Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
Nnu’ngu' ampei Yesu lyengo lya upi’ndo nku’lu' wa dini waunogite muno kulikoni api’ndo aku’lu' ba dini babalongolile. Yesu nga ywaawana bandu na Nnu’ngu' mulilagano linannoga kulikoni li’lu' lilongoi, kai' lilagano lyo lisengilwe munsingi unannoga muno kulikoni li’lu' lya kwai’mbu'.
Ikapangage li’lu' lilagano lya kwai’mbu' lili’nganikiye kulu’e panga ntu’pu' kitumbu sa lilagano linebi’li'.
Nnu’ngu' paalikemite lilagano li’no lyayambi', aalipangite li’lu' lilongoi lipange ligona. Kili’be kigona, aso kiegelya yomokya.
Kwa kitumbu sa kilapo si' ilombolya panga Yesu nga ukakape wa lilagano lyalibile linannoga muno kulikoni li’lu' lya nsimu wa Musa.
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
Ngapanga nyinyonyo na nnobo wa divai bu’ka pakilyo, kabaya, "Kikombe si’no nga lilagano lyayambi' lya myai yangu' yaiyitanika kwa kitumbu sinu.
Bu’kapo ngatola nnobo wa divai no sukulu kabaya, "Munywelyange mwaboti munnobo wu’no. Kwa mwanjaa yi’no nga myai yangu' yaikangamaya lilagano, iyitanika kwa kitumbu sa bandu baingi li’nga kwabu’ki’ya sambi.
Bai, myai ya Kilisitu ibile na makakala muno kulikoni myai ya inyama yo, ywembe aaipiyite kwa Nnu’ngu' kwa makakala ga Loo wa milele li’nga apange salaka yangali kipi’li' sosoti. Myai yake ngayaitupeleteya myoyo yitu bu’kana na iyendo yaileta kiwo, li’nga tuntumikiye Nnu’ngu' ywabile nkoti.
Kwa nyo, Kilisitu nga mwawaniyi wa bandu na Nnu’ngu' mulilagano lyayambi', li’nga bandu babasaulilwe na Nnu’ngu' bapate balaka yangayomoka yaalagile. Makowe go gawesa pangika kwa mwanjaa Kilisitu aawile li’nga kwakosopolya bandu bu’ka mumasambi gabaapangite mulilagano lya kwai’mbu'.
Mundu mana aandike usia wa ulisi wa ili’be yake, usia wo waalu’a panga kasi palu' paalu’a yomoka yu’lu' ywaandike bai. Kwa mwanjaa usia wa ulisi upanga kasi palu' bai paipanga ywaandike ayomwike, na kwenda abile balo akalamali. Si’no nga kitumbu sa lilagano lya kwai’mbu' panga lyaapangite kasi kwa ndi’la yo yitanika kwa myai. Musa paanwayite salya yoti kwa bandu boti, aatweti myai ya likinda lya ng’ombe na ya mbwi no yangabana na masi'. Naywembe nganyunyikiya myai yo mukitabu sa salya na kwa bandu boti, kwo tumya manyoya makele ga ngondolo gagaatabilwe mulutambi' lwa nkongo waukemelwa hisopo. Musa aatibaya, "Yi’no nga myai yaipanga lilagano lya Nnu’ngu' lyamwaamuliswe, muliyu’we."
Mwanjaa salya nga kiwili bai sa makowe ganannoga gagaalu’a isa, na kwenda nga makowe gene lili. Kwa nyo, salaka yabapiya bandu kila mwaka bu’kana na salya yo, katu iwesali kwapeletea bandu babamwu’bi’lya Nnu’ngu'. Ikapangage kakape ayo salaka yabe iwesa peleteya masambi gabe, balu’e yendelyali kwiukumu panga babile na sambi, na salaka ayo yoti, ilu’e ika kuundi’la. Lakini salaka yabapiya kila mwaka ipanga yaaku’mbu’ki’ya masambi gabe, kwa mwanjaa iwesekanali myai ya malu’me ga ng’ombe na mbwi bu’ya sambi.
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
Mundu ywoywoti mana alu’mbine na Kilisitu, apanga kyumbe sayambi', makowe ga kwai’mbu' gabu’i, lingulya, gapangite gayambi'! Lyoti lyengo lya Nnu’ngu' ywatuawaniye twenga na mwene kwa ndi’la ya Kilisitu, na kutupeya lyengo lya kwaawana bandu na ywembe mwene. Ngo baya panga, Nnu’ngu' aabile kaiawana dunia na ywembe mwene kwa ndi’la ya Kilisitu, pangali balanga masambi gababile nago bandu. Ywembe aatulagi tuale liyi’gi’yo lya kwaawana bandu na ywembe mwene.
Bai, twenga tuyi’ma paali pa Kilisitu, na Nnu’ngu' mwene atutumya twenga kunkema mwenga. Tunnu’banga paali pa Kilisitu, muawane na Nnu’ngu'. Kwa mwanjaa, Kilisitu aabileli na sambi, lakini Nnu’ngu' aampangite abe sambi kwa kitumbu situ, li’nga kwa ndi’la yake tupate panga aki nnu’ngi' ya Nnu’ngu'.
Tuwesa baya go kwa ukangamau wa Nnu’ngu' kwa ndi’la ya Kilisitu. Kwenda twenga tuwesa panga sosoti kwa makakala gitu twabene lili, ila uweso witu woti ubu’ka kwa Nnu’ngu'. Kwa mwanjaa ywembe ngatupei makakala go, li’nga tube twatumisi bake ba lilagano lyayambi'. Lilagano lyo lya salya yaiandikilweli, ila libu’ka kwa Loo. Salya yaiandikilwe ileta kiwo, ila Loo aleta ukoto.
Kwa nyo muku’mbu’ki panga patumbu mwaabelekwi mubile mwa Ayahudi lili, ila mwabandu bangali Ayahudi. Na bankemage "Mwangainilwa" na bembe Ayahudi baaikemite "Ainilwa" kwo bu’kana no inilwa kwabe kwakupangilwa muyi’ga kwa moko ga bandu. Muku’mbu’ki panga patumbu mwaabileli na Kilisitu. Na mwaabileli mwabandu ba Baisilaili, mwaatangiteli masikisano ga malagano gaabi’i Nnu’ngu' kwa bandu bake. Mwabileli na liu’bi’lyo wala mwaantangiteli Nnu’ngu'. Lakini nambi’yambi' kwo lu’mbana kwinu na Kilisitu Yesu, mwenga mwamwaabile kuutalu muletilwe papipi kwa ndi’la ya myai yake.
Wu’no nga upendo, kwenda twenga twalongoli kumpenda Nnu’ngu' lili, ila ywembe ngaywaatupendile, ngaantuma Mwana wake li’nga apange salaka ya kutuawana na Nnu’ngu' kwa kitumbu sa masambi gitu.