A nova jerusalém

2 फिरी मीं पवित्र नगर नंव्वू यरूशलेम सुर्गेरां परमेशरे करां एंइतू लाव, ते तैन तैस लैड़रू ज़ेरू थियूं, ज़ै अपने लाड़ेरे लेई तियार भोवरी भोए। 3 फिरी मीं परमेशरेरे तखते मरां कोई उच्‍ची आवाज़ी सेइं इन ज़ोते शुनो, "अज़ेरां बाद परमेशर मैन्हन सेइं साथी रालो, ते तैसेरू घर तैन लोकन मां भोल्हु, ते तैना तैसेरे लोक भोल्हे, ते परमेशर एप्पू तैन, अपने लोकां केरे रूपे मां कबूल केरेलो ते तैना लोक तैस अपनो परमेशर कबूल केरेले। 4 ते तै तैन लोकां केरे एछ़्छ़ी केरां सब ऐंखरू पुछ़ेलो; ते तैट्ठां पत्ती मौत न राली, ते न दुख, न मातम, न मुसीबत राली; पेइली गल्‍लां बीती जेई।"

10 परमेशरेरे आत्मा अवं अपने कैबू मां कियो ते स्वर्गदूते अवं एक्‍की बड्डे ते उच्‍चे पहाड़े पुड़ नेव, ते पवित्र नगर यरूशलेम सुर्गेरां मरां परमेशरे करां एइतो हिरव। 11 परमेशरेरी महिमा तैस मां थी, ते तैसेरी लौ बड़े कीमती घोड़ां, मतलब बिल्‍लौरेरे ज़ेरे यशबे बराबर साफ थी। 12 तैस नगरेरे च़ेवरे पासन बड़ी उच्‍ची दिवार थी, ते तैसेरां 12 दारां ते दारन पुड़ 12 स्वर्गदूत थिये; ते तैन पुड़ इस्राएली केरे 12 गोत्रां केरां नंव्वां लिखोरां थियां। 13 पूर्वेरे पासे ट्लाई दारां, उत्तरेरे पासे ट्लाई दारां, दक्षिणेरे पासे ट्लाई दारां, ते पश्चिमेरे पासे ट्लाई दारां थियां। 14 ते नगरेरे दिवारारी 12 मुनीयादां थी, ते तैन पुड़ गबड़ेरे 12 प्रेरितां केरां 12 नंव्वां लिखोरां थियां।

22 मीं कोई मन्दर न लाव, किजोकि सर्वशक्तिमान प्रभु-परमेशर, ते गबड़ू तैड़ी नगरे मांए। एल्हेरेलेइ मन्दरेरी कोई ज़रूरत नईं। 23 ते तैस नगरे मां दिहाड़ो ते चैंदनरे लौअरी ज़रूरत नईं, किजोकि परमेशरेरे महिमाई सेइं तैस मां लौ भोइ राहोरीए, ते कने गबड़ू तैसेरो दीयोए।

ज़िन्दगरे पैनेरो दरिया

1 फिरी तैने मीं बिल्‍लौरेरे ज़ेरो अक चमकतो ज़िन्दगरे पैनेरो दरिया हिराव, ज़ै परमेशरेरे ते गबड़ेरे तखते करां निस्तां तैस नगरेरी सड़की तगर मझ़ामेई निस्तो थियो। 2 ते दरियारे इस पासे ते उस पासे, ज़िन्दगरो बुट थियो, तैस मां 12 किसमां केरे फल लगते थिये, ते तै हर महीने फलतो थियो; ते तैस बुट्टेरे पट्लन सेइं कौमां-कौमां केरे लोक बेज़्झ़ोते थी। 3 फिरी तैड़ी लानत न भोल्ही ते परमेशर ते गबड़ेरो तखत तैस नगरे मां भोल्हो, ते तैसेरे दास तैसेरी सेवा केरेले। 4 ते तैना परमेशरेरे आमने सामने लाहेले, ते परमेशरेरू नवं तैन केरे कुपाए पुड़ लिखोरू भोल्हु। 5 ते फिरी रात न भोल्ही, ते तैन दीयो ते दिहाड़ेरी ज़रूरत न भोल्ही, किजोकि प्रभु-परमेशर तैन लौ देलो, ते तैना हमेशा राज़ केरेले।

16 पन असलीती मां तैना एक्‍की रोड़े सुर्गेरे मुल्खेरे उमीदी मां थिये, एल्हेरेलेइ परमेशर तैन केरो परमेशर ज़ुवाने सेइं खुशी भोव, एल्हेरेलेइ तैनी तैन केरे लेई अक नगर तियार कियोरूए।

22 बल्के तुस सिय्योनेरे पहाड़े ते ज़ींते परमेशरेरे नगर यानी सुर्गेरे यरूशलेमे मां लखेइं स्वर्गदूतन कां खुशी मनाने एवरेथ। 23 ते तुस परमेशरेरे ज़ेठे बच्‍चां केरि सभाई मां ते कलीसियाई मां एवरेथ, एना तैना लोकन ज़ैन केरां नव्वां सुर्गे मां लिखोरेन, तुस न्याय केरनेबाले परमेशरे कां एवरेथ, ते धेर्मी केरि आत्मान कां एवरेथ, यानी तैन कां ज़ैना सिद्ध कियोरेन। 24 तुस नंव्वे करारेरे बिचवाई केरनेबाले यीशु ते तैसेरे छ़िड़कोरे खूने कां एवरेथ, ज़ै हाबिलेरे खूने करां रोड़ी गल्‍लां ज़ोते।

26 पन बेइयूं यरूशलेम अब्राहमेरे कुआन्श सारारू ज़ेरूए, ते तैसेरे बच्‍चे गुलाम नईं। इन यरूशलेम इश्शे लेई इश्शे अम्मरू ज़ेरूए ज़ैसां विश्वास कियो।

परमेशरे तगर पुज़नेरी बत

1 "तुश्शो दिल उदास न भोए, तुस परमेशरे पुड़ विश्वास केरतथ, मीं पुड़ भी विश्वास केरा। 2 मेरे बाजेरे घरे मां बड़े कमरेन, अगर न भोथी त अवं तुसन सेइं ज़ोथो, किजोकि अवं तुश्शे लेई ठार तियार केरने च़लोरोईं। 3 अगर गेइतां तुश्शे लेई ठार तियार केरि त वापस एइतां तुसन एप्पू सेइं साथी नेलो, ताके ज़ैड़ी अवं भोल्हो तुस भी तैड़ी भोथ।

4 अक दरियाए ज़ेसेरी नेरहन सेइं परमेशरेरे

नगरे मां

मतलब परमप्रधान परमेशरेरे पवित्र रानेरे ठारी मां

आनन्द भोते।

35 नगरेरे च़ेवरे पासां केरो घेरो 18000 बाँस भोए, ते तैस दिहाड़ेरां बाद नगरेरू नवं ‘यहोवा शाम्मा’ भोल्हु।"

10 हे सिय्योनेरी कुइये*, उच्‍ची आवाज़ी सेइं गीतां ज़ो ते आनन्द केर किजोकि हेर अवं एइतां तेरे मझ़ाटे रेइयां केरेलो यहोवा एन ज़ोते।✝ 11 तैस मौके बेड़ि कौमां यहोवारे लोक भोइ गाले, ते मेरे लोक भोइ गाले ते अवं तेरे दरमियान बास केरेलो, 12 ते तीं पतो लग्गेलो कि सेना केरे यहोवा अवं तुसन कां भेज़ोरोईं। ते यहोवा यहूदा पवित्र प्रदेशे मां अपनो हिस्सो बनेइलो, ते यरूशलेम नगरे फिरी अपनो बनालो।

11 अवं जल्दी एजने बालोई; ज़ैन किछ तीं कांए, तैस ठेमतां रख, कि कोई तेरू ताज न थसोड़े। 12 ज़ै ज़ींत हासिल केरे, तै ज़ेन्च़रे अक खम्भो घरे मज़बूत रखते, तेन्च़रे तै भी परमेशरेरे मन्दरे मां हमेशा रालो; ते अवं अपने परमेशरेरू नवं, ते अपने परमेशरेरे नगर, मतलब नंव्वे यरूशलेमेरू नवं, ज़ैन नगर सुर्गे पुड़ां एजने बालूए ते अपनु नंव्वू नवं तैस पुड़ लिखेलो।

19 ते अगर कोई इस भविष्यिवैनरी किताबरी किछ गल्‍लां कढे, त परमेशर तैस ज़िन्दगरे बुट्टे ते पवित्र नगरे मरां ज़ेसेरे बारे मां इस किताबी मांए, तैसेरो हिस्सो कढेलो।