Nem só de pão vive o homem

4 यीशुए तैस जुवाब दित्तो, "अवं न केरेलो किजोकि परमेशरेरी किताबी मां लिखेरूए,

‘मैन्हु सिर्फ रोट्टेइं सेइं ज़ींतो न राए,

बल्के तै हर गल मन्ने सेइं ज़ींतो राते, ज़ै परमेशर ज़ोते।’"

3 शैताने तैस जो ज़ोवं, "अगर तू परमेशरेरू मट्ठू आस त इन घोड़न जो ज़ो कि एना रोट्टी बन्न।" 4 यीशु तैस जुवाब दित्तो, "पवित्रशास्त्रे मां लिखेरूए, ‘मैन्हु सिर्फ रोट्टेइं सेइं ज़ींतो न राए।’ "

3 तैनी तू नम्र बनाव, ते नियन्नो भी रख्खो, फिरी तै मन्नो, ज़ैस न तू ते न तेरे सियाने ज़ानते थिये, तैन्ने तीं खुवाव; एल्हेरेलेइ कि तै तीं शिखाले कि मैन्हु सिर्फ रोट्टी सेइं ज़ींतो न राए, पन ज़ैना-ज़ैना वचन यहोवारे ज़बाना निसतन तैन्ने सेइं तै ज़ींतो रहते।

35 यीशुए तैन सेइं ज़ोवं, "ज़िन्दगरी रोट्टी (ज़ै ज़िन्दगी देनेबाली रोट्टी) अव्वें आईं, ज़ै मीं कां एजते तै कधी निअन्नो न भोल्हो, ते ज़ै मीं पुड़ विश्वास केरेलो तै कधी ट्लिशोरो न भोल्हो।

48 ज़िन्दगरी रोट्टी (ज़िन्दगी देनेबाली रोट्टी) अव्वें आईं।

51 ज़िन्दगरी रोट्टी ज़ै सुर्गेरां एवरीए अव्वें आईं। अगर कोई इस रोट्टी मरां खाए, त हमेशा ज़ींतो रालो, ते ज़ैस रोट्टी सेइं दुनियारे लोकन हमेशारी ज़िन्दगी मैलचे, तैन मेरू मासे।"

57 ज़ेन्च़रे ज़ींते बाजी अवं भेज़ोरोईं, ते अवं बाजी केरे वजाई ज़ोताईं, तेन्च़रे तै भी ज़ै मीं खालो मेरे वजाई ज़ींतो रालो। 58 ज़ै रोट्टी सुर्गेरां एवरीए, तैस रोट्टी ज़ेरि नईं ज़ै तुश्शे दादे-पड़दादेईं खाइ ते बादे मां मरे, पन ज़ै कोई ई रोट्टी खालो तै हमेशा ज़ींतो रालो।"

25 एल्हेरेलेइ अवं तुसन सेइं ज़ोताईं, कि तुस अपने ज़िन्दगरी ज़रूरतां केरे लेई फिक्र न केरा, कि तुस कुन खाले या कुन पीले, ते न अपने जानरी कि कुन लामेले। कुन प्राण रोट्टी करां ते जान लिगड़े करां बेद्धतां नईं!"

29 ते एस फिक्रे मां न रेइयथ, कुन खामेले, या कुन पीमेले, या कुन लामेले, ते न शक केरथ। 30 किजोकि दुनियारी सैरी कौमां एस्से फिक्रे मां लेगोरी रेइचन, पन तुश्शो बाजी ज़ानते, कि तुसन कोनां-कोनां चीज़ां केरि ज़रूरते। 31 पेइले परमेशरेरे राज़्ज़ेरे तलाश केरा, फिरी तुसन एना सैरी चीज़ां मैल्ही गैली।

31 यीशुएरे चेले तैस कां मिन्नत केरने लग्गे, "हे गुरू, रोट्टी खा।" 32 पन यीशुए तैन सेइं ज़ोवं, "मीं कां खानेरे लेई अक एरी रोट्टी आहे, पन तुसन तैसेरे बारे मां कोई पतो नईं।" 33 तैखन चेले एप्पू मांमेइं ज़ोने लगे, "कुन केन्चे पेइलू एसेरे लेई किछ खाने जो आनोरूए?" 34 यीशुए तैन सेइं ज़ोवं, "मेरी रोट्टी ईए कि, परमेशरेरी मर्ज़ी पूरी केरि ज़ैनी अवं भेज़ोरोईं ते तैन कम पूरू केरि ज़ैन तैनी दित्तोरूए।

17 किजोकि अगर फैगेरे बुट न फुल्‍लन,

ते दाछ़ी सेइं फल न लगे,

ते ज़ैतूने सेइं सिर्फ धोखो मैल्हे,

ते उडारन मां फसल न भोए,

ते बाड़े मां गब्बां न रान,

ते गाल्ही मां गोरू न भोन।✝

18 फिरी भी अवं यहोवारे वजाई सेइं मघन रालो,

ते छुटकारो देनेबाले अपने परमेशरेरे ज़िरिये बड़ो खुश भोल्हो।

19 यहोवा परमेशर मेरो ताकत देनेबालोए,

तै मेरे पव्वन हिरनरे पव्वां केरे ज़ेरे बनाते,

तै मीं उच्‍ची ठारन पुड़ च़लाते।