ananda haguhi a kweleka, anda na kinyulu kwaviya lupisi lwakwe lwe masulumizo lubula, mna uneva mwana anelekwa ajala amasulumizo yose, kwaviya ana kinyemi kwa mwana elekwa mwe isi.

9 Wose weli wana wa Mnungu hawakugendeela kudamanya wavu kwaviya ugima wa Mnungu umndani mwawe, hawakudaha kugendeela kudamanya wavu kwaviya wanda wana wa Mnungu.

9 Mtogoleni naho kemeni wila wa kumgamba Mnungu, nivedi,

Wagambileni mbuli zakwe zo kwehela izo adamanye.